القصة مررره روعة كوميدية رومنسية جريئة((سعوديه))

الفصل السابع

فيصل وليث في الكرنيش يتمشون

ليث : فيصل لازم ترجع لازم عيب عليك ولله عيب

فيصل: مالك شغل فيني تتحكم فيني انت

ليث : مو اتحكم فيك انا قاعد اوجهك

فيصل : لما تخلص حفله سمر ارجع

ليث : كله واحد يا بابا اصلاَ سمعت انه سمر بتقعد كم يوم هنا حتى بعد الحفله

فيصل : حتى لوو مو زي الحفله اذا جيت قبل الحفله مستحيل يكون موقفي ضعيف وما اجي واذا جيت راح اذطر ابارك لها

ليث : الوالده كلمتني وقالت لازم ترجع اليوم عشان حفله سمر بكرا

فيصل : طيب روح وش اللي ماسكك

ليث : ما اقدر اتركك هنا وبعدين تعال كلمت امك

فيصل : ايه كلمتها وطمنتها علي وقلت لها اني ماني جاي اليوم

ليث: فيصل شوف انت بس احضر بدايه الحفله وروح وانا ابارك لها عنك واقول انه احد ربعك في المستشفى وما قدرت تكمل الحفله

فيصل : ولله مدري وش اقولك . .

ليث : لا تقول شي اذا كان الوضع كذا يعجبك اني ابارك لها عنك مستعد اسويه

فيصل: راح افكر في الموضوع

ليث : ماقدر اصر عليك واجبرك اكثر من كذا امك محتاجتك وخلاتي بيستغربوا اذا ماجيت انا ماشي الساعه 1 باليل معك ساعتين تفكر . .


الساعه 3 الفجر

في الخيمه الشعبيه لقصر ام ليث كانوا البنات هناك ..

الستاير كلها شعبيه والأثاث والكنبات والجدران كلها طين الخيمه الشعبيه قليل احد يدخلها لانها واااسعه وشكلها يخووف وتحسها مسكوونه بس البنات دخلوها عشان يسهرون على راحتهم وما يزعجون احد لأن الغرف اللي عند صالتهم كلها غرف اطفال ونايمين فما يقدروا ياخذوا راحتهم . .

سمر: لا تشغلوا الفلم لما اجي بجيب الكولا دقايق وراجعه

اروى : اوكي حبووبه .

طلعت سمر من الخيمه الشعبيه وراحت للمطبخ تجهز الكولا والثلج والبنات منزلين الفرش والوسايد عشان النومه تحت وجالسين على الأرض


رفيف مستغرربه وكأنها ملاحظه شي عجييب : بنات ما تحسون شي غريب في سمر


مرام بثقه : لا ابدا سمر نفس ماهي بس ناقصه كم كيلوا

اروى بذكاء: تقصدين طلال

رفيف: ايووه اروى ما عمرها سولفت لنا عنه او عن العرس او موقف ولا مره شفتها تكلمه على الجوال ولا مهتمه فيه

عنود : يمكن ما تحب احد يدخل في خصوصيتها او ما تحب توري الناس اللي حواليها اش فيه بقلبها

اروى: يمكن وجهه نظر مهمه

مرام : تدرون كيف نبي نعرف

رفيف وعنوود ومتحمسين على الأخر : كييييف ؟؟

اروى : عيب عليكم خصوصيات البنت

رفيف تتريق على اروى : ايه ايه ان شاء الله

مرام كانت منسدحه على الأرض
قامت وربعت ومتحمسسه على الأخر وشكلها ناويه على شر

مرام : اسمعووني زين تعرفون الحنا حق جداتنا اللي يحطونه في يدينهم وشعورهم

رفيف : اييه اييه

عنود وكأنها عرفت وش تفكر فيه : لاااااا حراااام مريوومه

مراام : اااشش عنوود لا حرام ولاهم يحزنون

اروى : مرامووه اكفي شرك وخيرك

مرام : وش بسوي انا بذبح احد ولا وش بسوي

رفيف : كملي كملي ما عليكم منهم

مرام : تذكرين كيف سمر كانت تقرف منه لما كانت تحط لها جدتي غصب عليها يوم هي صغيره

رفيف : ايه ايه اذكررها

مرام : نجيب حنا ونقعه واذا نامت نحط في يدينها ونربطهم ونشوف وش تسوي اذا قامت

رفيف :هههههههههههههههههاااااااااااااااااااااا ي خطه جهنميه

عنود : لا مرام حرام عليك البنت عرووس ما يجوز كذا

((مرام تحب تسوي مقالب ودايم تسوي فيهم ومحد يجاريها في مقالبها القويه الا رفيف اللي تعشق هالشي ))

اروى : مراامووه صديق فيه مخ هنا

مرام : ارووى يا حبي لك لا تخربين علينا نبي نفرفش شووي هي حلاتها وهي عروس واذا كانت ربه منزل تبي تستانس اذا حطينا لها

رفيف : طيب اللحين من وين لنا (( حنا ))

عنود تدخل في العصابه : امم اتذكر انه الحبشيه مربيه فارس

ولد احلام تحط حنا دايم وش رايكم ناخذ من عندها

اروى: عنووووووووود اخبرك مو معهم

عنود : ياخي ودي اهبل فيها

اروى : طيب انا مالي دخل

مرام : مين تعرف تسوي حنا

. . . . . <<محد جاوبها

مرام : طيب نخلي الحبشيه تسويه

عنود : اووكي بس تتوقعينها قايمه اللحين

مرام : اذا مو قايمه نقومها نصج نصج لما يقوم فارس ولد احلام وتقوم هي عشان تنوومه

اروى : ااااااااجراااااااااام بحق الأنسانيييييييه

عنوود : اروى لا تبالغين

رفيف : اوكي حلو بس ترى ماراح نصج الا اذا شفناها نايمه

مرام : اووكي وحده ترقى عشان ما تلاحظ سمر اذا جت اننا ناقصين عدد مبالغ فيه

. . . . <<محد رد

مرام : باللله احد يجاوب

عنود بتردد : اوكي انا رايحه

مراام : امموووت في عنوود انا بس شوفي اذا لقيتها نايمه لا تصحينها ناديني انا فنااانه في هالشي

عنود : ههههههههه طيب

اروى تهز براسها كانها تقول لا : اصحاب العقول في نعمه . .

. . . . <<طنشوها ومحد رد

طلعت العنود . .

الخيمه الشعبيه تصير جنب الفله اللي فيها غرف الخدامات والمطابخ وجلسه الحريم يعني راح تضطر تطلع من الخيمه الشعبيه وتمر على الحديقه اللي كانت فيها مرام لما شافها محمد

طلعت
كانت لابسه شوورت فوق ركبتها لونه تفاااحي وسااده ولابسه بلوزه حفر بينك برضوا ساده بس شكلها فخم كان شكلها مفصخ نوعاَ ما وشعرها مسييحته ووجهها نضيف بدون أي لمسه مكياج

كان القصر مظظظظللللم والأنوار فيه مسكره كان موحش ويخووف من وساعته وظلامه

كانت خاايفه وتشوف يمين ويسار بعيونها وقبل لا تدخل الفله ضربت في جسم كتللللله حست انها ضاربه جدار لما رفعت عيونها . .

ليث : عنوود وش عندك طالعه بهالظلام

عنود : ليثووه هلا ولله بخووي اخبارك وينك مختفي لنا كم يوم ما شفناك <<تضيع السالفه

ليث: وش عندك طالعه ؟ ؟ بهاليل ؟ انا الحمدالله طيب

عنود: طنت عطشاانه وابي مويا

ليث : ليه ما دقيتي على الخدم يرسلون لك

عنود : ما حبيت ازعجهم على هالصبح وبعدين كنت ناسيه جوالي في غرفه الحريم

ليث ومو مصدق : ااااااااااهاااااااااااا ايه يا حليلك بعدين تعالي وش هالبس انتي . . وش هالتفصخ هذا

عنود : شوو أي تفصخ تتكلم عنه اصلاَ كنت نايمه وتنبهت <<تنبهتي وبجيبين جوالك الله من الفضاوه

ليث : طيب كان لبستي روب نوم ولا شي افرضي احد السواقين ولا احد العيال طلع

عنود : ان شاء الله بنتبه مره ثانيه

ليث : انزين تصبحين على خير ترى فيصل في الجهه الثانيه ممكن يدخل بأي لحظه بسررعه خوذي اغراضك وبسررعه

عنود : فيصل رجع ؟

ليث : ايه الحمد الله . .
عنود دخلت الفله وهي تقول : ان شاء الله اجل بنتبه

دخلت يووه ظلاام وحووسه الحريم والبزران كانت تمشي وتطيح من الحوسه والظلام
رقت الدور الثاني ودخلت غرفه فارس شافت الحبشيه قاعده تتحنى

عنود : مساء الخير

الحبشيه : هلا

عنود : اخبار فارس نايم

الحبشيه : ايووه نام من شوويه

عنود كانت مرتبكه وتبي تطلع بسررعه : اقوول ممكن يعني اذا بقى من الحنا اللي معاك تعطيني منه

الحبشيه : ايووه حاظر يا مدام اصلاً خلصت هاه خوذيه

كانت طاسه وفيها الحنا

اخذته وقبل لا تطلع تذكرت

عنود : معك خرقه او قماش ؟ ؟

الحبشيه : ايووه يا ماما شوفيه فوق الكومدينه اللي هناك

عنود : اهاا يسلموو

اخذته وطلعت

وصلت للغرفه الشعبيه وحطت الطاسه تحت مغاسل حمام الغرفه الشعبيه ودخلت

عنود دخلت مرتبكه : هااااااااااي بنااات شفتو ليث وفيصل وصلووا

تكهرب الجو بس قالت اسم فيصل

عنود ما حست ان الجو متكهرب : تو وانا جايه شفت ليث وسلمت عليه


سمر تضيع السالفه تهدي الجو المتوتر : طيب تعاالي خووذي كولا تعبانه وجايبته وما تشربين

عنوود : ههههههههههه يا حبي لك . . . ناوويلك على نيه بس انت اصبر شوويه

سمر : وش عندك طربانه

عنوود : آآآآآآآآآه قصدك وش عندك عشقانه

رفيف : انتي قصصك الغراميه ما تنتهي من عقب الخاندروا

عنود : هييييي وش يدريك انتي

مرام : ها ها ها ها ها علمنا انطوووني

اروى : بنات شغلوا الفلم ترى بنااام

جلسوا وطفوا الأنوار وشغلوا الفلم وبدت السهره


مرام تصحي رفيف بشوويش : رفيف رفيف نااايمه

رفيف بهمس : لا بس شكل كلهم نايمين

مرام بهمس : نجيب الحنا

رفيف بهمس : ايه بس وين حطته عنود

مرام بهمس : قبل لا تنام قالت لي انه تحت المغاسل

رفيف بهمس : اوكي روحي جيبيه تعرفيني اذا قمت اطلع اصوات الدنيا ما اعرف اتسلل

مرام بهمس : طيب

رفيف بهمس : بسررعه ترى بيأخذن الفجر وسمر بتقوم بدري عشان الحفله وتبي تتجهز

مرام طلعت وجابت الحنا وجت

رفيف بهمس تتوقعين نومها ثيقل زي اول ولا تغيرت

مرام : نومها ثقيل ولا خفيف بنحط لها يعني بنحط لها

مرام : اسمعي رفيف انتي امسكي يدينها وانا بحط

رفيف : طيب

رفيف مسكت يدين سمر وبدت مرام تحط في الملعقه

رفيف كانت مو ماسكه يدين سمر بقووه بس خفيييف عشان ما تنتبه وتقوم

شووي وسمر تحرك يدها بقووه وتحطها بوجه مرام كل الحنا جاء بوجه مرام

رفيف حبست ضحكتها لأن ضحكتها عاااليه تووحش ووجها احمر تبي تضحك : ماعليك ههه يروح اذا غسلتيه ربطي يدينها لا توصخنا بعد

مرام معععععععصبه : الله يلعن بلييس اااااف هذانا خلصنا

رفيف : طيب بسررعه روحي غسلي لا يتلون وجهك


بنفس الوقت . .

ماجد سهرررراااان ومو جايه نوم عقب اللي صار له في المول

يتقلب على الفراش ومو قادر يرتاح وبليس يلعب براااسه لعببب

مسك الجوال

ماجد في نفسه : ادق ولا ما ادق خليني ادق ما وراي شي <<شغل بلييس

قام واخذ الرقم اللي كان في جيب بنطلونه

دق . .
على الرقم

دن

دن

دن

بصووت نااعم حنوون ودلووع :ايووووووه

ماجد ارررررتبك جسممه يرجف اول مره يكلم وحده غير امه واخته

ماجد وصوته خاايف ومرتبك : ه . .ل ا ((هلا))

: اهلين هلا وغلا مين معي

ماجد :. . . . . .<<اسكت

: شو فيك ساكت داق علي عشان تسكت يعني

ماجد : لا مو كذا الله يطول بعمرك بس يمكن داق في الغلط <<<مشكله اللي ما يعرف يغاازل

: اااهااا دام كذا حياااك بغيت شي ؟ ؟

ماجد : ما عرفتيني !! <<بالله من وين بتعرفك

: لا ولله اول مره اسمع هالصوووت

ماجد : انا اللي كنت في محل الأجهزه <<<اخيراَ بدأ يسترسل

: اللي في صحارى مول ؟

ماجد : عليك نوور

: اااهااااا حياااك يالغاااالي راح اخزن رقمك

ماجد مستحقرها : ههه طيب انتي قلتي حاكني بغيتي مني شي

: شووف انا معجبه بشخصيتك وستايلك مرره تجننن مشاء الله عليك <<ززين تعرفين الله

ماجد استانس عليها لان طبعه يحب المدح ومع ذالك محتقرررهااا : هههههههه تسلمين من ذوقك بس انتي ما تعرفيني ولا جلستي معي عشان تعرفين شخصيتي . .

ترد وبووقااحه :تبيني اجلس معك ؟ ؟

ماجد موفاهم عليها خبرته بهالأمور ززيرروو: لا انا اسأل كيف عرفتي شخصيتي عشان تعجبك جايز الستايل لما شفتيني بس الشخصيه كيف ؟

: ااااامممم ليه إلى هالدرجه يهمك يعني

ماجد وزال التوتر وبدا يرجع لطبيعته بس لا زال مو على طبيعته تماااماَ :يعني مو مره ما قلتي لي وش بغيتي ؟ ؟

: قلتلك عاجبني

ماجد : واذا كنت عاجبك لازم تخزني رقمي يعني

: ايه ليه لا انت راح تتضايق

ماجد : لا بس حاجه غريبه

: ههههههههه ما قلت لي شوو اسمك ؟

ماجد : اسمي ماجد

: عاشت الأسامي

: انا اسمي كادي

ماجد : عاشت الأسامي

كادي : وين تدرس انت

ماجد : خلصت ماجستير إقتصاد واتاجر في الأسهم وقريب راح تحصلي وضيفه

كاادي : بالتوفيييق كم عمرك ؟

ماجد : امم يعني ما بين 25 الى 28

كاادي : كل العمر ان شاء الله

ماجد بداء يتفاعل معها : اطب انتي وين تدرسين وكم عمرك

كادي : انا ما ادرس معي شهادة الثنويه وبس عمري 18 سنه

ماجد : طيب انتي صغيره ليه ما تكملين دراستك في الجامعه او الكليه وتختاري تخصص حلو

كادي : لااا ولله اتعب نفسي على الفاضي وما احصل وضيفه شو الفايده اعرف زميلات لي اكبر مني بكثيرر اللي تخصصها طب ولا حاسب وقاعدين في البيت

ماجد : على الأقل تسلين نفسك ويصير عندك زي المرجع انه عندك شهاده في شي متفوقه فيه ومبدعه فيه

كادي : هههه يا حبي لك اصلاً انا تخصصي ادبي وتخرجت ونسبتي 67 % من وين بلقى تخصص على هالنسبه

ماجد : مبين ما عندك طمووح ابداااا

كادي : شو فايده الطموح اذا كان اللي حاوليك ما يقدر

ماجد : انا تخرجت وما لقيت وضيفه قمت اتاجر في الأسهم هذا يعتبر طمووح ويطلع لي مبالغ حلووه

كادي : طيب ازمه الأسهم اللي صارت ما اثرت فيك

ماجد :قبل لا تطيح الأسهم بيوم سحبت كل فلوسي ودخلتها في شركات امريكيه

كادي : حلووو ولله حظك اسعفك

ماجد : لا مو حظ انا كنت حاس انها بتطيح لانها ارتفعت ارتفاع مو طبيعي

كادي : هههههههه طيب غير السالفه لأني ما افهم فيها

ماجد : ههههه وله لو اسولف لك عن الأسهم يوم كامل ما اخلص

كادي تبي تدخل في مواضيع تحسه مو نفس تفكيرها : متزوج ؟؟

ماجد : ليه ؟

كادي : لا بس اسأل

ماجد : لا مو متزوج ولا افكر في الزواج اللحين

كادي : تصدق اني حاسه

ماجد وبداء يتجراء : طيب ماتحسين روحك حقيره

كادي : ايه احس روحي حقيره ومعترفه في هالشي

ماجد : طيب انتي كذا أي احد يكلمك تسوين معه علاقات

كادي : ايه عااادي صح انها حقاره واحس روحي بنت شوارع بس يلااا إنما الدنيا فناء

ماجد بجديه : طيب دام الدنيا فناء ليه تضيعين وقتك في هالأمور جهزي لدنيا الخلد

كادي : هههه شكلك مطوع

ماجد : لا مو مطوع بس اخاف الله

كادي : طيب دامك كذا ليه دقيت

ماجد : عشان اسألك عن هالشي

كادي : كل خواتي واخواني متزوجين واخوي اقرب واحد لي تزوج قبل كم يوم وامي مايته الله يرحمها تخيل قاعدة مع ابوي في البيت لا شغل ولا مشغله اقول اطلع اونس نفسي

ماجد :بهالطريقه تضيعين شرفك وعرضك وتمسحين بوجه اخوك وابوك التراب

كادي كان احد كب عليها مويا بااارده : ببببس انطططم بسسسسسس خلاااص ترى مو ناقصتك

ماجد : طيب شفيك هدي شووي

كادي تشاهق من الصياح : انت ما تحس ما عندك دم

ماجد : كادي هدي شوووي

كادي وهي تبكي : انت قاعد تفتح جروحي وكأنك تكب عليها عطر

ماجد رحمها وحس انها ضااايعه في عالم وصخ : انا آسف ما اقصد . .

كادي قاطعته : بس بس اسسسكت

ماجد سكت وهي سكتت حوالي ثلاث دقايق

كادي بعد ما هدت : انا آسفه صرخت عليك

ماجد : مسموحه بس اذا هديتي كلميني اوكي عندي كلام كثيرر معك

كادي : ان شاء الله مع السلامه

ماجد : مع السلامه

. . . . . . . . .

ماجد سكر السماعه وحس ان البنت محتاجه احد يوجهها بنت بعمر الزهور صغيييرره ضااايعه في عالم ما تدري ايش هو ويمكن تدري بس مو قادره تطلع منه

كسرت خاطره البنت بس حسها حقيرره مع ذالك وحط في راسه انه يطلعها من اللي هي فيه وتحدى نفسه في هالشي

. . .. . . . . . .

كادي اول مره احد يكلمها بالطريقه كل اللي يكلمونها يحاولون يسحبونها للمستنقع بس كلمها ماجد حسته زي اخوها الكبير ويخاف عليها . . وما افكر التفكير اللي الكل يفكر فيه

...................

ماجد رجع فراشه ونام ومركز على هدف معين براسه

.......................

صباح الأثنين

الساعه 9 الصبح دخلت الخدامه وفتحت الستاير

تيسي الخدامه : يلااا يلااا قوووموااا يووووووووه ايش هدا هووسه سوا سوا غرفه عيااال

مرام قامت وصررخت عليها : اطللللللللللللللللللللععععععععععي برااااااااااااااااااااا

رفيف وهي نااايمه : ووونعم يا قلبببي العنيييها

تيسي : لا ما فيه اطلع مدام سهام كلام يلااا قووم عشان نروح جهز في هدا حفله حق مدام سمر


مرااااام تصااارخ : طسسسسسسسي بر اااااااااا انقلللعي <<< على هالصراخ صحصحت مراام واروى ورفيف بس سمر مستحيييييييل


:::::::::::::::::::::::::::::::
في نفس الوقت مر محمد من عند الغرفه الشعبيه كان سهراان ما نام الخبل
وسمع الصراخ حس ان اللي تصااارخ عررربجيه بس اعجبببته وهو يمر سمع
الخدامه تيسي . .تقوول .. .
:::::::::::::::::::::::::::::
تيسي : خلاااص مرام انتي نامي كيفك بس لا تصرخي على انا مداام اروى يلاا قوم مدام سمر يلاا قوم مس عنوود يلاا
:::::::::::::::::::::::
محمد في نفسه : آآآآآآآآآهااا يا حليلها مرام هي اللي تصااارخ ولله يا هي طلللقه
طلع من الفله بيروح يطلع ثووبه من المغلسله
:::::::::::::::::::::::

اروى : اااااف حرام مالنا اربع ساعات نايمين

سمر نوومها ثقييييييييييييييل مستحيل تقوم لازم جراره عشان تقومها وبعد عنوود

سمر : ZzZzZzZzZzZzZz

تيسي : يلاا اروى عشان هدا حفله

اروى : ايييييييه ياااللله يمدينا نحجز في المشغل

اروى نطت اولهم مع انها كسووله بس تحب تخلص اول الناس وراحت الفله دلخت غرفتها تاخذ لها شوور

مرام : حسبي الله عليك تيسي يالذبببببااانه وشلوون بنام هالحين

سفتها الخدامه

تيسي : مداام رفيف مس عنوود يلاا قووم يلاا شوف مرام وراى قووم يلاا

رفيف : نوومها خفيف صحت من اول ما دخلت وفتحت الستاير بس كانت ترتاح على الفراش

قامت رفيف : يلاااا انا برووح احجز الحمام قبلك مراااموووه

قامت بكسسسسل وهي تمشي نقززت مراام وسبقتها بدوون ما تحس لما وصلت الفله ودختله غرفتها شافت الحمام مقفل

رفيف : مييين فيه

مرام : انا مرااامووه

رفيف : بسم الله امداك تسبقيني مو كنت في الغرفه الشعبيه

مرام : هههههه طلعت من الباب الخلفي وجت قبلك

رفيف : طييب مقبوله منك يا دوووب

رفيف ومرام بنفس الغرفه واروى وعنوود بنفس الغرفه سمر بغرفه لحالها لأن إقامتها مؤقته


في الغرفه الشعبيه سمر وعنود نايمين

تيسي ما تتجراء تسوي شي لسمر لأن عندها هيبه عند الخدم بس جابت مويا وكبته على عنود قامت عنود تصااارخ عليها بس طلعت ورقت لغرفتها

تيسي طلعت من عند الغرفه الشعبيه اللي ماصار نايم فيها الا سمر وراحت لصاله الحريم

تيسي : مداام سهام كللوه بنات قووم الا سمر ما فيه قووم

ام فيصل : انا بروح اقوومها من يوم ولدت هالبنت محد يقومها الا انا

ام سمر : هههههههه انا وانا امها ما تقووم مدري وراه تقوم عليك

ام فيصل طلعت من الغرفه كانت لابسه قميص العجز اللي دايم تشوفون عليهم لأنها كبيررره في السن ومتمسكه في زمن اول هي اكبر خواتها ولاف شعرها بغطوووه ودب دووبه حيييييل

وهي طالعه من الفله تبي تروح الخيمه الشعبيه طلع بوجهها فيصل

ام فيصل : يمممه فيييصل الله يرضى عليك رجعت يمه

فيصل قرب لم امه وسلم عليها وحب راسها : ارضي علي يمه ما ابي من هالدنيا الا رضاك

ام فيصل : راااضيه عليك يمه راااضيه

فيصل : الله يسعدددك

ام فيصل قبال الغرفه الشعبيه وفيصل معطي الغرفه الشعبيه ظهره وكان الباب مفتووح على مصررعيه

ام فيصل كانت تتمنى انه فيصل ما يلتفت وقاعده تناضر من وراه تشوف سمر باينه ولا لا

الفرررش فووق بعضه والغرفه حووسه سمر ضامه الوساده في حضنها ووساده حاطه عليها راسها وشعرها منثوور حاوليها لابسه بجاامه بينك وموووف وعليها صوور كثيرره بس مو واضحه وشكلهااا مره اصغر من عمرررها بس كان البجامه ساااتره بالمقارنه بعنود البنطلون الي اخر ساقها البلوزه الى النص

فيصل لاحظ امه تناضر وراه التفت عفووياً ناظرها بعينه مللاااااك طفله صغيرره زي عرفها غض طرفه على طوول وهذا اللي كان خايف منه انه يشوفها بالغلط تجمعت الدموع بعيونها لما شافها وقال : يمه ليه كذا سكروا البيبان ولله عيبب والله ركبوا دفاش على الأقل

ام فيصل ما قدرت تشوف النضره اللي بعين ولده قلبها ينننكسررر على طول قالت وهي تدخل الغرفه الشعبيه : ان شاء الله يمه ان شاء الله من زمان بقولهم بس الشكوى لله

راح فيصل طلع من القصر وركب سيارته وشغل الميوزك وقام يسووق بسررررعه ودمووعه تنزل بدون ما يحس فيها كان يسوق بسرعه ولا يدري وين بيروح ولا ليه يروح يحبها لااا اكثر من كذا بوواااجد مجنونها . . وصف ما يوصف شعووره اتجاهها يعشقها لحد الجنوون فيصل رجااال وهيبه وشخصيه قووويه بين ربعه تبيكيه بنت لا لا مو أي بنت هاذي الطفله روحه حيااااته كلللها . . ما كان يتوقع كل هالتأثير منها حقد عليها وعلى ليث اللي جابه هنا وحقد على ابوها وزوجها اللي ما يعرف مين هو ونااار تشتعل في صدره ما يدري وين يطفيها

ام فيصل : يااااااللله مفضلك ولله ما فيه مثلك يا سمر متحنيه يالله الجنه

سمر ونصها نووم : هاااه وشو خااالتي

ام فيصل : اقوول حاطه حنا بيدياااتك

سمر : وووووووووع وشوو حنا استتغفر الله

ام فيصل : ناضري يدينك الا حااطه مفصله نضاا ره جديده واشووف زين اللحين

سمر تناضر يدينها : وووووووووووووووووووووووووووووووووووووووو عععععععععع عع
ام فيصل تأكدت انها قامت طلعت للحريم تبشرهم ان فيه بنت من بنات هاليومين تحطه

سمر وبعيونها بكي وقاعده على المغسله وتغسله : وووع ووع وووع قرررف ولله لا استاثم باللي مسوويه مررام اكييد مرام هي الحيووانه هي هي انا داريه

راحت لغرفه مرام وبقووه رجلها تطخ الباب

طخ ..

طخ . .

طخ ..


رفيف في الحمام ومرام تتتلللبس

مرام : وووجع مين هذا الوقح اللي يدك بهالطريق

سمر تصااارخ : مراااااااااموووووووووه افتتتتتتتتحيييييييي لا اكسر الباب عليك

مرام متسغربه على الأخر فتحت الباب

مرام : يووووووه وش هالصراخ وش فيييك اللله حااطه حنااا

سمر : انتي اللي حاطته ياللي ما تتسمي

مرام : بصراحه بسوي فيك مقللب بس

سمر : كووولي تبن انا عرووس تسوين فيني كذا وش يبي يقول رجلي اللحين

مرام : ترى وانا احط لك حطيته بوجهي

سمر : ااااااحسسسسسسسسسن تستاهليييين وتشووفين ان ما رديتها لك

مرام : يووه سمر تعرفين قد ايش انا احب المقالب خلي روحك رياضيه

سمر : وتعرفين قد ايش انا احب انتقم تشووفين

سمر راحت غرفتها وصبخت الباب بقووه

مرام : يووه ززعلت

رفيف فاااطسه ميته من الضحك وهي بالحمام تسمع صارخهم

مرام : ايه ايه اضحكي وش وررراك ما تدري انك نص العمليه احمدي ربك ما فضحتك

رفيف :هههههههههههههههههههههههههههههههاااي آآآه يا بطني

مرام : ههههه يا عمري لو تشوفين شكلها

رفيف : هههههههههههههاااي عاد تخيلي شلوون بتنتقم منك ولله اعرفها سمر اذا حطت ببالها شي تسوويه

مرام : طيب طيب انا نازله افطر البسي وانزلي هااه انتضرك تحت

نزلت مرام
مرام واروى وعنود يفطروا على الطاوله وانواع السواليف والحش ومرام تسولف عن اللي صار لها مع سمر نزلت رفيف لامه شعرها ولابسه حفر اخضر وتحته تيشرت ابيض وبنطلون ابيض قطني <<<وطنيه ببحتتته

عنوود : عااشت عااشت بلااادي
رفيف : خخخخخ باييخه

عنود : طيب تعالي افطري
رفيف : ايه جاايه

:::::::::::::::::::::::::::::


سمر تحت الدووش ورااسها فاااضي وما تفكر في شي كانت مستترررخيه على الأخر ورررااايقه واللي ما خلاها تستاثم بمرام انه فستانها موديله في قفازات من ستاان فضي تخطي كل يدها بس تحس بحاجه غررريبه صايره لها وهي نايمه غير سالفه الحنا . . القلب ما يخطي يا سمر

::::::::::::::::::::::::::
ام سمر تدق الباب

سمر كانت تمشط شعرها المبلوول ولابسه بنطلون جينز فاتح لونه ضيق وتيشرت ضيق بعد لونه احمر ومكتوب وعليه بالبيج بالأنقلش It was not me بخط كبير مالي بلووزه وفيه صوره دبدوب صغير جنب الكتابه . . فتحت الباب لأمها

سمر بوجه بشووش : صباااح الللخيرااات

ام سمر: صباح النوور اخباارك اليوم ؟

سمر : عااااال العاال ورررااايقه حدي

ام سمر : يالله الجنه حاطه حنا

سمر : اااف من مرام التبن هي اللي حطت لي التبن ذيك وانا نايمه

ام سمر تشوف بنتها تتحلطم وتعيد الكلام بدون ما تحس : ههههههههههه

اسمر بمزح : ايه اضحكي اضحكي وش وراك

ام سمر : هههه بس ميخالف فستانك بيغطيه صح

سمر : هذا اللي ما خلاني اذبحها بس تشوفين وش بسووي فيها

ام سمر : طيب يمه عزمت طلال يجي اليوم

سمر : اااف يا كرره ويا كره سيرته

ام سمر : يعني ما عزمتيه زي ما قلت لك

سمر بكذب : الا كلمته وقلت له قال انه برى الرياض مدري وش يسوي

ام سمر : هاتي جوالك

سمر بثقه : سمي

فاطمه اخذت الجوال ودقت على طلال

طلال رد على طوول بصووت حنوون دافئ : هلا بالغلا كله

فاطمه : هلا يمه طلال انا ام سمر

طلال عدل صوته و مستغرب : هلا خالتي حياك

فاطمه : اقول يمه انت في الرياض

سمر تأشر لأمها تقول لا لا تكفييين فاطمه سفهتها . .

طلال بخوف : ايه خالتي سمر فيها شي

فاطمه : لا الحمد الله سالمه غانمه بس اليوم بنسوي حفله لزواجها ونبيك تجي

سمر طيحت نفسها على السرير : آآآآآآآآآآه يا بلووتي احد يجييب رشاااش ويذبحني

طلال انبسسسط اخيراً بيشوفها يومين عنها صحيح مو شوق نسبه صغيره مشتاق لها بس فرحان عشانه بيفهمها اللي صار ما يبي وحده لا راحت ولا جت تخرب حياته : ابشرري خالتي اول من يجي انا

فاطمه : وخل خواتك يجوون لانه المعازيم كلهم قراايب العروس والعروسه واي احد تعرفه و قريب منك اعزمه لاتبخل علينا همااه

طلال انبسسسسسسسسسط : ابشري ابشرري خاالتي من عيوني بس ليه مو سمر اللي عزمتني

فاطمه ابتلشت ما تدري كيف ترقعها : هههه يا حبي لها تقول مستحيه . .طيب ما اقدر اطوول لأننا طالعين الساعه 8 باليل تكون فيه

طلال : ان شاء الله خالتي بالسلامه


سكرت السمااعه

فاطمه : اجل برى الرياض هاااه

سمر : ييييييمه ليه سويتي كذا

فاطمه : انا بسلم على رجل بنتي واشوفه وبعدين حفله عروس وما فيه زوجها

سمر عصصصبت اخذت عباتها وشنطتها ونزلت تحت وهي تكلم نفسها وتتحلطم

فاطمه ما سوت شي تعرف بنتها شوي وترضى

سمر لبست عباتها الفراشه ساااده وواسعه وما فيها أي شي ملفت

سمر : يالله يا دوباات للحين تاكلوون

عنود : تعالي كوولي شي يالعصلا

سمر : بفطر في المشغل يالله يمدينا نحجز دور

عنود لبست عباتها ومرام وطلعوا وركبوا مع السواق

رفيف واروى قاعدين يلبسون ولسه ما طلعوا

مرام : اااااااااف وينهم ذول

سمر: كوولي تبن انتي
مرام : هههههههههههاااي

عنود : يا عمري يا سمر حنووك الملاعين

سمر ومطيره عيونها : ليه هي ملعونه وحده فيه احد ثاني

مرام : هههههااي هم عددهم ثلا...

عنوود قاطعتها : لا لا هي وحده اللي مرامووه

سمر : انطقي مين

مرام : بصراحه عنود ورفيف وانا

سمر : هييييييييييييين يالملاااعين ولا عنوود مسوويه بريئه

جو البنات وركبوا السياره

وعلى المشغل على طوول

في المشغل . .

مرام : شوفي حياتي انا ابي تسريحه ناااعمه لانه شعري معوودين عليه بالتسرياحت الفخمه والكرلي المنفووش فأبي تغيير

الكوفيرا : ايه تكرم عينك شو رأيك استشووور هو لك وسوي كل بوف والبائي نسويه مموج بس مو كيرلي

مرام : انا فستاني اوورنج هاادي لأنه اكثر لون يتانسب مع طلتي فيعني لون جريء شووي والفستان بحده ناعم يعني كله ساده بس الصدر اللي كلها ترتر . . فايليت التسريحه اللي قلتي لي تو تكون اهدى يعني

الكوفيرا : شوفي البوف راح يكون صغير ماني مسويه لك بوف كبير والباقي نخليه مموج

مرام : اممم تدرين كيف استشوري ليي وسويه مكرررااات عشان يكوون ملف لف على خفيف

الكوفيرا : على راحتك

والكوفيرا تشتغل دق جوال مرام شافت رقم غرريب ما ردت ما ترد على أرقام غريبه

مرام في نفسها: اااف وش يبي هذا من امس وهو يدق شكله احد يعرفني بس لو انه يعرفني ارسل رساله يقولي ردي

وشوي وتجيها رساله

مرام ردي انا لمى

مرام في نفسها : لمى !!ما اعرف احد في هالأسم شكلها من صديقاتي القديمات او وحده تعرفني ولا اعرفها


دق مره ثانيه

مرام : الووو

: اهليين مرام

سمعت صوت رجال مو بنت سكرت بووجهه بس كيف عرف اسمها . .يمكن صدفه طنشت الموضوع . .

:::::::::::::::::::

في الحفله سمر كانت طفشاااانه انه طلال بيجي ومالها خلللللقه مو مصدقه يومين مفتكه منه

سمر شكلها كثيررر رااايق ومن يوم هي صغيره تحب لفت الأنتباه والكل يتلفت عليها فخلت فستانها من الألوان الجريئه احمممممررر قوويه يا سمر خصر نازل بعدين كسراات والفستان الى فوق الركبه بعدين الظهر كله مفتووح الى آخر فقره من عامودها الفقري وبعدين فيونكه نااعمه بس كبيره مربوطه من فوق ومن تحت في ظهرها ومن قدام بدون سيور وصدرها كله خيوووط مربطه فستاااانها حررررركه بس لونه جريء بزياده شعرها مسويته بووف كبير ومسيحه شعرها لازم يكون شكلها فخم لأنها العروس مكياجها فاااتح عشان لون الفستان صارخ والستايل هذا مصغرها كثير كأنها بنت 16 او 15

كانت بتلبس الفضي اللي فيه القفزات اللي يقولون عنه بس سحابه انفلت وما تدري ايش تسوي بيدينها وطول الوقت شغاله باليموون لعل وعسى يخف شووي


عنود فستانها عجبني جاي تنوره من نص بطنها لونها اسود وضيييقه وقماشها حرير يلمع وقميص ابيض فخم مدخلته جوا التنوره بعدين حزام عرريض فضي يفصل بين القميص والتنوره . . فستانها ررهيب وعلى الموضه تمااماَ وعشانه هادي رفعت شعرها كعكه ومكياج صااارخ. . وعلى طولها طالع حركه


اروى ما تدري وش تلبس كل شي ضيق عليها فالبست فستانها الفستقي كأنه جلابيه بس لايق عليها شعرها مستشور وطيلان ومكياجها كامل . . شكلها ما عجبني


رفيف . .مسويه بوف عشان يطولها شووي وكعب عالي اسود ومكياجها اسود وفستانها اسود ساتان بس حفر وضيق الى آخر ساقها وفيه كم شغله من فووق معطيه الفستان شكل . . الفستان ررهيب بس مالاق على جسمها الصغير

الحريم يدهروون واللي تشيل واللي تحظ ومجلس الجال مليييييييييييييييييييييييييييااااان مدري مين اللي فيه اكيد اخوان طلال وعيال عمه وربعهم عيال عمهم وكل الدنيا جايه صاير كأنه عرس اما عند الحريم برضوا كان زحمه بس مو كثر الرجال

فيصل كان اجمل الحاضرين بس اللي فيه وضيقه الصدر اللي فيه خربت شكله فغطى عليه محمد هذا أي بنت تشوفه لازم تخق يعني ملك الوسامه بس مو كثر فيصل

سمر واقفه عند الأسترويوا وتسمع الصجه والناس واللي اريح واللي جاي ما تبي احد يكلمها تخاف تبكي . .

الأستريوا شغال والشاكي يهز الأستراحه هز . . الكل كان يرقص بس سمر واقفه تتفرج وخايفه تفقد السيطره على دموعها

ام سمر : يا حيا الله من جانا

هند : الله يحييك يالغاليه

ام سمر : كادي ياسمين يمه شوفوا البنات في الصاله الثانيه

كادي : ان شاء الله خالتي

راحت كادي وهند لصاله الثانيه

كادي وهند وياسمين يصيروا اخوات طلال

ام سمر : تعالي هند بعرفك على وحده

هند : يلااا
:::::::::::::::::::::::::

كادي : هههههههههه الله يقطع بليسك يا رفيف هههههههههه آآآه بطني

رفيف :هههههههههه سمر ولله يا خوات رجلك رهيبات

سمر في بؤس : ايه صح

كادي : هههه دقيقه رفيف وين دورات المياه

رفيف : ليه وش بتسوين

كادي : ماني مسويه شي بغسل هههههههه

رفيف :تعالي اوريك

ورتها دورات المياه

رفيف : انا عند البنات تدلين الطريق صح

كادي : اوكي اسبقيني عرفته

رفيف : حلووو اجل انا رايحه

كادي غسلت يدينها من الحلوى وهي راجعه كان شباك صاله الرجال شافت ماجد من بعيد بس هو ما شافها

كادي في نفسها : يووه معقوله هو نفسه اللي كلمته امس مستتتحيل ولله ان تصير فضايح الدنيا لو يدري اني اقرب لسمر

كادي انصفق وجهها وضاقت عليها الدنيا ما توقعت انه يعرف سمر فكرت شوي يمكن احد اصدقاء عمانهم او يقرب لهم من بعيد

رجعت كادي للصاله تبي تتأكد

كادي : اقول رفيف

رفيف : عنوونه

كادي : فيه احد يقربلكم اسمه ماجد

رفيف : هههههههههههههههههههااااااي اخووي ماجد

كادي : اااهااا لأنه صديقتي تزوجت واحد اسمه ماجد ومن نفس عائلتكم ويشتغلهندسه

رفيف : لا لا اخوي ما تزوج وما يشتغل اخبر انه قالي انه يتاجر فيالأسهم يمكن اللي تزوجته صديقتك يقرب لنا من بعيد

كادي انخطف وجهها وتمنتالأرض تنشق و تبلعها بهالحظه

رفيف : كادي وش فيك

كادي : هااه لا لاما فيني شي

. . . . . . . . .
إنتهاء البارت السابع تابعوا بقيه احداثالحفله في البارت الثامن. .

البارت الثامن

كادي : فيه احد يقرب لكم اسمه ماجد

رفيف : هههههههههههههههههههااااااي اخووي ماجد

كادي : اااهااا لأنه صديقتي تزوجت واحد اسمه ماجد ومن نفس عائلتكم ويشتغل هندسه

رفيف : لا لا اخوي ما تزوج وما يشتغل اخبر انه قالي انه يتاجر في الأسهم يمكن اللي تزوجته صديقتك يقرب لنا من بعيد

كادي انخطف وجهها وتمنت الأرض تنشق و تبلعها بهالحظه

رفيف : كادي وش فيك

كادي : هااه لا لا ما فيني شي

رفيف : بسم الله عليك قولي لا إله إلا الله

كادي بتمثيل وعلى بالها تنكت : هههه وش شايفتني داخلني جني

رفيف : اعوذ بالله من ابليس

في الجهه الثانيه
::::::::::::::::::
اروى : سمر وش فيك وش هالكأبه

سمر : ما فيني شي تعبانه شوي

اروى تتميلح : ايييه مشتااقه لطلال ادري انا

سمر بملل: ايه ميته من الشوق

اروى : طيب تعالي نرقص

سمر : مالي نفس ..

اروى : نتعرف على هالناس الي مالين الصاله

سمر : ما ابي مالي خلق احد..

اروى : طيب وش رايك نروح نحلي وناكل

سمر وعيونها مدمعه : شبعانه. .

اروى قربت من سمر وحطت يدها على كتفها و بمهس : سمر انسي فيصل انسيه لو ضيقه الصدر والبكي والصياح ينفع كان صحت من هنا الى عشر سنين قدام . .

راحت وتركتها

سمر كلام اروى الأخير له وقع كبير في نفسها وحست الدنيا ما تستاهل حتى التفكير فيها حاولت تنسى اللي صار وتمشي اليوم ايزي بس هيهاااات ..

:::::::::::::::::::::::

في الجهه الثانيه وبنفس الوقت

ام سمر فاطمه : هاذي احلام يا هند بنت اختي ام فيصل . . احلام هاذي هند اخت رجل بنتي

احلام عمووماَ ملكه جماااال وثقل ورزه وسنع متزوجه و عمرها ما بين 28 و 29 وعندها بنت وولد فارس لسه مولود ووشيهانه عمرها 7 سنين

احلام ابتسمت ابتسامه خفيفه : اهلين

هند : هلابك اكثر

ام سمر : هاذي يا هند بنفس عمرك اتوقع بتنبسطوا مع بعض

هند : ههه ان شاء الله

ام سمر : طيب استأذن اللحين

احلام : اذنك معك

:::::::::


طلال : الووو

ام سمر : السلام عليكم

طلال : وعليكم السلام هلا خالتي فاطمه اخبار الأوضاع عندكم

ام سمر : تمااام

طلال : اقول خالتي بغيت اطلبك

ام سمر : آمررر

طلال : متى طالعين من الاستراحه ان شاء الله

ام سمر : يعني على ما تفضى الأستراحه الساعه 12 تعرف الحفلات ما تطول ساعتين ثلاث بس

طلال : بغيت سمر تقعد بوصلها معي للبيت

ام سمر : بيتكم ؟

طلال : بيتها وبيت رجلها يا خالتي

ام سمر : حقك يا ولدي خلاص ابشر

طلال : مشكوره يا خالتي مع السلامه

ام سمر : هلا ولله

سكرت السماعه

ام سمر في نفسها : ااااااااافففف اللحين شلون بقنعها هي وراسها اليابس

::::::::::::::::

عند الرجال

فيصل : وين زوجها ابي اشوفه

ليث : اصبر يا ابن الحلال

فيصل : ما اقدر اصبر ما اقدر

ليث: زي ما قدرت تصبر عنها ذيك الأيام اصبر الحين

فيصل : الله ياخذ بليس ان شاء الله

ليث بضحك : ان شاء الله الله ياخذه

ليث : شف شف شايف خالي خالد اللي وراه

فيصل : وين ما اشووفه

ليث : مافيه غيره لابس غتره واطول الموجودين مشاء الله

فيصل شاف طلال صديق عمره الصدوق اللي معاه في الثنوي والمتوسط وعارف كل شي عنه

فيصل بأستخفاف : هههه شكلك مضيع هذا طلال ولد سعد رفيقي وش جابه هنا لا يصير يقرب للعريس

ليث انصدم وخاف على فيصل ينهار وتصير فضيحه اسكت وما تكلم

فيصل ناضر بوجه ليث ولاحظ التغير اللي صار فيه وكيف تلون وجهه

فيصل وحاسه مخبي شي : ليث وش فيك

ليث : هااه

فيصل وهو معصب ويحس اللي مخبيه ليث شي كبير : ليث تكلم وش فيه

ليث بلع ريقه واسكت

فيصل بينفجر : لييييييث تكلم ولا مو حاصل خير

ليث يناضر فيه وهو نفسه مصدوم

فيصل عصب وطلع من طوره راح بسررعه وهو يضرب اللي بطريقه وصل قدام طلال

طلال ناضر فيه مستغرب : فيصل !! وش جابك هنا

فيصل : هه انت اللي وش جابك

طلال : حفله اهلي يا خووك حياك الله لا تصير نسيبي وانا ما ادري

فيصل ويبي يتأكد من الطامه اللي نازله عليه : طلاااال انت وش تصير لبنت عبد الله

طلال مستغرب من فيصل : هه وش فيك يا اخوك تصير مرتي زوجتي

فيصل تمالك نفسه وقال : مبروك

طلال مستغرررب من طلال وحسه معصب تركه لانه يعرفه زين اذا كان معصب . .

طلال: الله يبارك فيك

رجع على ورى بهدوء وهو مهدود حيله كأنه طالع من حرب كبيره وكل هالحرب والصراع
حاصل جواء روحه الى ما ماتت مشي برى الأستراحه و كأنه جسد بدون روح رفيق عمره اخذ حبيبه عمره مو كافي عليه انها تزوجت هو ناقص صدمه زي هالصدمه طلع برى الاستراحه ما كان معصب لا لا كان تعبااااااااااااان مجرووح يبي ينام ويقوم يلقى نفسه في حلم لا مو حلم كابووس لاكن للأسف هذا الواقع المر يا فيصل ركب سيارته وطلع

ليث ما في يده حيله خلاه تركه ما يقدر يسوي شي خلاص حاس ان فيصل خارج عن السيطره

ما اكبرك يا طلال قاعد تدمر قلب شخصين وانت مو عارف ومو حاس حتى


:::::::::::::::::::::::::
بعد وقت
عند الحريم

ام ليث : تغطوا يا حريم ويستحسن ما يبقى في الصاله الا العروس وامها وخالاتها

الكل راح القاعه الثانيه سمر لافه الشيله وراميتها على وجهها وعبايه تحت لانه لبسها فااصخ

ماجد : مببروووك يابنت خالتي

سمر : الله يبارك فيك

بدر وهو غاض : مبرووك عقبال ما نشوف عيالك

سمر : عقابلك ان شاء الله

سمر كانت ررررررررررسسسسسسسسسسسمممممممميييييييييه وثقل وهيبه تتغير لما تجي مواقف زي كذا

محمد وشغال قززز في البنت مو مراعي شعور امه وخالاته وعيال

خالاته الموجودين : الله يسعدك ان شاء الله

سمر ونفسها تصكه كف : يسعد ايامك

ليث : مبرووك يا سمر وابارك لك عن فيصل

سمر وتتمالك نفسها : بارك الله ايامك وايامه . . بس ليه ما بارك لي هو

ليث حس فيها : رفيقه في المستشفى وما قدر يتركه فوصاني ابارك لك عنه

سمر في نفسها : نفس الكذبه يا فيصل تعيدها علي لك 14 سنه

سمر :الله يشفيه ان شاء الله . .

ليث : ان شاء الله

الكل بارك لسمر ولأمها واولهم طلال بس ما عطته وجه الموقف بايخ لدرجه ما ابي اذكره

الوقت مر بسررعه الناس بدوا يقلووا الى ما صار ما فيه الا منضمين الحفل

الساعه 12 ونص

الكل لبس وبيطلعون خلاص

ام سمر : سمر خلي عباتك انتي بتقعدين

سمر : يؤ اقعد مع مين

ام سمر بهمس : بترجعين مع رجلك

سمر تزاعق : اييييييييييييش

الكل التفت على سمر ومستغرب وش فيها تزاعق

ام سمر مسكتها ودخلتها عنهم

ام سمر : اسمعي يا بنت بترجعين لرجلك تدرين انك بشهر العسل وقاعده عندنا بالله ما تحسين على دمك

سمر ودموعها بعيونها : ما اببببببببببي يمه ما ابييييييييي

ام سمر : مو على كيفك يا حبيبتي شوفي جايبه لك كم لبس على ما اضف اغراضك وارسلها لبيتكم

سمر : ماااله داعي اصلا ماني رايحه معه

ام سمر : غصب عليك مو على كيفك

فاطمه مو من اسلوبها بس تعرف سمر ما تجي في الاقناع عنيده وفاطمه ما تبي تكون حياة بنتها هي وزوجها كره وما تبي بنتها تكون من اعداد المطلقات

سمر : يمه ما ابي ما ابي وبعدين من اقعد معه

فاطمه : الحين الرجال وعيال خلالتك وخوالك كلهم مشوا وما بقى غيرانا طلال في قسم الرجال يحتريك وحنا بنركب مع السواقين يلا اشووف

سمر ذكيه وجتها من اسلوب ثاني :يممممه مشتاقه لك

فاطمه : بس انتي وطلال لكم اكثر من سبع ايام متزوجين وما قعدتي معه غير يومين مو عيب عليك انا لاحقه علي

سمر هنا حست ان ما فيه امل نهائياً

سمر : ااااف منه

فاطمه تبي تهاوش : مين ؟؟

سمر : طلال والتبن

فاطمه : عيب زوجك

سمر : زوجي زوجي طيب عرفنا يلعن ابو هالزواج يا شيخ

سمر جت بتطلع مع امها

فاطمه وقفتها : وين وين ان شاء الله

سمر : بطلع من هناك

فاطمه : لا روحي من الباب الثاني اللحين بنات خالاتك بيشوفونك ما انتي رايحه معنى ويلاه عاد

سمر استسلمت للواقع المرير

سمر بخيبه امل : طيب

::::::::::::::::::::::::::::::::::

طلعوا الحريم في سياريتين جيب كبار

في السياره

مرام : خالتي فاطمه سمر وين

فاطمه : بترجع مع زوجها

عنود : غريبه ما قالت لنا

اروى تضرب رفيف من قوعها وبهمس : شفتي انها مشتاقه لرجلها

رفيف : طيب طيب ما فيها شي استنتاجي غلط صار خير يا اختي

اروى : استنتاج قال استنتاج مالت عليك انتي واستنتاجاتك

::::::::::::::::::::::::::

في الأستراحه

الاستراحه كبييييييييييييرررررررره واغلبها مكشوف فيه قاعات بس لرجال والحريم وظلااااااااااام مطفين كل الانوار قبل لا يطلعون ما فيه غير نور السماء

سمر خايفه على هالوحده ما فيه الا هي وطلال في الاستراحه

لبست عباتها ونقابها ومغطيه وجهها وراحت مجلس الرجال اللي كان فيه نور بسيط طلال جالس على الكنب وكأنه ينتضرها

دخلت سمر وهي مغطيه وجهها : احم احم

طلال ابتسم بحنيه : هلا وغلا هلا بزين كله

سمر تجاهلته : نمشي

طلال وكأنه سكران فيها ومشتاق لها لحد الثماله : لا تووونااااا بدررري يالبيض المقشر

سمر حست انه سخيف وناوي على شي

سمر : اقوول يلااا خل نمشي وش نقعد له في هالمهجوره لوحدنا

طلال يناضرها بخبث : وش قلتي لوحدناااا

سمر : اقوول طلال اعقل وقم شغل السيارة

طلال يهز في راسه كأنه يقول لا : تطو تطو

سمر : ليه

طلال : كيفي

سمر حاسه الليله مو معديه على خير :لا مو على كيفك انا ابي اروح البيت بنتضرك في السيارة اوكي

طلال : مقفله يا روحي

سمر خايفه منه ناوي على شي طلعت من عنده وهي تتأأفف

ظل يناظرها لحد ما طلعت

في الساحه المكشوفه كانت فيه شنطه قد الذراع مو صغيره ولا كبيره فتحتها شافت بجامتها وملابسها واغراضها و كريماتها

سمر : ايووووه هاذي الأغراض اللي قالت امي خليني اروح ابدل بدال المنفوش اللي علي اخاف يشوفني ذاك السكران بهالبس واروح فيها انا وياه


في غرفه فيها مرايا وكأنها غرفه اللي تكون قبل القاعه حقت العرس دخلت فيها بدلت لبست بجاما بنطلونها واااااسع تفاااحي ومقلم بخطوط سخيفه ورديه وحفر ورديه ضييقه وفكت شعرها ومسحت الميك اب بس ظل في بقايا شعرها على شكله بس فكت البوف ضفت اغراضها ولمتهم ولما جت تلبس عباتها من الخوف طق باب الغرفه

خاااافت مين هذا طلااال طيب ليه يدق بهالطريقه

قالت بصوت خاايف : مييين

طلال : سمر وش فيك ما فيه الا انا وانتي في الاستراحه ما فيه احد غيرنا مين تتوقعين يعني

سمر مرررتببببكه حدهااا قالت بطفوله : آآه ههه لا لا بس الاستراحه تخوف وهي فاضيه ودقك كان مره قووي

طلال بحنيه : خفتي ؟!!

سمر : آآه ههه لا لا شووي بس

طلال : طيب الى متى وانا اكلمك من ورى الباب افتحي

سمر : آآه هه طيب

مربتكه خااايفه متوتره لدرجه مو قادره تفكر

طلعت من الغرفه واغرضها بيدها شكلها طفووولللي وكيووت

طلال : سمر هاتي الأغراض اللي معك

سمر بعفووويه مدتها له

اخذ الغراض وحطها في ارض الغرفه مسك يدها

طلال : تعالي ابيك

سمر راحت معه وهي ساكته طلع في ساحه الاستراحه ظلاااااااااااااااااااام وجو راااااايق القمر ينوور المساحه المكشوفه كان فيه بساط على الأرض ومراكي ووسايد كثيره وشراشف كثيره من وين جت مدري ولله عن طلال

سمر : ايش هذا

طلال : تعالي اجلسي

طلال جلس وجلسها قدامه

سمر حست عنده كلام

سمر: فيه شي !!

طلال : سمر انا بتكلم وما ابيك تقاطعيني الا اذا سالتك

سمر : ان شاء الله

طلال : لما كنا في الطريق لرياض ونزلت للمحطه رن جوالي صح

سمر مستغربه :ايه

طلال :ورديتي صح

سمر اسكتت

طلال : جاوبي علي رديتي ولا لا

سمر : اذا تبي الصراحه ايه رديت بس مو بقصد اني اتطفل او . .

قاطعها

طلال : مو مهم

طلال : لما رديتي مين اللي تكلم ووش قالك

سمر حست ان طلال عنده سالفه

قالت بنضرات عتاب : واحد لهجته لبنانيه يقول طلال تعال شف وش صار بزوجتك وللمعلومه قبل لا ارد شفت الأسم وكان My love

طلال هنا حس انها شايله عليه بقووه ولا من لهجتها غيرانه بعد

طلال وابتسامه حابسها : شوفي يا بنت الناس هذولا ناس مو كويسين عرفتهم في لبنان لما سافرت انا وربعي هناك

سمر انبسطت على لهجته قاعد يفهمها كأنها بنت صغيره في الروضه
هزت براسها ايووه

طلال ابتسم : تورطت معاهم وورطوني مع وحده ومسجلين رقمها بجاولي بهالأسم يعني هم اللي دبروا كل شي لما عرفوا اني بتزوج

سمر ومو مصدقه : اهااا يا حليلهم

طلال: مو مصدقتني

سمر : بصراحه ايه كيف سجلوا رقمك ولله لو اني غبيه ما صدقت

طلال: هههههه شوفي سمر السالفه طوويله و صايره قبل ثلاث سنين ..

قاطعته


سمر بحده : قولي اياها بأختصار

طلال : كنت طالع انا وربعي لبنان نصيف واخذنا فندق وانتي تعرفين فنادق لبنان واللي فيها حصلت لي وحده وقامت تتلزق ووتميلح عشان تكوش على فلوسي طلعت من الشقه وانا تارك جوالي فيها ونزلت مع الربع وشكلها دقت منه على رقمها واخذت رقمي وصار اللي صار وعشانها ما قدرت تكوش على فلوسي لما عرفت اني متزوج قررت تخرب حياتي

سمر : انت ما تستحي وتقولها بوجهي بعد تقولي عن سوابقك ما تحس على دمك

طلال : انا بفهمك انها لا زوجتي ولا احبها ولا شي ومن زمان ما دقت وانا نااااسيها وناسي رقمها بجوالي هي لما عرفت اني متزوج دقت


سمر : انت تحبها ليه سميتها كذا

طلال : ما احبها ولله ما احبها هي اللي سجلت رقمها بجوالي وكانت ما تهمني لدرجه ما يهمني اسمها بالجوال

سمر بنفسها : تظن انك صلحت اللي بقلبي بكلامك صدق انك وسييييع وجه بس ماني قايله له شي ببين انه ما همني

سمر انسدحت على ضهرها ببراءه : ولله ما تهمني لا انت ولا هي حب وتزوج اللي تبي وش علي منك انا انتضر بس كم شهر وطلقني عشان العايله تسكت

طلال : لا ماني مطلقك

سمر : وليش ان شاء الله

طلال: ابيك معي

سمر : معك وين ولي يرحم امك تراي ما اطيقك من يوم ما شفتك وعقب سالفه لبنان هاذي غسلت ايدي منك غسل

سمر كانت منسدحه وحاطه يدينها ورى راسها وطلال جالس مربع جنبها