 |
منتديات كوفي كوب Coffee cup
(http://www.cofe-cup.net/vb/index.php)
- المستوى الخامس
(http://www.cofe-cup.net/vb/forumdisplay.php?f=172)
- - ملاحظة مهمه جدا وسبق تحدثت عنها وهي تتكرر مره أخرى
(http://www.cofe-cup.net/vb/showthread.php?t=66878)
ملاحظة مهمه جدا وسبق تحدثت عنها وهي تتكرر مره أخرى السلام عليكم ورحمة الله وبركاته صباح الخير جميعا اولا اشكر القائمين على تلخيص المقررات جميعا ولكن لدي ملاحظه وانا طالب مستوى الخامس ومن متابعين منتدى كوفي كوب ولكن وجودنا واعطاء رأينا وتفاعلنا في المنتدى يعطي ايجابيات وحتى لو اختلفنا في بعض الامور ولكن لدي ملاحظه اراها في ملخصاتكم وسبق تكلمت عنها وهي بنفس الاخطاء مسبقاً وهي عدم طريقة تلخيص بشكل احترافي يضمن وصول معلومه بشكل واضح اكثر على سبيل المثال في اختبار التخطيط الاستراتيجي وجدت في ملخصكم محاضرة نصية الفصل السادس: تحديد البيئة الداخلية تحديد نواحي القوة والضعف ملاحظه في تلخيص وكان فيه سؤال دخل في الاختبار وهو السؤال 51 يتكون نموذج سوات swot من : نقاط التميز؛ نقاط الضعف؛ الفرص؛ التهديدات نقاط القوة؛ نقاط الضعف؛ التوجيهات؛ التهديدات
نقاط القوة؛ نقاط الضعف؛ الفرص؛ المنافسة *ولكن في تلخيص لم يفرز هذا الموضوع بشكل مقنن ووضوح وكان نظام كوبي اند بيست مثل ملخص وتنسيق الاستاذ كتب في ملخصكم هكذا تحليل Swot بتحليل الوضع الداخلي والخارجي من خلال البنود الأربعة التالية:نقاط القوة،نقاط الضعف،الفرص،التهديدات لو قرأها احد طلاب أو يحاول البحث عنها في ملخص يصعب عليه بحث عنها عند الاختبار الفصلي او الواجب وهذا يعود لسوء التنسيق في التخليص لو كتبت في تلخييص بهذا الشكل لوضحت في الملخص نفسه وهي بتحليل الوضع الداخلي والخارجي من خلال البنود الأربعة التالية: 1- نقاط القوه 2- نقاط الضعف 3- الفرص 4- التهديدات بهذا الشكل لو وضعت لوجدتها انا وغيري من طلاب واضحه في ملخصكم وتسهل البحث عن الاجابات خصوصا في الاختبار الفصلي و الواجب وانا احيي القائمين على تلخيص و لا اعتبر ما قلته تنقيص او امتعاض من فعلكم بلعكس احب ان اعطي ملاحظاتي وهذا لكي يستفيد الجميع من التلخيص بشكل افضل وحترافي اولهم القائمين على التلخيص وطلاب :67: |
رد: ملاحظة مهمه جدا وسبق تحدثت عنها وهي تتكرر مره أخرى ترا انت يا خوي مشكلجي تحب تثير الهوشات في الملتقى ومستفز لأبعد الحدود ومغرور اقترح عليك لي ما تصير انت تلخص عنهم يطلع التخليص بايدك احسن وأكثر احترافية على قولتك ترا تلخيصهم يفتح النفس ورائع وما فيه شيء فيه ينتقد يكفي انهم يستقطعوا كثييييييير من وقتهم عشانا لا تعليق انا مستغرب ليش لحد الان ما سوولك باند |
رد: ملاحظة مهمه جدا وسبق تحدثت عنها وهي تتكرر مره أخرى كذا مرة تفتح مواضيع مثل كذا الكوفي مو معمول للهوشات |
رد: ملاحظة مهمه جدا وسبق تحدثت عنها وهي تتكرر مره أخرى اجل الله لايهينك ساعدهم في تلخيص المواد شكرا الف شكر للقائمين على تلخيص جميع المواد شكرا ع جهودكم المبذولة والله يوفقكم |
رد: ملاحظة مهمه جدا وسبق تحدثت عنها وهي تتكرر مره أخرى تفضل مرحوم الوالدين بطرح ملخصك الاحترافي اللي ماسمعنا ولا شفنا منك غير الهياط نبي نشوف احنا هالابداع وسبق وتكرر كلامي معك في المستوي اللي فات احنا مو جايين نحترف ولاندور احتراف الطالب المميز والذكي بيذاكر وبيفهم وبيميز ولو كان سرد جريده ابيض واسود مانحتاج فرز وخطوط والوان ترا حنا طلاب جامعه لو انت دارس رياض اطفال وايد احسن لك من ادارة الاعمال لان واضح عندك شغف بالاحترافيه والالوان واحذرك يا استاذ احنا بالكوفي نشجع ونحترم ونقدر طلابنا الي تعب وتضحي بوقتها مشانا ومافي شي اسمه نسخ لصق لان اعتقد يا محترف ملفات البي دي اف ماتقدر تنسخ منها وتلصقه بملف وورد يعني هذي كتابه حرف حرف لاتقول راي ورأي احنا ماعندنا روح رياضيه ابدا بلي يستتنقص شغل طلابنا المميزين في التلخيص وقد اعذر من انذر سلام يا محترف الكلام |
رد: ملاحظة مهمه جدا وسبق تحدثت عنها وهي تتكرر مره أخرى انا متابعه من اول اراءك ومركزه عالاسلوب بشكل كبير انت ما تبي تنصح ولا تبي توجهه او تقدم راي انت تبي بس اثاره جدل وتقليل من جهد غيرك لو فيك خير كان ماسك لك ماده او مادتين ملخصها واصلن ترا التلخيص اللي يقومون به الاعضاء هذا عباره عن شغل تطوعي منهم ومش ملزومين الاخطاء وارده بس نادره ، لكن انهم يلتفتون لاراء حضرتك لا والله تبطي بيض الله وجيههم انهم مخصصين وقت لمساعده الغير مو مثلك بس ادخل وانتقد لو انو جاء كلامك بطريقه محترمه كان هاه ممكن يتم مناقشته لكن بهذا الهجوم وهذا الغرور نعم !! من حضرة جنابك تتامر علينا !! وجودك المنتدى يسبب ازعاج لنا واحنا اعضاء متفاعلين ومتعاونين ومقدرين تعب الغير اذا انت موجود هنا عشان هالتفاهات فتفضل لو سمحت مش مرحب فيك بيننا وخن نقول يعتبر اخر انذار لك .. |
رد: ملاحظة مهمه جدا وسبق تحدثت عنها وهي تتكرر مره أخرى السلام عليكم ورحمة الله وبركاته اولا احب اقول مشكلة البعث يفهم الرساله خطاء وحتى لو كانت سلبية حتى بعض المراقبين ومتابعين انا لم انتقص من احد ولم اقلل جهد القائمين والبعض فيهم يهدد على اساس انه المنتدى ملكه انا وجهت نصيحة ورأي لم اوجه انتقاد بدال ما اشكر على ملاحظتي انتقد واهدد في الموقع بشكل علني انا الخص بنفس ولكن قمت بتحميل بعض ملخصات ولم اجد اهتمام حتى من مراقبين او صاحب المنتدى بختصار لم اكون مرشح لو كنت مرشح من الملخصين لوجدت المدح حتى لو كنت على خطاء انا اثنيت وشكرت القائمين واحييهم اقروا ملاحظتي بشكل ايجابي انظروا لها من زاويه الفائده لا سلبيه و من حق اي طالب انا او غيري يقول ما عنده ولكن يحترم فعلى الغير حتى لو كان خطاء و انا بدأت بكلام شكرت القائمين ولم اذمهم ولكن ملاحظتي مفترض تؤخذ بعين الاعتبار لأنه فيها فائده لكن وجدت العكس اللي يهدد انصحه يوفر تهديده لا حاجه يهدد |
رد: ملاحظة مهمه جدا وسبق تحدثت عنها وهي تتكرر مره أخرى "بختصار لم اكون مرشح لو كنت مرشح من الملخصين لوجدت المدح" لا عفواً اخوي التلخيص ما يحتاج لترشيح من أحد عندك استعداد تلخص كلم الاستاذ احساس او المشرفه عفوف وراح يرحبون فيك ويقولون اهلن ونسعد بتلخيصك معنا واحنا اعتراضنا على هذي الجمله : "عدم طريقة تلخيص بشكل احترافي يضمن وصول معلومه بشكل واضح اكثر " راجعها زين وتشوف احنا ليش عصبنا وليش تكلمنا بهالاسلوب عذرا يعني هالكلام مفروض ما يُكتب ابدا لانه مش مقبول واصلن التلخيص ما فيه احترافيه تصوير هو ولا عمل سينمائي ؟ احتراف ايش تبيه ؟ الوان واسهم وجداول ؟ احنا مستوى جامعي مش اطفال ونفهم الكلام ونرتبه ونحترف فيه بعقولنا مش بطريقه عرضه احنا كبار مو صغار معليش يعني ! |
رد: ملاحظة مهمه جدا وسبق تحدثت عنها وهي تتكرر مره أخرى ممكن تهدون الكلام شوي .. اللي لاحظته من اسلوبه هو شخص موضوعي بحت مو شرط ينتقدك لاجتهادك او الوقت اللي ضيعته عليه لكن ينتقدك على الانتاج وبشكل انا ترفزت منه لانه مو متعودين نقابل ناس بهذي الصفه بالعكس انتقاده كويس والصفه ذي نحتاجها لكن لازم تنتبه لاسلوبك لانه مو الكل بيتقبل.. هو اسلوبه اسلوب المدير اللي مايهمه قد ايش تعبت كثر الانتاج حقك.. فأنا حابه ابين لك شي هيب هوب : حنا نلخص فقط على المحاضرة النصية كما هي موجودة بلا فلسفة ونراجع المحاضرات المسجله ان كان فيه اضافات يعني اقدر اضيف اشياء كثير بما انه عندي خلفية كويسة لكن ما نضيف لانه من الدكتور جاية المحاضرات فما راح يطلع منها بالنهائي ان شاء الله.. فاللي ابيه منك يا هيب هوب بما انك مجتهد و لاحظت انت وانا لاحظت نفس الشيء امس وحنا نحل انه الدكتور اصلا مو مبينها وانا نسيت اضيفها مع انه كان في بالي اعدلها وشفتها امس وتذكرت ابيك تدخل معاي بالتلخيص تكون المراجع انا الخص وانت تشيك ان كان نقدر نرتبه اكثر و بشكل ارتب وأسهل لوصول المعلومات للطلاب .. قبل نسلمها لاحساس فان كان ماعندك مشكله وحاب الفكرة .. خبرني عشان نخبر احساس عنها بما انه هو الليدر |
رد: ملاحظة مهمه جدا وسبق تحدثت عنها وهي تتكرر مره أخرى نسيت ابين لك معلومة ترا موجودة النقاط معددة بجانب بعض وليس بشكل نقاط تعداد عشان كذا كنت ابي اعدلها ونسيت اعدلها ويمكن انك ما انتبهت بما اني كتبتها نفس طريقة الدكتور |
| جميع الأوقات بتوقيت GMT +3. الساعة الآن 03:41 AM. |
الدعم الفنى المجانى من روابط فى بى اطلب الان دعمك مجانا
HêĽм √ 3.2 OPS BY: ! ωαнαм ! © 2011-2012
new notificatio by 9adq_ala7sas
جميع المواضيع والآراء تمثّل وجهة نظر كاتبها فقط ولا تمثّل منتديات كوفي كوب بأي شكل من الأشكال ما لم يوضّح غير ذلك
Content Relevant URLs by vBSEO 3.6.0