مهوي زين وتكلم وكان راقد ويالله قعد مهوي قالت عيالك يتهاوشون في الاصطبل وبعد عشر دقايق جاء ودخل وفرقهم عن بعض وكانو كلهم دم واكثر شي طلال لأن فارس صدق قوي مافيه الا شوي جروح اما طلال كان واضح عليه التعب والا لم بس كان مسوي نفسه عادي
عمي بعصبيه ويطالع طلال : ممكن اعرف وش السالفه
طلال : اسأل حبيبي قلبك
فارس : كنت اشوف الخيول وفجائه دخل طلال وبدى يهاوشني ويقول ليه تقول لبوي اني مورطك وبدا يهاوشني ويظربني عاد انا دافعت عن نفسي
كان يتكلم وطلال منصدم
عمي : ناصر وهو يطالع طلال بعصبيه ليه تهاوشتو
طلال بحزن : انا اللي كنت اغسل خيلي وجاء وبد يضحك علي لأنك ظربتني البارح وبدى يغلط وتهاوشنى
فارس : تكذب وانت اول من بدى في الظرب ويقولي انا جيت وتسامحت من ابوي عشان العن خيرك بس
عمي : وانا اقول ليش معني نفسك وجاي تعتذر وموب من طبعك الاعتذار خاصه وانا ظاربك قدام الكل اثرك داهيه ياخساره وانا على بالي مهان عليك زعلي
طلال : انا ماجيت الاعشان خاطر لأنك كنت زعلان وحبيبك كذاب وهوالغلطان
عمي ناصر : فارس موب منطبعه الكذب واكيد انت الغلطان
طلال مندهش : يعني جبت جديد اصلا ا ادري انك موب مصدقني مع اني عمري ماكذبت عليك
عمي : يله اعتذر من اخوك
طلال بعصيبه : انا ماغلط عشان اعتذر
عمي : غلط ولا ماغلط اعتذر
طلال : يبه انا تغاضيت عن ظربك لي امس مع اني ماغلط وخليت كلشي عادي واعتذرت على غلط ما سويته لأنك ابوي اما اني اعتذر من فارس مستحيل حتى لو كنت غلطان
عمي : وانا قلت بتعتذر له
طلال : اسف ماقدر
عمي : انا الغلطان الي مدلعك لين خربتك ولا ني ابوك ولا اعرفك لين تعتذر من اخوك فارس
طلال : يبه تكفى مايهون علي زعلك تكفى اطلب أي شي ثاني الا اني اعتذر من الكلب اللي عند ك
فارس : يبه خلاص انا مسامحه عشان خاطرك ولا تزعل ولو تبيني اعتذرله انا اعتذرت اهم شي لا تزعل
عمي : هين يا طلال بعلمك شلون تعتذر يله يافارس
وراح ويا فارس اللي كانت نظراته مليانه فرح وانتصار وراحو اما طلال كان واقف معتنز على الجدار اول ماطلعو وجلس وهو معتنز على الجدار وكان يتألم وماسك يده اللي عليها الجبص اللي تكسر وعنز راسه على الجدار
انا : بنات العن شكل فارس ماقوى عينه
شيخوه : شفتو وش سوا
انا : احسن يستاهل طليل
مهوي : لا حرام احسه مظلوم
انا : تلقينها خطه ولا ابوه امس ماسح بكرامه الارض وعادي جاي اليوم ولا كن شي صار
مهوي : يمكنه من النوع المتسامح
انا : الا كذاب يستاهل ماجاه
ندوى: بنات شكله يتألم
انا : بنات شلون نطلع نعست والساعه صارت 8
شيخوه : وش نسوي نطلع قدامه
مهوي : لا ولله تنكتين وش بيقول عنا
انا :وهو خلا شي ما قاله
ندوى : بنات حرام تعبان وش نسوي
شيخوه : اد ق على خالد يجي للصطبل عشان يعالجه بما انه دكتور
انا : اخاف يكون راقد
شيخوه : لا هو ما يحب نوم الصبح
انا : وش بتقولين
شيخوه : باقوله رح وخلاص
مهوي : تنكتين دوري شي احسن او مقنع
شيخوه : باقول تعال كيرلي تعبان
انا : خلاص يالله كلميه
وتكلم شيخوه :الو صباح الخير خالد بليز روح شوف كيرلي تعبان
امانه
البارح مريض
ادري انك دكتور بشري
تكفا خلودي
ايه
لا الحين
امانه
الله لا يحرمني منك باي
شيخوه : يقول اوكي بيجي بعد شوي
انا : بنات نعسانه
شيخوه : انطمي بيجي خالد الحين
ندوي : بنات اكتشفت اكتشاف
كلنا : وشو
ندوي : طلال يجنن مدري ليه توني منتبهه
انا : اكلي تبن ممكن
ونسمع صوت برا كان خالد اخوشيخوه ومعه احد وعلى طول طلال سمع الصوت جا صوبنا ودخل معنا عاد احنى انخشينا ورا التبن لأنه كان مكبوب على شكل كوم ورحنا وراه وطلال من صوب الباب دخل وعلى طول دخل وانسدح على التبن واحنى لزمنا الصمت لأنه قريب أي صوت بيسمعنى
ودخل خالد ومعه وليد طبعا احنى مانشوفهم بس نسمع اصواتهم
خالد : هاذ كيرلي ما فيه الا العافيه
وليد : بلاك من دلاختك ولا احد يسمع كلام شيخوه
خالد : وش اسوي ترجتني وانا ماحب احد يترجاني
وليد : لا يا الحساس
خالد : يله نروح حر
وطلعو واحنى تورطنى كان على الا قل نقدر نتكلم اما الحين بس ساكتين
وشوي وكلم طلال
طلال : ـــــــــــــــــــــــــ
ويرجع يكلم وبعد عشر دقايق
طلال : رشود الله يخليك قم
فواز راقد مايرد
رشود ترا ماني في حالك
تعال
في الاصطبل
ياخي لاجيت قلت لك تعال
لا لا مابي احد يدري
من الي قاعد
خلاص حاول محد يشوفك وانت جاي
ايه على سيارتي
خلاص باي
وشوي وجا راشد معه فواز واشكالهم توهم قاعدين من النوم
فواز : طلال وينك
طلال: هني تعال
راشد : مع التبن لعنبو الدنيا
ودخلو غرفت الاعلاف
راشد بصدمه : وش فيك
فواز : متهاوش مع فارس
طلال : ايه
فواز : والله ماخليه باروح الحين والعن خيره ويمسكه راشد فواز: شفيك
فواز : كم مره يتهاوش مع طلا ل والله ما خليه
راشد : خلى نشوف وش السالفه
طلال : ويقولهم السالفه
فواز : تستاهل ياطلال كم مره قايلك خلني العن خيره وانت خبل شكلك تخاف منه
طلال : فواز انا موب خايف بس ابوي وبعد ين بيسبب لكم مشاكل يعني وش عذرك ضاربه وجدي بيسوي لنا محاضره
فواز : ياسلام يعني هو يضربك عاد ي وهو لحد يلمسه
طلال : انا مابي احد يضربه انا اللي بضربه وبعلمه الادب بس خلني اتعافى شوي
راشد : الله يلعنه وش سوا فيك الحقير
طلال : شوفت عينك
فواز : خلاص يله نروح للبيت
راشد : تقدر تمشي وش يعورك
طلال : شدعوه اكيد اقدر امشي وبعد ين الخايس يدري يدي تعورني وبدا يضغط عليه
فواز : وصدرك
طلال : مايبله بعد يدورالا ماكن اللي تعورني ويضغط عليها
راشد : الحين وش يعورك
طلال : مافيني شي بس يله نطلع قبل يقعد احد من الشباب ويشوفني
ويشل راشد طلال
طلال : رشود نزلني ما فيني شي
راشد : خلى ادلعك شوي
ويطلعون ويركبون في سياره طلال وراحو وطلعنى ونروح للبيت ونلقى جدي جالس في الصاله
جدي : بعدي اللي مايرقدون لين الظهر " طبعا جدي مايحب احد يواصل لو يدري زعل "
انا : جدي نلعب اوامر
جدي : زين يله روحي جيبيها