هيا ام مهوي :لا روحي دوريهم
لولوه :والله انس غشاشه روحي دوري
انا :عجزانه لاوحده ولاثنتين ولا حتى خمس مليون وحده
دلال:خلاص كسرتي خاطري بعلمس وين جواهر
حصه ام شيخوه :لا لاتعلمين على بنتي ثم تخسر وتفضحنى
انا :ايه صح علموني تكفون قبل شوي ولدها الخايس معلم علي
دلال :هاذيك في السيارة جدي ورا في الشنطه
انا :صدق
دلال:ايه
نوره ام طلال:ياويلس منها
ورحت اتختل بشوي شوي وابطل الباب وتبطل الشنطه واروح الشنطه تروح الباب واروح للباب تروح لشنطه ونزلة واجلس انا وياها ندور على السياره يمين يسار يمين يسار وفي الاخير تهورة وركبت على الكبوت ثم على التنده
انا :العنه كلذاه عشان ماتخسرين انزلي
جواهر موب نازله لين تمسكون الباقين
انا :اعناد فيس والله لامسكس انتي قبل
ساره :جواهر لاتطيحين وتموتين ويتيتمون عيالس
حصه :بسم الله على بنتي
واركب على الكبوت وهي على التنده
انا :انزلي
جواهر وهي متربعه :لوا وهين يادليل ليه تعلمين علي
دلال:يمه منس كيف سمعتيني
جواهر :سمعتس والله الخلي حمني يتوطاخوخه
دلال :الحين ويش دخل خوختي
جواهر :دخله ان امه نمامه
انا :والله لاجيس ان ادزس من فوق السياره
جواهر :تعالي ونشوف من الي بيدز الثاني
وتوني بركب معها على التنده الى وجدي جاي هو وحمني انا تجمدت وجدي يطالعنا بنضرات الستغراب
جدي :الحين هالبر بكبره وراكبين فوق السياره
انا +جواهر متورطين شكلنا مصخره :ــــــــــــــــــــــ
جدي بتعجب :جواهر فوق السياره
جواهر ترقع :عادي وخير يعني انا اخاف من الخنافس وركبت فوق السياره
جدي :الحين ولدس حمد مايخاف منها وانتي تخافين ...ثم التفت على ..وانتي بعد تخافين
انا وانا متورطه :لا كان ابي انزلها من فوق السياره
جدي :ويش فيس ماخليتي حمد يلعب معكم
انا الحقير رايح يشتكي على جدي :امه قايلتلي اطرديه عشانها خايفه عليه
جواهر :كذابه اصلن عادي عندي يلعب أي لعبه حتى ولو مصارعه مع ريموه
جدي :انزلو وخلوه يلعب معكم
انا :اشاء الله ياجدي الغالي
وراح جدي واول ماراح نطيت على جواهر ومسكتها ووديتها لميوه ولقيت المقره فاضيه بلا لميوه جالسه بروحى
انا :ماجاس احد
لميوه: لا مليت حيس مسكتي احد يسليني
وجلستها ورجعة على الحريم الكبار ووقفة عندهم
انا :امانه دلوني وين باقي البنات
لولوه :لاحراام وغش
انا :موب حرام ادورلي مليون بنت
امي :خلاص هاذيك
وتقاطعها حصه :لاتعلمين على بناتي
هيا :بعد انا لاتعلمين على بناتي
امي:بعد موب معلمه على بناتي
انا :امانه يمه وينهم
امي :تبين رنود
لولوه :لاغش عشان ماعندها احد يدافع عنها
انا :ترانا موب في حرب
نويره ام طليل :روحي دوريهم بمجهودس عشان تحسين بلعب
انا :مابي علموني انتو
ساره عمتي :تبين حمني
انا :لا ليكون منخش
ساره :ايه هذاك هو ورا الشراع
انا بصوت عالي:حمني مايلعب معنى
وطلع وجا على طول ووقف
حمني :جدي يقول لعبوني
انا :لوا ليش تروح تشتكي
حمني :انتي مالعبتيني
انا :انت ليش منخش انا قلت لك تلعب
حمني :انتي قلتي زين بتلعبيني لجدي
انا :بلا اصرف جدي يالله طص
وراح حمني لرجاجيل أنا ياليل الحين بيفضحنى
ورحت ادور البنات وفتش الخيام خيمه خيمه اول خيمه بطلتها لقيت هنود فيها وطلعت من تحت الشراع برا ولحقتها ومسكتها ورحت للخيمه الثانيه ولقيت نوير وندوي تحت الفرش ومسكتهم وطلعت ورحت لخيمتنا ولقيت مهوي ونحاشت ورحت الحقها ومن مكان الى مكان ومن خيمه الي خيمه وانا الحق مهوي لقيت رنود ورا الشرع عند المطبخ ورحت من وراها ومسكتها ورجعت ادور مهوي الي مدري وين انخشت وكملت ادور البنات الباقين
ورحت وفي وحده من الخيام لقيت وحده منخش تحت البطانيه في الضلام بس ناسيه رجلها طالع برا وامسكها مع رجلها وطبعن قانون العبه لازم اصقعها في راسها المهم وامسكها مع رجلها واسحبها برا الخيمه مع رجلها وطلعت المزايا بعد مارتفع ثوبها الين حطيتها قدام الخيمه وهي تون وارفع البطانيه ودخل يدي عشان امسك راسها وشوي كني مسكت ليفه حديد وحس بدهن الى وطلعت علي ذيك القشه الي ويش كبرها انا تروعت وطار قلبي
انا اول ماشفت القشه صحت :يماااااااااااااااااااااااااااه
ونحشت وحدوني امي وعمتي ساره
انا بخوف:يمه ريموه احترقت
امي :اني قايله لها لاتنخشين في المطبخ
انا :موب في المطبخ في الخيمه ذيك
وراحو يشوفون ويش السالفه وانا واقفه بعد
وجاو
انا :يمه من ذي
عمتي ساره :بلا الشغاله راهين تعبانه وقايله لها امي ترقد هناه
انا :جعلها الجلطه روعتني
امي :بلا انتي الي ودس تتروعين
انا :ماشفتو شكله يوم طلعت راسها ويييييييييع مسكت راسها افيهههه كله دهن
امي :روحي غسلي
ورحت وغسلة بجميع الصوابين واليف وكل شي بس الريحه ماراحت من يدي الله ياخذها وشلون اتعشاء
ورجعت ادور البنات ولقيت مهوي قاره ورحت ادور شيخوه وريموه وخلود
وانا في الطريق للقيت سلطه
انا :سلطه وين خلود
سلطه وهو يشر بيده صوب الشراع ثم راح ورحت اتبعه اكيد انه يدلها
وفجئه طلع على الرجاجيل وانا وقفت "معقوله تنخش عند الرجاجيل ؟؟؟؟ايه معقوله ذي ماتستحي "ورجعت ورحت ادور في خيمت اهل مهوي وتذكرة كللام امي عن ريموه اكيد انها في المطبخ ورحت على طول ولقيت شيخوه جالسه على القدر وتسولف مع الخدمات الهنديات وتسألهم عن جوني برهام حبيب القلب المهم دخلت اول ما شافتني قامت وطلعت مع باب الخيمه الثاني ورحت وراها وماخلينا سياره مادرنا عليها ولا خيمه ما دخلنا فيها مدري وين جايبه ذي السرعه شيخوه منه ورحنى وجلسنا ندور على الحريم
انا في الجهه الشرقيه :شيخوه استسلمي
شيخوه في لجهه الغربيه :مستحيل
انا :ترا ماسكتس ماسكتس
شيخوه :يالله امسكيني
نجلا ام لميوه :ازعجتونا
ساره :ضاقت بكم جايين هناه
انا :اسألو شيخوه هي الي جايه
شيخوه :وانتي ويش جابس
انا :اكيد الحقس ياعبيطه
ورحت وراها وندور على الحريم وانا اطرد شيخوه شفت ريموه طالع من خيمت لولوه وعثرت في حبل الخيمه وطاحت وغيب عني وموب ودي رحت الركض من بين الحريم ونثرة القهوه على رجل دلال ونطيت على ريموه الي قدها قايمه تبي تنحاش ومسكتها وشيخوه انحا شت مدري وين ورحت ادور شيخوه وخلود و ورحت لميوه ولقيت خلود هناك ويا شيخو ه بس مبعد احد قر واقفين بعيد ورحت وراهم ووراحت خلود وركبت في وحده من السيارات وقفلة على روحها وانا مسكت شيخوه انا ولميوه ورحنى لخلود
انا :خلودوه انزلي
خلود :لا ابعدو
لميوه خلاص مسكناهم كلهم بتطلعي ولا في الطقاق
ونزلة خلود ونحاشت ورحنا وراها لين مسكناها
ورجعنى كلنا للفرشه وطبعن اول من مسكت جواهر وهنود يعني عليهم المطارده وجاو شلة ريموه عبير وامجاد بنات عمي نايف وعهودونجود ودانا بنات عمي سلطان وامل ومشاعل بنات عمي فيصل ومنال بنت عمتي ساره عشان يلعبون معنى وشوي لا وجايين البنيات الصغار يبون يلعبون معنى شهد بنت خالد والد عمي سلطان ومرام بنت عمي نايف ومي بنت عمي سلطان ودلوعه بنت عمي ناصر وغدير بنت عمتي ساره وريان ولد نايف واخوي نصور بعد يبون يلعبون معنى وطبعن صرنا درزن لازم اربعه او خمسه يلحقونا وبعد مشورات قررنا انا ننحاش كلنا والبنيات الصغار يلحقونا شهد ومي ومرام ودلع وغدير وجلسناهم وقلنا بعد عشر دقايق تعالو دورونا ورحنى ننخش كلنا وطبعن كلنا مليون وحده وكل مارحت انخش في مكان لقيت فيه اربعه ولاخمسه وجلست ادور شوي واخيرن لقيت مكان كان ورا تانكي الماء واول ماوصلة لقيت اخوي نصور منخش وراه
انا : ياليل مافيه مكان فاضي
نصور :روحي دوري لاتنخشين معي
انا :الى بنخش هنا يالله لقيت مكان فيه بس واحد
نصور :لا انتي كبيره اكيد بيشوفونس على طول
انا :عادي اذا شافوني بنحاش
نصور:لا امانه ليلى روحي
انا :وين اروح
نصور :روحي انخشي في أي مكان
انا:مافيه مكان فاضي غير هنا
نصور :روحي انخشي مع ريان هذاك هو تحت الثياره
انا :ويش شايفني عشان انخش تحت السياره
نصور :تكفين لولي روح اكيد بيجو الحين
انا بعد ماكسر خاطر وبعد عشان المكان كله ماي بيوصخني رحت وخليت وجلست ادور وادور ولا لقيت مكان ورحت للحريم ووقفت عند الفرشه
انا :امانه شوفولي حل
دلال :امداس تسوين جريمه
نجلا :ترا بعد طلوع الروح وافقو انهم يخلونكم تجون البر
انا :ويش فيكم تستعبطون انا قصدي ابي مخش
لولوه :مايبيلها ذكاء روحي انخشي في أي مكان
انا : كل الأماكن مليانه الخيام والسيارات والفرش والشناط وحتى الحمامات
والقدور
امي :معقوله مالقيتي مكان
انا :يعني لاقيه واستعبط عليكم
هيا ام مهوي :روحي انخشي في المطبخ
انا :اكيد شيخوه اهناك
نوره ام طلال :روحي نخشي في خيمتي
انا :مسكينه الحين مليانه ....تكفون بسرعه خشوني بيجون الحين
حصه ام شيخوه :تعالي ادخلي مع نص في بطنيته هاذا هو راقد
ماكذبت خبر ودخلت مع نص في البطانيه وهو راقد وكنت ورا حصه وامي متعنزه علي عشان مايشكون فيني وجات لميوه مسرعه
لميوه :امانه خشوني بسرعه جاو البنيات
نجلا :ادخلي مع ليلى
وتجي الحقيره وتدخل معي وصار شكلنا غلط وواضح حتى الاعما بيدري ان في البطانيه احد وادزها برا وترجع تدخل ونجلا امها تقول خليها تدخل معس ولا بعلم عليس ودخلتها ونا متئكجه مليون بلميه انهم بيلقونا
ونتشر البنيات الصغار يدورون وحنى من خشين وفجه رفع البطانيه حمني ووايقفي وجهي بمكر وقال
حمني :ليلى اعلم عليس
انا تورط ويش اسوي :لالالا امانه حمتو لاتعلم تكفى
حمني :لا بعلم عليس ليه ماخليتيني العب
انا :خلاص والله لاالعبك اذا فزة
حمني :كذابه تصرفيني مثل جدي
لميوه :تكفى حمتو عشان خطري بلعبك انا
العرض الشجري
