منتديات كوفي كوب Coffee cup - عرض مشاركة واحدة

09-25-08, 06:23 PM

هنو :يمكن
ريموه :الى اكيد
امي :اكيد ايش
ريموه :بنرجع نلعب
ساره :انتو ماتشبعون لعب حرام عليكم ذبحتو البزران
انا :لا مانشبع
ريموه :جربي العبي معنى والله ان ماتملين
ساره :لا اعفوني انتو لعبكم كله ركض و ازعاج وعنف
شيخوه :كل العب كذا عمري ماشفت لعبه بدون ازعاج
حصه ام شيخوه :الى فيه العبو سبر مافيها ازعاج
ريموه :ايه صح يالله نلعب انا وانتي
حصه :يالله جيبي شي نلعب به
قامت ريموه وخذت ثلاث بيلات وثلاث فناجيل عشان تلعب بها ورسمت على الارض خطة السبر وجلست تلعب هي وحصه ام شيخوه
عهود :يمه بلعب معس لاخلصتي انتي وريموه
حصه : زين
وجلسو يلعبون وشلة ريموه جالسين يشجعون
دلال :الله لايوفق ريموه الدفشه ذبحت ولدي موب طيب
الهنوف :اما انكم عنيفا ويش سويتو في البزران حتى رنود دزيتو لها فايرس توها جايه امس لدرجت انها سكرة الباب على يد بنتي الجوري
رنود :بنتس هي الي ازعجتني تتعبث في كل شي وبعدين ريماس الي سكر الباب موب انا
دلال :لا تورطوني بنتي بنتي ماتعرف شي
امي : لاعاد تلعبون ذبحتو البزران
شيخوه :لا بنلعب
انا :انطمي يالحقيره ليه تعلمين علي
شيخوه :عادي اصول العبه
انا :اصولس انتي مالت عليس
شيخوه :ياللع خلونا نلعب لعبه ثانيه
انا :ويش تبين تلعبين مالت عليس بعد جريمتس
شيخوه :خلونا نلعب ورقه
انا :يالله روحي جيبيها يالخايسه موب لاعبه معنى
شيخوه :لاوالله انتي الي موب لاعبه معنى
انا:انا موب غشاشه مثلس
شيخوه :اقول انثبري تبين تلعبين ولاموب لازم
وراحت شيخوه وجابتاها ولعبت انا وشيخوه وامي ولولوه و عمتي ساره ولميوه وامها ومهوي وامجاد اخت مهوي ونوير
والهنوف مرة خالد والد عمي سلطان
انا +امي فريق
شيخوه +عمتي ساره
لميوه + نجلا امها
لولوه + مهو ي
امجاد + خلود
نوير+الهنوف
والعب من امر الفريق الي يفوز ثلالث مرات يامر على الفريق الي مافاز ولال مره او اقل فوز ....وبدأ العب وطبعن امي مثل الطرش في الزفه ماتعرف تلعب وكل شوي خسرانين وكانت غمزتنا (حبيبة قلبي )امي الي مختارتها
وجلسنا نلعب بس مافيه حيله نفوز وبعد ثلالث جولاة خسرنا انا وامي وفازة شيخوه وعمتي ساره
انا :كل وحده لها امر واحد على وحده منى
شيخوه :انا بامر عليس وعمتي تامر على امس
امي :ساره تراني الكبيره
ساره عمتي :العب مافيه صغير ولاكبير
انا :شيخوه اخلصي ويش تبين
شيخوه وهي تفكر:ممممماااااااااااا ابيييييييييييي
ساره : ابيس يا العنود تصبيلي حليب
امي :بس
ساره :ايه بس وبعد عشان ترحميني
مهوي :موب للله
ساره :الى وبعد عشانها الكبيره
شيخوه ليلوه روحي اخذي كورة نصور وقطيها على الرجاجيل
انا :لوا تنكتين
شيخوه :ترا موب العبه معنى
لولوه :عادي روحي قطيها تراها كوره موب قبله
انا :كله من امي ماتعرف تلعب وخسرتني وخلتني ملطشه لشيخوه ومثالها
امي :انا الي خسرتس ولا انتي ماتعرفين تلعبين
انا :الله اعلم من الي مايعرف يلعب اول مره واخر مره تلعبين معي يمه
نوير :هاذا عقوق الي قاعده تسوين ياليلوه
انا :انطمي امي وكيفي صح يمه
امي :لاموب صح لاعد تورطيني
شيخوه :اخلصي نفذي امري يالله
انا :مالت عليس وعلى اوامرس
قمت وخذيت الكوره قلت بحذفها بعيد من الرجاجيل وقطيتها ونصور يتحلطم وتوني راجعه الى وسمع صوت.. طقش.. وصوت الشباب يتحلطمون انا تورط طاحت عليهم وروح ونخش ورا امي
انا : لاتعلمون انه انا زين
الكل :زين
وجا عمي وليد ومسك اخوي نصور مع تي شرته من ورا
وليد :انا ماقلت لك روح العب بعيد
نصور :انا ماثويت شي موب انا
وليد :بعد تكذب
حمني :لالا الي قاط الكوره ليلى
لوليد بستغراب :ليلى
حمني :ايه انا شفتها وهاذي منخشه ورا امها
ويجي قريب مني ويشر علي بيده وانا متورطه جعله الجلطه
عمي وليد بعد مافك نصور :ليلى ليش قاطه الكوره
وقالت له امي السالفه انا نلعب وهاذا طلب شيخوه وهزئ شيخوه يقول ويش ذاه الطلب البايخ وراح
انا :هين ياحمني والله الورك شغلك لاخلصت
حمني :يمه شوفي
جواهر :لاتلمسك ذبحتها
وبدينا نلعب من جديد وفازو فريق لولوه ومهوي وخسر فريق نجلا ولميوه
نجلا بدلع:اذا المر متعب موب منفذته
مهوي :بتنفذين غصب وانا الي بامرعليس
لولوه:انا بامر على لمياء
لميوه :ويش تبين
لولوه :روحي شوفي دلوعه وينها
لميوه :او كى ....وراحت
نجلا :مها ويش تبين
مهوي :ابيس تقومين وتحبين راس امي
نجلا:لا والله
هيا :خير ويش فيه راسي ماتبين تحبينه
نجلا :مافيه شي ....وقامت وحبت راس خالتي هيا
لميوه بعد ماجات:دلوعه تلعب مع البنات في الخيمه
وبدينا نلعب من جديد وانا وامي حضنى ردي ومافزنا و
فازو امجاد وخلود وخسرو الهنوف ونوير
خلود :الهنوف قومي سوي لنا حليب عشاني احب حليبس
الهنوف :حلس بطنس انشاءالله لا مافيه حليب خلي الخدم يسون لس
خلود :لا انا احب حليبس امانه روحي سوي
امي :ايه صح حليبس احلى من حليب الخدم
الهنوف :بروح وامري للله ........وقامت وراحت
نوير :وانا ويش اسوي
خلود:روحي سويلي سندويتشه
أمجاد :لاوالله وانا امر على من
خلود:موب لازم تامرين
امجاد :اصلان مافوزس غيري ولانتي ماتعرفي تلعبين ادربين راسس
خلود :خلاص بقسم السنويتشه بيني وبينس
أمجاد :مابي اكل ابي امر
نوير :اخلصو ويش تبون ترا بلغيه