ايام كثيرة مضت من حياتنا لكن بدون فايدة نحس الوقت يمشي بسرعة بدون مانحس فيه الروتين اليومي نفس الشي امس نفس اليوم وبكرة نفس امس وعلى هالحالة بس لو ملأنا
ايام كثيرة مضت من حياتنا لكن بدون فايدة
نحس الوقت يمشي بسرعة بدون مانحس فيه الروتين اليومي نفس الشي امس نفس اليوم وبكرة نفس امس وعلى هالحالة بس لو ملأنا حياتنا بشي يفيدنا شي يخلي حسناتنا تزيد شي يخلي نفسيتنا تزين ويخلينا دايم فرحانين صدقوني بنصير اسعد ناس في العالم مثلا انت داخل النت حمل لك برنامج اذكار يطلع لك كل دقيقه مثلا راح ماتغفل عن الذكر وبتكون مبسووووووووط
ساعد المحتاجين اكفل يتيم لو ماتقدر ماليا تشارك انت _انتي ومعارفك او اصدقائك وبكذا يكون الأجر اعم وأكثر وراح تكسب اجر اكثر منهم تدري ليه؟؟ لأنك حثيتهم على هالشي حافظ على صلاتك حاول تخشع قدر الامكان وابعد عنك الهواجيس وانت تصلي واستشعر انك امام الله داوم على الذكر دائما وعشان ماتنسى علق على باب غرفتك مجموعه اذكار في الممر في الصاله في اي مكان في البيت عشان ماتنسى واللي حولك بعد ماينسون
واظب على أذكار الصباح والمساء فيها راحه نفسية عجيبة
تبسم في وجيه الناس فعلى كل ابتسامة تكسب صدقة وتفرح قلوبهم وتخليهم يحبونك اكثر واكثر
ابعد عنك الحسد والحقد والغيرة وخل قلبك ابيض نظيف ترى الدنيا والله ماتسوى اننا نتزاعل ونغتاب بعض فيها
احرص على انك تقرا القرآن يوميا حتى ولو نص وجه خل القرآن جنب السرير قبل ماتنام اقرا لك شوي
حاسب نفسك انا اليوم اغتبت؟ جرحت احد ؟ سبيت احد؟ انا اليوم ماجلست مع امي كثير؟ انا اليوم مااستغليت يومي بشي يفيدني؟ حاسب نفسك قبل لاتنام وانتظر بكرة يجي عشان تصحح اخطائك ويكون يومك احلى من الامس
اكثر من الدعاء لأن الدعاء مخ العبادة لاتقطع الصله بينك وبين ربك تضرع له ألجأ له توكل عليه هو اللي يفرج همك ويستجيب دعاك ويحقق امانيك ولاتستعجل في الاجابة لأن ربي يحب عبده اللحوح في الدعاء ولاتنسى تدعي لأخوانك المسلمين من متى ماشفت قرايبك من العيد ترى باقي كم شهر وتكمل السنه ..!! زر قرايبك اطمئن عليهم اضحك وسولف معهم
الشتـًـآ طوييييل استغله في شي ينفعك مثلا اذا كنتوا تجتمعون انت وقرايبك شهريا في استراحة دورية سووا مسابقه لحفظ القرآن تنافسوا فيما بينكم وتدريجيا ان شاء الله بتحفظونه كاااااامل
نفعنا الله واياكم ووفقنا لما يحب ويرضى.. وقبل النهاية
العرض العادي
