القصة مررره روعة كوميدية رومنسية جريئة((سعوديه))

رفيف طلعت من الحمام وهي تنشف شعرها

رفيف : آآآآآآآآآه احسي هلكاااااانه من التعب ابي انااااااام

مرام : عادي حتى انا

رفيف : اسمعك تصارخين وتهاوشين تو مين تكلمين

مرام : إإأأااإإ تهاوشت انا وهتاف اول ما دخلتي دقت

رفيف رفعت يدنيها لسماء وتدعي من قلب : يااااااااا الله لك الحمد والشكر على نعمه العقل يالله
لك الحمد يااالله لك الحمد .. فضلتني على كثيرر من خلقك يا رب واولهم اللي قاعده معي ذي
يالله لك الحمد والمنه ..


مرام : ليه تقولين كذا شايفتني طالعه من شهااار

رفيف : لا حشى حشى محشووومه انتي طالعه من شهار من يقوووله

مرام : تتريقين مس رفيف

رفيف : اعنبو دارك تو طايحه لي غراميات ويا لب قلبها يا ملحها يا زين جسمها تقل رجله
وما امدى ربع ساعه عشر دقايق دخلت اتسبح واغسل هالشوشه الا متهاوشه معه تبين دكتور
نفسي انتي

مرام : رفيف وش عندك مستلجه اليوم ترى مالك داعي ابداا

رفيف : اشش جب جب ولا كلمه اخمدي يالله ما بقى الا بزراان

مرام : ايه ولله الحمد الله والشكر على نعمه العقل ..

تخطت بالفراش ونامت على طووول

رفيف قعدت شووي بعدين نامت

::::::::::::::::::::
انتهى البارت^^

**البارت العاشر {

الصباح الساعه 9 ام ماجد وام ليث وام فيصل ..

في الصاله.. جالسين يتقهوون

ام فيصل : حشى كل ذا نوم

ام ماجد : اخبرهم يسهرون يوم قمت اصلي الفجر ولا يطلعون بوجهي عنود واروى

ام ليث : يمكن قاموا يصلون بعد

ام ماجد : لا ولله شفت عيونهم مفنجله ماهم توهم قايمين

ام فيصل : ابي افهم وش حاجتهم بالسهر

ام ليث : شباب يا ام فيصل شباااب

ام ماجد : اييه الله يصلح الحال

ام ليث تقراء الجرديه .. وام ماجد تسمع الرادوا وام فيصل تتقهواء

وفجاءه رن التليفون ..

ام فيصل : اصغر وحده منكم تقوم ترد

ام ليث : هههههه انا بقوم

ام ليث : السلام عليكم

: وعليكم السلام بيت الراشد اختي ؟؟

ام ليث : ايه نعم مين معي ..

: معك مستشفى الحمادي ولدكم فيصل عندنا في العنايه المركزه

((ام ليث انهبلت وطار عقلها من الخوف بس ضبطت نفسها عشان خواتها والضغط ))

ام ليث : يا سااااتر يا ربي لا تفجعنا يا رب ايش حصله

: حادث على الشارع العام والحادث اليم واصابته قوويه لازم تكونوا معه

ام ليث سكرت السماعه

ووجها مصفوووق ودموعها بعيونها من الخوف

ام ليث تصاارخ : بسررعه البسو عبياتكم ام ماجد اذا خلصتي روحي قومي العيال .. .. ميررري ميررري تعااالي بسررعه ميررررررري وصمخ

ميررري : ايوو مدام

ام ليث تصارخ : روحي قومي ام محمد و ام سمر و ام بدر

ميري : اوكي مدام

ام ليث مسكت جوالها وهي تررجف

ام ماجد : وش فيه روعتينا يا اختي

ام ليث سفهتها من الرووعه : الووو احلام

احلام : هلا خالتي اخبارك وش مسوويه على هالصبح

ام ليث : بسررعه تعالي مستشفى الحمادي اخوك فيصل هناك

(( ام فيصل بس سمعت اسم ولدها قامت تصارخ من الخوف عليه ))

احلام : نعمم؟؟ مستشفى وش يوديه هناك

ام ليث : بسررعه صاير له حادث ومو سهل

احلام سكرت السماعه بدون ما تتكلم وام محمد فهمت القصه وراحت عند العيال تقومهم

ام ليث : يا ام فيصل خير اللهم جعله خير بسررعه انا وياك نركب السياره وهم يلحقوونا بعدين .. تيييسيي تعاالي يا تيسي

تيسي : يس مدام

ام ليث : قولي للعيال وباقي الحريم يلحقوونا في السيارة الثانيه


:::::::::ام ليث وام فيصل ركبوا السيارة وراحوا للمستشفى :::::::


::بنفس الوقت ::

عنود على السرير نايمه بهدووء

اروى وهي على السرير وتتمغط وكأنه احد مزعجها : ااااااااااااااااففففف وش هالصجه على هالصبح..

الغرفه كلها ازرق فاتح واورنج فاتح الوان فاااتحه ورايقه على بعض اروى مدت يدها على الكومدينه اللي جنب سريرها تدور الساعه بتشوف الساعه كم ؟؟ وعيونها تحت الفراش

فجاءه

طرااااااااااخ

شالت الفراش عن عيونها عشان تشوف وش اللي طاح

كتب فوزيه الدريع مرصووصه على كومدينتها قرآن صغير ودفتر صغير وقلم جنبه .. و جوالها الفرواله بلوتوث بدون كميرا موجود من ضمن الأغراض . . وساعتها اليد اما الأدراج اللي تحت ما قدرت افتحهم واشوف وش فيهم شخصيتها عاااقله كثيرر تذكرني بشخصية ماجد ,,, اما كومدينه عنود بعكس اروى .. عنود كومدينتها رويات رومنسيه مرصوووصه والرويات البوليسيه ماخذه حيز في المكان بعد ايبود نانو جوال n 95 اساور وخاتم فضه شايلتهم لما جت تنام شباصه كبيره ممرصووصه بورود صغيره ورديه
و شموع معطره . . تلاحضوا التناقض بين الشخصيتين ..



نرجع لأروى .. شالت الفراش عن عيونها عشان تشوف وش اللي طاح من على الكومدينه
شافتها الساعه من بعيد .. 9 وربع ..

اروى في نفسها : اففففففف يالله صباح خير مشكله اللي نومه خفيف يقوم مع طقه اصبع يا بختك يا عنود ..

((زادت الصجه تحت))

اروى في نفسها : يا ساتر وش هالصجه اللي تحت ومو صجه عادي هذا صرااخ ومو صراااخ بزرااان صرااخ روعه


قامت من على السرير مزوعه وطلعت برى الغرفه كانت لابسه قميص الى نص ساقها واكمامه قصيره بس تغطي كتفها وفيها زي الشرايط الورديه وآخر القميص من تحت شرايط ورديه نفس الشرايط اللي على الأكمام القميص كان مشجر بورود صغيره تفاحيه وبنفسجيه .. ونعال بيت كلها قطن وردي ..

شافت من الدربزين ..

ماجد كان واقف ومعصصبببب : بسرررررعه ياااا يمه بسررررعه

ام ماجد : اصبرر ما بقى الا سياره وحده وام محمد تلبس عباتها

ماجد : بسررررررررعه الولد في المستشفى وانتم مبردين بهالشكل وتخيلي محمد ما قام للحين ..وكلن تركه ورااااح

((اروى تسأل نفسها : مين الولد؟؟ ومستشفى ؟؟!! شحاصل ومين هذا اللي داخل البيت لا يكون ماجد مشاء الله عليه صاير رجال ))

ام ماجد : ماجد خله هو يقوم ويعرف شصاير المووهم نروح اللحين

ام ممحمد : يلااا بسرررعه اسبقووني جيت وراكم

ماجد : لا حول ولا قوة الا بالله العلي العظيم


::::::::::::::::::::::::::::::::::::::

طلعوا من القصر وكلهم في المستشفى الا البنات طبعاً ما يدرون وش السالفه ومحمد نايم في العسل نوومه ثقييل لو الدنيا تنحرق ما يقوم لما يشبع نوم وسمر الله يعلم بحالها هي وطلال ..

:::::::::::::::::::::::::::::::::::::::: :::::::::

طلال يده على خدها ويلمسه بنعوومه : سمر .. سموووره .. قومي حياتي

سمر شوي شووي تفتح عيونها بكسل : همم ..

طلال : يا فديت هالعيوون ولله

سمر : كم الساعه

طلال : 9 ونص

سمر : ليه قومتني بدري وربي

طلال : اشتقت لك

سمر وكأنها بيبي وزعلانه عشانه قومها : ما احبك ..

لفت على الجهه الثانيه وعطته ظهرها وغطت نفسها بالفراش

طلال حط يده على كتفها : لا سمر ارجووك

سمر: ما احبك

طلال : انا اموووت فيييك

سمر اول شخص يسعدها بهالشكل ..طلال دخل السعاده جد لقلبها بس اكييد ما حبته الحب ما يجي بين يوم وليله او حتى من شخص دخل السعاده لقلبك الحب يجي احيان بدون ما تعرف الشخص اللي حبيته ويجي احيان بدون اسباب وبعدالحب ما يجي الا مره وحده بالعمر وهي حبت وعندها امل ترجع لحبها الأول . . . واكيد طلال ما حبها بس عشان يروضها من الكره اللي شايلته عليه ..

طلال يكلمها بدون ما يناضرها ..وهي معطيته ظهرها

طلال : تدرين للحين ما قضينا شهر العسل اعتبر الليله هاذي اول ليله لزواجنا واول صباحيه

سمر : .. . . . .

طلال : وش رايك وين تبين نسافر ؟؟

سمر : أي مكان بس اهم شي ما يكون بالسياره ..

طلال : ههههه يا حليلك ماخذه موقف

سمر : وبقووووه

طلال : ولا يهمك نسافر جووووي بالطياره

سمر : لا لا لا لا لا لا لا اخااااف من الطياااره

طلال : يا كمخه اجل وشلوون نسافر

سمر : الكمخه جابتها امك ..

طلال : زعلتي يا فلذه كبدي

سمر : لا تمون مستر طلال

طلال : من عيوني مس سمر

سمر : لا يكثر كمل وين بنسافر ..

طلال : بنسافر مكااان ماني قايلك وش هو

سمر : لاااا مو على كيفك

888888888888888888
888888888888888
88888888888
888888888
888888

طبعاً كل الحوار هذا وسمر معطيته ظهرها وهو منسدح على ظهره يطالع السقف ..ويدينه تحت راسه

طلال : ليه مو على كيفي

سمر : انا زوجتك ولازم اعرف وين توديني

طلال : الللللللللله زوجتي يا حلووها على لسانك يا شيخه تدرين ماني قايلك خلااص بدلت رايي

سمر : طلييييييييل !!

طلال : نعم

سمر لفت على الجهه الثانيه وجلست على ركبها كانت لابسه ثوب نوم سيوور والصدر مفتوح و ساتان ذهبي ولايق على بشرتها كثير وشعرها كان محيووس وعيونها تعبانه من كثر النوم شكلها ررررهييييب وراااااايق

سمر : طلاااال بتقول ولا كيف


طلال انبسط على وضعيتها شكلها عجبه واستاانس عليها .. شافها متحمسه قال خليني ابررد واشوف اخرتها .. حط يدينه ورى رقبته وهو منسدح طبعاً وبدوون ما يناضرها قال : لا

سمر : حلفت عليك ان تقول

طلال وبدون ما يناضرهاهز راسه وكأنه يقول لا

سمر : طلااال عن جد سخااافه قووول

طلال وبعد ما يناضرها : وش اقوول

سمر : قولي وين بنسافر

طلال : قلت لك لا

سمر : طلال عن جد سخافه ترى قوول

طلال : قلت لا ماني قايل

سمر : طلااال حلفت عليك ان تقول لا تقطع حلفي

طلال : احد قالك تحلفين خلاص انا قلت لا يعني لا ما ابدل رأيي

سمر : طلااااال

طلال وهو يحاول يخفي ابتسامته : سمر خلك حرمه

سمر : انا حرمه وش شايفني بزر

طلال :.. . ..

سمر : هاااه طلال قوول

طلال : لا لا لا خلااص

سمر : طلال يا حبي لك يا قلبي انت قوولي

(( بستغربون من سمر هي ما سافرت برا ولا عمرها سافرت سياحه او عشان توسع صدرها واول مره بتسافر ومتلهفه حييييييييييل ))

طلال في نفسه: اذووب انا يا شيخ

طلال : لا

سمر بدلع يذبح : تكفى!!

طلال ما قدر يتجهالها وما يناضرها ضل يناضرها ما خلى شي فيها ما طالعه ..

سمر حست انها لها تأثير عليه قالت مره ثانيه : تكفى !!

طلال شال المخده اللي ساند راسه عليها والتفت على الجنب الثاني وحط المخده فوق راسه

طلال : بس بس يا بنت عذبتيني مووتيني خلااااااااااص

سمر فاهمه عليه بس تسوي بريئه وقاعده تهزه من ظهره : لييه طلال آآسفه ما كنت اقصد وربي شسوويت لا تعور قلبي

طلال : طااغيه انتي طااغيه وربي !!

((سمر تسوي غبيه وهي فاهمه قصده بس تتليعن ))

سمر : حراااام علـــيــــك يا طــــلال انا طاغيه شسوويت لك بأيش اذيتك حراااااااااام عليك ولله حراااااااااام عن جد ابي ابكي من كلامك


طلال لف عليها ببطء ومد يده لها : تعالي هنا !!

سمر تركت على كتفه وهي مبسووطه عليه ينخدع بسهووله

سمر : عن جد انك سخيف جرحتني

طلال : كيف اداوي هالجرح

سمر : قولي وين بنسافر

طلال : تركيا يقولون تنفع للمعاريس وجوها حلووو ..آآه يالبيه يا لميس

سمر :آآآآه يا لبيه يا يحيى

طلال : ههههههههههه يا حبي لك يا سمر

سمر : ههههههههههه

ما تلاحضون كل واحد يلعب على الثاني ..وكل واحد مبسووط على الثاني تتذكرون لما طلال وعد نفسه ان سمر تكون خاتم في اصبعه وتذكرون لما سمر وعدت نفسها انها ما هي سمر بنت ابوها اذا ما خلت طلال يمووت على التراب اللي تمشي عليها .. سمر مجنونه فيصل لأكثر من عشر سنين معقووله تفرط بكل هذا الحب عشان لعبه مع طلال يا ترى شراح يصير بيحبون بعض ؟؟؟ ولا كيف ؟؟؟؟ سمر راح تعرف بوجود فيصل في المستشفى ولا لا بخبون عنها وتعرف من نفسها ؟؟؟

:::::::::::::::::::::::::::::::::::::::: :

::::::::في القصر ::::::

الساعه11 الصبح الكل نايم الا اروى خربوا نومتها بصجتهم بعد قلبي هي

اروى في الصاله جالسه تفطر عند التلفزيون تشوف سنوات الضايع ومندممجه بشكككل ما اهتمت للي سمعته الصبح كل اللي في بالها ماجد وكيف تغير .. وسنوات الضياع وكوب الشاهي اللي بيدينها ..

مرااام نزلت تصااارخ

مرام وهي تنزل من الدرج : صبااااااااااااااااااااااااح الخيييييييييييييييييير رووووررري اليووم انا راااااااااااااااايقه

اروى متنحه في التلفزيون ومو لم احد : ........

مرام وقفت جنب تلفزززيون : اروى اكلممممممك ردي علي

اروى تأشر بيدها زي قولت اسكتي ويدها الثانيه وتشرب الشاي فيها بشويش

اروى : اششش .. اشششش

مرام : اروى ترى مالك داعي بسكر التلفزيون

اروى وهي متنحه في التيفي وما تناضرها حتى

مرام : اروى ولله لا سكره

اروى: ...

مرام : ترى بسكره

اروى وعيونها في التلفزيون ومنفتحه بقووه من زود الحماس : تكوني بعتي عمرك

مرام : خخخخخخ اروى وربي مالك داعي واقسم باللي خلقني لا اسكره

اروى : ...

مرام انقهرررررت قاعده تتلاعن معها وتسب وتهاوش واروى مو معبرتها ولا ترد عليها ولا تناظر لها حتى ..



مرام من القهر قامت سكرت التيفي

اروى قامت من قعدتها وتصااارخ وانقلب حالها من الهدوء والرواااقه واللطافه للجني الأزرق اروى: يا حيوااااااااااااااااااااااانه يا نذله يا شررريرررره

مرام : هع هع أي نووو أي نوو بيبي

اروى تصااارخ : شغليه وانقلعي من وجهي يلااااااااااا

مرام :اووف اووف كل هذا عشان سنوات الضياااع .. اسمعي يالنحيفه انا بروح اسبح

اروى : وين تسبحين

مرام : بالمسبح تروحين معي نسبح اخاف لحالي

اروى : صدق انك رايقه على هالصبح

مرام : بقووه راااايقه مو شووي .. تكفين وربي مشتهيه اسبح واعووم واغووص واعوم على ظهري ولله فلله وخصوصاً ان مسبح خالتي يشبه المسابح الأولمبيه حااجه رااايعه يا شيخه

اروى : لااأ طسي عن وجهي

مرام : لا جد اروى تكفين ولله ودي اسبح واخاف اروح لحالي

اروى : اسبحي وش علي منك مولدتك وناسيتك انا .. وبعدين وش تخافين منه هذا المسبح قريب جمب الفله بالظبط

مرام : ولوو اخاااف يا حبي لك تكفين يا حبي لك

اروى : لا تخافين بس تكفين يالشرف اللي بيضيع عاد طسي مناااك

مرام : الا الشرف يضيع يا ختي تخيلي لو دخل احد السواقين وقفل و اغتصبني شفتي يضيع الشرف والله وانتي نايمه على العسل مع لميس ويحيى..

اروى : خلاااص اذلفي من وجهي اذا صرت رايقه وخصلت سنوات الضياع وانا ما فوت ولا لقطه ذيك الساعه رحت معك

مرام : لا يا شيخه تبيني انتظرك لما تشتهين انتي تسبحين مو على كيفك بتجين معي اللحين

اروى : اصلاً يا كمخه ما جبت المايوه تبعي تاركته في بيت ابوي تبيني انا طول وعرض وثقل وسنع انزل ببركه البط ذيك واطرطش لا لا كبيره بحقي

مرام: اروى وللي يرحم والدينك البسي أي شي وطبي معي مو لازم تطبين اقعدي وارقصي على الديجيه ولا شوفي سنوات الضياع في التلفزيون اللي هناك

اروى : ما ابي ارقص مو مشتهيه .. وامبيسي ون مو موجوده في التلفزيون اللي هناك كلها قنوات ديجتل حسبي الله عليه اللي ركبها

مرام : انا سمعت وانا مدري انه محمد ولد خالتي

اروى : وشووو حدك عاااد تراه اخووي وما ارضى عليه عطيتك وجه تراي

مرام : يوووه يووه آآسفه وربي نسيت انه اخوك اكيد احد الشباب الثانين غير محمد اخوك

اروى : ايه هذا السنع يمه

مرام بصوت منخفض تكلم نفسها : اااف من شاف اخوك النسونجي ما فكر حتى انه غيره اللي مركبها

اروى : وش قلتيييييييييي !!

مرام : هاااه.. وشو.. ايه .. لا لا ولا شي

اروى : زين على بالي .. الموهم لا يكثر .. ومن غير مطرود خلص الأعلان ابي اتابع المسلسله

مرام : يعني مو سابحه معاي ..

اروى : لا

مرام : تكفيييييييييييييييييييين

اروى وزهقت منها تبي الفكه بأي شكل : تكفين يا مرام يا حبيبتي روحي اسبحي لحالك ما فيه شي يخوف .. كل السواقين طلعوا وبعد العيال كلهم طالعين متأأأكده

مرام : طيب افرضي امي قامت ودرت اني رايحه صاله المسبح بدون احد والله ان تقلب الدنيا علي

اروى : لا لا تخافين كل خلاتي طالعات

مرام : غريبه كلهم ؟؟؟؟ الحريم والسواقين والعيال وش فيه

اروى وهي تفكر : مدري ولله .. اممم يمكن احد يقرب لنا من بعيد توفى ولا شي

مرام : غريبه ولله ..


اروى : يلا روحي اللحين عشان بشوف المسلسل

مرام : مو جايه معي ؟؟ آآخر قرااار ؟

اروى تصااارخ : ااااااااااف لااااااااااااااا قلت لك لاااا خلي عندك كرامه وطسي عن وجهي

مرام : زززين ززين يا اروى هييين

مرام رقت فوووق ..

اروى تكلم نفسها : صدق نآآس وقحه تقطع علي المسلسل وتقول تعالي معي عن جد سخااافه

قامت وشغلت التيفي ورجعت لعالمها الخااااص

وشوي خمس دقايق الا صوت رجول مرام تصبخ بالدرج تنزل بسرررعه

اروى تكلم نفسها : يا دييين محمد ان شاء الله تروح بدون ما تسير علي

وشوي وتقبل مرام عليها

اروى بنفسها : اااااااااف استلم

مرام : ما غيرتي رااايك يا لميس النحيفه

اروى : اااااف وش جابك انتي وبعدين وش اللي بيدك هذا

مرام : المايوه والفوطه والنضارات فيه مشكله صديق

اروى : لا ما فيه بس انقلعي

مرام بمززح : تفو على هالأشكال

اروى تصارخ : مراااااام كفي خيرك وشرك وانقلعي وخليني اشوف المسلسل

طلعت برى الفله .. كانت لابسه بجامتها ما غيرتها وبيدها المايوه والفوطه

وقفت عند باب المسبح .. المسبح كان في غرفه كبيرررره فيها حمام سونا وتلفزيون 90 بوصه ومطبخ صغيرررر عشان المشروبات .. وآلآت صالة الرياضه ودي جيه واغلب الغرفه او ما اقول عنها غرفه ممكن تكون زي الصاله الكبيره من كبرها ما اقدر اقول عنها غرفه

الأرض كلها سيراميك ازرق والسقف كان بعييييد كثيررر و على شكل سحب وغيوم وفيه زي الانوار الصغيره على شكل نجوم تشتغل توماتيك في الليل اما الجدران فكانت مرسوم عليها رسمات تشكيليه عن البحر وعروس البحر والجهه الثانيه كانت درايش وااااسعه وكبيره تغطيها ستاير من خشب .. الصاله ذيك فخمه كثيررررررر .. وكثير يجتمعون فيها البنات واحيان يكونوا فيها العيال .. اما اللحين ما فيه الا مرام .. مرام لوحدها وبس!! ..

فتحت الباب تبع الصاله

مرام : اووف شو هالرطوبه مبين الصاله من زمان ما فتحوها ..وااي الديجيه شوو واحشني يا الدووب

((قامت تبوس الدي جيه الخبله ))


شغلته بدون ما تطالع الشريط :: اغنيه Hilary duff_With Love

(( اللي رايق يشغلها عشان يعيش الموقف ))

قربت من المسبح بعد ما قطعت مشوار عند آلآت الرياضه

مرام : اللللللللللللللللله .. يا حبي لك ولله واااحشني مووووووووووت

المسببح كان كله انواار مخفيه من تحت وعمقه حوالي مترين الى ثلاثه امتار ويبداء بتددريج كبيرررر بشكل ما تتتخيلونه وفخم فخم فخم ابشكل فضيييع

ركضت لغرفه التبديل عشاان تبدل وهي تغني ولله واحشني مووت تبي تسبح مشتااااقه لسبااحه والعووم كثير ومن شوقها نست باب الصاله مفتووح

طلعت من الغرفه وتركت ملابسها في الغرفه ..

واول ما طلعت من غرفه التبديل وقفت تتأمل نفسها وتكلم روحها : اللللللللللللللله يا مللللحي يا سعد اللي بياخذني ووه يا بخته ..


اول ما تطلع من غرف التبديل فيه قدامك مرااايااا كبيره وكثيررره وتجيب شكلك من رجولك الى أخر شعرك ..عشان كذا مرااام وقفت ما تشوف نفسها كلها كذا كثيرر

كانت لابسه المايووه يطلع من اصابع رجولها الى فخوذها وظهرها وصدرها كله مفتوح وسيور .. كان لونه اسوود وعلى اطرافه محدد بخطوط ورديه سخيفه يعني مو باينه كثير وطالع على شعرها وبياضها رررررررررررررررررررررررهيب مسكت ..


مرااام : ووويه وويه برررد . . أأه الموويا باااااااارده

ظلت تسبح وهي تغني وانواااع الووناسه <<<اللللللله ودي اسبح يا ليتي معك يالدوبه

::::::::: بنفس الوقت :::::::


في غرفه محمد

محمد : ااااااف يااااراااسي وش هالصدااااااااع

ظل على فراشه يمكن عشر دقايق بعدين قام دخل الحمام ياخذ له دش سريع خمس دقايق وطلع

محمد في نفسه :غريبه الساعه 11 وربع وما قاموا بالعاده صجه ولجه البزران بهالوقت . . غرريبه ولله

نشف شعره ولبس ثوبه ويطلع يفطر ميت جووع


اول ما طلع من الغرفه شاف غرف العيال مفتحه وفاضيه ما فيه احد

محمد في نفسه : غررريبه وينهم ؟؟ يمكن راحوا يفطرون في فله الحريم ما ظنتي الناس ذولي ما يقومون إلا على العصر اااف انا مدري وش اللي مقومني هالحزه كأن الله رايد اقوم

طلع من فله الشباب ..

ومشى شووي يبي يطلع من القصر ..يفطر برى

بس حس الوضع هادي بزياااده باعاده البزارين يصيرون مجتمعين وصجه ولجه في هالوقت

بس سمع صووت غير صووت امممم زي .. زي .. طرطشه موياا صوت اغاني مرفووع عليها..

محمد : اهاااا يا حليلهم متجمعين في صاآله الرياضه ..

مشى لصاله الرياضه وهو يسحب رجلينه بيشوف العيال وش يسوون

خطوه

خطوتين

ثلاااث
:
:
:
:


وقف عند الباب ..

محمد في نفسه : غريبه تاركين الباب مفتووح

طبعاً في هذا الوقت الأغنيه تهز الصآآله هز


محمد في نفسه : عجيب ولله العظيم .. وش هالذوق يوم يشغلون هلاري ذوق بنات ولله حاجه غريبه والمشكله ما فيه صراخ وضحك اليوم فيه سالفه كل شي مو طبيعي الله يستر


دخل بدون لا يطلع أي صووت ومشى لدي جيه وسكرررره

محمد في نفسه : ااوووف اخيررراااااً هدوء من ذا الفاضي اللي يشغل هالصجه على الصبح


محمد مشى قدام .. مشى ومشى لما وصل للمكان اللي فيه المسبح
شاف المسبح انواره مشغله والمكيفات مشغله وكل شي مشغل والصآله فاااضيه ما فيها احد مين هذا الرااايق . . . .

بس ما فيه احد .. معقوله مرام وين توها تسبح وين راحت ..امم مدري ولله يمكن طلعت قبل لا يدخل محمد ..

محمد وهو يدور في عيونه على الشخص اللي فتح الصآآله شاف على الكرسي من بعيد اغراض ما يدري لمين قرب منها شاف منشفه وملابس مرام قلبها يمين ويسار ..


محمد في نفسه : هههه استلم .. وحده من البنات اللي فاتحه المسبح يا رب تكون مرام اذا مرام فسايز ملابسها مررره هت << يعني مثير >>

قام وترك كل شي بيطلع يمكن يصادف مرام بطريقه لان المسبح فاضي ما فيه احد


وهو يمشي ويسحب خطواته بيطلع وما بعد تعدى ذيك المساحه المذكوره يعني لساته بوسط الصآآله

:
:
:
:
:
:

مسكه صداااع فضيييييع :: حط يدينه على رأسه من الالم ورجع على ورى يبي أي شي يستند عليه لما وصل لباب غرفه التبديل اللي كان مسكر.. اتركى واسند جسمه كله عليه يعني الباب اللي شايل جسمه مو هو.. غمض عيونه من الألم .. يمكن الصداع يخف شوي ..

فجاءه ..

:
:
:
:
:
الباب اللي يستند عليه انفتح بسرررعه

طاح محمد على طول على ورى ما امداه يشيل نفسه من سرعه فتح الباب ..حس نفسه في حضن شخص ما يعرف مين هو ..
ما يقدر من الألم والصداع يفتح عيونه حتى
مرام تجمدت ..وكش جلدها ما تعرف كيف اللي حاصل معها صار فتحت الباب على نياتها وفجاءه طاح عليها وطاحت معه من ثقلت جسمه على جسمها ..

تجمدت مرام ما تعرف ايش تسوي معه عرفت انه محمد وعرفت انه قاعد يتئلم

كانت جالسه على ركبها وترجف محمد رآسه على صدرها وظهره على رجولها

مرام ما قدرت تبعده عنها او تلمسه خااافت من نفسها ومن الموقف ومنه ومن اخوها يدخل ويشوف المنظر .. اما هو كان حاس انه فيه شخص مستند عليه وعرف انها بنت بس ما عرف مين والألم اللي في رآآسه ما سمح له يفكر حتى

:::::::::::::::::::::::::::::::::::::::: :::::::::

.... هاذي رايقه ومشتهيه تسبح وهاذي عند التلفزيون وهذا بس يشتغل لقافه لما صار اللي صار ..... الدنيا وين وانتوا وين .. فيصل في المستشفى وانتوا نايمين في العسل ..
:::::::::::::::::::::::::::::::::::::::: :::::::::

::::في المستشفى :::

كل الحريم في قسم الانتضار تبع الحريم والعيال في الانتضار وماجد وليث عند الدكتور ..

ماجد : يعني الحادث خطير

الدكتور : للأسف خطير جداااا ولوالله ثم سرعه الأسعاف كان الولد في رحمه الله

ليث : يعني كيف ؟؟!!

الدكتور: الحين هو في غيبوبه ما نعرف متى يصحى منها يوم اسبوع شهر سنه ثلاث سنوات ما نعرف .. مالكم الا تدعون له وما فيه فايده من وجودكم هنا يعني راح تتبعبوا انفسكم ووتعبونا معاكم ..

ماجد :مشكور دكتور ما تقصر ...

اليوم هذا اتعس يوم مر على العايله الكل تعباان وضايق خلقه عشان فييصل وخايفين على ام فيصل من الضغط ..

ليث طق الباب تبع صاله انتضار الحريم

طلعتله امه على طول

ام ليث : هاه يمه وش صار

ليث مخنووق والدنيا ضايقه فيه ومو قادر يتكلم من الخنقه

ليث : يمه السالفه مو سهله فيصل بغيبوبه يمكن يصحى منها بكرا ويمكن يصحى منها بعد ثلاث سنين

ام ليث : لا حول ولا قوه الا بالله حسبي الله ونعم الوكيل.. ((تنهدت شووي)) انا مو شايله هم كثر ما شايله هم ام فيصل انت تعرف الضغط عندها ..

ليث : الله يستر يمه انتي هوني السالفه عليها وترى ماله داعي قعدتكم كلكم كذا .. الولد في غيبوبه وما ندري متى بيصحى !!

ام ليث : بس لازم احد يقعد

ليث : اقعد انا وواحد من العيال وانتم روحوا

ام ليث : خلاااص ومنها نهون على ام فيصل

ليث : خلاص اجل ..


::::::::::

ليث : يا عيال مين بيروح القصر

.......

ليث : لازم تروحون انا بقعد ومعي واحد منكم بس

ماجد : انا بقعد والباقي يروحون

بدر : ليث .. فيصل وش فيه ؟.؟؟

ليث : غيبوبه ممكن يقوم بكرا ممكن يقوم بعد ثلاث سنين الله اعلم عشان كذا ما فيه فايده من وجودكم اللي يبي يقعد يقعد بكرا

:::::::::::::::::::::

الكل مشى وبقى ليث وبدر في المستشفى عند فيصل والله اعلم متى بيقوم من اللي هو فيه ويا ترى رده فعل سمر كيف بتكون لما تعرف باللي حاصل في حبها الوحيد وروحها الثانيه ..

:::::::::::::::::::::



** نسترجع موقف مع سمر وفيصل **

قبل لا تعيش مع ابوها وقبل لا تنتهي القضيه اللي رافعها على امها عشان يربي بنته عنده .. كانت سمر ببيت خالتها ام فيصل تعيش هناك مع امها البيت كان صغير يا دووب يعني اربع غرف ومطبخ وحمامين وصآآله ..

كانوا قاعدين هناك لفتره مؤقته لما تنتهي القضيه اللي رافعها الأب الحنوون . .

البيت كان فاضي ما فيه الا ام سمر وام فيصل وسمر اما فيصل فكان ساكن في الملحق عشان سمر تاخذ راحتها .. واحلام اخت فيصل في القفص الذهبي مو موجوده

سمر عمرها 13 سنه فيصل 17 يعني ما عليه مو صغير في ثاني ثنوي ..

ام فيصل : سمر.. يا سمرررر تعالي يا يمه

سمر تصارخ من الدور الثاني : سمي سمي يا خااالتي دقيييقه واجي دقيقه بس ..

((سمر اذا صرخت بعدي عنها صفارات انذااار))

فيصل في الملحق منسدح على سريره وفاتح المسن ..

سمع صراخ سمر .. فيصل : يا لبيييييييه يا هالصووت يا لبييييييييه

((تقدرون تقولون هاذي احلى ايام فيصل في حياته كلها ..عايش مع حبيبته في بيت واحد ..صحيح كانت صغيره ..ما تتغطى عنه بس تحاول تتجنبه قد ما تقدر .. احيان يشوفها ويتكلم معاها بس برسميه.. زي ما يحبها يخاف عليها حتى من نفسه ..))

:
:

جته إضافه .. من smora…….@*******.com

وتحت مكتوب : فيصل ابيك بشغله ممكن تقبل الأضافه انا سمر بنت خالتك

......................
(( كانت سمر بريئه وفيها طفووله يعني صغيره ذاك الوقت وما تاخذ انه عيب تكلم ولد خالتها وكذا تحسب انه عااادي للحين هم اطفال ويلعبون مع بعض ))

.........................

فيصل في نفسه : سمر !!

قبل وهو ما يشوف يا حليله

:::::::::::

سمر : يلااا يلااا خالتي جيييييت

سمر :سمي يا خلفهم

ام فيصل : سم الله عدوك .. بغيتك يمه تودين عشاء فيصل

سمر : خالتي ما تحسينه عيب ادخل عليه بالملحق وكذا .. تراني كبرت ماني صغيره

ام فيصل : يا يمه كان اروح انا بس ركبي توجعن تعرفين عمر الاربعين مقدر اطلع وامك طالعه لسوق الخميس

سمر : طيب دقي على جواله .. خليه يجي ياخذ عشاه

ام فيصل : حالف ما يطب البيت وانتي فيه عشان ما يضايقك

سمر كانت بتقول اقوله في المسن بس استكتت خافت ما تعجب ام فيصل الفكره ..

سمر : خااالتي !!

ام فيصل : سمر نخيتك يا يمه .. الولد بينام بدون عشاء اعرفه ما يتكلم

سمر : ولله مستحيه منك يا خاله

ام فيصل : الله يسلمك يمه

سمر وكأنها غاصبه نفسها: اوكي مالي مهرب منك مع انه ما ودي<<<تررقص من جوا >>>


ام فيصل : الله يسعدك يا كرريم

سمر : طيب وين العشاء

ام فيصل : شوفيه على طاوله المطبخ ..

سمر : اوكي ..

سمر مشت للمطبخ بتاخذ العشاء .. والدنيا مو واسعتها من الفرحه ..

المطبخ صغيرررر بس مجلى ودولاب في المواعين وادولاب في الأكل اوثلاجه وطاوله صغيره يا دووب ومع ذالك مززحوووم

على الطاوله صينيه صغيره فيها شاااي وسندويشات توست محمصه

سمر في نفسها : يا عمري كيف ياكل النواشف هاذي ما تشبع

سمر نست نفسها ..وراحت لغرفه ام فيصل

ام فيصل جالسه على سجادتها تذكر الله

سمر : خالتي

ام فيصل : مشاء الله يا سرعك امداك تودين العشاء

سمر : ما وديته

ام فيصل : ليه ؟؟

سمر : عشان ما فيه عشى اوديه..

ام فيصل : شوفيه على الطاوله شاهي وتوست ..

سمر : هذا عشاء ؟؟

ام فيصل : ايه مو عاجبك

سمر : ليه حاطه هالعشاء لفيصل وربي ما يشبع ولا عصافير.. كيف أوادم.

ام فيصل استغربت بس فهمت انها مو في وعيها وحبها لفيصل يبان بدون ما تحس

ام فيصل ابتسمت و بتشوف اخرتها

ام فيصل : سمر وديه ما فيه غيره

سمر انتبهت لنفسها : وش دخلي فيكم انا ولله

...........
:
::

انتهى البارت^^

**البارت الحادي عشر {



** نسترجع موقف مع سمر وفيصل **

قبل لا تعيش مع ابوها وقبل لا تنتهي القضيه اللي رافعها على امها عشان يربي بنته عنده .. كانت سمر ببيت خالتها ام فيصل تعيش هناك مع امها البيت كان صغير يا دووب يعني اربع غرف ومطبخ وحمامين وصآآله ..

كانوا قاعدين هناك لفتره مؤقته لما تنتهي القضيه اللي رافعها الأب الحنوون . .

البيت كان فاضي ما فيه الا ام سمر وام فيصل وسمر اما فيصل فكان ساكن في الملحق عشان سمر تاخذ راحتها .. واحلام اخت فيصل في القفص الذهبي مو موجوده

سمر عمرها 13 سنه فيصل 17 يعني ما عليه مو صغير في ثاني ثانوي ..

ام فيصل : سمر.. يا سمرررر تعالي يا يمه

سمر تصارخ من الدور الثاني : سمي سمي يا خااالتي دقيييقه واجي دقيقه بس ..

((سمر اذا صرخت بعدي عنها صفارات انذااار))

فيصل في الملحق منسدح على سريره وفاتح المسن ..

سمع صراخ سمر .. فيصل : يا لبيييييييه يا هالصووت يا لبييييييييه

((تقدرون تقولون هاذي احلى ايام فيصل في حياته كلها ..عايش مع حبيبته في بيت واحد ..صحيح كانت صغيره ..ما تتغطى عنه بس تحاول تتجنبه قد ما تقدر .. احيان يشوفها ويتكلم معاها بس برسميه.. زي ما يحبها يخاف عليها حتى من نفسه ..))

:
:

جته إضافه .. من smora…….@*******.com

وتحت مكتوب : فيصل ابيك بشغله ممكن تقبل الأضافه انا سمر بنت خالتك

......................
(( كانت سمر بريئه وفيها طفووله يعني صغيره ذاك الوقت وما تاخذ انه عيب تكلم ولد خالتها وكذا تحسب انه عااادي للحين هم اطفال ويلعبون مع بعض ))

.........................

فيصل في نفسه : سمر !!

قبل وهو ما يشوف يا حليله

:::::::::::

سمر : يلااا يلااا خالتي جيييييت

سمر :سمي يا خلفهم

ام فيصل : سم الله عدوك .. بغيتك يمه تودين عشاء فيصل

سمر : خالتي ما تحسينه عيب ادخل عليه بالملحق وكذا .. تراني كبرت ماني صغيره

ام فيصل : يا يمه كان اروح انا بس ركبي توجعن تعرفين عمر الاربعين مقدر اطلع وامك طالعه لسوق الخميس

سمر : طيب دقي على جواله .. خليه يجي ياخذ عشاه

ام فيصل : حالف ما يطب البيت وانتي فيه عشان ما يضايقك

سمر كانت بتقول اقوله في المسن بس استكتت خافت ما تعجب ام فيصل الفكره ..

سمر : خااالتي !!

ام فيصل : سمر نخيتك يا يمه .. الولد بينام بدون عشاء اعرفه ما يتكلم

سمر : ولله مستحيه منك يا خاله

ام فيصل : الله يسلمك يمه

سمر وكأنها غاصبه نفسها: اوكي مالي مهرب منك مع انه ما ودي<<<تررقص من جوا >>>


ام فيصل : الله يسعدك يا كرريم

سمر : طيب وين العشاء

ام فيصل : شوفيه على طاوله المطبخ ..

سمر : اوكي ..

سمر مشت للمطبخ بتاخذ العشاء .. والدنيا مو واسعتها من الفرحه ..

المطبخ صغيرررر بس مجلى ودولاب في المواعين وادولاب في الأكل اوثلاجه وطاوله صغيره يا دووب ومع ذالك مززحوووم

على الطاوله صينيه صغيره فيها شاااي وسندويشات توست محمصه

سمر في نفسها : يا عمري كيف ياكل النواشف هاذي ما تشبع

سمر نست نفسها ..وراحت لغرفه ام فيصل

ام فيصل جالسه على سجادتها تذكر الله

سمر : خالتي

ام فيصل : مشاء الله يا سرعك امداك تودين العشاء

سمر : ما وديته

ام فيصل : ليه ؟؟

سمر : عشان ما فيه عشى اوديه..

ام فيصل : شوفيه على الطاوله شاهي وتوست ..

سمر : هذا عشاء ؟؟

ام فيصل : ايه مو عاجبك

سمر : ليه حاطه هالعشاء لفيصل وربي ما يشبع ولا عصافير.. كيف أوادم.

ام فيصل استغربت بس فهمت انها مو في وعيها وحبها لفيصل يبان بدون ما تحس

ام فيصل ابتسمت و بتشوف اخرتها

ام فيصل : سمر وديه ما فيه غيره

سمر انتبهت لنفسها : وش دخلي فيكم انا ولله ان شاء الله عمره ما تعشى ..

لفت بترجع للمطبخ وهي تهاوش وتلعن في نفسها كيف ما انتبهت لروحها وهي تتكلم ..

كانت لابسه برمودا جينز فاتح .. وقميص ابيض ضيق .. بنسبه للبنطلون ورافعه شعرها على فوق .. شكلها نعووم وبسيط

ام فيصل .. وهي بغرفتها تضحك .. على سمر وكيف نست نفسها ..

دخلت سمر المطبخ .. فتحت الدواليب تدور حاجه تطبخها لفيصل ..

سمر : ما ادري كيف خالتي توكل ولدها اكل القطاوه هذا .. صدق امهات اخر زمن .. مستحيييل اخلي فيصل ياكل هالأكل ..

بنفس الوقت .. دخلت ام سمر للبيت وتسمع سمر تهاوش وتتحلطم على ام فيصل .. سمعتها .. وضحكت .. ما جتها ولا دخلت عليها .. خلتها ودخلت على ام فيصل ..

ام سمر : السلام عليكم

ام فيصل : وعليكم السلام

ام سمر جلست الأكياس اللي بيدها وجلست وهي ما بعد فكت عباتها بانت بقايا الضحك على وجهها ..

ام فيصل وتبي تضحك معها وفاهمه السالفه : وش فيك فاطمه ..

ام سمر : ههه وش فيها سمر قاعده تهاوش عليك بالمطبخ

ام فيصل : ههههه مو عاجبها الأكل اللي حطيته لفيصل تقول ما يأكل عصافير كيف اوادم ..

ام سمر : ههههه تخانق عليك تقول مستحيل اخلي فيصل ياكل هالأكل

ام فيصل : هههههه يا حيااااتي شباااب عاد انتي خليها لا تدري انك جيتي عشان هي تودي العشاء ..

ام سمر : لا توصين حريص تو وانا داخله فيصل يترجاني ادخل عنده .. ما يبيكم تدرون اني جيت ..عارف اذا ما كنت فيه بالبيت سمر اللي تجيب له العشاء ..

ام فيصل : هههههه متى يعرسون ونفتتتك

::::::::::::

::::::::::::

سمر اخيرااا لقت برجر مجمد ونقانق مجمده وروبيان وسمبوسه مجمده لرمضان .. طلعت ثلاااثه حبات من كل نووع ..,,

شغلت على زيت .. ووضلت تقطع الطماط والخس والخيار لما يحتمي ..

وطررربااانه ومبسوطه .. حدهااااااااااا ..

يااالي على البال تطري وانت ما تدري
وش ذنبه اللي يحبك وانت خليته
وش ذنب قلب رسم لك حبه العذري
وش ذنب دمع على طاريك هليته ..
لو كان عمري بديني فدوتك عمري
لاكن عمري بيدين اللي ترجيته
انه يرد الزمان اللي على خبري ..الخ

حااافظتها صممم هذولا البنات بهالعمر اول ما تنزل الأغنيه يحفظونها صمم بس تعال شوف دروسهم زين اذا حفظت كلمتين على بعظها ..


خلص العشاء طلعت صحن مستدير وحجمه متوسط حطت البرجر .. والروبيان وساندوتش النقانق .. وكأنه عشاء احد مطاعم الوجبات السرريعه

تدور على مشرووب ينفع .. فتحت الثلاااجه .. عصير برتقال طازج .. عصير توت .. لبن .. حليب .. كووولا

طلعت الكولا وصبته في كاس قزاز وحطت حبتين ثلج

سمر : اوووه تعبببت .. بس هذا العشاء ولا بلااش مو خرابيطكم يالعجز ..

شالت الصينيه ..وطلعت للحوش عشان الملحق برى ..

تمشي وهي متوتره وتحس نفسها بتطيح من القلق ..

وصلت عند باب الملحق .. يا لله وش اقووله .. كيف اتكلم شكلي كيف راح يعجبه .. طيب لو دخلت عليه وهو يبدل .. كيف بيصير موقفي ياللله .. عن جد ورطه

((لا تخافين سمر طلال وفر عليك المشوار ))


انفتح الباب

فيصل وكأنه شايف حاجه ما تقدر تشوفها الا في العمر مره : سمر !!

سمر ومو قادره تناضر في عيونه او في وجهه حتى : جبت لك العشاء

فيصل : مشكووررره تسلمييين مبين من ريحته يشهي

سمر : ههه شغل خالتي الله يخليها لنا

فيصل : لا ما ظنتي امي ما تحب هالأكلااات ولا تعرف تسويهم ..

سمر : هه مدري اجل يمكن شغل امي

فيصل وفاهم لعبتها : اهاااااا شغل خالتي ايييه يمكن بس الأكل شكله طاازج وخالتي من زمااان طالعه امداااها تسووويه

سمر خجلللللللللت منه ما تدري كيف ترقعها : اممم ولله مو عاااررفه بتاخذ العشاء ولا انا اخذه

فيصل : ههههه يفداااك

سمر حست انه مطووول ويبي يسووولف ..

سمر : انززين انا وراي اشغااال فووق .. مع السلااامه

حطت الصينيه في يدينه وراحت تبي تدخل

فيصل ما يحصله يكلم سمر كل يوم .. عشان كذا مصخهااا

فيصل : اقوووول سمر لحظه

سمر لفت عليه بسررعه وهي ما ودها تروح من عنده : هلاااا

فيصل : متى تروحين للمدرسه بكرا

سمر : نفس دااايم على توقيت ثانويتكم

فيصل : اهااا لانه تغير توقيت دوامنا .. ومو عارف متى بكرا اوصلك ؟؟

سمر : سبعه وربع انا جاااهزه ..

فيصل : صااار ..

سمر لفت تبي تدخل

فيصل : اقوول سمر

سمر مبسووطه عليه يبيييها وما يبي يفااارقها

سمر : سم

فيصل : طيب متى تطلعون ..

سمر ابتسمت :.. بكرا عندنا ست دروس يعني ثناعش ونص

فيصل : حلووو انا عند الباب

فيصل : اقوول سمر قبل لا تروحين انتي اضفتيني على ايميلك

سمر : ايووه ابيك تعلمني كيف اسووي السبيس صراحه عجزت افهم له قلت اكيد تفهم له انت

فيصل : اكيييد وراح تبدعين فيه ان شاء الله

سمر حست انه مصخهااا يكفي لازم تثقل

سمر : انزين عن اذنك

فيصل حس انه مصخها بعد .. يكفي ولله لو انها اخته

فيصل : اذنك معك ..


:::::::::::::::::::::

فيصل دخل وبيده عشاه وظامن ميه بالميه انه سمر اللي مسويته ..

شغل فلم lucky you طفى الأنوار وجلس في عالمه الرااايق وباااله مع سمر

...........


ام فيصل وام سمر جالسين في الصاله وسواليف ودق حنك

فجاءه

طرااااااااااااخ

ام سمر شرقت بالشاهي

سمر تصارخ معصبه : ماما ممكن اعرف ليه ما قلتي لي انك من زمان جايه

ام فيصل : تراقب المشهد وهي تضحك من جوا

ام سمر : عاادي حبيبتي دخلت بس انتي ما انتبهتي لي وشفتك مشغوله تسوين لك عشى قلت خليها براحتها

سمر : العشاء اللي سويته مو لي لفيصل .. هذا اولا ثانيا ً المفروض تدخلي تسلمين علي ما شفتك طول اليوم

ام سمر : اقول سمر لا يكثرر اقعدي وقولي لي وديتي العشاء لفيصل

سمر : ماني قاعده وراي اشغال فوق ..

ام سمر : طيب وديتي العشاء

سمر : ايه ,, لو انك قايله لي انك موجوده كان عطيتك تودينه بس الشكوى لله

ام سمر : حصل خير يا بنت الحلااال

سمر تسووي عاقله وثقيييله وانه فيصل ما همها بس كل هذا تمثييييل

سمر : هذا خير يرضيك دخلتي وطلعتي على الولد كذا عشان غداء وعشاء

ام سمر : طيب يا حياتي اذا بتروحين لمه مره ثانيه البسي جلاال ولا غطى على راسك

سمر ما اعجبتها الفكره صرفتها : يصير خير ..

رقت سمر فووق وتسووي معصبه .. و مبين من حركاتها انه تمثيل .,, وما مشت هالحركه على امها وخالتها

ام فيصل : هههههه يا حياة الشقى .. مشاء الله .. الله يكملها بعقلها بس مبين كلامها مو من قلب

ام سمر : يا شيخه اعرف بنتي بتسوي ثقيييله .,, ما تبي تبان خفيفه عندك او عنده او عندي حتى ..

ام فيصل : اقوولك عـــقـــل يووزن بلد

ام سمر : ايييه الله يسمع منك

::::::::::::::::::

سمر دخلت غرفتها وتنهـــــــــدت طااايره من الفرحه شافته وتكلمت معاه ووكلته بعد ..

جلست على النت شووي بعدين نامت ....

::::::::::::::

:::::::::::::::::::::::::

الباب اللي استند عليه محمد انفتح بسرررعه

طاح محمد على طول على ورى ما امداه يشيل نفسه من سرعه فتح الباب ..حس نفسه في حضن شخص ما يعرف مين هو ..
ما يقدر من الألم والصداع يفتح عيونه حتى
مرام تجمدت ..وكش جلدها ما تعرف كيف اللي حاصل معها صار فتحت الباب على نياتها وفجاءه طاح عليها وطاحت معه من ثقلت جسمه على جسمها ..

تجمدت مرام ما تعرف ايش تسوي معه عرفت انه محمد وعرفت انه قاعد يتئلم

كانت جالسه على ركبها وترجف محمد رآسه على صدرها وظهره على رجولها

مرام ما قدرت تبعده عنها او تلمسه خااافت من نفسها ومن الموقف ومنه ومن اخوها يدخل ويشوف المنظر .. اما هو كان حاس انه فيه شخص مستند عليه وعرف انها بنت بس ما عرف مين والألم اللي في رآآسه ما سمح له يفكر حتى

::
مرام شافته وهو يتألم خافت منه ومن نفسها وخافت عليه بعد !!

محمد كان يتألم وبكل ألم فتح عيونه وشاف وجهها .. حس انها تقويه على الألم اللي ما يعرف من وين جاه

صمت .. هدوء .. خوف .. وراحه

بذاك الموقف

مرام كانت لافه المنشفه على جسمها فكتها من جسمها ولفتها خلتها زي الوساده وشالت راسه بشويش وحطتها مكان رجولها اللي محمد حاط راسه عليهم اسندته على منشفتها بهدوء و بخوف منه وعليه !!

اخذت اغراضها وطلعت بسررعه من الصآله ..خايفه بس ما تدري من ايش ..

دخلت الفله وهي تركض ظلت تدور على اقرب غرفه و دخلت فيها وسكرت الباب عليها وظلت تهدي نفسها مو مستوعبه اللي صار كانت يدينها تررجف ومو على بعضها البنت ..
جلست على اقرب كنبه وهي حاطه يدينها على صدرها وتتنفس بقووه من الخووف
مرت اكثر من عشر دقايق لما استوعبت مرام شالي صار ..طلعت بسرررعه تركض ..

مرام : اروى .. اروى لحقي

اروى فزت من مكانها كانت منسدحه ومسترخيه ورايقه لأبعد مدى عند التلفزيون لما شافت شكل مرام فزت من الخوف

اروى : خير ان شاء الله وش فيك كذا ليه منصفقه وكأنك توك طالعه من فلم رعب

مرام : مافيه شي بس لما جيت ادخل الصآله لقيت اخوك محمد فيه وطايح على الأرض

اروى : اااايش ليه وش فيه

اروى في نفسها : غرريبه شكل جسمها وشعرها مبللوين كيف

مرام : مدري ولله تكفين روحي شوفيه

::::::::::::

اروى ركضت لصآله الرياآضه اللي فيها المسبح
اروى دخلت .. وشافت محمد منسدح رجوله طالعه اما باقي جسمه فكان جوى غرفه التبديل
دخلت زياده شافت محمد مستند على منشفه مرام .. فهمت الموضوع من يوم شافتها

اروى : محمد محمد قووم واللي يرحم والديك قوم لا تخرعني عليك

محمد : ..

اروى : محمد قووم لا تخووفني عليك ادق على الأسعاف

محمد كان يتحرك يمين ويسار من الألم ..

محمد : ما فيه شي .. ما فيه شي .. لا تدقين على الاحد

جلست جنبه وقاعده تحاول تساعد اخوها بأي شكل

محمد وكانها انفكت حديده من على راسه وراح الألم فجاءه

محمد : آآآآه يا ربي وش هالألم

اروى :آآهااا اثااريه مقلب من مقالبك ولله اني عارفه جتني مرام تركض وبعيونها الصياح تقول محمد مدري وش فيه <<<قالتها عفويه ما تلمح لأي شي

محمد وهو منسدح ما قام يحس نفسه مرتاح كذا بس لما سمع اسم مرام فز من مكانه

محمد : مو مقلب ما سويت مقالب ..!! مرام وش فيها !!؟؟

اروى حست بنفسها : ولله مدري عنك مقلب مو مقلب بس لا تكررها ثاني <<تضيع السالفه

محمد : لحظه لحظه تعالي انتي مرام بنت خالتي كانت هنا

اروى : مدري ولله ..

طلعت وتركته لما حست انه ما فيه الا العافيه

::::::::::

اروى لما جت تطلع

الا تصدم بمرام

اروى : مرام انتي من متى هنا

مرام : هاه.. وشو.. ايه . . مدري <<كانت موجوده من زمان بتشوف وش صاير بمحمد

اروى : وش اللي ما تدرين انتي من متى هنا ؟؟

مرام : اييييييه جيت اخذ منشفتي

اروى ناضرتها بشك : آآهآآآآآآ منشفتك استني ادخلي معي للفله لما محمد يدخل وتاخذينها

مرام : محمد ..هههه غريبه ما طلع <<متووتره بشكل

اروى ناضرتها بشك زي قولت يعني ما تعرفين : لا ما طلع لسه

مرام : طيب وش فيه ؟؟

اروى : وانتي وش يهمك

مرام : هههه لا ما يهمني بس اسال <<لساتها متوتره وترجف

اروى : شكله صدااع خفيف بس

مرام : آآآهااا الحمد الله على سلامته عطيتيه بنادول

اورى مستغربه منها ومرام ناسيه نفسها تتكلم بعفويه

اروى : لا هوا معاه تعالي ندخل

دخلو ورقت مرام تبدل وتحس شي جديد دخل حياتها فجاءه

::::::::::::

اما محمد
...
محمد قام بيطلع من الصآآله شاف المنشفه اللي مستند عليها لونها احمر سااده بس من الطرف مكتوب اسم مرام بالأنجليزي بخط مرتب وحلو باللون الابيض mram وبجنبه ورده بيضا صغيييره محمد ابتسم ابتسامه طلعت من قلبه وحس روحه هيمااان وذااايب فيها مو بس عاجبته .. شال المنشفه معااه واخذها وشكله ناوي انها تصير ملكيته الخاصه وماهي راجعه المنشفه لمرام . .

محمد دخل غرفته وهو ذاااااااااايب رااايح ملح الولد يحب مرام معقوله ؟.؟ يمكن مدري بس لا تستغربوا منه شي يمكن ما يحبها بس فيه شي براسه . . بس يمكن حبها لا تظلموا الولد يمكن لاكن محمد الحب بعيد عن قلبه لانه يكلم بنات كثير ويحسهم خوونه لأهلهم ولأنفسهم وما تلقى الوحده تكلم واحد ولا اثنين عشره يمكن هالشي خلاه ما يحب بس يونس نفسه لاكن يمكن مرام تكون اول بنت تملك قلبه .. !!

انسدح على سريره ورامي منشفه مرام على وجهه ويتذكر ويفكر في الموقف ستين مره وما مل ولا طفش

((رجعوا الحريم من المشفى الا ام فيصل وبدر وليث))
<<مدري وش الغايه من قعدتهم فيصل في غيبوبه >>


ماجد دخل بهدوء لغرفه محمد يبي يقوله عن اللي صار

محمد مو حااس بوجوده ويتكلم بصوت عالي : آآآآآآآآآآآآه يا لبيه يا مرررااااام يا حيااااتي شكلي بحبها من قلب هالبنت ..وزين جنبي وقريبه مني بعد ..يالبيه يا خالتي ام بدر انوااع التلزق ان شاء الله ..

ماجد في نفسه : الحمدالله فيصل في المستشفى وحادث وش كبره وهذا الصايع عايش بعالم حبني واحبك

ماجد : احم احم

محمد فز من مكانه وبعد المنشفه يبي يخفيها .. بس وش عقبه حس انه فات الفوت لاكن حاول يخفي اسم مرام .. بس ما يجي ماجد سمعه .. وما يحتاج يشوف شي

ماجد : هلا محمد وش اخبااارك

محمد : ززين الحمدالله

ماجد : ايييه اجل الحمدالله .. مين منشتفه هاذي لا تقولي منشفتك

محمد : هاه .. ايه ..لا لا.. هاذي شريتها

ماجد : اييه شريتها غرريبه ولله ذوقك غريب منشفه بنات ..

محمد : المووهم لا تشغل بالك وين العيااال ؟؟ <<يضيع السالفه

ماجد وهو تعباان وضايق خلقه : فيصل في المستشفى

محمد بالهجه خووف : فيصللللللل واقول وينه مختفي وش فيه ؟؟؟؟؟؟؟؟؟

ماجد : صار له حادث وحادث مو هين بعد ..

محمد : وش صار له اللحين

ماجد : داخل في غيبوبه يمكن تطوول لأكثر من ثلااث سنين

محمد انصفق وجهه وضاقت فيه الدنيا تذكر ايام فيصل الحلوه والمره اللي كان يعيشها معهم كان مسووي جوو والكل يحبه من يوم تزوجت سمر وهو متغير ودايم ما ينشاف قليل الواحد يشوفه واذا شافه حزين وكأيب

محمد : انا لازم اشوفه في أي مستشفى

ماجد : في الحمادي روح شوفه الله يسهل عليك <<وهو يتنهد بيأس

محمد طلع وركب السيارة وهو يلعن في سمر اللي سوت في فيصل هالسوات ما يدري انها مغصوبه ما يدري انها مظلومه ما يدري انها مع شخص كل بنت تحلم فيه والى الان مع فيصل بقلبها ..

::::::::::::::::

الساعه 3 العصر

في فله الحريم ..

مرام تحت الدش وتغني مبسووطه اليوم يووم سعدها فرررحااانه حست بأكشن داخل حياتها طلعت من الروتين والملل اللي هي فيه ما تدري اللي صاير في فيصل واللي صاير في العايله تحت هو الأكشن بعينه .,. ,

إضاءه البيت منخفضه وما فيه صوت لجه وصجه زي دايم .. التلفزيون مسكر .. المسجل مسكر حتى السواليف محد له خلق يسولف ..

الكل جالس وساكت كأنه عزاء ..

الكل فاهم قصه فيصل وسمر والكل عارف بحبهم .. والكل عارف ان فيصل اختفاء فجاءه بسبب زواج سمر .. والكل عارف ان زواج سمر هو سبب وجود فيصل في العنايه اللحين ..

بس احد تكلم ؟؟
.. احد اعترض ؟؟
.. احد طلع سمر من اللي هي فيه ؟؟
.. احد وقف مع فيصل في أزمته ؟؟

محـــــــد !!

لما فيصل صار بين الحياة والموت ولو عاااش بيعيش فاقد نص حياته نص حياته او كل حياته اللي تكملها سمر بوجودها ..

كل هذا بسبب .. طغياان طااغيه محد وقف في وجهه ..

طلال ماله ذنب ماله شغل .. محد فهمه .. .. ما كان فاهم او عارف وش حاصل في رفيقه .. او وش حاصل بالعذراء اللي معاه ومرتبطه فيه ..
كان يبي يكوون اسررره وعايله ويعيش زي أي شخص كان يبي يتزوج الأنسانه اللي يحبها بس ما قدررر .. نساااه أوحاول يتناسااااه وعشان يتنسااهااا قرر يتزوج بس للأسف زواجه ما خلاه ينبسط ..
لاكن خلااه يتعهد نفسه بوعد .. بتبراء من نفسه اذا ما سواااه .. وهو انه يخلي انسااانه ما تطيقه وقلبها معلق بشخص ثاااني .. تحبه !!



امـــا مــحــمد

فهو معدوم الثقه بالجنس الآخر ويعاني مشكله في انه يحبه او يثق فيه .. لقى نفسه في حضن انسانه تشك فيه وتحسه اكبر خاااين في الدنياااا .. ماااايل لهااا بس مو عارف اذا هو حب ولا لا ,,,



و مااااااااجد وما ادرااااك ما ماجد ..
لقى انسانه ضااايعه في دنيا مليانه وحوش .. لقى انسانه غرقاااانه في وحل وسخ .. تبي تستنجد في أي شي ,,

,,,اعتبرها اخته وغار عليها زي ما يغار على اخته ,, تعهد نفسه انه يطلعها من اللي هي فيه .. بس يا عرف انها تعرفه وما يعرف انه بينهم صله قرابه عن طريق سمر


ليث وبدر .. ما زالوا غامضين وما نعرف عنهم الكثييير





:::::::::::::::::

كل البنات تحت مع امهاتهم واللي بالمستشفى رجعوا ما ظل الا ليث عند فيصل .. ..الحريم جالسين في الصاله ولا كلمه ولا حس الا مرااام اللي في غرفتها فووق تاخذ لها حمام بارد وما عندها أي فكره عن اللي صاير تحت وضاايعه في عالم حبني واحبك ..,,

ام ليث : طبعاً كلنا عارفين ان الخبر هذا ماهو واصل لسمر .,,

ام محمد : بس لازم تعرف مو هي من العياله

ام ليث : ما يحتاج ابرر السبب الكل عارف ليش ,, هي خلوها تعرف من نفسها ,,

ام بدر : كلامك عين العقل

ام ليث : سامعين يا بنات ,, اذا وصل الخبر لسمر عن طريقكم مو حاصل خيررر,, ..
والحاظر يعلم الغااايب

رفيف : ان شاء الله خالتي مو صاير خاطرك الا طيب ,,

ام ليث : والنعم فيك ,,

ام ليث : اتوقع محد له نفس يتغداء ,,عشان كذا ما فيه غداء اليوم واللي جايع يدخل المطبخ في كل خير ان شاء الله ,,

ترررن ,,, تررررن

,,,ترررن ,,,


((التلفون يرن ))


ام سمر : انا برد ,,

ام سمر بصوت فيه بحه : الوو

سمر ومبسوووطه : هلاااااااااااااا وغلاااااااااااااااا يـــــــــــــــمـــــــــــه وووووووحشتيني

ام سمر وتعدل صوتها : هلا سمر اخبااارك ؟؟

(( كل اللي في الجلس تغيرت وجيهــهم لما سمعوا اسم سمر ))

سمر : الحمد الله يمــه بخيررر انتي وش اخبااااارك .؟؟

ام سمر : الحمدالله يمه بخير

سمر : يمه حنا بكرا ماشين تركيا ,, وبجي على المغرب اسلم عليكم قبل لا ارووح

ام سمر : الله يسعدك يا بنتي توصلون بالسلااااامهــ ان شاء الله

سمر : طيب اخليك الحين طلال يناديني ,,

ام سمر : هلا ولله ,,

((سكرت السماعة))

ام ليث : وش فيه ؟!؟

ام سمر : يبي يسافرون ,,

ام ليث : يووه الحمد الله جت من الله ,,

ام سمر : بس بتزورنا اليوم ,,

ام ليث : هيي !! ليييش ؟؟

ام سمر : بتسلم علينا قبل تمشي ,,!!

ام ليث : طيب متى بتجي

ام سمر : على المغرب كذا ,,

ام ليث : ولا كلمممه سامعين ولا تدري خليكم طبيعيين

مرام لابسه شب شب زنوبه على قولتهم ورديه ومطرز بفضي وتنوره تفاحيه ووسيعه كأنها فستان وبلوزه ماسكه على جسمها وفتحت الصدر كبيره شوي ميك اب خفييييف وشعرها كيرلي كالعاده طالع شكلها كيووت بس مو وقته ..

نزلت من الدرج بسرررعه وتصبخ بنعالها الدرجات وهي مبسووطه على الصووت رااااايقه اليوووم وفرحااانه والدنيا مو واااسعتهاااا

مرام : اهلن !!

:.....

مرام : اوف اوف اوف حتى خلاااتي ما يسلموون وش دعووه وش فيكم وش هالكأبه تبون اغني لكم ارقص لكم ,, شي يوسع الصدر

: .....

مرام : وش فيكم انتم ليه كذا حزينين

(( مشكله مرام ما تفمها على الطاير ))

رفيف قامت من مكانها وسحبت مرام على الصآله الثانيه ,,

مرام : أي أي بشووويش انتي شوي شوي علي

رفيف : مرام ممكن تعقلين شووي

مرام وانتبهت انه فيه حاجه ما تدري عنها

مرام بخوف : ليه رفيف وش فيه ؟؟

رفيف : فيصل ولد خالتي صار له حادث كبيررر وهو في المستشفى الحين وداخل في غيبوبه ما ندري متى يصحى منها

مرام : يا سااااتر ومتى هذا صاير ,,

رفيف : الحادث صاير من كم يوم بس توه يوصلنا الخبر ,,

مرام : طيب سمر عارفه

رفيف : لا وإنتبهي إنتبهي تعرف ,,

مرام : لا يمر لازم تعرف

رفيف : لا يا حبيبتي واذا اغمى عليها وهلوست انتي تعرفين سمر تعشق فيصل عشق مو بس تحبه ,,

مرام : بس ظروري تعرف حاجه تخصها لازم تعرف ,,

رفيف : مرام انتبهي تتهورين وتقولين لها ,, سمر ممكن تتطلق من زوجها,, لو عرفت اكيد ماهي ساكته ,,

مرام : رفيف انتي كيف تفكرين هاه ما تستحين على وجهك ما عندك قلب ما تحسين قلبك حجر حطي نفسك مكان سمر ,, كيف بيكون موقفك لو خبوا عنك انه ولد عمك في المستشفى انتي ما تعرفين ايش يعني حب ياقاسيه ,, فيصل نصف سمر وسمر نصف فيصل اذا ما قلنا لها حنا قلبها بيقول لها فهمتي ,,

رفيف وكأن احد سطرها كف على وجهها ,,

مرام : اتمنى تراجعين نفسك ,,

مرام اقفت عنها وتركتها ,, دخلت في الصآله ,, وحدها معصبه من تفكير رفيف ,,

مرام : سمر لازم تعرف انه فيصل في غيبوبه فاهمين ولا لا عاجبكم مو عاجبكم ولله هذا مو شغلي

ام ليث : مرام احترمي نفسك واحترمي اللي اكبر منك ,, سمر ما هي عارفه لو على قص رقبتي

مرام : معليش يا خاله اسمحي لي انا لازم اقول لسمر ,, حتى لو هالشي يزعجك

(( ام محمد اعجبتها مرااام تدافع عن رايها بكل قوووه ))

ام بدر اللي هي ام مرام : مرام اعقلي سمر ماهي عارفه بهالموضوع تبي تعرف من نفسها

مرام : معليش يمه اسمحي لي ما اقدر انا بقولها بقولها

ام ليث تطالع مرام بنضرات تهديد : مرام اسمعيني زين ,, سمر بتجي هنا المغرب تسلم علينا قبل لا تسافر لا تعكري عليها مزاجها ,, خليها ولا مو حاصل لك خير

مرام : آسفه يا خالتي ما عاش من يهددني ,, وسمر اذا ما حنا قلنا لها هي بتعرف وبتضيق فيها وبيتعكر مزاجها بدون حضرتي ,,


مشت مرام فووق وهي معصبه ,,

ام ليث : لا احد يدخل في الموضوع خلوا الموضوع علي اذا سمر عرفت ماني مرتاحه ,,

رفيف واقفه مكانها اللي تركتها مرام فيه ,,

ام ليث : رفيييف يا رفيييف وين انتي

: ... . . . محد رد عليها

مشت ام ليث وهي رافعه جلابيتها ,, وتدور على رفيف ,,

لقتها واقفه بالصاله الثانيه وما تحركت من مكانها ,,

ام ليث : رفيف ,,

رفيف بعيونها الدموووع وجهها احمر وكأنها فتحت عيونها على شي او واقع من زمان مغمظمه عيونها عنه وما تشوفه ,,

رفيف : ....

ام ليث بصرااامه : رفيف وين مفتاح غرفتكم

رفيف بدون ما تناظرها : ما ادري

ام ليث تصااارخ : رفيف وين المفتاح ,,

رفيف بهدوء وما تغير شي في شكلها : ما ادري !!

ام ليث حست ما منها فايده ,,

مشت وتركتها ,,

ام ليث : ستفاااااااااني ستفاااااااااااااااااااني

ستفاني الخدامه : يس مدام ,,

ام ليث : ويرز كي ((روم )) مرام اند رفيف ؟؟

ستفاني حست ام ليث معصبه وبتنفجر على أي شي قدامها : ون منت مدااام !!

ام ليث : بسرررررررررررررررررعــــــــــــه

مشت ام ليث لصآآله مره ثانيه ,,

ام ليث : ام بدر وين جوال بنتك ؟؟

ام بدر: معي وش تبين فيه ؟؟

ام ليث : ما ابي فيه شي بس اهم شي انه مو معها ,,

ستفاني تركض لأم ليث ,,

ستفاني : ذس از كي مدام ,,

ام ليث : اوكي خلااص روحي شغلك ,,

ام ليث اخذت المفتااااح ورقت لدور الثاني وهي تسابق نفسها ,,

وآآخيرررررااا

وصلت لغرفه مرام ورفيف ,,

قفلت الغرفه ,,

نزلت تحت ,,

(((ما تذكركم بساندريلا لما قفلت عليها زوجة ابوها ^_^ هع ))


دخلت ام ليث الصآآله وهي تتنهد .. : وموضوع مرام انتهينا منه

:::::::::::::::::::::


تابع في البارت الثاني عش

{ البــاآرت الثاني عشر **

فيصل بين الأجهزه ,, ومشبك في جسمه مليوون سلك ,,

تعبت رروحه من عذابه مع سمر ,, ويبيها ترتاح لو على الأجهزه ,,

كان يشوفه من القزازه وهو بين الأجهزه

: حسبي الله عليك ياسمر حسبي الله على اليوم والساعه اللي جيتي فيها ,,

كان متألم ويبكي عليييه ومحرووق عليه ,,

: معقول الحب يسووي كذا معقوووله ..؟؟

محمد يكلم نفسه : معقول اذا حبيت مرام راح يصير فيني نفس اللي يصير في فيصل اذا بعدت عني ولا فيصل من نوع خاص ,,,,ّّّّّّ,,,ّّّّّّ

::::::::::::::::::::::::::::::

لا يا محمد فيصل من نوع خاص ,,,

::::::::::::::::::::::::::::

في بيت طلال ,,

سمر في غرفه النوم جالسه على ركبها وتشيل الملابس من رفوف الدولاب لشنطه ,,

طلال طالع يجيب كم شغله من برا وراجع ,,

سمر تكلم نفسها والدنيا مو واسعتها : ياأأأآآإإي بسااافر ماني متخيله اني بسافر برا المملكه ماني مصدقه ,, ولا وين بعد ترركياا يا ووويلييييه بس

سمر مبسوووووووطه ماهي مصدقه نفسها اول مره تسافر سياحه كل سفراتها

عزاء + ابوها يبيها
+خالها بيبيها + امها تبيها
+ تحضر زواجات خواتها من ابوها غصب عليها ,,,

هاذي سفراتها ,, عمرها ما سافرت تتمشى ولا تشوف العالم , ,

طلال وقف السياره عند موقف حلووو نزل وشايل كيس في يده ,, قفل السياره ودخل المفتااح في جيبه ,,

فتح باب البيت ودخل ..

جلس الكيسه اللي في يده على اقرب كنبه عنده ,,

طلال يدور في عيونه عن سمر ,,

طلال : سمررر قلبي وينك سموورره وين انتي ؟؟

سمر سمعت صوت طلال ,,

سمر تصارخ : طلاااال تعال انا هنا في الغرفه

طلال مشى لما وصل غرفه النوم دخل وشاف سمر تشيل ثيابه من دولابه وتصفطها وتطرقها وتحطها في الشنطه .,

طلال : الله " الله " ايش الدلع و ايش الحلا هذا

سمر مستغربه : شوو أي دلع

طلال : يا بنت الأيه طالعه أليييمه

سمر تناضر في نفسها مستغربه

سمر : طلال ايش قاعد تتكلم عنه انا كذا دايم

طلال : لا لا يا حياتي انتي اذا بغيتي تروحين اهلك عرفتي تتسنعين ولا عندي ما تعرفين المرايه ,,


((سمر كانت مستشوره شعرها ومع الأستشوار يطول الشعر فصار الى نص ظهرها لابسه شيال على شكل فستان طوله الى ركبتها لونه زيتي مايل للأسود وبلوزه تحته لونها اصفر حليبي وتحت الشيال شراب طويل يغطي سيقانها ,, ومقطع اللي يصير كأنه شبكه لونه زيتي نفس لون الشيال ,, وبيدها اساور على شكل ربطات وكأن يدها مربطه مكياجها فاتح وخفيف مكياج نهاري تقريبا شكلها بسيط وهادي ,, ))

سمر : هههههه يا حياة الشقى هذا اللي مكدر خاطرك وبعدين تعال أي كشخه واي تسنع تقول عنها تراي مرقعه ,,

طلال ابتسم لها بحب بدون ما يتكلم

مشى لسرير وجلس على طرفه ,,

السرير تقريبا قدام الدولاب

طلال جالس على طرف السرير وسمر واقفه قدامه تضف العفش

تأملها شوي وهي تشيل وتحط اللأغراض

اعجبته حسها سنعه وتعرف تنظم امورها وتقدر تدير عايله وتكون ام يضرب فيها المثل ويعتمد عليها بتربيه عياله

طلال وهو يطالعها وين ما تروح وين ما تجي : اقوول سمر

سمر ما نظرته تكلمه وهي تشتغل : سم

طلال : سم الله عدوك .. جهزتي اغراضك

سمر : ايووه جاهزين ومطلعتهم برا ,,

طلال : واغراض مين اللي قاعده تلمينهم

سمر : هه هذوال ؟؟ هذولي ملابسك

طلال : مشاء الله توي ادري انك سنعه كذا ,,هذا وانتي متزوجتني غصب عليك اجل لو انك تبيني ؟؟

سمر فقعت ضحك : هههههههههههههههههههههههههههههههههههههههه ههههههه

طلال مستغرب ليه تضحك كذا ,,

سمر : هههههههههههههههههه الله ياخذ شيطانك يا طلييل

طلال : ترى ما يستاهل هالضحك

سمر : اول مره احد يقدر ويحس اني سنعه ,,وبعدين تعال ترى انا ماني خدامه عندك اضف عفشك بس عشان يمديني اقعد عند اهلي اكبر وقت ممكن مو تضيع الوقت وانت تضف اغراضك ((قالتها بلهجه مزح))


طلال وهو ماسك ضحكته : آآآهآآآآ عشااان كذااا

سمر كانت تناضره وهي تتكلم
بعدين لفت لدولاب وشعرها تحرك معها بخفه وقالت : آآيوووه عشااان كذا ,,


طلال تنح فيها عااااجبته بكل ما تعنيه الكلمه خاااق عليييهااا ,,

طلال ظل وقت جالس على السرير ويتأمل سمر وهي تضف الأغراض وساكت وهي ما تنازلت تكلمه ,,

سمر تضايقت من وجوده : اقول طلال تبي شي ؟؟

طلال : هآآه ابي شي ؟؟ زي ايش

سمر : اممم ولا شي لا تهتم كم الساعه اللحين

طلال رفع يده يطالع الساعه : اممم خمس ونص

سمر : آآآوووووووه ,, وآآخيررراااا خلصت مجهزتهم ,, يلااا نمشي يالله يمدينا على ما اوصل بيت خالتي ,,

طلال : طيب البسي عباتك وانا بطلع الشنط برى ,, اتفقنا ؟..؟


((سمر متضايقه من لهجته يجبرها انها تعطيه وجه حتى لو ما تبي ))

سمر : اوكي انتظرك ,,

طلال شال الأغراض شنطه شنطه وركبهم في شنطه سيارته ,,

بعدين دخل البيت عشان ينادي سمر

::::::::::::::