منتديات كوفي كوب Coffee cup - عرض مشاركة واحدة - عيب على الرجال طرد المقفيـن ** و عيب على الرجال بنت تهينـه

#1 11-03-08, 01:25 AM

عيب على الرجال طرد المقفيـن ** و عيب على الرجال بنت تهينـه

دقيقة من فضلك قبل لا تروحين ** عندي كلام و لازم تسمـعـينه
يمكن كلامي ينفعك عقب تقفين ** ويمكن كلامي صعب ما تفهمينه
يمكن أكبر من خيالك و تزيدين ** إني كبير و عالمي تجهـلـيـنه
أنا الذي جيتك على ما تمنيـن ** عشق و قصيد و كل شي تبينـه
لكن عقلك تاه وأخطى العناوين ** تهتي وأنا اللي كنت أحسبك فطينه
كتبت فيك الشعر يمكن تحسين ** بس الشعر يا بنت وينك و وينـه
واليوم ماني لاعن حظي الشين ** و لاني بقايل قلبي الله يـعـيـنه
باقول جعلك في صدودك تمادين ** لأنك رخصتي عقب منتي ثمينـه
ولأني عطيتك فوق ما تستحقين ** لابد أصون القلب عن عاذليـنـه
و لأن عندي للمحبه قوانـيـن ** لا يناسبك قلبي ولا تناسبـيـنـه
روحي و أنا بروح لابد تلـقـين ** شخص مثل طبعك ولا تتركيـنـه
ولى إبتعدنا عن بعض لا تظنيـن ** إني على فرقاك نفسي حزيـنـه
بالعكس أنا ودي فرقاك من الحين ** لن الجفا حقك و تستاهلـيــنه
شفتي وفا قلبي و لازم تشوفـين ** وشلون قلبي يحترق خاذليـنـه
من باعني لابد أوريه الشـيـن ** وأقطع حباله لو حباله متـيـنـه
خلاص في نفسي ولا عاد تسوين ** ولا عاد لك في القلب غير الضغينه
حتى لو إني قلت لك شيخة الزين ** تأكدي في عيني اليوم شـيـنه
وبأختصرها جملة بين قوسيـن ** ( عشق على غير الكرامه غبينه )
عيب على الرجال طرد المقفيـن ** و عيب على الرجال بنت تهينـه
وآخر كلامي لازم إنك تعرفـيـن ** إني كرهت العشق و العن سنينه

الموضوع الأصلي: عيب على الرجال طرد المقفيـن ** و عيب على الرجال بنت تهينـه || الكاتب: » Łέτк мзέ || المصدر: منتديات كوفي كوب

http://www.cofe-cup.net/vb

كلمات البحث

جامعة الإمام عبدالرحمن بن فيصل ، واجبات ، ملخصات ، ملازم ، أسئلة ، جامعة ، كوفي كوب

المصدر: منتديات كوفي كوب Coffee cup - من قسم: قافية شاعر

udf ugn hgv[hg 'v] hglrtdJk ** , fkj jidkJi