10-22-09, 12:21 AM
|
#2 |
|
كوفي ذهبي
| بيانات اضافيه [
+
] | | رقم العضوية : 5 | | تاريخ التسجيل : Aug 2008 | | المشاركات : 14,996 [
+
] | | التقييم : 146507 | | | لوني المفضل : Cadetblue | | 
رد: ~ i t a l i a
وناس تحب  
بووووووه  هالآدمي صارت لي معه سالفه شينه .. هو شحاذ يمشي ويبوس الناس إللي يشحذ منهم  عاد أنا كنت لاهيه بمحل وأتفرج على الأشياء من القزازه شوي مادريت إلا خشه بيضاء قدام وجهي وتطلع صوت بوسات  وأصارخ أقول نو نو نو نو نو نو عاد وخر وأحترم رغباتي  شوي جلس واقف قدامي يبي فلوس , قلت له مامعي أنقلع ( أكلمه بالعربي لأنه مايفهم إنجليزي وأنا ماأتكلم إيطالي ) وقف ووقف يبي فلوس نشب لي , قلت له خلاص بعطيك بس بصورك أول  هز راسه يعني إيه صورته وعطيته فلوس ومشيت
هاذي حاره أكتشفناها مره حلووووه فيها قرابيع تونس
وحنا نمشي لقينا محل يبيع بيتزآ , قلنا خل نشتري ونذوق البيتزآ الإيطاليه الصدقيه وأكلناها وليتنآ ماأكلنا  كلها عجين , وعجينهم مو مره مستوي .. والطماطم إللي فوق فيها طعم غريب  ويحطون بالبيتزآ حقتهم باذنجان  مدري مدري أببببد ماعجبتني .. يازين دومينوز بيتزآ
بقولكم سالفه صارت لنآ عشان تحسون وش كثر عانينا معهم بالأكل واللغه كنا جوعانييييييييييين مره , نبي قهوه أي شي ناكل .. لقينا مقهى دخلناه شفنا ساندوتشات شكلها يشهي مره دخلت أختي وأنا وأختي الصغيره جلسنا عالطاوله نستعد للأكل أختي تسأل الحرمه إللي تشتغل هناك , تأشر على ساندوتش وتقولها وش جواته ؟ الحرمه قامت ترطن بالإيطالي سنيوراااا موناتووو سيناتااااا سي توكالووووو < ترى خرابيط بس أقولكم كيف تتكلم هههههه قالت أختي ذيييس ذييييس هام ؟ ولازالت مستمره وترطن بالإيطالي أختي أنغثت خلاص وعصبت , قالت لها : تشييييييييييييييييكن ؟ وتحرك يدينها زي الجنحان وتقول واك وااااااك  الحرمه رفعت صوتها أعلى وتقول بوووولوووو بووولووو واااااك واااااااااااااااااااك أختي طالعتني قالت قوموا لابوهم لابو من ياكل عندهم  أنابغيت أبكي يوم قالت يالله نطلع بس إللي تعلمناه من هالموقف أن الدجاج بـ الإيطالي يعني بولو بولوو بولو واك واك
هنا القرابيع لقيناها اشياء تووووووووووووووووووونس , وألوان وخرابيط غريبه مره صرنا كل يوم نروح ونجي على هالمحل , وكل مره نشتري شي
كنيسه بالطريق , لقيناها مفتوحه دخلنا تصورنا وطلعنا
كلب كدش مره عجبني شكلللله
أما هالإنسان  صار لي حوار معاه مره مره أنصدمت منه ومن ثقافته والأشياء إللي يعرفها هو فرنسي مو إيطالي , وقفنا عنده لأن شفنا عنده شي مره حلوو يسويه
وهذا الشي إللي يسويه , عباره عن طفايات يسويها بعلب البيبسي والفانتا والكولا والبيره والسبرايت
يعني صراحه أبهرني شغله فيها , حتى يسويها بطريقه مايخليها حاده وتعور يدينك
هو صار يعرفنا , ونشوفه تقريباً كل يوم .. بسطته جنب H&M بالضبط مره من المرات أختي دخلت H&M تبدل ملابس وأنا تعيجزت أدخل لأن مره زحمه جوآ قلت بأنتظر برآ .. وهالآدمي الفرنسي كان قريب مني , وأختي إللي أصغر مني كانت معاي فجأه سألني قالي: كيف جانوا ؟ عجبتكم ! قلت: إيه عجبتنا بس لقينا صعوبه بالتفاهم مع الناس خصوصا أنهم مايتكلمون إلا إيطالي قال: إيه أكيد وبعد بتواجهون صعوبات لأنكم متحجبات قلت: وإذا متحجبات ؟ فيه مشكله يعني ! قال: لا بالعكس الحجاب شي مقدس للمسلمين وأنا أحبه .. لكن المسلمين لهم سمعه سيئه هنا بعدين قام يقولي إن السبب الرئيسي بهالسمعه السيئه هي الإعلام الكاذب و المسلمين السيئين إللي يهاجرون إيطاليا سألته: مين المسلمين السيئين ؟ مين تقصد ! قال: المغربيين والتونسيين , هالفئه من الناس ماتطبق الإسلام .. هالفئه تسرق وتشرب الخمر وترتكب جرائم ولا سألوهم قالوا نحنا مسلمين , وصارت صوره المسلمين هنا [ سيئه ] قلت له: إيه صح عليك , المسلمين مو كلهم زي بعض , فيه ناس تعصي وفيه ناس منضبطه فجأه تفلت الرجال صار يقول أحاديث وقصص عن الرسول صلى الله عليه وسلم قرا لي سورة الإخلاص , وسوره العلق .. قالي حديث بس بالإنجليزي إللي هو ( من تقرب مني شبراً تقربت إليه ذراعاً ... ) وقالي قصة الرسول مع اليهوديه إللي ترمي عالرسول الزباله , ولمن مرضت زارها الرسول وبعدين أسلمت يعني ماشاءالله يعرف أشياء كثير عن الإسلام , مره معجب بالإسلام .. ويقول أنه دين كامل ويعلم الكمال وقالي جمله من جد هزتني .. قال : لو المسلمين يسوون 1% من إللي بالكتاب والسنه , كان صاروا نور العالم وإذا عملوا به 100% كان صاروا شعاع العالم عاد أنا متفاجأه من كلامه , وكل شوي يقولي أنا أدري أنك متفاجأه سألته: منين تعرف هالمعلومات ؟ قال أن ولده مسلم وهو علمه .. سألته: وش ديانتك ؟ قال ولا شي يقول أنا أؤمن بالله وبس .. قلت له: ليه ماتصير مسلم ؟؟ قالي: إذا لله أراد رح أكون مسلم مره كانت السواليف ممتعه معاه , عاد بعدين قالي حلم حلمه وجلس يسولف وخرابيط ورحنا
هاذي قهوه دايم نجلس فيها كلها عجز وعجز كيوووووووووت وأحيان عجوز وشايبها معها عاد ذولي الثلاث كنا قاطين معهم , مره متحمسين بالسواليف أحسهم يحشون بزوجات عيالهم
هالباص تركبه يسوي لك تور حول جانوا كلها 
فجأه وحنا ندووور بالباص والشمس صاقعه روسنا وميتين حرررررر قزيت شي من بعيد ومو مستوعبه وشو .. لمن قربنآ وقربنا
يتشمس ضااااقت الدنيا
أحلى شي هناك , حياتهم كلها دبابات تشوف البنت الكيوت وبفستان راكبه دباب الشايب بدباب , العجوز بدباب .. الرجال بالبدله والشنطه وبدباب الأولاد الكول بدباب
منقول بتعليقــــآتـه لانهـآ عجبتني هههههههههههههه
دمتم بود ْ~
|
|
|
 |
؟
العرض العادي
