انا :جعلس الجلطه ...ورحت للبيت ونا في الطريق لقيت جدتي طالعه من البيت ونخشيت لين راحت عشان ماتهاوشني ودخلت ورحت فوق وبدلت عبايتي ورحت للمطبخ ولقا الشغلات مجتمعين ولا لقيت غيرثلاث هنديات في المطبخ كذبت عليهم مدام شيخه يبي يعطي انتي فلوس وماكذبو خبر وراحو معي ورحت للمخزن ولقيت ثنتين وحده هنديه والثانيه شاكه فيها ويوم قدني طالعه لقيت وحده بعدوخذيتهامعي على طريقي ورحت لشيخوه والخدم الست يلحقوني ولقيت مهوي مخالفتني امرتها لميوه تجيب جوالهاووصلت ووقفتهم عند الدكه وجلست
انا :شيخوه اشبعي بهم
شيخوه على طول خذت ورقه وقلم وجلست على الدرج
شيخوه :يالله كل وحد تقولي اسم فيلم زين واهم شي يكون جون براهيم فيه وشاروخان وسلمان وعلي ونتاشا وايشوريا يالله وحد وحده
ويجلسون الخدم ينقطون وشيخوه تكتب اسامي الافلام وكل شغلاه تنقط شوي
وجات الشغاله الي انا شاكه فيها واولماشفتها شيخوه فصخت حذيانها وحذفتها وجلست الشغاله تتحلطم ليه ليه مشكله مشكله
شيخوه :انا كلام هندي مافي كلا اثيوبي يالله اذلفي
الشغاله لأثيوبيه راهين :في في فيلم
شيخوه :انتو اصلان يالله لاقين تكلون عشان تخرجون افلام يالله طسي جعلس الاسهال المزمن
وراحت الشغاله وهي تتحلطم وشكلها ضاقت ياويل شيخوه يمكن تسحرها
شيخوه :ليلوه انا ماقلت لس جيبي الشغلات الهنديات بس ليش جايبه ام كشه هاذي معهم
انا :جبت خمس هنديات والثيوبيه مجانن
الكل :ههههه
وتكمل شيخوه كتابت لافلام وجات مهوي
مهوي :يالله وزعو
انا :يارب القا العين
وتوزع هنود ونا رقمي 11 وخلود 9 والعين كانت مع نوير
نوير : ابيها تقوم وتوضى وتصلي
ركعتين رقم 10
دلال: اصلا مبعد صليت العشى عشان اصلي ركعتين
نوير :حرام عليس ياويلس من الله
دلال :خلاص باي بروح الصلي العشاء والصلي ركعتين ....وراحت وجات جدتي معصبه حدها
ونايوم شفتها انخشيت ورا خلود الي كان في الزاويه وجات جدتي وهزئت الخدم تقول ليه ماجلسو عند العشاء وراحو الخدم وشيخوه تتحلطم
جدتي :ويش فيكم منادين الخدم ماخليتوهم يكبون العشى ولاانتو الي كبيتوه
الهنوف :موب احنى ياجده هاذي شيخه هي الي منادتهم
وشيخوه كانت واقفه ورا جدتي ونحاشت على طوال ..ولتفتت جدتي تدورهاولقتها منحاشه قالت جدتي يالله تعالو تعشو العشاء بيخلص بعد شوي وراحت جدتي وهي تتحلطم
هنود :والله معاد العب معكم يالكبار
الهنوف :ليه
هنود :اوامركم كنها وجيهكم روحو اكلو عيالنا وشربو عيالنا وجيبو عيالنا
نوير :انشاء الله اخر مره نجلس معهم
دلال :محد جبركم تجلسون معنى
مهوي :نعيد ونزيد انتو الي جالسين معنى
الهنوف :احنا جالسين قبلكم
ندوي :انتو الي قاطين
دلال: تبونا نروح طل بنجلس وانتو روحو
انا : هاذي دكتنا وانتو المفروض تجلسون مع الحريم الكبار
الهنوف :جيبي صك الملكيه
رنود:الهنوف ليه تعلمين على شيخوه
انا :احسن عشان معاد تنادي الخدم
هنود :جالسين معنى ويتمنذلون فينا موب بعيده يعلمون عليس ياليلوه
جواهر :هي انتي وياها ترا انتو الي جالسين معنى
لميوه :لا والله انتو الي جاين وجالسين معنى
المهم جلسنى سوالف نتهاوش كل شله تقول انتو الي قاطين لين خلص العشا الساعه 11 وبعد العشا جات ريموه وهي كلش تعبانه من العب ومستانسه عشانها فازت على العيال
جلسن يا البنات في الصاله والحريم كلهم برا
شيخوه : بنات ابي لعب بادبابات
مهوي : والشله اللي يلعبون
نوير : ايه صد ق الشباب اذا لعبو موب نازلين لين الفجر
رنود : انا باروح اللعب معهم لأني بسراحه احب الدبابات وراحت واحنى ورا الستاير اللفي في الصاله نراقب رنود ياحظها وطلعت كانت لابسه بنطلون مع بدي طويل لتحت الركبه ولا مه شعرها في كاب
رنود : شباب بلعب معكم اذا امكن
خالد سلطان : وكم عندنا من عمه صغيرونه انتي تامرين امر ياله تعالي اركبي معي
طلال : موب على كيفك بتركب معي انا
فواز : لالا اسمحولي لازم تركب مع واحد فنان خوفا على سلامتها
عزوز مدري عبود : اكيد عشان كذا تركب معي
وبدو كل واحد يعرض خدماته حوالي نصف ساعه في الاخير خلو القرار لرنود
رنود : بسراحه مدري
خالد سلطان : افا ياعمتي تخلين الكبير
رنود : خلاص باركب مع خالد
وشكل رنود توهقت استحت يوم طلعت على الشباب وشكله رايحه فيها من الاحراج موب متعوده عليهم وما تختلط فيهم دايم عاد انا قلت احسن ليه تروح تحرنا
وبدو يفحطون ورنود راكبه ورا خالد ومتمسكه فيه وهو يشل على كفرتين كل ذاه وفيه واحد واقف عند بيت الشعر ويطالع بنظرات موب مفهومه كان جسوووم كن الوضع موب عاجبه وبعد ساعه جات رنود
رنود : بنات ونااااااااااااااااااااسه ياليتكم ماتتغشون كان تستانسون وااااااااااااااااي اقسم بالله وناسه
مهوي : رنود وجع معزمه تحرينا
رنود : خلاص بكره با قول لبوي يصرف الشباب عشان ناخذ راحتنا على الدبابات شرايكم
كلنا : ياليت
لميوه :بس وين يروحون
شوي ويجي مشاري وسلمان
مشاري: ممكن بعد اذنكم نجلس معكم اقصد اجلس انا لأن سلمان بيروح يصلي
شيخوه : سلمانوه والله لاقول لبوي انك ماخر صلات العشا
سلمان : هي شايفتني ملاك ما انسى
مشاري : اجلس ولا لا
لميوه : لا ضف
مشاري : لميوه ليه احس انج تكرهيني
لميوه : الحمدالله انك تدري يله ضف
مشاري : سلمان راح وانا ابيكم في موضوع مهم جدا
مهوي : انجز وانت واقف
مشاري : خلوني اجلس وباقول لكم قبل يجي سلمان
انا : اجلس وخلصنا
مشاري بعد ماجلس وحط رجل على رجل : باقولكم في الليل لارقدو هلي
هنود: وليه انشاءلله موب الحين
مشاري : لسببين واحد لأن سلمان بيجي الحين والثاني لأن الموضوع مهم جدا ويبيله سريه وروقان
انا " ياربي عسا فارس ماكشفني وش اسوي "
لميوه : خلاص انقلع الحين وتعال في الليل يله ضف
وراح مشاري بعد ماجاه سلمان وطلعو
انا : ظنكم فارس مروحه
مهوي : لا ما اعتقد
لميوه : وش درا انا اللي قايلين
هنود :يمكن عمي اللي قايله
شيخوه : واذ كان يدري وش نسوي
انا : على كثر المصايب الي اطيح فيها هالمره مدري ليه خايفه
رنود: وليه تخافين لا تعترفين انه انا الي قايلين لناصر
لميوه : بنات خلى نروح نتمشى في المزرعه اكيد الشباب داخل لأن برا شوي رطوبه
الكل: يله
ونروح نتمشى برا انا وشيخوه ومهوي وندوي بروحنا والباقين مع بعض ونتمشى و نروح للصطبل وقبل ندخل نسمع صوت داخل كان صوت جدي يتكلم مع احد ونوقف نسمع
قالت : مهوي بصوت واطي : بنات لا يطلع جدي وش بيقول عنى فشله
انا : اذا طلع بنقول تونا جايين
شيخوه : اسكتو خلوني اسمع
جدي : بس انت ليه ماتحبه تراه اخوك
االشخص : ياجدي ماقدرت اتأقلم معه وبعدين ماينبلع مادانيه
جدي : انت ما تحبه ولا تغار منه
الشخص : الله يهديك ياجدي شايفني بنيه
جدي : ماعندك مبرر ثاني
الشخص : جدي الله يخليك شف لي حل خله يفارقني
جدي : عطني سبب يخليك تكرهه
الشخص : اه ياجدي من عرفته ونظراته لي غريبه وكأن فيها استحقار ليه مدري
جدي : ماسألته
الشخص : اقولك من اول ماشفته ونظراته ذابحتني وفيها كره الدنيا
جدي : خافك موهم نفسك انه يكرهك والحقيقه انت اللي تكرهه
الشخص : لا اقسم بالله اني كنت احبه وماتدري يوم دريت انه اخوي شصار فيني من الوناسه كنت اقول لربعي عنه وكنت مستانس ان لي اخو في نفس عمري تقريبا وكنت افكروافكر شلون بتكون حياتي بعد ما اعرفه لا كن صده لي سبب لي صدمه لأن مافيه شي يخليه يكرهني
جدي : قلت لبوك يكلمه
الشخص : ابوي يقول انه انا الغلطان وهوالملاك اللي مستحيل يغلط وانا المتسرع وانا اللي المفروض اكلمه واشوف شفيه
جدي : ها وكلمته
الشخص : كلمته ياليتني ما كلمته غسل شراعي توني اقوله انت ليه صادعني و تتعمد تتجاهلني حتى قدام الشباب قال بسراحه انا مادانيك وياليتك موب اخوي ليت ليام ترجع ورا قبل اعرف انك اخوي قلت له طيب ليه وش سويت قال كيفي مابي يكون بيني وبينك غير السلام علكم وعليكم السلام وكل عام وانت بخير في المناسبات شفت شلون انا كريم
جدي : وش قلت له
الشخص : وش بعد اقوله عصبت وقلت حتى انا مابيك تصير اخوي وانسا ء انا اخوان
جدي : ليه يا ولدي
الشخص : بسراحه كرهته ياجدي
جدي : ياولدي مالكم الا بعض وعاد الدنيا بتصحيكم
الشخص : وش اسوي له كلامه جارح انا اللي الكل يحترمني وبخافني ويحبني يجي ابو الشباب يستحقرني بدون ماسوي له شي ليه مدري بس تراياجدي لا ذبحته لا تلوموني لأني معاد احتمل
جدي : وش ذا الكلام ياوليدي تراه اخوك
الشخص : لو تدري يا جدي وشو مورطني فيه
جدي : في ويش مورطك
الشخص : استحي اقولك ياجدي
جدي : قول وانا ابوك
مهوي : بنات فيه احد جاي امشو قبل يشوفونا ونروح بسرعه للبيت ونلقا البنات مسوين عصير وقاعدين في غرتنا فوق ونقولهم اللي صار
انا : بنات من ذا اللي عند جدي
ندوي : وشذا العبط اللي عندكم هاذ حبيب قلبي فارس
انا : وش دراس
شيخوه : ما اذكركم اغبيا من اللي توه شايف اخوه واخوه عله غير فارس
ندوي : جعل طليل المرض انكانه عله
شوي ويدق الباب
رنود : من
اللي عند الباب : انا مشاري
ريموه : ليه كم الساعه
مشاري : 3 الدخل
مهوي : ادخل
ويدجل مشاري ويجلس
شيخوه : وش عندك يابوالشباب
مشاري : بسراحه معي رساله من اخوي فارس لكم كلكم
انا : "يارب استر " هاه وش قول
مشاري : يترجاكم فارس و يقول اللي قالت لبوي عن البنت اللي دخلت بيتنا تغير كلامها وتراه يترجاكم تقولون الحقيقه
انا : ليه شصار
مشاري : سر ماتقولون لحد
كلنا : سر
مشاري :مادري ابوي جاء معصب ونادا فارس في غرفته و....وسكت
انا : شفيك سكت
مهوي : ظرب فارس صح
مشاري : ايه بس لاتقولون لفارس اني قلت لكم امانه ترا لا يدري فارس اكيد بيهاوشني
انا : تطمن موب قايلين بس وش سالفة البنت
مشاري : مادري ابوي يقول البنت كانت عند فارس في .... وسكت
انا : شفيك بعد سكت
مشاري : لا تقولون لحد ترا لا يدري فارس بيهاوشني
شيخوه : ترا ذليتنا موب قايلين لحد تطمن وحط رقليك ويديك في ميه بارده
لميوه : وهي صادقه حط في بطنك بطيخه صيفي
مشاري : كانت عند فارس في غرفته
ندوي : من اللي كانت عنده
مشاري : البنت اللي انتو شفتوها
رنود : واذا ماقدرنا نغير كلامنا
مشاري : امانه رنود كلميه وتفاهمي معه تكفين
رنود : خلاص عطني رقمه ويعطيها مشاري الرقم وتكلم فارس
رنود : مساء الخير
فارس : اهلين من
رنود : عمتك رندى
فارس :اهلين امري
رنود : انت اللي امر
فارس : انا
رنود : موب انت مطرش لنا مشاري قلت اختصر واكلمك تقولنا السالفه
العرض الشجري
