منتديات كوفي كوب Coffee cup - عرض مشاركة واحدة

09-25-08, 03:43 PM

مهوي : اكلي تبن خليني اكمل ثم بعدي مشعل شخصيته تشبه شخصية نواف بس غير طبعا الرومنسيه في صوب وهو في صوب ومغازلجي موووت وصديق خويلد اخو ليلوه
ثم هنوده الي هي جالسه جنبس وبعدين امجاد 15 سنه ومسويه عمرها 10 سنوات ولا ادري ليه ثم عبير 14 سنه ومقطعه نفسها في لعب الكوره ومالت عليها سداويه حتى الموت حاولت اخليها تكره السد بس مافيه امل ثم ريان 9 سنوات كشخخخخخخخخخه موت ويقلد خالد في كل شي حتى اني اتوقع و شاكه انه يكلم بنات
ثم مرام 6 سنوات الدربي راسها ولا تدري وين الله حاطها اخر العنقود واتوقع امي بتحمل في الايام الجايه انكانا عشنى يعني وفي الاخير الوالده تموت في شي اسمه سوق وكله هايته في بيوت عماني ولا عند جدي ماتجي الاوقت النوم
انا :هيه ليه تحشين في خالتي ولا احسن مسببه لي عقده نفسيه وبعدين قوليلها لاعاد تحرض امي علي
الكل :ههههههه
لولوه : وانتي هنادي
هنوده : والخبله خلت لي شي قالت كل شي بس نست ابوي الي هو نايف انسان عملي حبيب واحبه واموت فيه فديت روحه
لولوه: وانتي لمياء
لميوه: انا بنت فيصل والكبيره عمري 18 كنت قبل ما امشي مع الشله الخايبه الي عندس انسانه رومنسيه هادئه خجوله دلوعه واحب الاطفال والحين اكره البزران والفاضي بذيئه لدرجة اني شت اختي في وسط المجمع والناس يطالعون وقلت لها بكل وقاحه يا الصايعه
الكل :هههههه
وبعدين امل عمرها 10 مشاكسه الى ابعد الحدود ومرعبه بنات الحي من كثر ماتدوج في الشوارع
وبعدين اختي مشاعل 11 سنه تشبهني قبل التعرف على الدشير الي عندس وبعدين خالد 4 سنوات حلو ويهبل وامي حامل في الشهر الرابع
لولوه : ماشاءالله عليكن الله يحفضكم الا وين ساكنين
انا : يعني عمي ماقالس انا في الخليج الغربي
لولوه : خلاص يالله نروح نصلي و نتغدى وترتاحون شوي لين يجي عمكم
ورحنى وصلينا وتغدينى ورحنى نرقد فوق سبحنى وكشخا ببجامات بناتها وانا لبست شحاطه قبل الرقد عشان اعوض الوقت الي مشيته حافيه
ـــــــــــــــــــــــــــــــــــ في القسم الي يرقدون فيه البنات ــــــــــــــــــــــــــــــــــــ

انا :وانا على السرير بنات شرايكم في لولوه
لميوه : تهبل حبيتها
مهوي :احسها كبرنا وحبوبه مو ام طليل العجوز
هنوده : اكثر شي عجبني فيها السلوبها في الكلام ولا لبسها لبس بنوته اتحدى شيخوه تلبسه
الكل :هههههه
انا: خلاص يالله الرقدو على مايجي عمي
ورقدنا وقعدنا العصر صلينا ورجعنى نرقد وبعدين قعدنا المغرب طبعا البنات ماقعد والا بجهودي لبسنا ملابسنا وعباياتنا ونزلنا وتونى على الدرج
مشاري هاي بنات
الكل :هاااي
مشاري : بنات ليه تتغشون مني والله انا صغير بس شكلي كبير والله انا كنت قاعد في الغرفه بروحي امي ودلوعه كانو عندكم وفارس راقد وربعي فشله اجيهم الضحى حرااام عليكم
لميوه : ليه كم عمرك يابو الشباب
مشاري: 14
انا : على العموم اول ماجيت قلت خلى الثقل وبعدين خلاص موب متغشيه منك بس الحين باقعد بغشوتي اذا رحت وجيت موب متغشيه والبنات على كيفهم
مشاري :الله لايحرمني منج يااحلى بنت عم في الدنيا
هنوده : وانت شدراك انها حلوه ها
مشاري : الحمدالله انتو يوم جيتونا ذيك المره ماتغشيتو مني
مهوي : صدق ليه ماقلت لنا والله نسينا وقطتت الغشوه هاه الرتحت نفسيا
مشاري : اكيد يالله باروح وبجي وعلى فكره ترا ابوي جاء قبل ساعه
وراح واحنى نزلنا لصاله وحصلنا لولوه كااااااشخه حدها
فاكه شعرها ومسويته كيرلي ولابسه تنوره من قدام قصير لتحت الركبه زيتيه جنز مع بوت برتقالي الى الركبه وحزام برتقالي عريض وبللوزه كت زيتيه فيها كتابه برتقاليه وحلق برتقالي وساعه برتقاليه ولا ريحة عطرها شي
لولوه: اهلين بنات ابشركم ناصر جاء
ونجلس
انا: وينه
لولوه : هاذا هوطلع من عند فارس
ونسلم عليه
عمي : اهلين بلي مايجون بيتي الا ومعهم مصيبه
انا :حرام عليك ياعمي غصب عنى
عمي يللا قولو لي السالفه من بدايتها الى نهايتها
مهوي : وتقوله السالفه من جيتهم في بيت جدي لين جلستنى الحين طبعا بدون ماتقوله على الفلام
عمي : وانتوليه ترسلون مسج لجاسم
واحنى تورطنى وسكتنى شو ي
انا :بسراحه يعني كنت ابي اشتري ااااا اقصد يعني
عمي: اخلصي
انا : بلعربي مابيه يروح عشان بشتري فلم هندي جديد كابل اكس برس واذ كان جسوم معنى بيقول لا
عمي :بس كل ذاه عشان فلم لا وهندي حسبي الله عليكم
ودخل غرفته ويا لولوه
واحنى في الصاله كنا شوي خايفين و شوي ويجي مشاري
مشاري: بنات انا عندي عيال عم كبري
انا : والله انك فاضي
مشاري : طيب قول ايه او لا
مهوي : ايه فيه واحد سلمان ولد عمي نايف ارتحت
مشاري :انزين شفيكم معصبين الحين اسوي لكم عصير ليمون
لميوه : مشكور بس نقطنا بسكاتك
مشاري : خلاص باروح لربعي اصرف لي وراح واذن العشاء وصلينا وعمي راح يصلي
وبعد العشاء جا عمي ناصر وجلسنى في الصاله
عمي : بنات انا قررت اعلن زواجي بجهودكم طبعا
وترا اهاليكم شابين نار مدري كيف بكون الوضع انا باروح الحين اجتمع فيهم وافهمهم
انا : عمي لاوصيك اذا رضو حسسهم بذنب
عمي : خليهم يرضون الحين اه مدري عن ردت فعل ام طلال وطلال كيف بيتقبل اخوانه
مهوي : وحد حاصله يصير عنده اخوان ويزعل
عمي : تخيلو يوم درا اني متزوج ماسأل انكان عنده اخوان ولا الا
انا : اذا تبي طليل ولدك بيتقبل ولا لا حطنفسك مكانه
عمي : وليه اسمه طليل
لميوه : اه ياعمي من كلا مه عنى ونهل عليه السبحه وتقول لعمي عن كلام طلال ونظرته لنا
عمي : طلال كذا ماصدق وبعدين كيف احط نفسي مكانه
انا:لأنه بكل بساطه طلع لك اخو واخت
عمي :هههه تنكتين انا فاضي
انا : اقسم بالله اني صادقه
عمي وهو مصدوم : كيف
وقوله السالفه وبعدين طلع عمي راح لبيتنا واول ماراح بدت لولوه تبوسنا وتشكرنا والفرحه ماهي سايعتها
لولوه : الله يخليكم يارب مدري شلون اشكركم
انا :شعليه ماسوينا شي
لميوه :لوندري بتستانسن منزمان فاضحين عمي
لولوه : وناسه بموت من الفرحه اخيرا بنعلن زواجي اخيرا اذا رحتو نمشون رحت معكم واذا طلعتو البر باروح معكم واخيرا بيصير عند عيالي عيال عم وعند دلعوتي احلى بنات عم والله اني مستانسه اقدر امشي واقول انا حرم ناصر خالد النايف اخيرا
المهم مر الوقت بطيئ واحنى ننتظر متا بيجي عمي صارت الساعه 11 وهو لا علم ولا خبر ومقفل جواله
لولوه : بنات عاد تعشو ياشينكم وانتم زعلانات
انا : والله انا زعلانه عشان البنات ولا عادي
مهوي : بنات شلون بيصير موقف اهلي لادرو اني برائه
لميوه : شلون بقابل امي وابوي بسراحه خايفه
لولوه :ياربي بنات الله يخليكم تعشو عشان ارتاح
دلوعه : امانه بنات تعشو عشان اذا هلكم شافكم يسامحونكم عشانكم تعشيتو والله امي اذا كانت زعلانه وانا تعشيت تسامحني صح يمه
لولوه : صح هي صادقه بنات يالله
وتعشينا وصارت الساعه 12 وعمي لاحس ولاخبر وشوي لا ويتبطل الباب ويدخل عمي واحنى على اعصابنا

انتظر ردودكم وتوقعاتكم
كيف بتكون عمتي رندى وعمي ماجد ؟
ممكن نتأقلم معهم ولا لا؟
وكيف بيكون لقانا مع ابوانا ؟
وكيف عمي رقع الموضوع اذا ترقع اصلن ؟