12-15-08, 12:39 PM
|
| |
ترجيتك وانا دموعي تناديني
ترجيتـك وأنـا دموعـي تنـادي لا تفارقنـي
تعال وعالج إحساس ٍ جرحته حيـل وأهملتـه
قتلت الشوق في لحظة عنادك وأ نـت ظالمنـي
وحب ٍ مات في مهده حبيبي كيف أعد متــه ....؟
تناسيت الغلا وبعدك ياليـت المـوت ياخذنـي
وترحــل روح محرومـــه عزاها حـب ترجمتـه
جفاك وصدك أسهرني ودموع الحـب تحرقنـي
تشتت فكري وقلبـي عطيتـه لـك ولا صنتـه
تغير قـدري بقلبـك وفيـك ظنـون تاخذنـي
قسيـت وقلبـك القاسـي وانـا للــود علمتـه
خذوني من دفا قلبـك ويامـا كنـت توعدنـي
نسيت الحـب و أخبــاره وكنّــك مـا تحضنتــه
تردد لي صدى صوتك ( أحبك ) فيها أطربنـي
وأنــا لازلـت ارددهــا وحبّـك لـي تجاهلتــــه
أمانـه لا تخلينـي انـا مـا اقـوى تودعنـي
تعال ارجوك في قلب ٍ تركته يمـوت حطّمتـه
أحبك والجروح اللـي مـن عنـادي تعذبنـي
ترانـي حـيل ندمــان وعنـادي أنـت روّضتـــه
كفانـا جـروح ياعمـري طلبتـك لاتزعلنـي
أنا ما اقدر على الفرقـى تعـال بقلـب جننتـه
وضمه حيل لا تقسـي لعالـم ثانـي أسرقنـي
ولحظـــة حب تاخذنا وهــذا الحـب هـو أنتــه
|