ماهو إنطباعك بعد الإختبار النهائي مبادئ التسويق - المستوى الثاني ؟

السلام عليكم
صحيح الأسئلة تلخبط بس الامتحان بالنسبة لي كان متوسط و دائما متوقعين الأسئلة تجي أكثر من الدروس الأخيرة

موفقين إن شاء الله جميعاً و فالكم النجاح

حسبي الله ونعم الوكيل مو قاهرني بالاجابات الاربع الا انه ماجاب شي من منهج الا كم شغله شهذا ؟ عجزت افهم الي يصعبون او يجيبون اشياء مو مباشره لهدرجه يحس بالمتعه ولا شلون ؟؟

الظاهر هذي خطتهم قبل رمضان ههههههه استغفر الله

الاختبار كان حلو لو ركزتوا بالسؤال تلقون الاجابه من السؤال بس منصدمين انتوا ولا عرفتوا .. صحيح كذا سؤال تخمين من عندي لكن بشكل عام حلو أسئلته وزي منتوا عارفين المصري لازم يستعبط عرق فيهم العباطه هههههههه وثاني شي انتقم منا وأخذ بحقه بعد اللي صار بالبث الأخير :)

والله ماادري انا حليت صح ولا غلط بس عسى الله ييسرها

لا والله مو حلو والمشكله بعض الاشيا الي حلها بالسؤال تختارين وبعدين تشيكين تطلع مو نفس الاجابه

صراحة الاختبار مرة صعب ويلخبط وثاني شيء على الاسئلة المتشابهه هذي صراحة تشك وانت تحل ... الدكتور ذا ماتطرق الى المادة بشكل كامل وشامل احسه اخذ جزء معين من المادة بس وحط الاسئلة عليها صراحة احس مافي شيء من اللي ذاكرته بالملزمة ولا الاختبار الفصلي ولا الواجبات ابد مافي شيء... وش الحل ؟؟ مانبي نرسب بعد

حسبي الله ونعم الوكيل
وكفى..

شكلكم م دققتوا ب الاسئله و الاختيارات والله اشوفها سهله مرا واضحه مممرا

هههههههههز والله اضحك على نفسي,,, من اللي ذاكرته ماجاب الا سؤال واحد فقط,,,

بس الاساله بشكل عام للي يعرف للتسويق بيركز في الاساله عدل وبيحل انا هذا اللي سويته والله يستر