منتديات كوفي كوب Coffee cup - عرض مشاركة واحدة

09-25-08, 04:19 PM

ويقاطعناعمي فيصل : شباب بنات وكبار وصغار رجائن اسكتو مع احترامي للجميع ممكن
ألكل سكت وجلس يطالعه
عمي فيصل :بدل ما كل شوي يسولفون بروحهم خلونا نتشارك وكل واحد يقول سالفه اتفقنا
ألكل :اتفقنا ألا احنا يابنات ما نقدر ننقط يعني مستحين
فيصل :يالله الي عنده سالفه يقولها تضحك يقوله او حتى موب تضحك عادي يقولها
شيخوه بصوت واطي :بنات عندي سالفه بقولها
أنا :ويشهي
شيخوه :يوم شافوني عيال الجيران
انا: اسكتي الله يفضحس من زين السالفه تقولها
شيخوه : عادي زينه بقولها
انا :ويش بتقولين ذبحت ابو الجيران وعيال الجيران الثلاثه فقعو راسس وشافو خشتس
شيخوه :صح فشله خلاص بقول يوم مسكنا صديق طلال وربطناه نحسبه دريول
أنا :أي انتي ناويه تفضحنى كل سالفه العن من الثانيه
شيخوه :هاه ويش اقول
انا: دوري سالفه انا موب معس فيها ولا لي أي صله فيها أو علاقه وقوليها
مهوي :غصب يعني تسولفين مالس داعي انطمي احسلس واي سالفه عندس قوليها لنا زين
عمي فيصل : انت يافارس ماعندك سالفه او شي
فارس :لا
فيصل : انت يا فواز ماعندك شي اعرفك سوسه ومواقفك واجد
فواز :لاتقول سوسه ثم افضحك وعلم بسالفتك
فيصل : أي سالفه اصلا انا اخر واحد تصير له سوالف
فواز :يومك رايح لدوام
فيصل :متى واي دوام
فواز:متى الساعه 6 و33دقيقه22 ثانيه الصبح
تاريخ 25 \2\2007 وكنت كاشخ حدك بشماغ كله نشاء ولابس نعالك الجديده الي شريتها من الاندمارك البيضى ولابس نضارته الشمسيه الي ماخذها من عند وليد ومغطيه نصف وجهك وطالع من البيت ومفتاح سيارتك في يدك والشنطه ولابتوب وتوك على الدر حق البيت
ويقاطعه عمي فيصل : بس اسكت كيف شفتني
فواز :افا عليك انا اشوف كل الي يصير برا وداخل أكمل ولا لا
فيصل : كمل عادي ما سويت جريمه
فواز : هاذاطول الله عمركم عمي فيصل طالع من البيت في ليوم الي قلت لكم والشكل الي بعد قلت لكم وكان يمشي ويطالع روحه معجب في نفسه إلى ابعد الحدود والعطر الي وصلتني ريحته والكشخه كنه مواعد احد
ويقاطعه فيصل :انا قلت لك قول الي صار موب تورطني
فواز :اسف خاني التعبير ألمهم فجئه وعمي ماشي ويطالع في روحه طار
رشود :كيف طار لايكون حمامه
فواز: مدري كيف اهم شي انه طار كيف مدري وارتفع فوق وطاح على الارض ونفرش كنه زوليه والكوبرا طارت وطاحت ونكسرت لأنها كانت شبه يابسه من النشاء
وانعل كل وحده في جهه والنضاره انكسرت نصفين ولابتوب طار وطاح على راسه كيف مدري الحركه كانت سريعه ما قدرت القط التفاصيل ألمهم حتى ساعته انقطعت من قوي الطيحه ويقوم بسرعه وعلى طول يتلفت عشان يتئكد ان محد شافه بس ما شافني معني كنت واضح بس ما لومه الطيحه قويه ويحاول يجمع اغراضه قبل ما يشوفه احد ويرجع ويخلي بقاياه الي هي الساعه والنضاره الي حطيتها في متحف الاعائله بس
ألكل :هههههههه واحنى كنا نضحك وهو توه يسولف لان طريقته في الشرح كانت تضحك
وكل ذاه وعمي فيصل موب مصدق انه شافه وقدر ينقل الي صار بتفصيل الممل
فيصل :وين كنت فيه يا العله
فواز :رجائن لاتقو عله عشان ما افضحك
فيصل : ويش بعد أنت تراقبني ذا انا الي هو انا اناسي الي صار لي
فواز :بسراحه انا ويش ذنبي انكم تصير لكم مواقف وانا موجود
فيصل :أي موجود كذاب انت الي تراقبنا
عزوز مدري عبود :موب انت لحالك يا عمي ذاه عله كل شي يعرفه
خالد نايف :عنده حب استطلاع
يوسف : يوم عنده حب استطلاع على قولتك ماشوفه سألني عن حلمي
خالد نايف : ستطلاعه غريب ما يحب يسأل يحب يعرف لحاله
طلال :مثل بعض الناس
رشود :اههاهاهاهاها
فواز :ههاهاهاهااهاها
انا :بسوت واطي :بنات طليل الحقير يقصدنب تكفون امسكوني ولا تر بقوم اتوطا في بطنه
نوير :أصبري ان الله مع الصابرين
شيخوه :لمتا بتصبر لين يقول اسمها خلوها تروح تئدبه عادي
مهوي: انطمو ماعندكم ماعند جدتي
أمجاد :ليه ويش عند جدتي
مهوي :ههه انطمي بس
شيخوه : أنتي أصلن ويش جلسس معنى قومي انقلعي
امجاد :خلاص والله لا اسكت ولاعاد تسمعون صوتي
شيخوه :لوا قومي فارقي أصلا ويش مقعدكم معنى يعننا كبار يالله فارقو
رنود: انتوحكيكم واجد اسكتو
نجود : شيخه حرام عليس خلينا نجلس معكم احنى كبار
شيخوه :يعني واصطه بوجهس قومي انتي وياها فارقو يالله
رنود: اسكتو العنه الوحده في ثمها عشره يتكلمون
أحنا مستغربين من رنود لهاذي الدرجه تجرت علينا ولاعشانها مندمجه مع السوالف
جسوم :طلال تقصدني صح
طلال :لا أنت تشوف نفسك دعله
جسوم :لا طبعن
مشعل :ايه نافق نافق و قول لا بعد إلا دعله وتموت على شي اسمه تفتيش انت لونك مشتغل في التفتيش كان ما دخل في قطر أي شي ممنوع من كثر ما تنبش
جسوم:ويش انا مسويلك
مشعل :كل يوم ناكث سيارتي ما تخلي فيها شي ما تنكثه ليه مدري وياليتك تنكث وتخلي كل شي مكانه لا اذا عجبك شي تاخذه ماعندك مشكله
جسوم :هاذا الي تكلم عنه انا
خويلد اخوي :وليه موب مصدق لا تكون تنكث سياراتنا وانت ماتدري ولا يسر بك الجاثوم وتنكث السيارات وتاخذ السي دي يات
جسوم :انتو من جدكم يا العرابجه
خويلد :سوئال يطرح نفسه بعنف انت ليه تاخذ سيديات الاغاني انت طرار ماتقدر تشتري لك سيديات
جسوم : عجزان اشتري وهي عندكم قاطينها كذا قمت خذيتها فيها شي
مشعل :صدقتك طيب ليه تاخذ مومريي
جسوم :بسراحه ماخذه عشان انكثه يمكن فيه شي يعجبني
تركي :ليه تكلم بجوالي
جسوم :متى
تركي: مدري عنك كن ماعندك جوال
جسوم :ويش فيها اذا كلمت بجوالك انت عندك درزن
تركي :كيفي حاسدني روح اشترلك
جسوم :في المستقبل
سلمان :ايه صح جسوم ليه تاخذ شريطي حق البلايستيشن ألكوره
جسوم بستغراب :متى
سلمان :مدري عنك كل شوي ماخذ شريط كل ما شريت لي شريط جديد خذيته
جسوم :ماخذيت الاواحد لعبت به عندكم وعجبني وعطانياه عبود
عبود :يكذب ما عطيته شي
جسوم :قصدي خذيته وقلت برده بعدين ونسيت
لميوه بصوت واطي :بنات بعلم على جسوم
احنى :لييييه
لميوه :ماخذ الجل حقي ولا رده
لميوه وتنادي ابوها وتعلمه
عمي فيصل :محد سلم منك يا جاسم حتى بنتي لميا ماخذ الجل حقها ولا رديته انت ما تستحي
ألكل :هاههاهاهاهاااههاه
جسوم وهو متورط:لعنه انتو ويش فيكم علي راح ابوي وامي واستلمتوني والله ماتسو علي أي احد خذيت منه شي يكتبه في ورقه وبشتريه بعدين
نواف :بتخرب ميزانيت جدي أذا سويت الي قلت فنصيحه لاتنفذ الي قلت يمكن يبترا منك جدي
ابوي :خلاص ماتسو على جسومي كليتوه
عمي فيصل :يالله شباب ويا بنات قولو مواقفكم
عمي نايف :قولو مواقفكم قبل يصير لخوي فيصل شي ساع يتشحثكم وانتو ما فيكم حيله
يوسف: احسن قدلي ساعتين اتشحثه عشان اقوله الموقف الي في حلمي ولا عبرني والحين هو يتشحث الشباب ولا عبروه يمهل ولا يهمل
خالد:يالله شباب خلونا نقول مواقفناالمهم
ويقعدون الشباب يقولون مواقفهم اللي كنهاو جيهم لين الساعه 2 وبدا كلواحد يروح يرقد لين ماقعد في الخيمه غيرنا نسوي حليب ونجلس نعلق على السوالف ثم رحنى نرقد لأنا نعسانين على الاخر على فرشنا جات ريموه وشلتها بفرشهم
ريم :: هاه فكرتو نبي نرقد معكم
مهوي :لا ضفو
لميوه: راجعونا بكره
ريموه : امانه بنات
انا :خلاص اخر شي بكره اذا وافقنا ولا انسو انكم ترقدون عندنا وراحويرقدون مع اهاليهم وندوي اختي قالت القصيده بس محد سمعها كلنا رقدنا وهي تنقط عند روسنا
اما الغريب في سهرتنا هو رندى بدت تتأقلم مع الجو وتسولف عادي
وبعدين صحينا الفجر نصلي
قلت للبنات الجو حلو خلى نجلس واعين والكل كان راقد حتى الخدامات عاد احنى سوينا حليب وفطور سندويتشات وفرشنا زوليه برا وافطرنا والجو كان خيااااالي روووووعه
قالت رندى : بنات شرايكم عند كل باب خيمه نحفر حفره ونخفيها ونشوف اول واحد يطلع هو اللي بيطيح فيها
قلنا :اوكي وكل ثنتين مع بعض وخلصنا الحفر الساعه 5
مهوي : بنات شرايكم نتمشى على سيارت جدي شوي واوريكم سواقتي
قلنى :اوكي وركبنا في سيارت عمي ناصر لأنها ارمادا
مهوي تسوق ورنود قدام مسويه نفسها كبيره لانها عمتنى
وانا وشيخوه وندوي ونوير في الوصط ولميوه وهنود في الشنطه ورحنى تمشينا ومهوي تسوق بسرعه واول ماابعدنا عن الخيام ركبنا انا وشيخوه ونوير فوق التنده ونوير مانت تصور بجوالها ومطولين على المسجل ومشغلين الواوا والبنات الي في السياره مطلعين روسهم من الدرايش والي طالعه بكبرها من الدريشه ويرقصون علي الاغنيه
ــــــــــــــــــــــــــــــــــــــــ ــــــ فوق التنده ــــــــــــــــــــــــــــــــــــــــ ـــــــــ
انا: وناسه حي جدي خلاهم يجيبونا للبر
نوير :خايق يخلونس مثل ذيك المره وتسوين جريمه
انا :تنكتين
شيخوه :بنات ويش رايكم نوقف ونلعب ونستانس
انا :ويش نسوي مثلاً
نوير :كوره اذا امكن
انا :لوا قرفتيني موب لاعبين كوره وبعدين مامعنى كوره
نوير :ياحراام فاتني اجيب
شيخوه : خلونا نوقف وننزل نسوي أي شي
انا :قولي لمهوي
شيخوه :مهوي مهووووووووووووي .... وطبعن مهوي ماتسمعى عشان المسجل صوته واصل اخر الدنيا
وفجئه اسرعت مهوي شكلها الغبيه نست انا فوق السياره او انهاتستعبط ولا لقينا مكان نتمسك فيه وكلنا مدخلين يدينا قصدي روس اصابعنا في الفتحه الي مسكره ومهوي مسرعه وحنى نصارخ لانطيح متنى وفجئه السحبت برك ثم طرنا كلنا انا ثم شيخوه ونوير ثم الجوال وطحنى على الكبوت ثم على الارض قدام السياره وطاح الجوال على راس نوير ومتلينا تراب ويع وندفنا ووقفت مهوي السياره ونزلو يضحكون علينا من قلب الخايسات
انا وانا جالسه انضف نفس من التراب : جعلس الجلطه يالحقيره ليه تسوين فينا كذا
مهوي :رنود طالبه مني
وقامت شيخوه وبقست مهوي في بطنها لين بغت ترجع
شيخوه :احسن يالملعونه ليه تطرحيني
مهوي :هي تتئلم :والله ماخليس يالدبه
شيخوه :معذبتس الرشاقه
هنود :شيخوه اشهد انس دفشه طلعتي مصران اختي
نوير :احسن مالت عليس انتي واختس الله لايوفقكم اذاامكن
ولا يرحمكم في الدنيا ولافي الاخره وجعلكم انشاء الله ماتشمون ريحت الجنه اذا بعد امكن
هنود :النوري حرام عليس استغفري ويشدخلني ادعي على مهوي بس ويارنود
نوير :ليه تدافعين عنها
انا :جعلكم الجلطه يادبش ليش تخلون مهوي تسوي فينا كذا
ندوي :ليه تركبون فوق السياره
نوير :نوسع عليكم
وقمنا بعد ماتحتتنا من التراب ورحنى نركب وراحت شيخوه وركبت عند السواق يعنيتبي تسوق ومهوي ماخذه المفتاح
شيخوه :جيبي المفتاح خلينا نروح
مهوي :لوا مافيه انا الي بسوق ولاروحو رجليه
شيخوه :والله مايسوق غيري
مهوي :من زين سواقتس
شيخوه :احسن من سواقتس يالعليميه
رنود :يالله عاد وحد تسوق وتخلصنى
انا :خلو شيخوه تسوق
نوير :ايه صح مانبي الحقيره مهوي تسوق
لميوه :يالله عاد وحده تسوق وتخلصنا
مهوي :انا الي بسوق ولاموب معطتكم المفتاح
وانزل انا ونوير ونمسك مهوي ونمحطبها وناخذ المفتاح ونعطيه شيخوه ونركب وجات مهوي وهي تدعي علينا من قلب وركبنا وساقت شيخوه بسواقتها الي كنها وجهها بس عاد احسن من مهوي وبطلت الفتحه وطلعت معهى انا وهنود وشيخوه تسوق بشوي شوي مالت عليها