ياكثر ما مرت على القلب أحزان
وياكثر ما شافت من الهم عيني
مرت علي جروح اشكال والوان
أضعاف عمري عايش الهم فيني
أوفيت لعيون الحبايب ولابان
واستخسروا حتى مصافح يديني
أبكي بدمعٍ بلل الخد هتان
وهم يضحكون بسخرية من حنيني
كتبت من شوقي لهم ألف عنوان
ولاحد يراسلني ولاحد يجيني
ولا قلت أجزي صدهم لي بهجران
قال الوفا لوصدق..عينك بعيني
هانت عليهم عشرتي والهوى هان
ونسوا جميع اللي مضى من سنيني
أبي ولو ذكرى ولو شي قد كان
وخيال مافارق من الصد عيني
وعزاي..لو خانوا أنا قلبي ماخان
صان الهوىولو قلبهم مايبيني
عيبي وكل المشكلة اني انسان
ماانسى اللي حبيته..ولو هو نسيني
وسلامتكم
منقوله .. دمتم بود^^