10-04-10, 03:40 PM
|
| | | | | لوني المفضل Black | | رقم العضوية : 912 | | تاريخ التسجيل : Jun 2009 | | الإقامة : المملكة العربية السعودية | | المشاركات :
18,612 [
+
] | | التقييم :
67914 | معدل التقييم :   | | بيانات اضافيه [
+
] | | | |
وآستاهل (آاللمخه) وكفٍّ و بُقسسين..
والله, هذا اللي حصل قبل شهرين ..
في السوق وامي ياعرب هاوشتني
واجهت وحده حابكة رسمة العين
ورموشها من غير ذنب اطعنتني
البنطلون اسود وفيها من الزين ..
شي تعدى العقل لين اسبهتني
غير العبايه كتف, والخالق يعين!..
(ومخصّره), لا والله اللي انكبتني
صديت عنها, وكانوا الناس لآآهين
وابليس راودني وهي راودتني
وامي,تفرّج ف الملابس على هويين
ماهي بيمّي! وفي المحل خابرتني
مشخّص وكآشخ وانا مآني بشين
اعجَبتها وهي, والله اللي عجبتني
هي اقربت مني وانا ارحّب,آهلييين
ومن دون ما اشعر ياعرب صافحَتني
وأصل المحَل فخم, ومَقسوم دورين
ويم الدرج رجلين حظي خذتني
إلاّ امّي تناآدي: ياوِرع رايح وين
وفكيتها وهي اطلعت وتركتني
قالت وانا امك: انت ورع إلى الحين
وبشنطهٍ معها زعَلت , ولمختني
عمري تعدّى فوق واحد وعشرين..
ولآزلت وِرع فعين منهي ولدَتني
وضَحَكت واتعوّذت من هالشياطين
ومن نفسي اللي للردى طاوعتني
واستاهل (اللمخه) وكفٍّ و بُقسسين
وحسبي على اللي راحت ووَرطتني
|