حمني :زين موب معلم
انا :شاطر حمتو
وسكر البطانيه وراح وانا ارتحت وشوي نسمع صوت شهد جات ووقفت عند الحريم
شهد :امانه علموني وين البنات
لولوه :لا مايصلح الغش
شهد :لاعادي هم كبار وبيتعبونا امانه علموني
الهنوف امها :تبين من ياحياتي انتي
شهد : أي وحد
الهنوف :تبين بعيد ولاقريب
شهد :لا مامي ابي قريب تعبانه
امي :لاغش مايصير لاتعلمي عن احد
جدتي :هاذيك شيخه عند الخدم في المطبخ الهت الخدم منالطبخ روحي امسكيها وفكينا منها
شهد :لا شيخوه بتذبحني تقول لاتمسكيني طرتس من العب ابي احد ثاني
امي :خلاص هذاك ريااااا
وتقاطعها ام مهوي :لالاتعلمين على ولدي علمت وين ولدس ناصر
امي :خلاص
شهد :امانه مامي علميني هم متحديني امسك احد
الهنوف :ولاتزعلين يانضر عين امس هاذيك ليلوه ويالميوه تحت البطانيه
انا ولميوه او لماسمعناها قالن اسامينا طلعنا ونحشنا جعل اقنيف السكته
وراحت شهد ورانا وانا ولميوه نركض
انا :لميوه روحي اركضي في مكان ثاني خليها تلحقس
لميوه :روحي انتي
انا :فارقي انتي الي تلحقيني
لميوه :كيفي
واقوم وادزها لينها طاييحه وتنط عليها شهوده وانا انحشت ورحت وركبت على خيمت عمي سلطان وجلست فوقها وجات شهد
شهد :لا مايصير ياليلى الي تسويه
انا :ليه عيب ولاحرام
شهد :كيف امسكس الحين
انا :تصرفي ولاموب لازم تمسكيني
شهد :الى لازم امسكس
انا :يالله امسكينس رويني شطارتس
شهد :بجلس اهنا لين تنزلين والله ماخليس تفوزين وراحت وجلست قدام الخيمه وطبع وانا فوق الخيمه اشوف كل شي الى خيام الرجاجيل عشانها بعيد وجلست اراقب الوضع واشوف البنات وهم ينحاشون من البنات الصغار
ومن امسكو ومن مامسكو وكانت لميوه وعهود وامل وهنود جالسين على الفرشه مدري قارين ولاماسكينهم وشخوه توايق مع باب المطبخ ونصور الخوي طاق ومي تلحقه ووريموه مكتقه مرام مدري ليه وحمني يمشي ويعلم على البنات وكانت الخيام فوضى على الاخر الي طالع والي داخل والجالس والي يركض والبنات فغصو البنيات الصغار ودعمو البزران الصغار والحريم يتحلطمون وانا فوق الخيمه شفت جدتي جايه والله لاتشوفني على الخيمه ان تفتحلي محضر ورطه لازم انزل ورحت ابي انزل من الجهه الثانيه ورحت احبي فوق الخيمه بشوي شوي وتوني ابي انزل لاوطحت داخل الخيمه لان طرفها كان مفتوح ماربطوه زين واول ماطحت طحت على شنطه دبلماس اح ياضهري وفجئه اسمع صرخه فجرة اذني
ااااااااااااااااااا ه اااااااااااااااه اااااااااااااه
والتفت ولاقاسلمان ولد عمي سلطان جالس يطالعني ويصارخ من قلب ولاعليه فنيله
انا بستغراب :ويش فيك سلمانوه
سلمان :ااااااااااااااااااااااااااااه ااااااااااه ااااااااي
وبعدين استوعيت ان يديه داخل الشنطه الي انا قاعده فيها وقمت بسرعه واول ماقمت طلع يطيه وهو يمسحها ويتئلم وكان شكله يكسر الخاطر شوي ويبكي شكله كان يبدل قبل اطيح عليه وتوني بطلع وتحدني شهد ونجلس ادور انا وياها في الخيمه شوي وفي الاخير حدتني في الزاويه ويوم حسيت انها بتمسكني لامحال شليت شنطه موب صغيره واجد يمكن نصف متر وحذفنها لين طاحت عليها وطلعت وتوني منحاشه اسمع صراخ شهد تبكي وتورط ورحت تحت سيارة جدي مع ريانوه الي من يوم مادخلت معه وهو يتحلطم وطلت شهد وهي تبكي من قلب وراحت لمها ويوم حذفتها بشنطه صقعت في وجهها و تكسرة ضروسها الثنين القداميه "اصلان هي طايحه طايحه وانا طرحتها لها قبل تطيح " ثم طلع سلمان بعد مالبس وراح لمه وهو يتئلم من يديه الي صارة محدده بحمر كنه لابس اساور ونا تحت السياره حسيت فيه احد يسحب رجلي ولتفت ولقا غدير الحنتفه ماسكه رجلي وتسحبها يعي تبي تطلعمي برى ويطلع ريان وينحاش وحدة دلوعه ومسكته وانا جلست تحت السياره وغدير تسحب رجلي وتتحلطم واسحب رجلي ورا ثم شتها بقوى ماعندي لينها طايحه على ظهرها وصاحت ذيك الصيحه وجلست تبكي وطلعت بسرعه ونحشت وفتحت باب السياره ابي انخشفيها لقيت جواهر منخشه ومنسدحه على السيت وركبت ابي ادخل في شنطة السياره ولقيت عهود وامل في الشنطه جعلهم الجلطه كلهم ونزلت وسكرة باب السياره ودخلت في القرب خيمه كانت خيمتنا وين انشخ فيه وين انخشفيه ؟؟؟؟ ايه وابطل الشنطه الكبيره عشان ادخل فيها ولقا نوير الخقيره فيهاوتطردني وروح ابي انخش تحت البطانيه واو مادخلة لقيت ندوي وطردتني ماخلتني انخش معها ويش اسوي العنه كل مكان فيه احد وين اروح واجلس ادور شوي واروح واطفي اليت واسكر باب خيمتنا واجلس اراقب الوضع برا .............
طبعن زحمه وازعاج وضحايا البزارين حالتهم حاله كل شوي يبكي احد والحريم يتحلطمون طول الوقت وشكلهم مامسكو احد غير لميوه وكاة شيخوه منخشه في المطبخ وتوايق نفسي وانا نفسي اني اعلم عليها عشان يمسكونها و عبير كنها طرزان فوق الخيمه جالسه ومعها كاس حليب مدري من الي معطيها اياه وراكبه فوق الخيمه الي قريب من ارجاجيل ياويلها لايشوفها نواف بيذبحها وهي عادي عندها بلبرموده والبلوفر وحافيه الله يقرفها وجالسه تتفنجل وجواهر عادها في السياره وكل شوي جايه وحده من البنيات وفاتحه السياره وتشوفها وترجع تسكر الباب "شكلها الغشاشه محذرتهم مايمسكونها في البدايه عشان الأربعه الي يمسكون في البدايه هم الي بيلحقونا " وريموه اعدمت البزران وفجئه جات مرام وبطلة باب السياره وشافت جواهر ورجعة تسكره وعلى طول بطلت جواهر الباب وهي معصبه
جواهر بعصبيه غريبه :مراموه وعمى يعميس
مرام بستغراب :هاه ويش
جواهر :ليش مامسكتين
مرام :ليه انتي تلعبين معنى
جواهر :اجل ليش منخشه استعبط يعني
مرام :انا مدري انس تلعبين
جواهر :هاذا انتي دريتي اني العب معكم...وعدلت جواهر جلستها على جنب ورجيليها برا يعني .كنها بتنزل
وترجع مرام مسرعه تبي تمسكها وتوها تبي تمسكها شاتتها جواهر برجلها في صدرها لين مرام طايره كنها كوره وطايح على الأرض ومليانه تراب وعيونها بدت تمتل دموع ومستغربه
مرام وعيونها كلها دموع :ليه ويش سويت
جواهر بغضب :توس جايه تمسكيني يالله فارقي موب لاعبه مالت عليكم من بزران
مرام ونزلت الدوع كنها نهر :انا ويش دخلني عشان تضربيني
جوهر:احسن صارلي ساعه منخشه فطصة مافيكم حيله تمسكوني
وقامت مرام وهي ماسكه صدرها بعد الشوته وتحاول تمسح الدوع الي عيت توقف من الالم والفشيله وراحت وجلست جنب امها واول ماسألتها امها ويش فيك انفجرة وجلست تبكي وعلمت امها وجواهر كان رايحه تبي تجلس مع الحريم يعني ماتبي تلعب واول ماشافت مرام تشتكي وامها عصبت ارجعة ونخشة في السياره وشوي ونسمع اصراخ دانا من القهر بعد مامسكوها دلع وحمني العين مشتغل مساعد ورنود كانت منخشه في الحمام "الله يقرفها " وريماس بنت عمي وليد والجوري بنت سبطان ولد عمي سلطان واقفين عند الباب وكل وحده توايق عليها شوي وتقول باااااااااااع ورنود تهاوشهم تبيهم يروحون مافيهم حيله وشوي وتدخل ريماس معها في الحمام "وطبعن رنود مبطله باب الحمام عشان تراقب الوضع برا "والجوري جلست مرابطه عند الباب وريماس داخل مع رنود وتوايق مع الباب من تحت ورنود كان واصله معها من القهر و الهنوف مشتغله نمامه جالسه على دبت الماء وكل ماشافت احد ولا مر عليها احد علمت بنتها ومعاد ناقص الى تقوم تلحق معهى وامي خاشه نصور في البطانيه مع صلطه ولد جواهر وخوخه كان واقف وشوي وتصقع في ظهره ذيك دبت الما ام خمسه ريال يعني كبره وفيها نصها ماء وطح ونفرش على الارض ودخل التراب في عيونه وخشمه وثمه وقام يصيح من قلب وجات ريموه ووقفت عنده وقالت من قلب
ريموه :اااااااااحسسسسسسسسن تستاهل يانمام
ودلال امه بغت تجيها جلطه وجات مسرعه وشلت ولدها وراحت تغسله وهي تدعي على ريموه
وبعدين استنتجت ان ريموه ما أقدمت على هاذا الفعل الشنيع الي بغت تروح فيه ارواح الى كان فيه دافع والدافع ان خوخه معلم عليها لين مسكوها
فاء حبت انها تنتقم وحذفته بدبه وصار الي صار وشوي واشوف شيخوه تشر علي كنها شافتني وكنت اعتقد انها تكلمني وبعدين استوعبت ان الحقيره بعد ماشافتني علمت علي شهد وجات شهد طايره هي ودلوع "الحقيرات ليه مامسكو شيخوه غش غش " انا تورط ويش اسوي الحين بيمسكوني وادور وادور وفي الاخير قررت اني اطلع من تحت الشراع وطلعت وسكرة بيدي عشان مايطلعون علي معه وجلسو وهم داخل يحاولون يرفعون ولاقدرو راح يبون يجوني من برا قمت تسلقت الخيمه وركبت كل عاده وجاو برا ووقفو وهم يطالعوني
انا :خير ليه مامسكتو شيخوه
شهد تستعبط :مدري وينها
انا:اكلي تبن موب هي الي معلمه علي طصو امسكوها
دلوعه :عاد انذلي من فوق الخيمه
انا :لوا موب نازله لين تمسكون الرابع عشان مالحقكم
دلوعه :حرام عليكم كلكم فوق الخيام
شهد :ايه صح باخ العب
انا :احسن يالله فارقو امسكو شيخوه الحقيره
وجلسو شوي وملو وراحو ورجعت انا احبي على الخيمه لين جيت من عند الوجه وجلس اعلم على الي اشوف سويت نذله مثل شيخوه والحريم كانو جالسين
امي :انزلي الله يفضحس
انا :لا موب نازله خلوني افوز
الهنوف :لايكون على بالس انس بزر رازه وجهس فوق الخيمه
انا :ايه بزر كيفي وانتي اخر وحده تتكلم
خالتي هيا:ياويلس لاتشوفس عمتي بتذبحس
الهنوف :بروح اعلمها وقامت وراحت انذله لجدتي بس كانت جدتي جالسه مع الرجاجيل احسن تفشلت وشوي واسمع صياح دلوعه بعد مادزها ريان في صطل الماء ونحاش وهو منحاش عثر في الطنم حق الخيمه ومسكته مي ونقهر وانا ارتحت الحين مسكو اربعه ريانوه ولميوه ودانا وريموه بنزل وانا مطمنه ونزلت من ورا ورحت وتوني في الطريق حدتني غدير ومسكتني مع رجلي طبع ماتطول راسي وجلست اسحبها وهي متعلقه فيني بس ماقدرت تلمس راسي وتحاول انها تسلقني بس ماقدرة وسحبتها لين وصلت الفرشه وقريت وجلسة وكل شوي قاره بنت وماسكين احد الين تجمعنى كلنا على الفرشه كلنا تعبانين حيل قلنا بنوقف العب شوي والبنات الي راحت تشرب والي تاكل والي تبدل والي جلسو على الفرشه وانا رحت وشربة ماء وكلتلي شي مالت على الرجاجيل مافيهم حيله يجيبون العشاء
وبعد ربع ساعه تقريبن تجمعنى كلنا يالبنات على فرشت الحريم الكبار
هيا ام مهوي :واخيرن كبرتو وجيتو تجلسون معنى
هنود :مناحيت كبرنا فحنى ماكبرنا بلانستريح شوي
امي :يعني بترجعون تزعجونا
العرض المتطور
