منتديات كوفي كوب Coffee cup - عرض مشاركة واحدة

09-21-08, 07:17 PM

قلت :اذا شكيتي ان عمي بصيدس اخذي بلاويه من عند ندوي وهدديه انس تعطينها جدي واحى مافينا الاالعافيه
قالت:خلاص باروح اخذها من ندوي وانتو وينكم فيه وترا ريان فضحنى يدور مبايله
قلت :مانيب قيله لس اخف يلعنون خيرس وتعلمين وريان هدديه قولي لوماتسكت بعلم عليك ابوي بلي سويته البارح وانا اقولس في المستقل بلي سواه
قالت: خلاص بسكر وبرقد وبتصل فيكم بعدين وسكرت
عاد احنى اتفقنا ثنتين يرقدون ساعتين وحده تقعد تراقب ورقدو وانا قعت الراقب شوي وتجي الخدامه ترتب ووقف قلبي بس اللعينه مانضفت زين والله لاعلم عليها في المستقبل اناكانا عشنى مسحت الطاولات والطاوله الي جنبي وانا كنت باموت لاتمسكنى قال ضميري
(خلاص انتي صرتي مجرمه على كل حال فا اذا صادتكم الخدامه امسكيها واشبكي المحول في الكهرب وسوي مثل شيخوه وخلي الكهرب يشفطها لين تموت ولا احد داري انه انتي اللي ذابحتها شرايس)
قلت :اطلع على حقيقتك قال مدين قال وبعدين اكل تبن ولاتكلمني
قال :ضميري (وش اسوي فيس لانا فع معس لا اكون طيب ولا اكون شرير جلعل ربي ياخذس والرتاح)
قلت :الله ياخذك انت وارتاح
ضميري(هه مافيه انسان يعيش بدون ضمير بس فيه ضمير يعيش بدون انسان وخلاص اقطعيه باروح لمهوي اصرف منس ) وانتبه الخدامه راحت و الساعه صارت 8 ونص عاد انا قعدت لميوه وقلت بعد ساعتين قعديني لا تقعدين مهوي لأنها تعبانه
قالت :اوكي
ورقت وقعت الساعه 12 حصل الخوات كلهم رقود والقا مكالمات لهنوده
واتصل عليها وردت على طول
قلت :هاه وش الا خبار
هنوده:مافيه شي جديد جبت بلاوي جسوم وامهتكم موب طيبين وبس ايه اعتقد بيخفون البحث عنكم لأن عندنا اليوم غداء
قلت :هاه عندكم غدا كيف وليه اما نه خليهم يحطونه في بيت جدي وتوني اتكلم الا وداخلين ابوي وعمي سلطان وعمي نايف وخالد ولد عمي سلطان جلسو في الطرف اللي مقابلنا يعني بينا وبينهم تقريبا 5 متر
واسكر وادزله مسج اقول فيه بكلمس بعدين الحين ماقدر
واقعد البنات مهوي على طول قعدت لأن رقادها متقطع من الم يدها اما لميوه جيت اقعدها
قالت :اااااه برقد شوي
ووقف قلي لايسمعونها واكتمها واقعدها لين صحصحت
واقعد اطل على اعمامي كانويتكلمون عنا
ابوي :الله ياخذ البنات انكانهم فضحونا
عمي سلطان:الا وش صار على العيال يا خالد
خالد:مافيهم شي ويالله انا طلعنهم بكفاله يقولون الحقير راح في غيبوبه وماراح يطلعونهم لين يصحى عاد خالي راشد كفلنا
سلطان:عساه مايدري وش السالفه
خالد:اكيد مايدري
نايف :اه من النار الي بتحرقني قلبي تسوي فيني كذا اه ليه يا مها ليه
في هاذي الحظه حاولت مهوي تروح تقول كلشي لأنها ماتتحمل ونمسكها ونحاول فيه الا وداخلين الضيوف
ونلزم الصمت وبد المجلس يمتلي برجاجيل ماجات الساعه 12 ونص الاو المجلس متروووووس على الاخر واحنى متوهقين وندعي الله ماحد يكشفنا ونا التخيل يلقونا قدام ها العالم وش بيصير في ابوي وعماني يارب تعديها على خير شوي وجاو رجالين وجلسو على كنبتنا الي احنى تحتها ومعهم ولد صغير عمره تقريا سنتين ونص وحركته واجد قلت اكيد ها البزر بيكشفنا
وندعي ربي بصمت لايسمعونا شوي الا البزر داخل علينا من عند الشجره ويضحك ويمديده صوبي
ويقول :ماما
والدزه بار صوب الشجره ويرجع
ويقول:باااع باااع ماما ويضحك من قلب
ويناديه ابوه : سلومي تعال منى تعال سلومي وادزه ويطلع ويقول لبوه:بابا منى ماما مخشه هناه
ابوه:خلاص اسكت عاد
وينزل من الكنب ويد خل علينا
ويقول :ماما تعاي عد بابا بابا يولوح الحين يللا ماما
ويدخل ابوه يده وقفت قلوبنا لا يشوفنا ويسحبه ويقعده على الكنب شوي وينزل ويجينا ويقعد جنبي ويضحك كل اللي في المجلس يسمعونه
قال واحد :ولدك وشهو لاقي ورا الكنب
قال ابو:متعود يدخل ورا الكنب يلعب مع اخوانه واخرته بينشب ولا يطيح ويطلع يبكي
ولا شعوريا عطيت البزر ذيك اللكمه لين وصل صياحه اخر الدنيا ود زيته برا لين طاح عند ابوه
ويقول :وهو يبكي ماما تقتني على بتني وياخذه ابوه ويروح المهم شوي وقامو على الغدى وشوي شوي راحو الرجاجيل كلهم الساعه 3ونص معد بقى الا هلي ورجعو يفتحون السالفه
قال جدي بعصبيه :تركي انت ماتستحي على وجهك تعاير ولدعمك يالرخمه
خالد اخوي :معه حق ياجدي واللي سووه شي هين السووه الكلاب فضيحه
جدي :اكل تراب ماتائكت ياكلب عن القصه وبناتي مايسووون كذا
ابوي :يبه اقولك شايفهم بعيني معه وتقول ماتأكتو
عمي فيصل :اه يايبه لو تشوف النار الي داخلي اللي قاهرني اني مالقيتهم وبعدين جسوم انت ماقلت انك عرفت من الي حاط السلم من
جاسم:اااا طلعت غلطان
فيصل :شلون غلطان وانت كنت متأكد ميه في الميه
جاسم :ياخي الانسان مايغلط
عمي سلطان :والله ان الحريم يدرون وين البنات
جدي :الا ناصر ماكلمتوه يجي
عمي نايف :كلمته وقال بيروح الأمارت عنده شغل
جدي :عيال قومو اطلعو برا ابي عيالي بسالفه
وطلعو العيال
جدي :جسوم شقاعد تسوي
جاسم :ليه انت قلتلي اروح
جدي :مشاء الله لازم اقول اسمك
جاسم:تراني ولدك ماني حفيدك
جدي :قم انقلع وانا قلت روحويا عيال مهوب يا احفادي يالله اذلف
جاسم :ياسلام ووليدوه شمقعده انشاء الله لايكون عشانه متزوج ابو الشباب
جدي :ايه بالله انقلع
جسوم :اجل زوجوني
جدي اذلف عاد ورح انت والعيال دورو البنات اقلبو الدنيا عليهم
وراح جاسم وهو يتحلطم
جدي:بسراحه ياعيال اذا لقيتو البنات وش بتسوو فيهم
ابوي :والله انك تدري بايبه وموب بعيد تكون انت الي حاط السلم
عمي نايف :فهد صادق انت ماجيت الا متئخر
جدي بصوت عالي:انتو ماتستحون على وجيهكم وبعدين لوهم عندي كان من زمان معلمكم وبعدين مارديتو علي
نايف :انت وش تسوي تراهن بناتك يبه
سلطان :علمنا وش نسوي تكفا يبه
وليد :سلطان صادق اسعفنا با الحل
سكت جدي شوي وبعدين تكلم وقال:بتخلوني احاسبهم بطريقتي
نايف :انكان غير عن الاولات على كيفك
جدي :اكيد غير المهم انا جمعتكم موب عشان البنات
كلهم :اجل ليه
جدي :عندي شي ثاني وفي نفس الخطوره
وتحمسو عماني واحنى بعد تحمسنى صار ودي اجلس قريب عندهم اسمع
ابوي:تفضل يبه
جدي :مابي احديقاطعني سامعين
كلهم :انشاء الله

ضنكم بيصيدونا ورا الكنب
وكيف بيعاقبونا
ويش الموضوع اللي عند جدي اخطر من موضوعنا
وعمي ناصر بيعترف ويقول انه متزوج
ويش صار لفارس بعد مالعنو خيره الشباب
ويش صار على رحله البر ضنكم عادنا بروح للبر?????????