الاخت ورد
مساء الخير
سوف اكون اول المبتدئين بتقديم الاسئله لك
س1: في اي سنه تدرسين وما هوالتخصص ؟
س2: كيف تقضين اوقات فراغك وماهي هواياتك؟
س3: هل تحبين السفر وماهي اجمل المناطق التي زرتيها داخل المملكه وخارجها؟
س4: ماذا تحبين وماذا تكرهين؟
س5:ما هي طموحاتك المستقبلية؟
س6: ماهي اجمل المواقف التي مررتي بها وما هي اصعبها؟
س7: ماهي نظرتك حول عمل المراءة واعتمادها على نفسها بعد التخرج وهل انتي مع اوضد؟
س8: اتوقع اصعب سؤال للمراءة ان تسالها عن عمرها (كم عمرك)؟
اتمنى ان لا اكون قد اطلت بالاسئلة وشكراً لك
س1: في اي سنه تدرسين وما هوالتخصص ؟ في السنه الأولى ، تخصص إداره أعمال .
س2: كيف تقضين اوقات فراغك وماهي هواياتك؟ يا أطبخ أو أسمع ميوزك ، أو أكتب وبالنسبه لهواياتي أحب أكتب كثير وأحب أقرا الشعر والكتب الرومنسيه .
س3: هل تحبين السفر وماهي اجمل المناطق التي زرتيها داخل المملكه وخارجها؟ مو مره ، ماقد طلعت من ربوع بلادي ، أجمل مدينه في العالم بالنسبه لي أبها .
س4: ماذا تحبين وماذا تكرهين؟ أحب : الأكل ، الميوزك ، وأميري .. أكره : الناس اللي تعكر مزاجي ، والتفليس اللي يجي بغير وقته كريييييييههههه .
س5:ما هي طموحاتك المستقبلية؟ إني ابني حياه لعايلتي جميله ونقيه وتكون نفوسنا نظيفه مثل القدامى الأولين ، أطمح أربي عيالي على الطيب والعطاء ، أبغاهم يكونون ناس لهم أثر طيّب في الحياه .
س6: ماهي اجمل المواقف التي مررتي بها وما هي اصعبها؟ كثير مواقفي بس اتذكر اخر سنه بالثنوي القيت بيت شعر باليوم الوطني ودخلت من بدايه القاعه ومشيت بالنص وانا القي ، وجبت طاري الجنوب وقامو البنات صرخوا وصفقوا لي صراحه حسيت بنجوميه عظيمه مره ، واصعب المواقف موت جدتي الله يرحمها .
س7: ماهي نظرتك حول عمل المراءة واعتمادها على نفسها بعد التخرج وهل انتي مع اوضد؟ حلو انو الوحده تعتمد على نفسها بس مو لدرجه انها تاخذ دور الرجال في حياتها ، يعني احس انو تكتفي بشغلها اللي هو وظيفتها اذا ربي كتب والباقي على بعلها الله لايهين خشمه .
س8: اتوقع اصعب سؤال للمراءة ان تسالها عن عمرها (كم عمرك)؟ لا مو صعب عادي ، انا باقي لي اسبوعين وادخل 19 سنه .
الاخت ورد مساء الخير
شكراً على الاجوبة الصريحة والجميله منك على اسئلتي
ونأتي للجزء الثاني من الاسئلة اذا لم يكن لديك مانع
س9: كيف ترين تخصص ادارة الاعمال من حيث سهوله وصعوبة المواد والاختبارات ؟
س10: ما الفرق بين الناس قديماً وحديثاً وايهما تفضلين ,وما مدى تمسك الناس الان بالعادات والتقاليد في وقتنا الحاضر حسب نظرتك؟
س11: ما هي افضل الاوقات لديك لكتابة الشعر او الخواطر وهل تتم الكتابة لديك حسب المواقف؟
س12: ارجوا التحدث وبايجاز عن كلا من ( الاب , الام , الزوج , الزوجه, الابناء) وكيف ترين دور كل منهم؟
س13: ما اجمل الكتب اللي قرائتيها, ومن من الشعراء تحبين ان تقرئي لهم اوتستمعين اليهم؟
س14: اي من الشخصيات المقربة الى نفسك ( الصارمه , المتواضعه , الرومنسيه, العصبيه , الطيبه) ؟
س15: كلمة اخيرة تودين ان تقوليها؟
س16: رساله شكر تودين ان توصليها؟
وشكراً
ماشاء الله عليك حسبتها جزء واحد هههههههههههههههههههههههههههههههههههههههه هه ، تمام ولا يهمك ..
س9: كيف ترين تخصص ادارة الاعمال من حيث سهوله وصعوبة المواد والاختبارات ؟ الحمدلله مافيه شيء صعب مع إحساس وفهد الله يسعدهم يارب ..
س10: ما الفرق بين الناس قديماً وحديثاً وايهما تفضلين ,وما مدى تمسك الناس الان بالعادات والتقاليد في وقتنا الحاضر حسب نظرتك؟ الناس زمان أحبهم أنا ، كل شيء كان جميل زمان كل شيء ، أما الناس الحين نادرين اللي نقول عنهم انهم جميلين زي احساس وفهد ؟ والله مالهم مثيل في الدنيا الله يعطيهم على قد نيتهم ويسعدهم ويحفظهم لنا يارب ، بالنسبه للعادات والتقاليد موجوده في حدود المعقول لكن مو زي التعصب القبلي اللي كان زمان لا لا موجوده عادات تناسب زمننا لكن برضه نادر اللي متمسكين فيها ، زي مثلا اهل الجنوب اللي ساكنين هنا في الشرقيه تشوف بعض او الاغلب من حريمهم كاشفين وجيههم وهذي والله ماهو من شيمنا يا اهل الجنوب المره تغطي وجهها هذا مثال بسيط ، تتطور في كل شي الا الحماس الزايد ذا والله يصلح الجميع ..
س11: ما هي افضل الاوقات لديك لكتابة الشعر او الخواطر وهل تتم الكتابة لديك حسب المواقف؟ أنا أكتب مشاعري فقط ، يا اما بصيغه شعر او فضفضه زي الخواطر كذا .
س12: ارجوا التحدث وبايجاز عن كلا من ( الاب , الام , الزوج , الزوجه, الابناء) وكيف ترين دور كل منهم؟ أبوي : تاج راسي ، دوره عظيم بحياتي الله يخليه لي .
أمي : جنتي في الدنيا ، بعد هي دورها عظيم الله يحفظها لعيوني .
زوجي : مدري ما أعرف ايش اقول باقي بدري .
العيال : زينه الحياه الدنيا ، دورهم يبثرون اهلهم بالطلبات .
س13: ما اجمل الكتب اللي قرائتيها, ومن من الشعراء تحبين ان تقرئي لهم اوتستمعين اليهم؟ كتاب روايه عن فلسطين نسيت اسمه ، وبالنسبه للشعراء ما فيه واحد معين انجذب لعناوين الاشعار انا .
س14: اي من الشخصيات المقربة الى نفسك ( الصارمه , المتواضعه , الرومنسيه, العصبيه , الطيبه) ؟ المتواضعه ، الرومنسيه ، الطيبه ,, أحب الناس الناس السهله انا .
س15: كلمة اخيرة تودين ان تقوليها؟ للأمانه أحسك تحلل الشخصيات انت
س16: رساله شكر تودين ان توصليها؟ أشكر ربي على النعمه اللي رزقني فيها بحياتي . وأشكر احساس على كل شيء يقدمه .
وين تشوفين نفسك بعد خمس سنوات ؟
هل انتي من النوع المنظم ؟ يعني تخططي ليومك والا نظام كل شي بوقته حلو ؟
اكثر شي تخافين انه يصير لك ؟
لو ماكنتي تدرسي ادارة اعمال ايش كنتي بتختاري لك تخصص ؟
ايهما الاقرب لأحساسك البحر أو القهوه ؟
لو عندك يوم تقابلي فيه شخصيه مشهوره مين تختاري ؟
اكثر شاعر قصايده تحسي انها تمثلك او كأنه يتكلم بلسانك ؟
أهلين afoof ، ايه شفتي كيف ماشاء الله عليه ههههههههههههههههههههههههههه وجهه وجه خير جابكم ..
وين تشوفين نفسك بعد خمس سنوات ؟ والله مدري يا وخيّتي ، بس أطمح بالتغيير ..
هل انتي من النوع المنظم ؟ يعني تخططي ليومك والا نظام كل شي بوقته حلو ؟ والله سؤال يغبن :( لان كل ماخططت لشيء او نظمت لشغله لابد تخرب ليش ؟ كيف ؟ ومين اللي يخربها ؟ بسبب اني ماني ذات كلمه بتمشي غصب ، يعني مالي سلطه ، أحس التنظيم هذا لمّن تكون الوحده ببيتها وتصير مسؤوله عن كل شيء حولها ، اما انا ماينفع لي مع شيباني الله يصلحهم ..
اكثر شي تخافين انه يصير لك ؟ أفقد الشخص اللي أحبه :( أخاف كثير من الفقد لانه يوجع مره :(
لو ماكنتي تدرسي ادارة اعمال ايش كنتي بتختاري لك تخصص ؟ تصميم ..
ايهما الاقرب لأحساسك البحر أو القهوه ؟ البحر ..
لو عندك يوم تقابلي فيه شخصيه مشهوره مين تختاري ؟ ماجد المهندس :(
اكثر شاعر قصايده تحسي انها تمثلك او كأنه يتكلم بلسانك ؟ حمد البريدي ..