منتديات كوفي كوب Coffee cup - عرض مشاركة واحدة - إنطباعكم عن الإختبار النهائي لمقرر مبادئ الإحصاء

01-19-17, 10:03 PM

انا اشوف الاسئلة كانت سهلة الى متوسطة.
المادة كلها ما فتحتها الى اليوم بعد الساعه 12, جلست ادرس الى الساعه 6 الصباح ونمت بعدها.
المراجعات اللي سووها الأعضاء فادت كثير لان جت اسألة منها, وخاصة موضوع المراجعه حق احساس, لأنه شرح كيف جاب كل جواب, يعني حتى لو الأرقام تغيرت وانت شايف السؤال وكيف حله, بتقدر تحله.

اللي ما عرفت له جلست اقسم واضرب واجمع الارقام, مافيه عملية ما سويتها, اذا طلعت اجابة موجودة بالخيارات الحمدالله, ولا اختيار عشوائي.
ان شاء الله درجة نجاح بس, مررة ما ودي اعيدها.

والصراحة اغلب اللي مثلي ساحب ع المواد كلها وفتح كل مادة قبل يوم من الإختبار, هذي غلطتنا.

بس لازم مع المستوى الثاني الواحد يرتب اموره, وأشوف لو الواحد يدخل على البلاك بورد مرتين بالإسبوع, يشوف المحاضرات اللي نزلت, يحملها, ويحمل المحاضرات النصية, بتفيد كثير وقت الإختبارات, لانك بتراجع قبل الإختبار بس, مو تدرس من الصفر.
وكم ساعه كل اسبوع ما هي صعبة, حتى اللي عندهم دوامات ومشاغل.

وبالنسبة للإستاذ فراس, والله انه عسل.
شرحه بالمحاضرات مرره واضح, ولاحظت انه يسوي مراجعات كثير بعد, بعكس المواد الباقية.
غير اني شفت بالمحاضرات المباشرة باله طويل مع الطلاب, ويتحمل بعض الاسئلة الغبيه اللي تنعاد 100 مرة.