S k i n

S k i n

يمكن الحديث عن العناية بالبشرة مكرر ومُعتاد ، وكلنا نعرف أبسط طرق العناية فيها!
لكن يمكن نجهل أبسط الأشياء عنها و أكبرها تأثير ، واللي لو مهما عملنا واشتغلنا على بشرتنا ماراح نوصل للنتيجه المطلوبه بسبب جهلنا أو إهمالنا لها ..
خلونا نتعرف على البشره بشكل أوضح ونعرف ايش اللي لنا وايش اللي علينا تجاهها !


.

الموضوع الأصلي: S k i n || الكاتب: NAJD || المصدر: منتديات كوفي كوب

http://www.cofe-cup.net/vb

كلمات البحث

جامعة الإمام عبدالرحمن بن فيصل ، واجبات ، ملخصات ، ملازم ، أسئلة ، جامعة ، كوفي كوب

المصدر: منتديات كوفي كوب Coffee cup - من قسم: .. إِيتَكِيتْ /أُنثــــى ~

---

S k i n

قبل الكلام!
خلونا نتعرف على جلدنا أكثر و أسراره.

الجلد هو أكبر عضو في جسم الإنسان ، وله وظائف عديده أهمها حماية الأعضاء الداخلية للجسم وتنظيم درجة حرارته.
ويعتبر الجلد أهم مؤشر لمستوى كفاءة أداء الجسم لوظائفه، يعني مظهر جلدك يكشف عن حالتك الصحية لو كانت سليمه أو فيها خلل وتحتاج علاج!
وللأسف غالبيتنا بمجرد مانشوف شحوب في بشرتنا رحنا ركض نشتري كريم الليل وكريم النهار، مع انه ممكن جداً يكون فيه خلل وظيفي أو نقص فيتامين معين وكان سببه هالشحوب!
سُمك الجلد عادة يتراوح من 1,5 الى 4 ملم، حسب موقعه من الجسم.
وسطح الجلد حساس للحرارة والضوء واللمس، برضو الطبقات الداخلية للجلد مليانه بالنهايات العصبية والأوعية الدموية.
والجلد اللي يتمتع بصحه كويسه وتألق ماهو إلا إنعكاس للصحة الباطنية.

وظائف الجد :

* </B>يعتبر حاجز واقي وخط دفاع عن الجسم ضد المؤثرات الخارجيه من تلوث وشمس وحراره ورياح وبكتيريا، وهالشي يمكن يوضح لو انجرحنا ولا فقدنا جزء من البشره بتأثير جرح نشوف كيف يلتهب ومايلتئم بسهوله.
*</B> برضو الجلد يعمل كمثبت لدرجة حرارة الجسم، في الشتاء يحتفظ بحرارته الداخليه ،فيه معلومه جميلة تقول اننا نرتجف في البرد كرد فعل للجلد لأن الأوعيه الدمويه تنقبض وتمنع درجة حرارة الدم من الإنخفاض!
وفي الصيف نفس الشي يزيد تدفق الدم للشعيرات الدموية وتفرز الغدد العرقية العرق علشان يحافظ الجلد على برودته وانتعاشه.
*</B>طبقة الأدمه لما تتعرض للشمس تنتج فيتامين د، وهو عنصر ضروري للجسم علشان يمتص ويثبت الكالسيوم في العظام.
وطبعاً وظائف الجلد كثيير وصعب نحصرها في عدد معين لكن ذكرت أهمها و أبرزها.

تركيب الجلد :

يتكون الجلد من طبقتين،
البشرة (الطبقة الخارجية) وتحمي الجلد من العدوى البكتيريه وهي مكونه من عدة طبقات من الخلايا الحية وفوقها طبقة متراصة من الخلايا الميته تحتوي على "الكيراتين" اللي تتبدل كل يوم وباستمرار،
الأدمة (الطبقة الداخلية) وهنا تتكون الخلايا الجديده واللي تحل محل الخلايا الميته وتحتوي على أنواع عديده من الخلايا منها الخلايا الملتهمه الميلانيه اللي تنتج الميلانين و وظيفته حماية الجلد من الأشعة فوق البنفسجيه، وبرضو تعطي الجلد والشعر لونه.
وتحتوي الأدمه على غدد عرقية ودهنيه و أوعيه دموية و أنسجة عضلية و ألياف عصبية و خلايا دهنيه وخصلات شعر و بصيلاته.
وتتماسك هالأجزاء بنسيج ضام متين اللي هو (الكولاجين) والكولاجين مهم في تحديد مستوى صحة الجلد لأنه يحدد شكل انحنائات الجلد والتجاعيد والمرونة.

طيب كلنا حابين نعرف ايش العوامل اللي تدهور حالة جلدنا وتتعبه، علشان نتجنب هالعوامل أو نتعامل معها بطريقه صحيّه أكثر بحيث ماتأثر علينا بالسلب
ومثل ماذكرنا قبل إن الجلد يعكس الحالة الصحية ومستوى الطاقة للشخص، وهالشي مرتبط أكيد باسلوب الحياة والروتين والطقس والعمل... الخ
الشي اللي يمكن ماسبق وعرفناه إن بعض العوامل ممكن تأثر بشكل يخلي الجلد أقل مرونه وتماسك فتبدأ تظهر التاجعيد في عمر مبكر
وبقع الشيخوخه والكلف وأحياناً حتى ممكن نصاب بحساسية الجلد أو الاكزيما أو لاسمح الله سرطان الجلد الله يكفينا واياكم منه..

*الشوارد الحرّة..

الشوارد هي بعض الإلكترونات أو الجزيئات الغير مكتملة وتكون بصورة أحادية يعني مو زوجيّة، والاكترونات الأحادية غير مستقرة لأنها تبحث عن جزيئات ثانيه عشان تستقر معها<< فراغ عاطفي
وعلشان تلقا لها جزئ تدمر باقي أجزاء الخليه عشان تتحرك بسهوله وتلقى شبيها(الكترون احادي) ..
الأسباب: عدوى ميكروبيه، وجود سموم بالجسم، نقص الفيتامينات المضادة للأكسدة في الطعام، الحرارة الخارجيه زي الشمس وغيره، التدخين، تلوث الجو، وكثييير غيرها..
طبعاً الشوارد الحرة بمجرد ماتتكاثر راح تدمر عندنا الكولاجين والإيلاستين اللي هم مسؤولين عن مرونة الجلد ومظهره الجميل
وللسبب هذا نشوف السيلولايت بشكله القبيح في أجسامنا، هذا طبعاً دليل على وجود شوارد حره في أجسامنا ..
العلاج: أغلب علاجات الشوارد الحرة يكون بتناول الفيتامينات سواء المتوفره في الأكل أو على شكل أدويه (مضادات الأكسدة)، مثل: بيتا كاروتين، فيتامين هـ، زيت اجنه القمح، فيتامين سي، الزنك ،السلينيوم، النحاس..
الطعام: البروكلي، السبانخ، الفلفل الأحمر، القرنبيط، الشاي الأخضر، التونة، الروبيان.. وغيرها كثير.


*العقاقير الدوائية..

بعض الأدوية لما نتناولها بكميات كبيرة أو خلال مدة طويلة ممكن تسبب في آثار جانبيه تأثر على جلدنا بشكل سلبي، مثلاً عندنا المضادات الحيويه كثرتها تسبب التهابات جلديّه، وحبوب منع الحمل استخدامها بكثره ممكن يسبب نوع من التحسس للضوء وبالتالي أي تعرض بسيط للضوء راح يؤدي لتصبغات في الجلد ..
العلاج: اخذ الدواء بكميات مناسبة وباستشارة الطبيب.


*قلة النوم..

ما فينا وحده تجهل التعب اللي نجنيه من ورا قلة النوم والأرق ، فما بالكم تأثيره على البشرة!
السبب في ان جلدنا تتدهور حالته من قلة النوم لأن نشاط الأيض( الأيض هو حرق الجسم للطاقة واستخدامها في تجديد خلايا الجسم) داخل أجسامنا يكون في ذروته أثناء النوم، ويعاد تجديد تكوين خلايا الجلد من خلال انقسام خلوي ويزيد معدل تدفق الدم ونشاط المخ بنسبة 200%-300%، هذا كله واحنا نايمين ، علشان كذا يُفضل انه ننام من 8 الى 10 ساعات يومياً، لأنه من جد حرام
أجسامنا ماراح تقدر تسوي هذا كله في 3 او 4 ساعات نوم بس
العلاج: طبعاً فيه ناس يكون سهرهم دلع ومالهم خلق نوم، بس يقابلون نت ولا تي في
اتركوا عنكم النت ترى بشرتكم أهم ، النت لاحقتن عليه يا أمي
وفيه ناس ممكن يكون عندهم أرق مزمن أو مؤقت أو غيره من الأسباب، مع إني ألاحظ غالباً يكون عندنا تشنج بالعضلات أو حاجه شاغله بالنا وماتخلينا نعرف ننام بسهوله
طبعاً أفضل طريقة في هالحالة الإسترخاء
أول شي حاولي تاخذين دش دافي وبعدها علطول بارد علطول راح تحسين عضلاتك فكت معك واسترخيتي
وجربي تحطين لك في البانيو نقاط زيت اللافندر تلاقونه في بودي شوب، أو حتى ممكن تحطين نقطتين منه في فواحه ودايركت حتحسين باسترخاء..

طريقه فعّاله للإسترخاء (استرخي على السرير وانتي لابسه ملابس مريحة، وابدأي بأخذ نفس عميق واخرجيه بهدوء،
كرري التنفس 3 مرات، وابدأي من قدمك، ورددي في نفسك أصابع قدمي مرتخية جداً، قدمي مرتخية، ساقي مرتخية جداً وأشعر بارتخاء لذيذ وعميق، فخذي، الآن بطني، واعضائي الداخليه تشعر براحة عجيبه وارتخاء، وهكذا مع كل عضو وخليه في جسمك وامشي بالتدرج، ولاتنسين شي حتى شفايفك وعيونك وعمودك الفقري وخلاياك حاولي ترخينها وانتي تتنفسين بعمق وهدوء،
حسسي نفسك ان جسمك مرتاح وثقيل لأقصى حد وانتي على سريرك وابدأي عدي تنازلي من 10 الى 1، لما توصلين لـ 1 راح تدخلين في عمق ومرحله أكبر و ألذ وأجمل من الاسترخاء وبعدها وجهي رسالة لنفسك" أنا الحين حدخل في نوم عميق ومريح جداً وبصحى في تمام الساعه الفلانية" )
طبعاً مع التكرار راح تتقنينه أكثر وكل مره حتشعرين بالاسترخاء بشكل أفضل..

أدعية للأرق..
عَنْ زيدِ بنِ ثابِتٍ رَضِيَ اللهُ عَنْهُ قَالَ : شَكَوْتُ إِلى رَسُولِ اللهِ صَلَّى اللهُ عَلَيْهِ وَسَلَّمَ أَرَقَاً أَصَابَني فَقَالَ : « قُلْ اللَّهُمَّ غَارَتِ النُّجُومُ ، وَهَدَأَتِ الْعُيُونُ ، وَأَنْتَ حَيٌّ قَيُّومٌ ، لا تَأْخُذُكَ سِنَةٌ وَلا نَوْمٌ ، يَا حَيُّ يَا قَيُّومُ أَهْدِئْ لَيْلِي ، وَأَنِمْ عَيْنِي » ، فَقُلْتُهَا فَأَذْهَبَ اللهُ عَزَّ وَجَلَّ عَنِّي مَا كُنْتُ أَجِدُ .

وَعَلَّمَ رَسُولُ اللهِ صَلَّى اللهُ عَلَيْهِ وَسَلَّمَ خَالِدَ بْنَ الْوَلِيدِ رَضِيَ اللهُ عَنْهُ حِيْنَ اعْتَرَاهُ الأَرَقُ أَنْ يَقُولَ : « اللَّهُمَّ رَبَّ السَّمَواتِ السَّبْعِ وَمَا أَظَلَّتْ ، وَرَبَّ الأَرْضِينَ وَمَا أَقَلَّتْ ، وَرَبَّ الشَّيَاطِينِ وَمَا أَضَلَّتْ ، كُنْ لي جَاراً مِنْ شَرِّ خَلْقِكَ كُلِّهِمْ جَمِيعاً أَنْ يَفْرُطَ عَلَىَّ أَحَدٌ مِنْهُمْ ، أَوْ أَنْ يَطْغَى ، عَزَّ جَارُكَ ، وَجَلَّ ثَنَاؤُكَ » .
وَفي رِوايَةٍ : « وَتَبَارَكَ اسْمُكَ وَلا إِلهَ إِلَّا أَنْتَ » .


*الضغوط والتوترات العصبية..

معظم التغيرات العضويّة المرتبطه بالضغوط العصبيّة يكون لها تأثير بالغ على الجلد، لما نتعرض لضغوط وتوتر يسبب خلل في التوازن الهرموني وينخفض مستوى تدفق الأكسجين، وهالشي يجعل الأوعية الدموية تتمدد وبكذا يحصل خلل في الدوره الدموية اللي بدوره يكون الجلد جاف وشاحب وبيصير اللي حول العين والأنف رمادي
وبالمناسبه أحياناً التوترات ممكن تفاقم بعض المشاكل الجلديّة مثل الأكزيما والصدفيّة والطفح الجلدي..


*سن اليأس..

لما ينقطع الحيض تتسبب التغيرات الهرمونية في جفاف الجلد ونقص الكولاجين،وممكن التعديلات اللي تطرأ على الغدد الصماء تغير الجلد طول فترة الشيخوخ ومابعدها.

BRB

الحين بنجي لبعض العلاجات اللي راح تساعد وتفيد إن شاءالله في إنها تنهي بعض المشاكل، وركزت إنها تكون أغلبها شي بسيط وطبيعي ومو مُكلف، والأهم إنها كلها من تجربتي الخاصه يعني مو سامعه عنها

السيلولايت..

عدو البنات الأول واللدود
ويمكن أغلبنا احنا البنوتات نعاني منه ، وهو ماله علاقه بالسمنه أو النحافه بقدر ماله علاقه بنوعية الأكل نفسها وكمية الفيتامينات اللي نتناولها
ويمكن بعد نلاحظ ان السيلولايت يكاد ينعدم عند الرجال، لأن تركيبة جلدهم تختلف عن تركيبة جلدنا..
فيه علاجات كثير للسيلولايت وأجهزه وحقن وبلا بلا
بس أفضلها على الإطلاق وأسهلها حاجتين، لكن قبل ما أقول لكم هالحاجتين ضروري يابنات نحسن نوعية أكلنا، ونحاول ندخل في اكلنا السمك والفواكه اللي لونها أحمر والخضروات اللي لونها أخضر وزيت بذرة الكتان لأن هالأشياء تساعد على تجديد وبناء خلايا البشره وتبني الإيلاستين وتقويه اللي هو مسؤول عن تمدد البشره بالشكل الصحيح وهالشي يساعد ان السيلولايت مايتجرأ يظهر بهالشكل

أما الحاجتين فَـ هي:
الترطيب، الترطيب، الترطيب، الترطيب الى بكره وانا أقول الترطيب
لأنه يساعد بشكل مهوب طبيعي في انه يقلل من تمدد الجلد غير انه ينهي أي مشكله عندك، جفاف، تصبغات، آثار، والأهم انه يخفف السيلولايت..
أفضل وقت لوضع الكريم في الصباح وقبل النوم ويكون بتدليك دائري مع عقارب الساعه باتجاه القلب، علشان ينشط الدوره الدمويه

أبطل كريم في الدنيا وعن تجربه
ماتتصورون وشلون أحبه وعندي منه كميات يمدي أبيع فيها وأشري

الـ Brushing



لااااازم كل وحده فينا يكون عندها هالشي الجميل، لأنه من جد ضروري نسوي تدليك لأجسامنا وهي ناشفه بشكل دائري مع عقارب الساعه باتجاه القلب، للجسم كله..
تلاحظون كمية الغبار اللي في بيوتنا وفي غرفنا؟!
ترى مهوب شرط كلها تجي من برا أو انها غبره
غالباً تصير عباره عن جلد ميت يتطاير، ضروري نسوي لأجسامنا برشنق علشان نتخلص من الجلد الميت، غير انه يحسن شكل البشره ويساعد في القضاء على السيلولايت، ونبدأ بشهر في البدايه أول مره نسوي مرتين في الاسبوع بس على جلد ناشف، والاسبوع الثاني ثلاث أيام، والثالث يوم ايه ويوم لا، والاسبوع الرابع كل يوم، ونحرص انه يكون على جلد نااااااااشف يابنات، بعد شهر استمتعوا ببشرات أطفال
وفيه أشياء ثانيه انمدحت لي لكن ماجربتها وحبيت أذكرها..

Goodbye cellulite من نيفيا، بس للأمانه ماجربته، وصراحه مافكرت لأني مرتاحه على البرشنق والبالمرز


وفيه هذا الشي اللي أنا خاقه عنده من قلب
Perfect Slim pro من لوريال
هذا ان شاءالله ناويه أجيبه وأرسلت ناس تجيبه لي من ألمانيا وللحين ماجو، المشكله كل يومين ادق اسأل جيتوا؟ على بالهم ولهت عليهم وأنا صراحه أنتظر الشي الجميل<< شطحه



التقشير..


كلنا نحب نقشر أجسامنا، ونستمتع باللمعه والنظافه اللي يعطينا اياها التقشير كَـ نتيجه..
بس فيه ملاحظه سعنونه، لاتهلكون بشرتكم بالبرشنق والتقشير، لأنها راح تتعب كذا..
لكن في حالة ما اشتخدمنا البرشنق، نسوي تقشير لأجسامنا مرتين في الاسبوع بيكون ممتاز مره

مقشر جميل..

طبعاً هذا تسوينه في البيت، بس بتلاحظين النعومه من أول استعمال
كاس رز مطحون(يباع جاهز في السوبرماركت)-سائل استحمام ماقبل النوم من بيبي جونسون علبه كامله-ملعقة جيلسرين سايل-ملعقة زيت اللوز..
تخلطينها في علبه و عالثلاجه، اذا حبيتي تستخدمينه تاخذين على قدك، وتقشرين جسمك بلطف وتغسلينه
مرتين في الاسبوع أشوفها كافيه، لأنك بتلاحظين نتائج رائعه..


اليدين..



أكثر شي مُعبر عن الأنوثه من وجهة نظري، نبرة الصوت والايدين
حلوه العنايه بالايدين وبالأظافر
أحسها حتى تغير النفسيه وتزيد الثقه بالنفس
يمكن كثير نلاحظ مشاكل في الايدين وممكن تصير بسيطه بس تضيق صدورنا وتطلعنا بمظهر مو مرتب
فيه علاج أعتبره شي مرره ياي ودلوعي للإيدين
وأحب اسويه كل اسبوع مره، بعده ايديني تصير حلاااااوه من جد
أولاً:نجيب نص ليمونه وشوي ملح..
نفرك الليمونه على الايدين، وبعدين نفرك الملح فيها بحركات دائريه ونجيب فرشة أسنان ونسوي برشنق للأظافر وحوالينها..
بعدين نجيب علبه أو أي شي غويط
ونحط فيه كاسين حليب كامل الدسم- ملعقة جلسرين سايل- ملعقة زيت اللوز الحلو، ونحميه شوي بالمايكروويف الين يصير دافي يميل للحراره ونحط ايدينا فيه لمدة عشرين دقيقه،
اذا خلصتي ادهني يدك بعسل وزبده والبسي قفازات واجلسي فيها من 20-30 دقيقه،
بعدين اغسلي يدك عادي وسوي لها بودكير ومنوكير ودهنيها بأي كريم تحبينه، أنا أستخدم معشوق البنات Almond oil daily hand من بودي شوب


يمكن العمليه صعبه شوي، بس صدق بتنسين شي اسمه مشغل وفلبينيات بعدها

الشعر..

بما إننا حكينا عن البشره لابد نحكي عن الشعر، لأن علاقته بالبشره وطيده ومايحتاج نقول

-جربي قبل تنامين تقلبين شعرك كله قدام وتمشطينه من ورا لقدام، بعدين اقلبيه ومشطيه بشكل عادي، هالطريقه تحرك الدوره الدمويه بالشعر وتحفز على كثافته..

-تحسين شعرك طاير وباهت وناشف وحالته لـ الله؟
جيبي بلسمك أو ماسكك اللي تستخدمينه، واعصري فيه ليمونه كامله وانبوب واحد من hot oil vo5 وكل ماتروشتي سوي حمام زيت ربع خمس دقايق أو عشر دقايق بالكثير، لأنك لو خليتيه أكثر بيصير شعرك سايح بزود ومنتيب قادره تتصرفين فيه ترى والله جد اتكلم، يخلي الشعر ناعم بشكل واااضح

وهذي صورة الـ hot oil


من هون وهون..

-عندك عزيمه أو مناسبه ومتورطه في شحوب وجهك ونظارته؟
لايضيق صدرتس يا أمي
جيبي علبة زبادي أكتيفيا ونص برتقاله، واعصريها فيه وحطيه ماسك على وجهك لمدة 15-20 دقيقه واستمتعي بالرونق الدميييل

- ماجازت لتس خلطة الزبادي؟!
أجل فيه حل ثاني وهو معروف مرررره، جيبي حبة اسبرين وانقعيها في نقطة مويه وسوي فيها سكرب لوجهك وانبسطي بعد بالرونق الرائع

-شفايفك تتشقق كثير ومنظرها متعبك؟
جيبي لك علبه سعنونه وحطي فيها ملعقه صغيره عسل و شوي فازلين وكل ماحسيتي شفايفك ناشفه حطي منه، من جد بطل

-اذا جسمك فيه آثار بسيطه و ودك تتخلصين منها، جيبي بيكربونات الصوديوم وبعد اتصيرين مخلصه شاور وغاسله جسمك بالشاور جل، خذي الليفه وحطي عليها شوي بيكربونات وامسحيه على جسمك بحركات دائريه ولطيفه، سوي هالشي كل مره تتروشين واشطفيه بمويه بس، راح تبان النتيجه خلال اسبوعين بالكثير


منقول للأمآإنه العلميه ..~

ألف شششكر لك ..



مره موضوع جميل يسلمو

الع‘ـفو يآقلبي ..
نورتي يآئمره ..

نصائح رائعه

يعطيك العافيه ..

موضوعك خطيييير

ماقصرتي

استفدت

يعطيك العاافية

ريحة القهوه ..
تع‘ـقيبك ع‘ـليها كآإن أروع ..
يع‘ـآفيك يآقلبي ..

حبي خ‘ـفآيآ ..|
دومز الإفـآإده يآ خطيرة أنتي ..
يع‘ـآفيك ربي ..