إقرب حبيبي ...!
ودي تسولف لي شوي
سولف حبيبي وأسمعك ...
أموت في حكي العيال ...!
أحس فيها شيء مقدر أوصله
شيءٍ غريب ... شيءٍ عظيم ...!
شيءٍ أحس إنه كبير ... مرّه كبير
مليت من حكي البنات ...!
كله دلع ...!
وشوّي تشليخ ... وكذب ...
وبعض الحكي كله ألم ...
كله عذاب ...
وآخر سوالفهم ... وش أخبار الشباب ...؟!
******
فستان ... وأسوارة ... وتسريحة شعر ...!
جزمة كعب ...!
وخدامة راتبها كبير ...!
وسواق يحليلة ...
مرّة خلوق ...!
وواحد خطبني وما أبيه ...!
توّه صغير ...
وجداً وسيم ...
وعنده فلوس ...
وكلٍ يبيه ...
بس أنا والله ما أبيه ...!
وكله كذب
محدٍ خطب ولا إنخطب ...!
وهذي سواليف البنات
حكي وكذب ...
وأرضٍ جفاف تقول ماحب السحاب ...؟!
******
تدري ...!
أقول لك شيء ...؟!
البارحه وحده تكلمني وتقول ...
موبايلي آخر مديل ...!
ومخطوبة من واحد جميل ...!
دكتور ...
وعيونه وساع ...
الله ياذيك العيون ...؟!
ومسكين مجنون بهواي ...
بس أنا محتاره ...!
أوافق ...؟!
أو أرفضه ...؟!
والمشكله أعرفها زين ...
صديقتي ...
محدٍ خطبها من سنين ...!
قلت أرفضيه ...!
ودي أجاملها شويء
أدري بها تطرد سراب ...!
******
لكن كذا نبقى بنات ...
وتبقى سوالفنا شتات ...
وشويء تشليخ وكذب ...
وحلمٍ بعيد ... وهم ... وعذاب ...!
والحين جاء دورك حبيبي ...
سولف علي ...
وشهي سواليف الشباب ...؟!
وش صار ...؟!
ياالله حبيبي سولف عليّ ...
وشهي سواليف الشباب ...؟!
وش صار ... كنك مستحي ...؟!
وإلا زعلت ...؟!
أنا غلطت ...؟!
وش ذالعرق ...؟!
وش صار في وجهك غداء كله حمر ...؟!
أحس ما ودك تقول ...
خلاص ... مابي سواليف الشباب
لاترتبك ... إهدى شويء ...
والا أقول ...؟! بريحك ...
خلاص ...
أعفيك من قول الجواب ...!!
هذا إذا عندك ... جواب
(( (ســـواليف البنات...!! 
مشرفة سابقة
~,,
العرض العادي
