.
.
انا ماراح اقول عن اللي يسوونه .. نقص عقل
لأن من وجهة نظري .. اللي يسوون كذا .. عندهم فراغ عاطفي
واغلبهم بسن المراهقه , يعني محتاجين عاطفه بشكل كبيييييير
ومو لاقينها عند الام ولا الاب ولا الاخ ولا الاخت ,, وبكذا يمشون بهالطريق للأسف
تقريباً هذا السبب الرئيسي وفيه اسباب كثيرهـ
وكل هذا يعتمد على تربية الاهل .. والمعامله الكويسه
وفيه نوعين من التربيه ,, واغلب الاهالي ماشيين عليها .. بس للأسف كلها غلط
النوع الاول : تلاقي الاهل متشددين بالتربيه ومراقبين بناتهم بكل خطوه وكل شي لا لا لا لا
وبكذا البنت غصب عنها تروح لـ هالطريق .. وتحب بنت مثلها
توقعاً منها انها بتعوضها عن اللي تشوفه من معامله قاسيه من اهلها ..
وبتلاقي عندها الحب والعاطفه .. واهي مو عارفه انها مشت بطريق خطأ
والنوع الثاني : عاد مممرررهـ مخلينها على راحتها وكل شي اوك وبراحتك
وسوي اللي تبينه !! .. وهذا والله اكبر خطأ
يعني حلو الاهل يعطون البنت ثقه .. لكن ماتوصل لدرجة الاهمال
والتربيه هذي !! .. تخليها ماتفرق بين الصح والخطأ .. وبالاخير تمشي بهالطريق
بصراحه مافيه حل وسط وبكل الحالتين شآيلين العاطفه من التربيه
مع انها اهم شي بالتربيه ! .. وفيه اهل يحذرون بناتهم من العلاقات اللي مثل كذا
وتراها حرام وماتصلح ومدري ايش وينبهونهم .. لكن للأسف ماعوضوهم
وش الفايدهـ اجل !!
يعني استغرب من الام اللي تنبه بنتها من خطورة هالعلاقه .. وهي ما اشبعت عاطفة بنتها
واغلب العلاقات هذي تنتهي بفترهـ قصيرهـ ..
لكن احياناً والله تتطور العلاقه .. وتوصل لدرجة فضيعه
وفيه مقوله غلط .. كثير بنات يقولونها متوقعين انه كلام سليم وعين العقل يقولون .. احب بنت مثلي .. احسن من اني اكلم ولد !!! ^ 
مآيدورن انهم كذا سوو شي اعظم للأسف 
ولو البنت مشت بَ هالطريق .. يكون اللوم الاول على الاهل
لأن كل تصرف يصدر من البنت .. يعتمد على التربيه
.
.