|
بتسآفرمو عآرف كيف تختآر ـآلفندقٍ تعآل هنآ ’ ♥ ـآلسلآم عليكم http://vb.ta7a.com/images/smilies/ta7a_411.gif كثير من الناس لما يسافر يحتار كيف يختار الفندق ويسأل عنه أو يخلي مكتب سياحي يختارله واذا راح هناك قال ماعجبني الفندق أو البلد هذا فنادقه بايخه وأنا بقولكم سياسة المكاتب السياحيه والمواقع في الانترنت في حجز عدد من الغرف بكل فندق تكون ملك للموقع طوال السنه فكل موقع له استراتيججيه معينه لحجز حتى الغرف وأدوارها مثلا .. من المواقع المعروفه بأسعارها الحلوووه بشرق آسيا موقع agoda أجودا خذوها كقاعدة عامة تحب الأدوار العلويه بشكل غالب يعني لو كان برج تختارلك الادوار الي فووووووووووق وتحجز منها هالشي مو ايجابي على كل حال خصوصا لو كانت مدينه كلها ناطحات سحاب لان بيكون مطلك سطوح الأبراج الي جنبك فأنا شخصيا ماكتشفت هالشي الا متأخر وبعدها صرت أحرص عليهم يحطوني تحت أشوف الناس والعالم http://vb.eqla3.com/images/smilies/008.gif اممم ترا هذي سواليف مابعد دخلنا بالزبده كثير أقرى أنا ما اثق بمواقع النت انا ماعرف احجز من النت انا مدري وش يقصدون بالكلمه هذي ؟ الحجز من الانترنت طريقه سهله وآمنه اذا أحسنت أختيار المواقع المعروفه والموثوقه وتخليك تمخمخ على الفندق قبل اختياره وأرخص من المكاتب السياحيه بنسبه حلوه وتعتبر مكسب لك وأنا هنا ما أقولكم كيف تحجزون من النت لان فيه مواضيع مشروحه بالكامل ومو هذي زبدة الموضوع http://vb.eqla3.com/images/smilies/008.gif زبدة الموضوع أساسيات اختيار الفندق الموقع أول شي يجب انك تبحث عنه الموقع الجيد في البلد المقصود شروط اختيار الموقع المناسب - المنطقه الحيه في المدينه او قريبه منها - لو كان المدينه تعتمد على المترو في مواصلاتها وانا بستخدمه كثير لازم أعرف أقرب محطه لفندقي - جنبي فيه سوبر ماركت ؟ مطعم ؟ وش فيه جنبي ؟ - وش أقرب شارع رئيسي لفندقي ؟ - اذا كانت المدينه هذي ترانزيت لازم أختار فندق قريب من المطار أغلب مواقع الحجوزات الفندقيه توفر خارطه توضح لك مكان المطار ووسط البلد وانت من خلال قرائتك الكثيره للبلده بتعرف وش أحسن مكان وتحجز في احدى فنادق المنطقه هذي تصنيف الفندق توصلت أخيرا إنه مو كل فندق 5 نجوم فندق ممتاز ولا تحرصون عليه وراح أقولكم الأسباب تصنيف الفنادق عالميا يخضع الى عدة نقاط ما تهمك ولا تهمني والمعاايير هذي الي تخضع لها الفنادق والي لما تكتمل فيها يحصل على 5 نجوم راح أقولكم المعاايير هذي بشكل مبسط الفنادق العالميه الي لها فروع بكل مكان هذي لها تصنيف عالمي اعطاها الـ 5 نجوم واستمرت عليه .. لأنها تعهدت انها كل مافتحت فرع بأي بلد راح تتبع اساسيات معينه لكن الفنادق الي ماهي معروفه تصنيفها يكون محلي من سياسة البلد نفسه يعني سلسلة فنادق الانتر كونترنتال + الشيراتون + ريتز كارلتون .. الخ فنادق نلقاها بنفس الميزات ( الميزات مو الشكل ) بكل مكان وبأي دوله لكن الفنادق الثانيه ممكن الـ4 نجوم يتفوق على الـ 5 نجوم فكثير يقوولون معتقد خاطئ وهو إني لما أسافر شرق آسيا مثلا ما أغامر بأقل من 5 نجوم خطأ خطأ ممكن تلقى 5 نجوم ويعتبر 3 نجمات http://vb.eqla3.com/images/smilies/008.gif والعكس صحيح نرجع لبعض المعايير الي يرتقي بها الفندق ويحصل على النجمات 1/ وجود أكثر من 3 مطاعم داخل الفندق . 2/ مواقف سيارات خاصة بالفندق . 3/ قاعة مؤتمرات وشروط كثيره صدقوني ما تفيدنا أبدا الزبدة لا يكون اختيارك للفندق راجع لعدد النجمات أبدا لكن لا تدور فندق أقل من 4 نجوم http://vb.eqla3.com/images/smilies/008.gif كيف أعرف الفندق هذا جيد والا لأ ؟ بعد ما تختار الموقع المناسب للفندق أبحث عن ميزاته الآن الي توافق طلباتك ووش يوفر لك إنت كزبون أبحث عن ميزاته بموقع الحجز .. لنأخذ مثال موقع بوكينج مثلا تحت نوعية الغرف يعرض الخدمات http://up.7cc.com/upfiles/Kuc53620.jpg نوعية التكييف في الغرفه بار في الغرف قهوه وشاي مجاانا كم عدد المطاعم في الفندق فيه صراف أو مافيه غرف خاصة للمدخنين محلات تجاريه في الفندق مثلا يوفر لي صحف مجانيه أولا بوريكم مثال على احدى فنادق مدينه ما شوفو وش لقيت مع المعلومات عام إقتباس » مطعم, بار, مكتب استقبال خدمة 24 ساعة, حديقة, شرفة, غرف لغير المدخنين, تسجيل سريع للوصول و المغادرة, صندوق الأمانات, مصلّى, فندق بتصاميم عصرية, مخزن الأمتعة, محلات تجارية في فندق, صالح للمثليين, مكيفات هواء يعني لما تروح هالفندق لا تزعل أو تسبه بعد ماتروحله هم حاطين لك هالمعلومه فالافضل تجنبه .. حتى وجود الأشياء الي مش ولابد تنكتب الانترنت مجاني أو برسوم ( ونركز هو مجانا داخل الغرف أو بس في اللوبي ؟ ) وقت الوصول والمغادره لازم تعررفه علشان ما تضطر تنتظر غرفتك أو تنحسب ليله على كم ساعه طيب أبي أعرف سمعة الفندق ؟ قبل ما تختار الفندق أقرا عن اراء النزلاء فيه قبلك , غالبا يكونون أجانب http://vb.eqla3.com/images/smilies/004.gif راح تعرف كثير عن الفندق من سكان نزلو فيه بعضهم بألاسابيع والشهور وبعدها تقدر تسأل عنه في الأماكن الثانيه . BrB |
رد: بتسآفرمو عآرف كيف تختآر ـآلفندقٍ تعآل هنآ ’ ♥ يكتبون لي غرف كثيرة .. وش الفرق بين الغرف ؟ مسميات الغرف تختلف من فندق لفندق لكن الأغلبيه متفقين على أشياء معينه أصغر الغرف وأقلها بأغلب الفنادق هي Standard غرفه عاديه .. تحمل ميزات بعض الغرف الثانيه .. فيه منها نوعين في المطلات لو كان الفندق على بحر أو حديقه أو بحيره .. الانترنت فيها خاضع لنظام الفندق سوا مجاني أو بفلوس .. Superior أكبر من الستاندر بشي بسيط جدا Deluxe الديلوكس روم اكبر من الستاندروالسوبيربر بشي بسيط بالحجم يعني أكبر بمتر تقريبا طول بعرض وأوسع وغالبا تختلف عن الستاندر بالديكور Grand Deluxe أكبر وأوسع من الديلوكس بشي بسيط بعد لكن ملحوظ وتصميمه غالبا نفس الديلوكس وبنفس الأدوار Junior Suite جناح صغير عبارة عن غرفة نوم .. وغرفة أصغر منها فيها جلسه وحمام .. Deluxe Suite جناح فاخر .. عبارة عن غرفة نوم .. وغرفه جلسه .. وحمام .. Classic غرفه كلاسيكيه يميزها الديكور مصممه تصميم يختلف تماما عن بقية الغرف حجمها مو موحد في الفنادق ومرات تكون أصغر من الديلوكس ومرات أكبر لكن على الأغلب سعرها أعلى من الديلوكس Executive غرفة تنفييذيه .. الغرف التنفيذيه غالبا تكون بالأدوار العليا لو كانت ناطحة سحاب بالاضافه الى ان الدور بالكامل لللغرف هذي يكون فيه انترنت مجاني لو كانت الانترنت بفلوس ولهم بوفية افطار خاص فيهم .. الغرف التنفذيه هي غرف لرجال الأعمال .. مجهزه لهالشي Executive Club Suite جناح تنفيذي .. غرفتين أو أكثر من الغرف التنفيذيه مع غرفة للجلوس بالاضافه للحمام Royal Club Suite جناح ملكي .. أكبر من الجناح الفاخر بغرفه .. أثاثه مختلف ايضا عن الغرف الثانيه .. هذي أهم أنواع الغرف الي تتوفر في الفنادق وبعض الفنادق لها مسميات تختلف لكن نفس المواصفات نجي الحين للمطلات City View مطله على المدينه Park View مطله على الحديقه lake View مطله على البحيرة Beachfront مطله على الشاطئ Sea View مطله على البحر Seafacing مطله مباشره على البحر ( غالبا الأكواخ والفلل يكتبون هالميزه معها ) |
رد: بتسآفرمو عآرف كيف تختآر ـآلفندقٍ تعآل هنآ ’ ♥ لين يعطيك العافيه :) |
رد: بتسآفرمو عآرف كيف تختآر ـآلفندقٍ تعآل هنآ ’ ♥ روووعه ي لييين افدتينا حيييييل الله يعطيييك الف عآآفيه |
رد: بتسآفرمو عآرف كيف تختآر ـآلفندقٍ تعآل هنآ ’ ♥ ريحة القهوه منتهى السمو الله يعافيكم.. |
رد: بتسآفرمو عآرف كيف تختآر ـآلفندقٍ تعآل هنآ ’ ♥ يسلمووووووووو ويعافيك ربي * |
رد: بتسآفرمو عآرف كيف تختآر ـآلفندقٍ تعآل هنآ ’ ♥ الله يسلمك ياكلي حلى |
رد: بتسآفرمو عآرف كيف تختآر ـآلفندقٍ تعآل هنآ ’ ♥ يعطيك كل العافيه ي عسوله |
رد: بتسآفرمو عآرف كيف تختآر ـآلفندقٍ تعآل هنآ ’ ♥ تسلم ايديكي لينو صراحة |
رد: بتسآفرمو عآرف كيف تختآر ـآلفندقٍ تعآل هنآ ’ ♥ الله يعافيكم.. |
| جميع الأوقات بتوقيت GMT +3. الساعة الآن 06:33 PM. |
الدعم الفنى المجانى من روابط فى بى اطلب الان دعمك مجانا