03-31-12, 11:00 PM
|
| |
جاء على بالي بحضنه اصير وابكي على صدره الى ماخاطري يطيب !!
ومن الفرح مو مركز في ملامحي وش تتوقعين بقولك ويسرك ؟؟ ابتسمت وانا احاول اني ابين طبيعيه قلي يامروح وشبك رجيت الباب ؟؟ يضحك ويقول ابشري بيصير لك كل شهر مني مبلغ انا انقبلت بالوظيفه صرخت ودموعي اللي كنت عنه اداريها صارت بزدياد تغيرت ملامحه وبعيونه يتفحص كل تفاصيلي ... وشفيك ياخيه ؟؟؟ ليه الدموع بعيونك من دخلت ؟؟ لاتقولين فرحه لانك يالهبله ماتبكين بالسهل لو تحررت فلسطين !! ضحكت وقلت : وش جاب فلسطين الحين .. قال هذا اللي جاء على باللي اقوله لاتصرفين الموضوع مثل عوايدك وترى اخوك فطين !! حسيت اني ابتلشت والكلام مني يضيع ... جاء على بالي بحضنه اصير وابكي على صدره الى ماخاطري يطيب بس كنت ادري ان الكف الحلاقه بيجيني وبينشد عن السبب وليه اليوم لحالي والمزاج متعكر والنونه معقوده .. قلت مصدعه وعلي بدايات سخونه ودموعي من حرارتي تنزل .. ضحك وانا ادري انه فهم التصريفه .. طيب الله ياخذ السخونه اللي خلتك تتعبين .. سمي بالله وتوكلي عليه ونامي .. وبكره بتصيرين ازين .. مسح على راسي وباسه وطلع .. ضحكت من الحركه لانها مو لايقه :m65[1]: وشوي الا يرجع وبوجي يطالع والحين ليه رجعتي تصيحين لاتقولين سخونه مسكتك ؟؟ تتكلمين الحين ولا بتنرجفين !!! ضحكت وكأني مو اللي تو بالذكرى سرحت وسببت دموع عيوني وزادت مرضي قالت: وين الدموع اللي عنها تنشدني اذا انت ماتلاحظ انا بعلمك قلب الحين يرقص من الفرحه وان ابد الكدر مو فيني قال: انشدك عن اول مادخلت مو الحركه الغبيه اللي كنت اسوي نفسي بها ذهين روقت وبديت عليه استخف دمي واسوي ان لي من الخبره سنين اقووول ياخوي لاتسأل عن ثواني عدت دامها راحت ونطوت وخلك للفرح وسيع الصدر وستقبله ولا تنشد عن الكدر مسك عقاله وقال : لا انتي اليوم مشتهيه جلده ياتنطقين ياتنثبرين ولا علي تفلسفين ... ضحكت وهالمره الكل سمعني وصوتي بالضحكات علت اخد من على الارض شماغه اللي طاح وبيده اليمين عقاله وضحك وقال خلاص : مدامني سمعت ضحكتك والبيت كلهم انزعجوا منك ومن ضحكتك العاليه وانك نسيتي ان بالبيت ناساً نااايمه بطلع واخليك انتي بعد تنامين ...بس لاعاد اشوفك بهذا الكدر والنفسيه
تمنيت اني احضنه ولراسه ابووس بس انا منه استحي ولان قدره عندي كبير
ايه هو اخوي الصغير بس اشوفك بالمراجل كبير .. مخرج / خاطره خطيتهاااا من دقايق واتمنى تعجبكم ...
 |