|
احتاج مساعدتكم اول شي مدري هذا المكان الصح الي اكتب فيه ولا لا بس ماعليه اعذروني بس احب فزعتكم صراحه المهم انا كتب كتابي(عقد القران ) بين الترمين وبتكون بالبيت بس المشكله امه واخواته بيجون وهو يبي يشوفني كمان والحفله حقت الملكه قبل العرس بالصيفيه بس شنو البس الحين وشنو اللون المناسب وهيك حكوني واعطوني اقترؤاحاتكم |
رد: احتاج مساعدتكم الف الف مبروك جنات تتهني يارب البسي فستان ناعم ولونه فاتح بنكي زي كذا او اوف وايت ومايكون فيه موديل اوفر شي سيمبل يعني اهم شي يكون ماسك يبرز انوثتك ومريح بنفس الوقت وخلي شعرك ستريت وميك اب ناعم بيطلع واااو اهم شي ماتتكلفي لان وراك حفلة خطوبه فما يصير تأوفري بالشوفه خله يشوفك ع طبيعتك |
رد: احتاج مساعدتكم الله يسعدك عفوف اي زي ماقلت انا بس وين احصله وين اروح انا ودي اوف وايت ببالي هو وايش ادخل لون الروج والمناكير والكعب انا سويست الشوفه خلاص بالاعطله الي راحت بصيفيه وين القى مثل الفستان الي قلتيه دورت بالانستقرام ماعجبني شي |
رد: احتاج مساعدتكم المكياج شنو رايكم بهذي https://www.instagram.com/p/BXr6TJdh...y=my_city.2017 |
رد: احتاج مساعدتكم روحي الخبر مول او فيمي ناين تلقين الفساتين اللي اقولك عليها والميك اب روحي لكوافيره ضامنه شغلها عليك وانها تطلعك زاحفه وناعمه والافضل الروج والمناكير يكون وردي انعم طبعا ع حسب بشرتك اذا كان يناسبك هاللون والا |
رد: احتاج مساعدتكم ان شاء الله يارب احصل مرا شكراً جزاك الله خير |
رد: احتاج مساعدتكم اللف مبرووك جنات الله يتمم لك حبيبتي البسي شيء ناعم زي م قالت عفوف ومو لازم بنك >> م تحبه خخخخخ البسي لون يناسبك ويناسب بشرتك وخلي شعرك ستريت او كيرلي عع الاطراف من تحت والميك اب حطي انتي ميك اب ناعم وخفيف يبرز ملامحك وبنفس الوقت تكوني على طبيعتك م فتحت معي الصوره اللي ارسسلتي رابطها اممم وبس والله وموفقه ي عيني .. |
رد: احتاج مساعدتكم مشكوره ورد على تعليقك امم ارسلت رابط لاني ما عرفت انزل الصوره شلون انزلها ماعرفت انا شعري ماتضبط الفات عليه لانه مرا ناعم فلبينيه ههههه كذا يسموني فبخليه استريت |
رد: احتاج مساعدتكم اقتباس:
اوكي خليه ستريت بس الميك ابي خليه خفييف مره زي م قلنا :Qz204806: |
رد: احتاج مساعدتكم ان شاء الله ربي ييسرها طيب بنات الحين انا عايشه مع زوجت ابوي ووانا وحيدت امي يعني ماعندي اخوات منها كلهم الي هنا خواتي من ابوي اكبر وحده ثاني ثنوي واصغر وحده اول متوسط وقلت انو محد يدخل يقعد معانا عند اهله يعني بالمجلس لان الكنب مايكفي هذا اول شي ثاني شي الباب الرئيسي حق المجلس بيتقفل بعد مايدخلون الضيوف الي هم اهله بس بيبقى بس باب المطبخ الي بدخل منه فأذا ادخلو هم بيصيرون داخلين خارجين من المطبخ فشله ما ابي المطبخ ينشاف فوافقو اخواتي انو بس يسلمون ومتا يدخلون مرا ثانيه بس امهم اليوم تقول بشتريلكم ملابس كشخه خليكم تخرجون وتوصي بنتها الكبيره الي ماعندها ماعند جدتي تقول بقولك ياندى جيبي وحطي وسوي وسوي اسمعي الكلام ابغا بس اسمع حاضر ياماما ان شاء الله يا ماما وانا ما ابي كذا شسوي معاها بنظرتي كشخت بنتها نفسها ذي الي توصيها عشان تدخل تسلم نعم وين عايشين بس الحمد الله اني عرفت من قبل وكلمت ابوي والحين ما ابي اقول لابوي وتصير سالفه نفس النظره قولولي حل بدون ماتصير فيه مشكله |
رد: احتاج مساعدتكم يوه شعندها دي ذكرتني بمرت ابو سندريلا عيب اصلا مع احترامي الشديد لك انا برايي ماتسوين مشاكل وكلي امرك الى ربك واكثري من قول لاحول ولاقوة الا بالله العلي العظيم وان شاءالله ان ربك بيسرها وبيكتب لك اللي فيه خير في النهايه رزقك محد بياخده غيرك خلك هادئه ورايقه وعيشي لحظاتك واستمتعي بها في النهايه هالايام واللحظات هذي ماراح تتكرر فخليها تكون ذكرى حلوه والله يوفقك ان شاءالله ويبعد عنك كل مكروه |
رد: احتاج مساعدتكم امين يارب الله يسعدك صح صادقه ونعم بالله |
رد: احتاج مساعدتكم حلوه مرت ابو سندريلا ههههههههههههههههههههههههههههههههههه معليك جنات عيشي اللحظه ولا تفكرين باشياء تزعجك وحاولي تكونين عمياء على اي حركه وموقف تصير قدامك تزعجك استعيني بالله وطمنينا بعد ما تخلصون |
رد: احتاج مساعدتكم ان شاء الله ورد الله يسعدكم ويفرج همكم يارب |
رد: احتاج مساعدتكم ابشركم حصلت فستان مرا خطيرررر الحمدلله والملكه ان شاء الله يوم سبعه وعشرين اربعه عائليه وخلاص ماراح يكون في حفله بعدها هي ذي حفله صغيره بالبيت ايش اسوي حركات يعني توزيعات وكذا وشسمو ياربي الحين تقطيع الكيكه اول ولا تلبيس الدبل وايش اسوي لما نقطع الكيكه ابدا اقطعها انا ولا كيف ترى مرا استحي واخاف حياي يجيب فيني العيد |
رد: احتاج مساعدتكم صح ابي اشياء حلوه بدون مسيقى لوقت دخلتي ولما العريس يدخل ولما يجي وقت تلبس الدبل وكذا انا اخترت اغاني بس بعدها مرت ابوي قالت لا مافي بيتي ماتشغلين فيه اغاني ومن هالحركات مع انو عيالها يسمعون اغاني ولما بشغل انا هي ماراح تكون موجوده معانا لانها ماتكشف عليه بس ابي للاحتياط عشان اذا قامت تسوي خبال ودق الباب مثلا او تصرخ وكذا يكون فيه بديل ماتخهرب يومي علي |
| جميع الأوقات بتوقيت GMT +3. الساعة الآن 11:43 AM. |
الدعم الفنى المجانى من روابط فى بى اطلب الان دعمك مجانا