منتديات كوفي كوب Coffee cup - عرض مشاركة واحدة

10-10-08, 08:46 PM

فارس : انتو قلتو لبوي فيه بنت دخلت بيتنا مع الصبح صح
رنود : ايه
فارس : ليه
رنود : وش اللي ليه
فارس : ليش تكذبون
رنود : ومن قالك انا نكذب
فارس : انا
رنود : وش ذا الثقه
فارس : بليز بنات تكفون غيرو كلامك
وبعد ين ترا موب طلال ولد عمكم عشان تساعدونه حتى انا ولد عمكم بليز ساعدوني وغيرو كلامكم
رنود : تبينا نكذب
فارس : محشومين من الكذب بس ليه قلتو ان فيه بنت واصلا مافيه بنت جات ولا شي
رندى تورطت لأنها ماتقدر تقولنا شي لأن مشاري موجود
رنود : بس احنى ماكذبنا
فارس : ماقلت كذابين بس اكذبو عشان خاطري انكان لي عندكم خاطر
رنود : طيب ليه
فارس : ابد صارت مشكله بسبب البنت الي تقولون انكم شفتوها وعشان كذا ابيكم تغيرون كلامكم وعشان تنحل المشكله
رنود : خلاص باقول للبنات ويرد لك اوكي
فارس : او كي بس ياليت ماتتأخرين
رنود : مشاري ضف عشان لازم نفكر بعمق
مشاري : اوكي وطلع
انا : بنات ضميري يأنبني واحس بندم واحس اني اكبر ظالمه
هنود : ممكن تنطمين عشان نعرف نفكر اذا امكن يعني
رنود : وش نسوي وهو شدراه انا نكذب
شيخوه : خلا نكلم طلال ونقوله شرايكم
ندوي : وطليل وش دخله
نوير : وش الحل
انا : خلاص باقول لعمي بس كيف نغير كلامنا فجئه
مهوي : قولي انس كنتي فاقده الذاكره والبنت كانت داخله بيتنا
رنود :لالالا فكره غبيه وبيكشفنا ناصر
انا : بس لازم اطلع فارس منها واورط طليل
ويدق فارس
رنود :هلا فارس
فارس : اهلين فكرتو
رنود : ايه
فارس : تكفين قولي انج بتساعديني لأني عن جد في ورطه
رنود : بس بشرط
فارس : امري لاتشرطين
رنود : تقولي وش المشكله اللي انت فيها
فارس : لا صعبه
رنود : هاذا شرطي وانت كيفيك
فارس : بس شرط
رنود : تعرف المثل اللي يقول طرار ويتشرط
فارس : اسف بس المشكله شوي خاصه يعني احراج بسراحه ولا اقدر اقولها بس خلاص باكتبها والرسلها لج
رنود : ووشو شرطك
فارس : لا بس كنت باقولج يعني سكري اسبيكر وادامج معزمه تحرجيني خلاص عادي باقولكم السالفه
رنود : لحظه وتكلمنى بصوت واطي شرايكم واشرنا لها مانبي نعرف السالفه وكملت خلاص فارس مانبي نعرف السالفه بس ماعندنا طريقه نقنع ناصر
فارس : انتي بس قولي لبوي اذا جات فرصه انج مع الصبح الساعه 5كنتي عندنا تبين تاخذين مني رقم اختي سحر
رنود : فارس بايخه ومكشوفه
فارس : خلاص قولي انج جايه تاخذين أي شي من عندنا
رنود : الساعه 5
فارس : خلاص قولي انج جايه ترجعين الاب توب حقي عشانج ماخذته تبي تستخدمينه في أي شي وانا قايلج تردينه في الليل وانتي نسيتي وجبتيه الصبح شرايج
رنود : خلاص اذا جاء ابوك بنقوله
فارس : بس لا تحسسينه انج تبين تقولين له
رنود : خلاص بس فيه احد بيتورط اذا انت طلعت منها
فارس : ااااالا ليه تبون احد يتورط
رنود : لا بس اسأل
فا رس: ودي اسأل
رنود : اسأل وش عندك
فارس : انتو ليه تطيعون كلام طلال
رنود : ليه وش سوينا له
فارس : يعني مخترعين البنت اللي دخلت في بيتنا عشان خاطر عيونه
رنود : ومن قالك
فارس: طلال
رنود : يكذب وبعدين موب يبي يورطك ليه يقولك انه هواللي قايلنا هذا غبي
فارس : وشدراج ان طلال مورطني
رنود : ااا موب انت تقول انك تورطت
فارس : انا اقول اني تورطت ماقلت طلال ورطني
رنود : عادي انا اتوقع انك 24 ساعه تتهاوشون وكل واحد يورط الثاني
فارس : شدعوه مبين علينا
رنود : يعني
فارس : ماعلينا بس حاولي تقولين لبوي قبل نطلع من المزرعه
رنود : وليه قبل نطلع من المزرعه
فارس: اااها مادري بس ها المشكله مرتبط في المشكله لوله يعني لازم اقولج السالفه الاولى عشان تعرفين السالفه الثانيه
رنود : خلاص باي
فارس : مشكورين وباي
واذن الفجر وصلينى ورقدنا وقعدتنا الساعه 11 صبح بعد جهود من البقره شيخوه قعدت وافطرت و تقهويت والساعه 12 قعدت جدتي البنات يصلون وقعدو كلهم وبعد كذا تغدينا وجلسنى في الصاله لأن الجو كان شوي حار ونجلس نسولف شوي ويدخل علينا جاسم وجا سيده وباس راس رنود وطلع وكلنا مستغربين وشوي جا ء عمي سلطان وباس راس رنود وراح واحنى مستغربين بعد وبعد شوي جاء عمي ناصر وباس راس رنود عاد احنى مسكناه نبي ندري وش السالفه
رنود : ترا ذا راسي موب الحجر الاسود عندكم خبر
ناصر : صدق زين قلتي لي
رنود : ناصر صدق وش السالفه
ناصر : ابد هاذ ابوي الله يسلمس يلعب معنى ورقه وهد حيلنا بألوامر والله اني شاك في ذا الشايب شكله يغش كل شوي فايز ولا مره خسر
رنود : الله يهدي ابوي مالقا الاراسي
ناصر : طالعو هاذي احمدي ربس اني شخصيا حاب راسس مالت عليس انتي وياراسس
شيخوه : خبله احد حاصله عمي ابو الا عمي تبيني اسميك ابو طلال ولا ابو فارس
عمي : عادي الا تبين عادي فارس او طلال
شيخوه : خلاص اسميك ابو فارس احسن من طليل
عمي : ليتني ادري ليه ما دانون طلال
انا : ماينهضم مادري ليه
عمي : حرام عليكم ترا طلول حبوب والله
ندوي : الله يخليه لك بس فارس احسن فرق اليوم عن امس
عمي : اللي يريحكم يله بااي
وراح وجاء العصر وصدر جدي الشباب كلهم راحو يلعبون كوره في ارض مقابله المزرعه قريبه من المزرعه مابقى الاجدي وعمي فيصل جلس يغسل الخيول امره جدي وطلعنا وعند الدبابات
انا : جدي فديتك تعال الركب معي لفه والردك
جدي : لا والله مالي في لعب في ذي ماحبها
مهوي : ماتحبها ولاتخاف منها اعترف جدي
جدي : لا تخليني اتهور
شيخوه : امانه جدي اللعب معنى
جدي : بلعب معكم
كلنا : هيااااااااااااااااااا
جدي : خلوني اكمل بلعب معكم لعبة زانه
كلنا : وشي
جدي : مدري ورقه واللي يفوز يأمر على الخسران
ريموه : زانه ياجدي
جدي : أي والله زانه كديت العيال اليوم خليت كلشي نضيف
هنوده : جدي امانه اللعب معنى
جدي : لا باروح اشوف فويصل نضف الخيول صح ولا لا
رنود : امانه يبه قل تم
جدي : كم رنوده عندي تم
رنود : يله اركب معي نوصلك للخيول
ويركب جدي ورا رنود ثم كلنا مسوين مسيره وراها لين وصلنى الاصطبل ونزلنا جدي ورحنى نتساق وتفحيط ووناساه وتونا نقحص الا ولميوه تصارخ هي طبعا راكبه على بانشي
لميوه وهي تصيح : بنات ما وقف مادري وشفيه
وكان البانشي مسرع سيده ما يلف ابد وكلنا وراها
انا :حاولي
مهوي : لفي حاولي
شيخوه : نطي وخليه
رنود:نطي
لميوه وهي تبكي بشكل هستيري لأ ن البانشي متجه لزرع وبعد الزرع فيه جدول : ما قدر نادو ابوي
وراحت ريموه تنادي عمي فيصل اللي في الاصطبل يعني في اخر الدنيا
والبانشي مسرع واحنى وراه على الدبابات بس ماقدرنا نلحقه لأنه سريع وتدخل في الزرع وتطلع وتدخل في الجدول وتطلع ولميوه تصيح وتبكي وتنادي ابوها طبعا البانشي يمشي سيد ما يلف لين وصل البوابه اللي كانت مسكره والبانشي يمشي 300 مسرع ونجلس نصارخ لأن لميوه بتصدم في البوابه وقال ضميري ( خلاص اغسلي يدس من بنت عمس اكيد بتفطس نفس خلود الي في مسلسل يو م اخر مات وهوعلى دباب كيف لميوه عاد على بانشي )
انا :جعلك المرض موب وقته
والبنات يصارخون ويبكون لأن لميوه وصلت البواب وخلص ماباقي عليها الا مترين تقريبا وتنفتح وكان مجود داخل وتدعمه لميوه بلبانشي لا طاير وطلعت برا المزرعه وضارب مجود في البوابه والدمه متناثر على البوابه وعلى الارض " بسراحه كان منظر صعب كتابته او وصفه "

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟