منتديات كوفي كوب Coffee cup - عرض مشاركة واحدة

09-25-08, 04:11 PM

الكل: خلاص يالله
ونصف وتعدنا مهوي وتصير المطارده على شيخوه ويا اختها عهود وننتشر كل وحده تدور مكان تنخش فيه والروح " و انـخــــــــــش فيه ويون وين " واجي ورا اخر خيمه واوقف ويبدون البنات يدورون وانا وقفه الا وذاك البقس اللي حافرظهري من داخل الخيمه لاطايحه على وجهي وتطلع الملعونه شيخوه بسرعه من تحت الشراع وتنط فوقي وانا طايحه على وجهي والتراب دخل في عيوني المهم انها لعنت خيري ظربتني لين تفلت العافيه معنه المفروض بس ترظربني ظربه خفيفه بس المهم انا كنت اول وحده يعني انا اللي اللحقهم المهم
انا ورنود اللي نلحقهم وانتشرو البنات وبعدين رحنا ندورهم وجاو البنات وصدنا لميوه وريموه وامجادوه وما بقى الا شيخوه على كبرها مالقينها
وتوني ادور قال ضميري ( اكيد انها في خيام الرجاجيل بما ان جدس قال اخذوراحتكم )
وانطلق للخيام والدور في الخيمه الاولى بس مالقيتها والدخل المجلس والقاها في الزاويه منخشه في البطانيه ومنسدحه على ظهرها عشان ماشوفها وجي وانط فوق صدرها واظربها لين تفلت العافيه
واقول عشان تعرفين تظربيني وانا ماسويت شي واقفه من خشه وانتي عنيفه مالت عليس وجعلس الجلطه ولوني متأكده ان الجلطه موب فايده فيس والظرب بكل ماعندي من قوه واقوم واوقف و ادخل يدي تحت البطانيه وامسك شعرها وسحبها وانارايحه تستاهل عشان ثاني مره تعرف تظربني واول ماطلعت من الخيمه معاد مشت شيخوه اقصد حبت لأنها كانت تمشي على ركبها ويوم قدني طالعه من الخيمه استغربت ليه ؟؟ شيخوه ماتكلمت واول ملتفت الا وانا ماسكه فواز من شعره وهو جالس ويطالعني وانصدم وامسح راسه واحط رجلي للمخيم واحصل البنات يدوروني وجيهم وانا شكلي مصخره وامسك شيخوه بدون مقدمات واظربها لين بردت كبدي وكلهم استغربو شكلي كنت خايفه
واجلس واقولهم السالفه والروح مهوي تقول لخوها السالفه لأن شكله منصدهم الظاهر كان راقد
ويضحكون البنات علي وراحت له مهوي
واحنى رحنى نصلي المغرب والعشا قصر وبعد الصلاه جات مهوي
وقالت مهوي : فواز يقول وشذا العنف عند ليلى
انا: الله ياخذه وش مقعده
ضميري ( اكيد جدس خرف) انا اكل تبن
مهوي : يقول قالو عماني يقعدون الحريم ماعندهم احد
قام ابو الشباب ود قصدره وليته مادقه لعنتي خيره
انا:كله من البقره اللي جنبس
شيخوه : الله اعلم من البقره
شوي وجاء جدي وكلهم معه وبعدين تعشينا وبعد العشا
جدي: بنات نبي نسهر كلنا ذالليل
انا : هيا جدي بتسهر معنى
جدي : اقصد كلنا يعني العايله كلها وبعدين تستحون من خوانكم
ندوي : لا ياجدي مانستحي عادي خلهم يجون
جدي: بعدي والله بنتي خليكم في صوب وهم في صوب
وقلنا اوكي وجاء عمي وليد وحط الضائت الخيمه على برا يعني الجزء اللي بنجلس فيه يا البنات مظلم لأنه اللي داخل الخيمه اما الجزء الثاني فاكان النور عليه يعني الشباب مايقدرون يشوفونا وبطل عمي واجهت الخيمه حقت الجلوس وشب الضو وحطو الحريم انواع الغواري شاي وحليب وقهوه وجاو الشباب كلهم وسوينا دائره كبيره مره الحريم في جهه والرجاجيل في جهه
واحنى كنا نقز على راحتنا وبدت السوالف واما احنى كنا مجرد مستمعين
جدي : و شذا اللبس الي انت لابس ياطلال " طلال كان لابس شورت لتحت الركبه وبلوفر كلما تحرك طلع بطنه "
طلال :شفيه ياجدي مريح
جدي : ياولدي مابه ازين من الثوب المريح
طلال :جدي بس اللبسه وقت النوم
وينط رامي :جدي ليلى لاجات ترقد ماتلبس شي
والكل :ههههههههه مستانسين وانا رحت في خبر كان
جدي : عيب رامي اكيد تلبس "وانا خلاص بموت نفسي الللعن خيره"
رامي:لا قسم بالله اليوم وهي قاعده من النوم ماعليها شي صح يبه
عمي سلطان :لا وبعدين عيب يالله روح الرقد
وبدى فواز يكلم راشد ولد عمي سلطان بصوت وااااطي وبعدين ضحكو
انا قلت للبنات بصوت واطي اكيد يحشون فيني والله لا ذبح راميوه
عمي ناصر: اعترف انت وياه في من كنتو تتكلمون يالله
فواز :والله مانتكلم في احد بس تذكرت شي وقلته له
عمي فيصل : ماينفع تقوله لنا عشان نضحك معكم
فواز : ينفع بس اخاف اتكلم يزعل علي احد
عمي ناصر: تطمن محد زعلان
فواز : لا بس اقول تخيل انك منسدح ومتغطي ببطانيه في امان الله ومتئكد مليون في الميه ان مستحيل احد يجيك لأنك شبه بروحك وفجئه ينط فوقك شي ويدوس مرمتك وانت ساكت وبعدين يمسك شعرك بدون مايشوفك او انه يشوفك ويستعبط ويسحبك وبعدين ينصدم لما يشوفك يقوم يرقع ويرتب شعرك ويروح ويخليك مصدوم
الكل :ههه هه هههه ههه ههههه
اما انا : كنت متوهقه جعله المرض ماعاد ناقص الايقول اسمي
عمي فيصل : من الي عنده موقف حلو يضحك أونكته او حتى لغز ولاسالفه يقولها
مشعل اخو مهوي :عندي نكته
عمي نايف :قول
مشعل :فيه احول يبكي دموعه نزلت مع اذنيه
الكل :ههههههههههههههههه
فهد اخو شيخوه :فيه صعيدي رجع بذكرياته ورى ذبح اثنين
الكل :هههههههههههه
عمي ناصر :ماتقولي الحين ويش الي يضحك
فهد: ذبح الثنين
عمي ناصر :وبعدبن
فهد :عدهالي عاد والله ماعاد تسمع صوتي
الكل :هاهاهاهاهاههاهاه
خويلد اخوي :اناعندي نكته مسمارسوى رجيم صاردبوس
الكل :هاهاهاهاهاههاهاه
امل :فيه ولد ضرب اخوه الصغير وضاق الصغير حيل وجلس عابس يعني مكشر طول اليوم وفجئه
ابتسم الصغير قام سأله اخوه الكبير قاله خلاص رضيت عني قال الصغير لأ بس استريح شوي
وسكتت امل
عمي فيصل ابوها :شفيك سكتي كمل القصه
امل :هاذي نكته
الكل :هاهاهاهاهاههاهاه
عمي فيصل :صدق مادريت احسبها قصه كان ابيس تقولينها لي قبل ماارقد
الكل :هاهاهاهاهاههاهاه
نصور أخوي : عندي نكته عادي اقولها
أبوي:قول
نصور :فيه عجوذ راحت تعذي ناث ماتت عندهم
الكل:هاهاهاهاهاههاههههههههههههههههاههاها هاهاهاهاها هاهاهاهاه "طبع ذاالضحك كله موب على النكته على طريقت نصور في الحكي "
دانا بنت عمي سلطان :فيه بقاله سوت رجيم
صارت بصطه
الكل :هاهاهاهاهاههاهاهاههااههاااااهه
سلمان :أحول امه ماتت راح يدفن ابوه
الكل :هاااهاهاهاهاهاهاههااااااااااا
عبير :فيه مره حطت دجاجه في الثلاجه فباضت ايسكريم
الكل :هاهاهاهاهاههاهاه
نجود :واحد طلعة براسه فكره صار يسقيها كل يوم
الكل :ههههههههههههههااااااااااااااا
مشاري :مدرس جغرافيا ضاع ولده راح يدوره في الخريطه
الكل :هاهاهاهاهاههاهاهههاهااااا
خالد ولد عمتي ساره :كان فيه رجال كريم تزوج مره كريمه...جابوا ولد أعطوا للجيرانا
لكل هاهاهاههههاهاههاهااهاه
ريان : فية كوري تزوج كورية جابو أربع كور وضربة ركنية وتسلل وفاول ورمية تماس وقووول.
الكل : هاهاهاهاهاهاهاهااه
مشاعل بنت عمي فيصل:مره واحد اسمه زعتر تزوج وحده اسمها زيت جابو بنت سموها منقوشه
كل الحريم :هاهاهاهاهاهاهاها
تركي : مافهمنى
جسوم :بايخه لاعاد تنكتين اوكي يا حلوه
عبود مدري عزوز : هاهاهاهااي
جسوم :ماقالت شي يضحك
عبود مدري عزوز: ضحكه صدقه
تركي :ويش يعني منقوشه
فيصل :عمى انشاء الله ويش فيكم على بنيتي ومحد طلب منكم تضحكون هي تنكت لي انا وعمانها
منال بنت عمتي ساره : مره واحد مستعجل تجوز وحده مستعجله جابو ولد مو فاضيلهم
الكل :هاهاهاهاهاهاها
مشاعل : معلم و معلمة تزوجو كتبو الكتاب في السبورة
الكل :هاهاهاهاهاهاها
مشاري :فيه عجوز طقعت جاها شد عضلي
الكل :ههههههههههههههههههههههههههه
امجاد بنت عمي نايف:واحد يحب الجوال جاته مولوده سماها شريحه
ألكل: هاهاهاهاهاهاهاه
فواز : هاذا اكيد تركي في المستقبل ألناس عندهم جوال ونكثرو ثنين وذاه 4 جوالات ألي يشوفه يقول ذاه ماسك اكبر شركه في قطر ولا رجل اعمال مدارا انه خايب توه في الجامعه واتوقع انه موب مخلصها الى مع سلمان
تركي : اولاً ويش دخلك معي54 6 كيفي ثانين أنشالله اجلس في الجامعه مليون سنه محد قالك توقع مفهوم
تهورت ريموه أختي الخبله وقالت : فيه واحد يستهبل تزوج وحدة تستهبل جابوا ولد سوى نفسه ميت!!
الكل :هههههاههاهاهاهاهاهاهااهههههها
خالد أخو مهوي :هاذا اكيد عزوز
خويلد أخوي :لا عزوز مايستهبل عزوز هو اصله هبيله
عزوز :تنكت انت وياه يا العاقلين على فكره انا اعقل منكم ولاتبوني اقول بلاويكم عشان تدرون من العاقل فينا
خويلد : ـــــــــــــــــ
خالد : ـــــــــــــــــــ