منتديات كوفي كوب Coffee cup - عرض مشاركة واحدة

09-25-08, 03:47 PM

وفي بيت شيخوه
شيخوه : تعالو لقسم العيال انا بدور في غرفة يوسف لأنه متين وانتي ليلوه دوري في غرفة عزوز و عبود او غرفة رشود
انا : وعزوز وعبود ما قررو كل واحد يروح في غرفه
شيخوه : احيانا احس انهم زوج وزوجته ما يتفرقون ابد ا
نوير : حرام عليكم لأنهم توئم محد يقدر يعيش بعيد عن الثاني تصدقين ليلوه اذا واحد تعب الثاني يتعب
انا :يا صبحان الله كيف تميزونهم من بعض انا مستحيل اعرفهم
شيخوه :ياكثر مانغلط بينهم الى درجه ان ابوي رابط علي يد عزوز خيط صغير ما ينشاف عشان يعرف لأنهم اذا اخطا واحد يتعاقبون الثنين لأن ابوي مايدري من الغلطان
انا : عسى الثنين ريانيين حتى الموت نفسي
نوير : اكيد حتى غرفتهم ريانيه روحي شوفيه توهم مجددينها
شيخوه :لا تنكثينها تراهم يعرفون اذا احد دخل غرفتهم
انا : تطمني
وادخل غرفة التوئم كلها ريانيه الجدران لونها احمر مع تعتيق اسود والاثاث اسود والاكسسوارت حمر ا
ومضبطه على طريقه عمليه وابطل الدالوب وبدا ابحث عن تي شيرت رياني والقى مليون تيشير رياني واخذ واحد وتوني بطلع واشوف نوتاه على المكتب وبطلها كانت مكتوبه بألنقلش مافهمت منها الا
انا خايف على عبودي
اخاف افقده مااقدر اعيش بدونه
انا حيران وخايف ياربي ساعدني
ويا........عبود سامحني
وبعدين رقم**********5
وتوني قاعده اترجم الا وشيخوه تناديني واطلع على طول
شيخوه : لقيتي ولا قعتي تنكثين كا العاده
انا : شيخوه حرام علس وبعدين ليه ماوريتينا بيتكم يوم جددتوه
شيخوه : ماجات فرصه من مصيبه الى مصيبه وبعدين مافات الا اشر
يالله اوريس اياها
وبدت توريني غرفت امها وابوها ثم قسم خالد وزوجته ثم قسم جواهر وعيالها ثم غرفت يوسف ثم راشد ثم خلود ثم عبدالله وعبد العزيز ثم تركي ثم غرفتها ويا نوير ثم غرقت فهد ورايد ثم سلمان ثم عهود ونجود ودانا ومي ثم ورامي ونصور ثم الصالات ثم المطبخ والمجالس واخيرا طلعنا للحوش حصلنا البنات لابسين وينتظرونا كلنا لبسنا تي شيرتات وشورتات ريانيه
انا فديتني كنت اهبل بس علامة الجوده فضيحه ركبي سوووود وشيخوه كانت لابسه سداوي مالت عليها وعلى السد معها صح متينه لكن البس كان حلو عليها وركبها بضاء" يارب اخذ منها الخلطه" والباقين هنوده تيشيرتها كنه بنجابي وش كبره والشورت برموده لابسه ملابس خالد العرباوي ونوير تمشي وتقط نكت لابسه لبس اخوها سلمان لأنه الوحيد اللي يشجع الخورمثلها شورت ضييييييييييييق مررررره شكلها مصخره :يعني لازم تلبس لبس فريقها المصخره"
اما منو لابسه لبس فواز لأن فواز حبيب القلب من بد اخوانه ولميوه اخر دلع اشورت كنه بكيني والبلوفر ملابسها طبعا لأن الاخت ماتحب تلبس غير ملابسها وبعدين انقسمنا فريقين انا ومنو وشيخوه ولميوه والفريق الثاني مهوي وندوي وهنوده ونوير وكنت انا الكبتن ومنو الحارس وشيخوه ولميوه وحده دفاع والثانيه وسط ونقط الكوره فوق انا ومهوي مع بعض واطيح وتسبقني عليه مهوي واجي من وراها وادزها لا طايحه واخذ الكوره وانطلق وتجيني شيخوه مسررررررررررررررررررررررررعه واتروعني واخلي الكوره وابعد "لا تدعمني مايردني الابيت الجيران" وتلف وراي وتخلي الكوره وانا اركض اقولها الكوره وراس جعلس الجلطه يا البقره وهي تقول تخسين الكوره معس وقولها تنكتين الكوره معس طلعيها وتلحقني وادزني لين طحت وتقول احسن ليه ادزين وحده من فريقي ولحقها ودزها انا ومنو فازعه لي مالت عليه ويسجلون وحارسنا منو مالت عليها تطرد شيخوه المهم فازو علينا بسبت منو
ونلعب لين المغرب وبعدين دق الباب كلنا اكيد عمي ناصر وش نسوي والبس عبايتي والروح اشوف من وتطلع منى واسلم عليها وندخلى ويسلمون عليها البنات
منى: ياسلام عليكن ليه ماقلتو لي اجيب لبس
انا: مافات الا اشر روحي البسي وبعدين تعالي
شيخوه:لاصراحه تعبت خلى نروح نسبح
انا: يالله نوير روحي دوري لمنى لبس وبعدين دقي على المطعم يجيب لنا عشا
نوير: لا والله اشتغل عندس مع الوجه
انا : اذلفي مو كفايه ماخليتينا نروح للبر بعد لس وجه تتشرطين
منى : الا ليه مارحتو
نوير:تعالي باقولس وراحو واحنى انطلقنا الى المسبح ونسبح كلنا وناااااااسه شوي وتطلع في الماء فقاعات
لميوه : يعيه من الي فاكتها جعلها المرض
منار :والله موب انا
مهوي : ولا انا وبعدين اكيد شيخوه يالله اعترفي
شيخوه : لا والله الفقاعات طلعت من عند ليلوه
انا : حرام عليكم وضميري (الله ياخذس فضحتيني جعلس المرض المزمن يارب ) اكل تبن لا اذبحك الحين جعلك الموت وارتاح
مهوي : بنات خلى نغرقها لين تعترف ويهجمون علي البنات وكل وحده ماسكه يد واللي رجل والي ماسكه راسي والي بطني مدري كيف ويغرقوني ويطلعوني ودخل الما في الذني وخشمي وععععع ماء خامرين فيه البنات لين اعترفت ويطردوني برا عقاب لي وتجي منوه ويا نوير وينطون في المسبح قلت مالت عليكم واجي مسرعه وانط في وسط المسبح طبعا المسبح في زاوية الحوش بعيد شوي عن البيوت والي حوله مساحه كلهاعشب واول ماطبيت هجمو علي وطردوني مره ثانيه وارجع وانط ويمسكوني ويحذفوني براوارجع مسسسرعه واطب في المسبح واتمسك في السلم عشان مايطلعون ويجلسون يرشوني بلماء وشيخوه تقبصني ونوير تشوتني على بالها كوره وبعد معناه طلعوني ووقفت كني مسكينه عند المسبح وهم يسبحون
انا :بنات تكفون خلوني اسبح معكم
شيخوه :لوا تفكينها وتورطيني والله ماتسبحين معنى
مهوي :بسراحه كان ودي بس انتي الحين صرتي جرثومه وبتلوثين المسبح روحي بدلي
انا :تراني بلافاسيه موب مخيسه عشان ابدل
مهوي :مالنا دخل تبدلين تسبحين ماتبدلين ماتسبحين
انا :جعلكم الجلطه ذابحتكم النضافه يالخايسات هين والله ان تندمون
ندوي :ويش بتسوين يعني
هنود :يمكن تطب معنى وتسويها وتخيسنا ونطلع كلنا من المسبح
انا :لاولله مسويه ذكيه ويش شايفتني ..الي بسويه ادها من ذالك
نوير :خلاص يابنات خلوها تسبح معنى حرااام تكسر الخاطر
منار :لا لاتسبح خليها تروينا ويش بتسوي
انا :تحدي يعني هييين يا الخايسات ...ورحت ونا افكبر ويشلون انتقم منهم لأنهم طردوني؟؟؟ ويشلون ويشلون ..
ورحت لبيتنا وانا افكر ؟؟؟؟
احط لهم سلك كهرب في الماء ...لا بيموتون وعيش وحيده
اكب في المسبح كرولكس ...اخاف يتسممون ولافيه احد يوديهم للمستشفى
اصب جميع العصيرات في الماء ويتوسخ ....لا حرااام وبعدين المسبح كبير موب فايده فيه عصيرات البيوت كلها
اكب زبالة المطبخ في المسبح ويييعععع والله ان يحرمون يطردوني ....بس الحين اكيد مافيه زبايل عشان الخدم نضفو البيوت قبل يروحون
بنثر في المسبح شنبوهات عشان ينضف هم مايبونه ينضف عقب ما لوثت على قولتهم بروح انضفه وبعدين موب ميتين اشنبو مايضر مهوي حطته لي في عصير ولامت والله فكره ....ورحت على طول للمخزن وخذيت صطل كبير مووت ولا خليت شنبو ماحطيت فيه حطيت
5 ....شنبو الاطفال حجم كبير لادموع بعد اليوم
12... شنبو بنتين عشان تروح القشره من قششهم
8....هيدن شولدرز
14.....صبونت دوف
5 .....شنبوهات مدري ويش اسمها كل الي اعرفه ان الشغالات يستخدمونه وريحته تطاطي
3.... كرتين صابون تايد عادي ثلاثه موب ذابحتهم لأن
ذولا مايفيد فيهم لا اسيد
1 ....صابون داك عشان ريحته مخنزه
4 ....فيري حق الصحون لادهون بعد اليوم عشان تنضف روسهم من الدهن الي ماليها
2....ملمع مال الكزاز فتحته و حطيته مع الشنبوهات مالقيت الا هو خلصت الشنبوهات
وكان ودي احط كرولكس بس خايفه يموتون وعيش وحيده
وتعبا الصطل ويلله اني اشيله والمسبح
بعيد ويش اسوي ؟؟؟ ورحت جبت العربه الي نشيل عليها المواد الغذائيه حقت البيت وحطيت عليها الصطل بعد ماكسر ضهري ورحت ادفه لهم واول مااقبلت عليهم شكو فيني
وطلعو نصف البنات يبون يحدوني ونحاش انا وصطلي
وهم وراي شيخوه وندوي ومنار وانا توني بعيد من المسبح ويمين يسار وهم وراي وانا خايفه يطيح الصطل واتفشل ولف عليهم واستعد وشيخوه جايه اولهم وانطحها مسرعه قلت بدعمها عشان تكون عبره للي وراها ويخلوني واجي مسرعه واول ماقربت من شيخوه انحاشت وانا الحقها ونحاشو منار وندوي بعد وراحو يركضون للمسبح وانا وراهم بلعربه وانطو كلهم في المسبح وانا فكيت العربه لين طاحت معهم وتبطل الصطل وطلعت الشنبوهات وكل شي
وكل البنات طلعو وهم موب مستوعبين ويش ذاه الي انا قاطه عليهم ورحت وجبت الشبكه حقت تنضيف المسبح وجلست احرك الصطل عشان يتوزع فيه والبنات طول الوقت يسألوني ويش ذاه ولميوه تقول
لميوه :ليلوه لايكون حاطه لنا سم فيران
انا :كان ودي بس مالقيت
شيخوه :ليلوه ويش ذاه
انا :موب تقولون اني لوثت المسبح خلاص جبت لكم شي ينضفه
مهوي :اما انس حقيره
نوير :كيف نسبح الحين مالت عليس
انا :عادي تنضفو يالوصخين
منار :شايفتنا وصخين مثلس
هنود :مالت عليس خربتي علينا الوناسه
انا :احسن مستانسين من دوني يالزبايل
وكان البنات في جهه وانا لحالي في جهه
شيخوه :احنى زبايل يالحقيره ....وجات مسرعه صوبي ونحشت ونطلقو البنات كلهم وراي وانا تورط وندور على المسبح واول ماشفت الصبون والشنبوهات توزعت في المسبح قمت ادزز البنات في المسبح وحده وحده
ودزتني نوير الحقيره لين طحت مع البنات الي هم مهوي ومنو وهنود وجلسو يضحكون علينا ويقولون لي تنضفي يالوصخه عادنا سويت ذكيه وتحالفت مع البنات الي معي في المسبح عشان نطلع وندزهم معنى في المسبح ماكذبو خبر ونطلقنا وطراد وهوشه وشد شعور وطقطيع ملابس وتسحيب على الارض وتكفيخ لين نزلنا كلنا في المسبح الي كله صابون
وبدات الهوشه صدق في المسبح كل وحده تغرق الثانيه وعيون البنات حمرا من الشنبو "معنى حاطه شنبو لادموع بعد اليوم" واخذ الصبابونات دوف واحذف بها البنات
المهم ماخلصنا الهوشه الولمسبح كله رغوه وفوقعات معاد شفنى بعض كنا في رسوم الفوقعات تتطاير والرغوه طالعه من المسبح كنها عروق ولاعاد شفنا بعض فيها وطلعت اشرف ادور البنات ولقيت وحده طالع من المسبح وجالسه على طرفه مدري منهي ماشوف الى راسها وقشتها طايره ورحت اتختلها من ورا عشان ادزها وشافتني ونحاشت وكانت لميوه واروح وراها وهي تصارخ تقول
لميوه :ليلوه امان خلاص تسلخ جلدي من الشنبوهات الي انتي حاطه امانه لادزيني في المسبح
انا :لاوالله اصلن ماحطيته العشان تتسلخون وحمدوربكم ماحطيت لكم كرولكس
لميوه : خلاص تكفين
انا :ارجعي للمسبح لامحطبس يالله ياحقيره
لميوه :ويش دخلس مابي
انا :مافيه شي اسمه مابي يالله موب انتو طارديني عشان تسبحون يالله فرقي اسبحي
لميوه :غصب معاد ابي اسبح روحي انتي اسبحي
انا :قبل شوي طارديني والحين تعزموني لوا مابي اسبح والي على ابوها تطلع من المسبح والله ان تخمرون في لين تتطلع عيونكم وتتسلخ جلودكم وتتنتف شعوركم يالحقيرات
لميوه :انتي تبيني اموت
انا :الله وكبر صار الشنبو يذبح عادي انا شربته ومامت وبعدين المسبح كبير ومااثر فيه واجد بلارغوه