السلوك الاجتماعي المنافي للمعتاد في حياتنا... من المسؤول؟

السلوك الاجتماعي المنافي للمعتاد في حياتنا... من المسؤول؟

السلام عليكم جميع ،،

بتكتب بالعاميه عشان ما أغلط بكلمة أو شيء
وأكون سلِسلة بالتعبير وأوصّل المقصود من طرحي للموضوع ،،


طبعًا كثير من الأشياء الغريبة والعجيبة اللي انتشرت بأيامنا هذي
وكثير من السلوكيات والفوضى صارت في زمننا هذا

طبعًا نزل موضوع قيادة المرأه كـَ الصااعقه علي شخصيًا
انا ما راح اتطرق في كافة المضوع لهذا القرار وبس !

لا لا أشياء كثيرة ، منها تصرفات الناس هالأيام لكنه أكثر شيء معور لي قلبي
وتحليل الحرام وكأنّه شيء عادي
تحت مبدأ :" الكل يسوّي كذا "

يعني ما أدري إيش ممكن أوصف الناس في هذا الزّمن
ومش عارفة وين ألقى شيء يعبّر عن اللي يصير ..

إحنا أمة عظيمة أمة محمد صلى الله عليه وسلم
أمة ماهي زي باقي الأمم
ربي أكرمنا بالإسلام
وميزنا بالعقل والدين عن الغير

إنتِ وأنتَ وأنا لازم نقرا تاريخنا قبل 10 سنوات وتاريخنا حاليَّا

شوفوا كم من الفتن صارت موجوده بعد هالفترة
كم من المتاعب والمصايب اللي نشوفها ونسمعها

زمان كان في جهل وفيه قلة تعليم لكن كانت الحياه بخير
وحاليا في علم وتعليم لكن وضع المجتمع كل ماله في سوء !!

ليش ؟
من المسؤوول ؟
من السبب اللي وصلنا لهالحال ؟؟؟؟

الأمر السامي اللي جانا الاسبوع اللي فات عن قيادة المرأه
قرار صائب وسليم
لكن !!

لمن صدر هالقرار ؟
من اللي محتاجه من فئة الحريم ؟

مو للكل ، انتي بنت يلا سوقي
لا لا لا

القرار هذا لأم مسكينه عندها أطفال وزوجها ميت او مسجون
ولا عندها أحد يخدمها ويلبي احتياجتها هي واطفالها

القرار هذا لحرمة مطلقه ولاعندها اهل يخدمونها
القرار هذا لبنات ابوهم ميت واخوانهم ما يفيدونهم بشيء
رجال بالاسم بس للاسف

القرار هذا للي محتاجين صدق
مش لكل من هب ودب !

كثير في التواصل الاجتماعي ماخذين المضوع بمهزله للأسف
وكثير منهم ما عندها عقل وهمها بس تسوق
و تكسر وتهين رجولة ابوها واخوها او زوجها وتطلع

ليش تطلعين وانتِ مو بحاجة ولا فيه شيء يحدك !
ليش ما تبقين جوهرة في بيتك وبأدبك وبأخلاقك
وخلي تربية دينك وأبوك وأمك تثمر فيك !

إنتِ أميرة وملكة دام أبوك موجود ومش مقصر معك
دام أخوانك تحت أمرك ويلبون لك إحتياجاتك
دام زوجك محترمك وحاطك تاج على راسه

ماله داعي يا سمو الأميرة تطلعين وتضيعين كل هالطّهر
تحت مبدأ :" أمر ملكي "
دامك مش بحاجة فلا تسوينها يا جميلة

الحين إبدعوا في الإجابة على هالسؤال :


السلوك الاجتماعي المنافي للمعتاد في حياتنا... من المسؤول؟
وبالتحديد موضوع سواقة المرأة .. ؟



كلن يبدع بنظرته للموضوع
كلن يناقش بمبدأه وتفكيره ..


دمتم بودِ يارفاق ..

الموضوع الأصلي: السلوك الاجتماعي المنافي للمعتاد في حياتنا... من المسؤول؟ || الكاتب: ward || المصدر: منتديات كوفي كوب

http://www.cofe-cup.net/vb

كلمات البحث

جامعة الإمام عبدالرحمن بن فيصل ، واجبات ، ملخصات ، ملازم ، أسئلة ، جامعة ، كوفي كوب

المصدر: منتديات كوفي كوب Coffee cup - من قسم: الحوار والنقاش الجاد

---

hgsg,; hgh[jlhud hglkhtd gglujh] td pdhjkh>>> lk hglsc,g?

عليك نور يا ورد

ع الجرح .... هذا الموضوع .......


بصراحه الكل صار يستهزء ويتكلم ....... المرأهـ السعوديه

غير متحضره الا بالقيادهـ ......لا طبعا ....

لاتنسون قوله تعالى ( الباقيات الصالحـــــــــات)


وعلى هالزمن قرب المسيح الدجــــــــــال

يأجوج ومأ جوج ......كيف تتصرفين بعدهـا

عندما يسألك ربك .......وبتردين لى ربك

والله كلهم يسووون كذا كلهم يقولون كذا

أصلا لما تركبين سيارتك ولا سمح الله في مكانك صار كذا

وش بيقولون والله أهي اللي معها السياره وأهي اللي ودت لنفسها لذاك المكان

ما يقولون قدر الله وما شاء فعـــــــــــل ...............

انتبهو لقبوركم يبنات ولسمعتكم .........

كفايه تخريب سمعـــــــــــــــــه ,,,,,,,,,

ومعها بعد السواقه أكممممممممممممملت والله ........


يعطيك العافيه ورد ,,,,,,,,,,

الموضوع انتشر بشكل فضضيع بجميع وسائل التواصل الاجتماعي ، و الكل صار يستهبل و اللي يتحدى واللي مؤيد واللي معارض ..
يعني بصراحه الأمر الملكي مثل ماتفضلتي جاء للأسر المحتاجه لكن البعض اتجهه الى أشياء يخجل الواحد يشوفها ..
لكن كل شخص و له وجهة نظر في هالموضوع ، انا من رأيي المفروض كان هناك توجيهه الامر للأسر المحتاجه فقط ..

يعطيك العافيه

أسبانولـ .....

الموضوع اخذ اكثر من حجمه كالمعتاد
وانا استقبلت الامر بشكل طبيعي لان من المتوقع شئنا ام ابينا راح نمر بزمن التطور الي سبق ومرو
في اباءنا من قبل
يعني هل امهاتنا واباءنا كانو معتقدين انهم راح يسمحو لعيالهم بالمدارس ؟ وهل راح يسمحو للتلفزيون بالدخول للبيت
والهاتف الجوال وغيره وغيره
انا اعتقد ان كل شخص رفض وانصدم من الامر ردة فعله مبالغ فيها
لان مو مثل ما الكل معتقد انه راح تنتشر الفتن والصياعه لا ي قلبي
اللي بقلبه ايمان راح يكون محتشم ومحافظ سواء ساق لو لا
اعرف لك بنت الله يستر عليها شنت هجوم قوي وعريض على القرار وانه صياعه
والبنت ذاتها الجمعه اللي طافت كانت جالسه في مكان (( نايت كلوب ))والعياد بالله وتصب المنكر بكاس
من باب التفاخر !!!!
هل هذا هو السلوك المحافظ ؟ والممثل للدين ؟؟
يعني انتي تنتظري تسوقين عشان تصيعي ؟؟ مو انتي صايعه وخالصه
اتمنى كل شخص يعترض ينظر لنفسه اول
انا وحده كنت ارفض القياده لي شخصيا كنت اقول ماله لزمه بس ما اعترض على باقي الناس
لكن الان من اقوى المؤيدين لاني عندي دوام وراي مشاوير عندي جامعه
وبكل شي اتوهق واتمرمر مع السواويق
وتجيك ثانيه تعترض وتسب وتلعن كل بنت راح تسوق ليه ياماما
تقول هي ماعمرها ركبت مع سواويق وما تحتاج انها تسوق
اوك حبيبتي انتي عندك ابوك اخوانك خوالك وعماماك غيرك ترا ماعنده
اذا انتي عشتي اميره غيرك محتاج
وترا الحكومه نزلت هالقرار وماتنتظر شعب متخلف يجي يعترض
وماهي مضطره تبين الفئه الي يجب تسوق والفئه اللي لا
كثر الله خيرهم حددو فئه عمريه تبدأ من 30 على اساس هذا عمر ناضج للبنت وتصرفاتها ناضجه
واعيد واكرر البنت الزينه والشاب المحترم ماينتظر ولا تنتظر تركب سياره
مو البلاوي والفتن قايمه من عهد الخيول والبغال ماجت على شقفة حديد
خلونا نكون واقعيين شوي يمكن هالبنت الي بتسوق محافظه وصاينه نفسها وشريفه اكثر من هالبنت
الي جالسه تطقطق من ورا شاشه وتعترض وتسوي حملات اعتراض
دايم خلو تفكيركم مرتقي شوي ولاتنظرو للناس نظره دونيه وسيئه وكل واحد عليه من نفسه
مايعلم باحتياجات الناس ومايعلم النظره اللي الحكومه على اساسها اقرت هذا القرار
وبس والله هذا قليل من اللي بخاطري بخصوص هالموضوع
واتمنى تتقبلي انتقادي
وشكرا

يعطيكم العافيه كلكم على ابداء وجهة نظركم

لكن شدني كلام عفاف بعلق عليه ..

المشاركة الأصلية كتبت بواسطة afoof-turki

الموضوع اخذ اكثر من حجمه كالمعتاد
وانا استقبلت الامر بشكل طبيعي لان من المتوقع شئنا ام ابينا راح نمر بزمن التطور الي سبق ومرو
في اباءنا من قبل
يعني هل امهاتنا واباءنا كانو معتقدين انهم راح يسمحو لعيالهم بالمدارس ؟ وهل راح يسمحو للتلفزيون بالدخول للبيت
والهاتف الجوال وغيره وغيره
انا اعتقد ان كل شخص رفض وانصدم من الامر ردة فعله مبالغ فيها
لان مو مثل ما الكل معتقد انه راح تنتشر الفتن والصياعه لا ي قلبي
اللي بقلبه ايمان راح يكون محتشم ومحافظ سواء ساق لو لا
اعرف لك بنت الله يستر عليها شنت هجوم قوي وعريض على القرار وانه صياعه
والبنت ذاتها الجمعه اللي طافت كانت جالسه في مكان (( نايت كلوب ))والعياد بالله وتصب المنكر بكاس
من باب التفاخر !!!!
هل هذا هو السلوك المحافظ ؟ والممثل للدين ؟؟
يعني انتي تنتظري تسوقين عشان تصيعي ؟؟ مو انتي صايعه وخالصه
اتمنى كل شخص يعترض ينظر لنفسه اول

بالضبط كلام سليم لهالنقطه والموضوع اخذ اكبر من حجمه كالمعتعاد تماما ..


انا وحده كنت ارفض القياده لي شخصيا كنت اقول ماله لزمه بس ما اعترض على باقي الناس
لكن الان من اقوى المؤيدين لاني عندي دوام وراي مشاوير عندي جامعه
وبكل شي اتوهق واتمرمر مع السواويق
وتجيك ثانيه تعترض وتسب وتلعن كل بنت راح تسوق ليه ياماما
تقول هي ماعمرها ركبت مع سواويق وما تحتاج انها تسوق
اوك حبيبتي انتي عندك ابوك اخوانك خوالك وعماماك غيرك ترا ماعنده
اذا انتي عشتي اميره غيرك محتاج

وانا ذكرت هالنقطه فوق عفوف ، ان الحريم اللي محتاجين القرار لهم وعشانهم نزل ، لكن لما تجيك هذولاك الفئه اللي مش محتاجه انها تملك سياره وتطلع وبس عشان فلانه وعلانه ساقوا ، طيب اختي المواطنه فلانه وعلانه محتاجين انتي ايش ناقصك !!! بس تطلع تسبب زحمه شوارع عع الفاضي وتطلع تكون سبب لا سمح الله بموت احد او اذيته ، يادوب نطيق الشوارع من الزحمه هذا والرجال يسوقون بس صح ولا لا ؟؟ اجل مع الحريم ايش بيصير ؟؟؟؟ بقعد يومين انتظ الزحمه تفك .. انا مش معارضه بالعكس لكن اعارض على الاوضاع اللي بتسوء في الشوارع


وترا الحكومه نزلت هالقرار وماتنتظر شعب متخلف يجي يعترض
وماهي مضطره تبين الفئه الي يجب تسوق والفئه اللي لا
كثر الله خيرهم حددو فئه عمريه تبدأ من 30 على اساس هذا عمر ناضج للبنت وتصرفاتها ناضجه
واعيد واكرر البنت الزينه والشاب المحترم ماينتظر ولا تنتظر تركب سياره

هل الكل تتوقعين بيلتزم بعمر 30 ؟؟ مستححححححححيل


مو البلاوي والفتن قايمه من عهد الخيول والبغال ماجت على شقفة حديد
خلونا نكون واقعيين شوي يمكن هالبنت الي بتسوق محافظه وصاينه نفسها وشريفه اكثر من هالبنت
الي جالسه تطقطق من ورا شاشه وتعترض وتسوي حملات اعتراض
دايم خلو تفكيركم مرتقي شوي ولاتنظرو للناس نظره دونيه وسيئه وكل واحد عليه من نفسه
مايعلم باحتياجات الناس ومايعلم النظره اللي الحكومه على اساسها اقرت هذا القرار
وبس والله هذا قليل من اللي بخاطري بخصوص هالموضوع
واتمنى تتقبلي انتقادي
وشكرا

اشكرك على المرور النااار

اختي عفاف القياده مسموحه من سن ١٨ سنه مو من ٣٠
وكلامك جميل و الرد كان اجمل من ورد ..

المشاركة الأصلية كتبت بواسطة єЅρАnộl tŖİstэ

اختي عفاف القياده مسموحه من سن ١٨ سنه مو من ٣٠
وكلامك جميل و الرد كان اجمل من ورد ..

ع حسب ماسمعنا من الشروط ان الفئه العمريه لقيادة الحريم من سن 30 سنه
والله اعلم
شكرا لك

تمام ورد انتي ليه متضايقه من الي بتسوق وهي مش محتاجه تسوق
طيب هل انتي فعلا محتاجه هاتفك الجوال ؟ والا عشان الكل عنده
ان جينا للواقع انتي ماتحتاجي الجوال لانك مش صاحبة اشغال واعمال هامه ولا بزنس ومن
وان اخذناه من الجانب السلبي تراه وراه بلاوي وصياعه كثير واحنا بنات ونخبر هالشي
ف انتي حاليا جالسه تزاحمينا بشبكة الاتصالاات وتسببي لنا ضعف في الاتصال بالانترنت
يعني لوو انتي وغيرك الي مايحتاجون جوالاتهم يتركونه بتنحل ازمة ضعف الانترنت والاتصالات ؟؟؟
طبعا لا الواقع يفرض استخدامه وكمان محد يجبرك ولا يقدر يفرض عليك تستخدميه او لا واكيد راح تقولي ما وقفت علي
مع العلم ان الجوال كان من الاشياء العيب والحرام خصوصا ع البنت في داك الزمن
مثله مثل السياره
هل كل الشباب حاليا لمن يصير عمره 18 سنه ويتحمس يروح يطلع رخصة قياده هل لانه وراه اعمال ومشاوير مهمه ؟
هل الحكومه تجبره تطلع الرخصه .؟ وانه لازم يسوق ؟؟لا بس لانه روتين متعارف عليه مو اكثر
مثله مثل الحرمه اللي بتطلع سياره وهي مش محتاجتها عاد تبيها مثل الناس تبيها لحاجتها شي راجع لها
سيارتي وسيارتك وسيارة بنت الجيران الزحمه مو متوقفه عليها
ومافي شي بالكون ماله داعي كل شي ينوجد لسبب ما
واعيد واكرر اللي بتعف نفسها بتعفه وين ماتكون
واذا على الاوضاع الي تقولين عنها والزحمه هي قايمه قايمه الله يرزقك تطلعي من صبح الله
ع الدوام وتشوفين بأعتقادي ماراح يتأثر الوضع بسياقة الحريم لا سلبا ولا ايجابا
والاحصائيات تثبت اكثر مسببي الحوادث من الرجال وليس النساء
بطبيعة الرجل اكثر تهور والمرأه اكثر حذر ولكل قاعده شواذ طبعا ما اعمم
كل شي انتي تعيشيه بحياتك الان ماكان معتاد يا ورد وكان من اشد العجاب
عند اباءنا وصار معتاد ومتعارف
احنا جيل واعي ومنفتح بحدود الشرع والالتزام
ونهيئ مستقبل نظيف وواعي لعيالنا بعيد عن التطرف والظلم
والتحجر الي عشناه انا وانتي وغيرنا بسبب الانغلاق وغيره
نقول انا وانتي وكل معترض انه متفائلين خير بكل قرار تضعه الحكومه
من شأنه انصاف وسد احتياج كل محتاج وغير محتاج
وصل اللهم وسلم على محمد