منتديات كوفي كوب Coffee cup - عرض مشاركة واحدة

09-21-08, 07:16 PM

ونسوي الحل الاخير هو الدريشه ونبطل الدريشه ونشوف تحت بس وين بعيد ياربي وش نسوي شوي واسمع صوت جدي يهدي فيهم وياجدتي في نفس الوقت راح عمي جاسم وجمع كل البنات في غرفه كلهم وبدا يحقق معهم وبذات ندوي وياهنوده طبا هم مايدرون شسالفه وانكرو وخذو نصيبهم من عمي جاسم من الظرب .
واحنى رجعنى نطل من الدريشه
قلت :بنات خلى ننزل على الديكور الي كان طالع قدام بحوالي مترين ونص
قالت :لميا وهي تطل :بس الديكور بعيد عن الارض طبعا
قال )ضميري انا لله وانا اليه راجعون اطلعو وواجهو الموقف انتو ابريا )
قلت :جعلك المرض موب وقتك حسبي الله عليك جعلك تموت ........ المهم.
غرفتي كانت على قفى البيت
قالت مهوي: شنسوي وقعدت تبكي من قلب من الالم ومن الظلم شوي الا و يطيح عندنا مع الدريشه شي الزرق كنه فوطه ملفوفه وتنخش لميوه في الدرج تقول يمكن قنبله
قلت:ليته عشان نرتاح وابطل الفوطه ويطلع داخلها موبايل ويرن
وردقلت: الو
قالت :انا هنود بسرعه بقط عليكم حبل والربطوه وانزلو
قلت :كيف مانقدر
قالت : ليه نسيتي كيف انقذ شاروخان حبيبته طلع مع الدريش والنار تشب انتو احمدو ربكم مافيه نار تحركو بسرعه
قلت :اوكي تحمست سراح وانا التذكر المشهد
قلت :للبنات شرايكم
قالت :لميوه انا ما اقدر صعب اكيد باطيح
قالت :مهوي اكيد بموت
قلت :احنى ميتين ميتين اهلي شابين ضو بعدين ماعادمعنى وقت شوي الا الحبل داخل علينا رابطته في قوطي فول عشان تقدر تحذفه
والربطه في مسكت الباب وفي مسكت باب غرفت الملابس لان الحبل كان طوووويل
وانزل انا اول على الديكور وانا احس اني خلاص بموت واتشهد
قلت :للبنات انزلو قالو لا مايقدرون
شوي الاهنوده تعطيني السلم لأن ارتفاع الديكورعن الارض تقريبا 4متر وهي كانت ماسكه السلم وترفع لين قدرت السحبه واحطه للبنات لآن الرتفاع الدريشه عن الديكور تقريا 2 متر ونص وتنزل لميوه وهي تبكي ويالله وصلت وهي على سلم اجل لوها بلحبل كان ماتت وبعدين نزلت مهوي ويدها كانت تعورها مووووت كانت تبكي من الالم مع ان مهوي موب أي شي يبكيها والله اني حاسه فيها بس وشنسوي وراحت هنادي
قالت انها طالعه من دريشت الحمام وبتروح ترجع قبل لايفقدونها وقالت خلو المبايل معكم ونزلنا السلم وبنفس الطريقه نزلنا انا بعدين لميوه بعدين مهوي والحين توهقنا وين نروح وين نروح ونفكر واحنى نركض مدري وينا رايحين ونفكر
قلت:خلى ننخش في مكان مايتوقعون انا بنكون فيه
قالت :لميوه بسرعه امداهم كسرو الباب ودرو انأ طلعنا
قلت:طيب وين نروح
قالت مهوي:مالنا الا بيتنا بللا بسرعه
ونروح لبيت عمي ابو مهى وتونا بندخل من الباب حق الصاله الا ونسمع صوت رجال
قالت مهوي:هاذا اكيد فواز تعالو نروح للمجلس
ودخلنى المجلس كان كبير مره في انتريه فخم من اللي يجي حق الظهر طويل فوق و من تحت مسكر ومرتفع عن الارض تقريبا 2 صنتي وكان فيه بينه وبين الجدار نص متر ويمكن اقل بس كان يوسعنا دخلنا ورا الانتريه وجلسنا جنب بعض طبعنا نقدر ندخل تحت الكنب لأنه مفتوح من ورا ومسكر من قدام مو كله مفتوح قد 2 صنتي المهم عنزنا ظهورنا على الجدار ومدينا رجلينا تحت الكنب كنا ور الكنبه الي عند الباب على طول يعني الباب ثم طاوله التي في ثم شجره عوووووده اوراقها واجد وكبراثم مخبئنا ووفي المخبئ انا عند الشجره ثم مهوي ثم لميوه و
قلت :خلى احط الموبايل على الصامت وحطيته
قالت مهوي:هاذا مبوبايل ريانوه الداشر اخوي
في الوقت نفسه كسرو الباب ودخلو اهلي كلهم وبدو ينكثون الغرفه ماخلو شي مادورو فيه
قال ابوي : وين راحو شلون اختفوا
عمي ابو مهاوهويطل مع الدريشه قال بصوت عالي طلعو مع الدريشه في سلم برا وانتشروا في البيوت كلها يدورون مخلو مكان ما دورو فيه في البيوت كلها غرفه غرفه والمطابخ والمخازن والحدائق والسيارات والكراجات والصطوح والمجالس واحنى جالسين نسولف بصوت واطي اقصد نصبر مهوي اللي بتموت من الالم دخل نواف وفواز عيال عمي نايف اخوان مهوي وتركي ولد عمي سلطان اخو شيخوه طبعا انا كنت اطل عليهم من بين الاوراق وانقل للبنات كل تحركاتهم
مهوي وقف قلبها اول ماسمعتني اقول اخوانها و
قالت: اكيد بيصيدونا ياربي
لميوه :اسكتي حسبي الله عليس لا يسمعونا
وبدو الشباب يدورون لين وصلو الجزء اللي احنى فيه
انا قلت:خلاص بروح فيها الحمد الله عباياتنا وشيالنا علينا بعدين وقفو الدوار وجلس تركي على الكنبه اللي احنى تحتها و قال:الله يلعنهم فضحونا عسى محد يدري وبعدين اكيد طلعو اكيد راحوللحبيب
وكانو اخوان مهوي واقفين
قال فواز: حسن ملافضك ياتركي اكيد فيه لبس في الموضوع مو معقول بناتنا يسوو كذا
تركي:هو بناتنا مايسوون كذا بس اختك تسووي كذا واكثر
نواف :تراك مصختها ياخي بعدين اختي مو بروحها كانت ليلى بنت عمي فهد موديتهم
تركي:سبحان الله تذكرون يوم ذبحتوني عيال الجيران شافو اختك كل شوي تذكروني ولا نسيتو خلتوني اكرها الحين شوفو اختكم وش مسويه لا وينها الحين
كلهاذ ومهوي بتموت من القهر يالله ماسكه نفسها
فواز:اكيد امي خاشتها عنى ولا وين بتروح
تركي :تروح لحبيب القلب
ويمسكه نواف ويضربه وتبدء هوشه يالله انتهت وطلع تركي من المجلس وهو يقول :انا كلامي عادي بكره شوفو الناس وش بيقولون يا اخوان المتربيه والطاهره والشريفه وطلع
وجلسو نواف وفواز على الكنبه الي جنب كنبتنا
نواف بصوت حزييييين : فواز معقوله مها تسوي فينا كذا ليتها ماتت ولافضحتنى
فواز :بس لو القاها كان خلصتكم من ذا العار
نواف بحزن اكثر:فواز معقوله مهوي صدق اهي عنيده وراسها يابس وصدق احيانا متهور بس انها تعرف واحد ماصدق
فواز :تعتقد راحت معه لمكان
نواف بصوت عالي :مستحيل انت وش قاعد تقول
فواز:وليش منصدم؟؟؟ذيك المره استأذنت مهوي من ابوي انها بتروح مع البنات كلهم للكرنيش وفي الاخير صادهم ابوي جايين من بيت في المطار لاو بلا ليلى ومهوي بس وطلع البيت
اللي راحوله هو نفسه اللي الحقير جاب منه الهديه
نواف :شتقصد فواز وضح
فواز :شوضح بعد يعني اختك المحترمه قد راحت له في بيته من العصر لين الساعه 12 الليل هاذا اذا ماكانت....وقاطعه نواف :خلاص يافواز حرام عليك بدل مادورلها الاعذار تتهمها وبعدين البنات قالو نادو عمي ناصر اكيد عندهم شي واهم ماعطوهم فرصه
فواز: ياغبي كانو يبون عمي ناصر لأن ماعنده بنات وبيرحمهم فهمت يا ذكي يالي ذابحتك البراءه
نواف :حتى الحيوان اللي ظربناه كان يقول نفس الكلام يقول انتو فاهمين غلط
فواز : ترا ذبحتني شتبيهم يقولون مالهم عذر
نواف :وان بعظ الظن اثم
فواز بصوت علي ومعصب:العب على نفسك ورقع لنفس اختك حقيره تستاهل الموت فاهم وطلع شوي وطلع نواف
اول ماطلعو اشتغلت مهوي كانت تبكي بقهر والم
وتقول : اه ليتهم يدرون والله ماسويت شي وتبكي من قلب واحنى نهديها بس والله قهر ان اعز الناس يقولون عنها كذا.
وفي نفس الوقت كل و احد من عماني حابس اهله في غرفه وقاعد يحقق معهم كيف جا السلم وجسوم مجمع كل الخدم ولاعن خيرهم ويحقق معهم
وعمي وليد ماسك كل الدريوليه ويحقق معهم
المهم تاكدو انا ماطلعنى من البيت
صارت الساعه 6 الصباح ويرن الموبايل والقا مكتوب هنادي يتصل بك
قلت بصوت واطي: الو
قالت هنوده :شخباركم وبعدين وينكم
قلت:انتي وش اخباركم
قالت : اهلي تاكدو انكم ماطلعنو من البيت وحطو عند كل باب من بيبان الشارع دريول حارس وقالو لهم ولاحرمه تطلع وقاعدين يدورون من اللي حاط السلم وانا شاكه ان عمي جسوم بيكشفني وخايفه سراح وبعدين انتوطيبين فيكم شي