إنطباعكم عن الإختبار النهائي لمقرر مهارات الحاسب الآلي- المستوى الأول

الأسئلة تصنف متوسطة لكني أستغرب من الدكاترة والاساتذة في وضعهم للأسئلة للأمانة أحياناً أشعر إن ما ودهم أحد ينجح وإذا نجح ينجح بمعدل متدني طبعاً مع احترامي وتقديري لهم هم في النهاية لم يخرجوا عن إطار المنهج ولكن أتمنى مراعاة أمر مهم إننا طلاب تعليم عن بعد يعني نحتاج قليلاً من مراعاة ظروفنا فينا الموظف والمتزوج وعندنا التزامات وارتباطات ما في ذاك الوقت اللي الواحد يجلس فيه يمخمخ على المنهج كلمة كلمة ما نقول اعطونا ملخصات أو نجحونا لكن يسروا علينا شوي قسم بالله المخ ما صار يجمع تحفظ معلومة من هنا وتطير من الجهة الثانية ..
أدري كلامي ما منه فائدة لنا على الأقل لأن بكرة آخر اختبار لكن في طلاب جدد راح ينظموا للجامعة اتمنى مراعاتهم في المستوى القادم ..
بالنسبة لي سويت كل اللي اقدرعليه في هذا المستوى ولا يلام المرء بعد اجتهاده والصدق يقال إني محبط من بعض الأسئلة ولو أحمل مادة لا سمح الله ما راح أكمل لأن الضغط النفسي اللي مرينا فيه لا يطاق ليست مسألة انهزامية أو شعور بالفشل لكن بصراحة الوضع محبط جداً وما يحمس ..
طبعاً اعتذر منكم لكن هي مجرد فضفضة وربما تكون هذه الأحرف آخر ما أكتب في هذا الصرح الجميل بتواجدكم جميعاً

كنتم خير مثال بتكاتفكم وحبكم الخير لغيركم ومساعدة بعضكم البعض وحرصكم على المجموعة

وفالكم التوفيق والنجاح يارب لأنكم والله تستاهلون

الله يسامح هالطيفور 🌝❤

السلام عليكم

بالنسبة لي كانت الأسئلة متوسطة
الحمد لله قدمت كويس بس في كم سؤال الأستاذ أبدا من المحاضرات ما تكلم عنها و فعلا كان الشخص يحتاج آلة

موفقين جميعاً

أول شي يعطيكم العافية.

الأسئلة الصراحة كان فيها صعوبة, وأكثر شي غبني الأسئلة اللي يقول فيها هذي الأداة/الصورة بأي تبويب؟
يعني اغلبنا عندنا خبرة بالكمبيوتر, الإنترنت, نظام وندوز وحتى برامج Office, بس إنه يسأل بأي تبويب هذي اسميها تصعيب للأسئلة بس! المنهج طوييل وما كان يحتاج يجيب 7 اسألة او أكثر كلها عن "أي تبويب".

وفيه عندي استفسار عن سؤالين, اللي كان عنده نموذج 2
فيه سؤال بالصفحة الثانية, ممكن السؤال رقم 6 او 7, اللي عن Excel وكيف تم حساب المعدل لمادة الحاسب, الإجابات كانت كلها 2C بدايتها اتوقع, والمفروض تكون 3C لأن إسم الطالب اللي بالسؤال يختلف عن اسم الطالب اللي بخلية 2C.
والسؤال الثاني رقم 67 أتوقع, اللي هي عن الشبكة اللي تكون جغرافية أو شي زي كذا, الجواب مو المفروض يكون MAN? بس ما كان موجود بالخيارات.

ياليت أحد يتاكد لي.

الدكتور ماكان عنده لا مصداقية
ولا مراعاة للطلاب !

بالذمة يعني .. الإختبار أغلبه أسئلة عملية .. واحنا مو قاعدين نطبق على الحاسب ترى !
فوق هذا المادة دسمة ولا رأف بحالنا وحذف لو جزئية بسيطة منه !
ترى العقل له ذاكرة محددة يعني وين يخزن كل هالمعلومات !!!!
وبعدين سلامات جايب أكثر من سؤال يتكلم عن اسم الشريط !
كان بإمكانه يجيب أدوات سهلة ويسألنا بويش تُستخدم أرحم من اسم الشريط !
ما أقول إلا حسبي الله بس
ولعل وعسى نعدي المادة على خير

الاختبار كان سهل جدا لاني اعتمدت ع الملزمه من بدايتها الين النهايه و المحاضرات نفس اللي درسناه بالثانوي مافيه شي جديد.

انا حسيتها متوسطة مايلة للصعوبة واحس توهقت وانا احل بس كلامكم توقعت يطلع يوم مفاهيم تعلم صراحة حتى هو اختباره صعب موت حمر😂

سعد صحيح زي ماقلت كان المفروض 3c
لكن man موجود من ضمن الاختيارات

Thebror
لا هي مو مكتوبة بس انا مضيع, لان رجعت للملزمة قبل شوي وتاكدت, طلعت الإجابة LAN لأن حتى هي تعتبر شبكة في منطقة جغرافية.

الله يعطيكم العافية

شكراً لجميع من شاركوا معنا

وإن شاء الله تكون كل النتائج مفرحة لكم