يا عذابي لا دنا الليل من روس الجبـال
....... وانتهى يوم ٍ من العمر مـا عـاد أرتجيـه
و انت أبعد من سما الحلم و وصالك محال
...... يا بعد من هلّ دمعي ضحى الفرقـا عليـه
كثر المواصل فالهوى ماهو بزين
ودك بخلـك بيـن مـده ومــده
لن ادم ما ترك طبعـه الشيـن
لا حب له شي وشبع منـه هـده
لكن لمنه جاك من حين لي حيـن
قـدرت جياتـه وقـدرت صـده
فإن قلت ابيك وقال ماهوب ذالحين
لا تبلشه يمكـن ظروفـه تحـده
اصبر عليه ايام وشهور وسنيـن
ان كانـه يـودك وكانـك تـوده
وخلك لمنه اعطاك ما تطلبه ديـن
ماجاك منـه اخـذه ومـارد رده
ولاتسوي مثل ناس(ن) مساكيـن
اصلك وفصلك فالهـوى لا تعـده
الحب مايعـرف قبيلـه ولا ديـن
كسر حكومات(ن) ونكـس أشـده
يا زين جمعتنا على شبة النار === نارٍ سناها لدلال المباهير
امكرمات وسطهن بن وبهار === وسوالفٍ تطرب سموع المناعير
ناخذ لنا فالوقت سجة ومشوار === بين الفياض اللي زهتها النواوير
أرضٍ خلا ما داجها كل دوار === غير الحباري واشقح الريم ماذير
تلقى جرايرهن مع الروض عبار === زرق الغلب برق الظهور المخامير
هي منوة الي بالصقارة لهم كار === تشفق ضمايرهم على تلة السير
لا حولوا في فيضة كنها الطار === وتكافخن بيض الدواغر مياسير
ردوا على كن وجه ليا دار === وجه الغضيب اللي على علم وصغير
ليا انطلق ما كنه الى يبي ثار === يسوق في سوق الخصيم التباشير
أفحج ...على الكف نشار === عينه كما وصف الشمالي سناكير
يهوي عليهن مثل قصاف الاعمار === دابان ما عنده مراود وتأخير
إلى انطلق ما كنه ألا يبي ثار === يسوق في شوف الخصيم التباشير
شقر الحرار اللي لها أفعال واذكار === من ساس فارس وافياتٍ مغاتير