يلقب نفسه بـ " العادي جداً "
ويلقبوه محبيه بـ " الغير عادي جداً "
شاعر يكتب بقطرات من المطر العذبه
وأسلوب ملئي بشاعرية الشعر ومايحمل من مشاعر
لن أجيد الحديث عنه فكلمات شعره هي شهاده لصاحب قلم يفيض عذوبه
ولا كلمة !
أبسمعها .. من عيونك ! أبي تنطقها .. بجفونك ..! أبي هالليل .. من دونك يدوّر عن .. دفا حلمه ! أبسمعها ..! و أبتبعها ..!
و
أبي تنثرها في روحي ..!
عشان إن غبت عن عيني .. أروح بلهفة و أجمعها ..!!
أنا وإن غبت ( مابيني ) !!
ولا تسأل بعد .. ( ويني ) !!؟
لأن إن جدت بغيابك .. وربي ماأحس ( فيني ) !
ولا كلمة !
أبيها من كحل عينك ! أبيها من دفا .. ايدينك ! أبيها .. لاطغى زينك ... وهد ّ الروح .. من ظلمه ! أبيها لاتقابلنا ..!
وعلى أنفاسنا ... مِلنا !
أبيها .. لاابتسم قلبي .. وحنا بحب .. مازلنا ..!! أبيها .. إن سال لك .. دمعي !
وصوتك .. يشربه .. سمعي ..!
أبيها .. لين مانسكت ولانلقى ...
ولا كلمة !!
تعالي .. وامسحي دمعة من عيون ٍ ... بكت فرقاك .. .......... تعالي .. قبل ماأصبح .. فـ عالم حزني ... المسجون ..!
عجزت اضحك على قلبي واقول إني قدرت انساك ! ............... أبي أنساك ! لكنّي مع نفسي ... أقول .... اشلون ..!!؟
بعد ماضيّعك قلبي ... بعد هالوقت ....../.. ماودّاك ...............تلطّم .. وجهي الباسم .. وفرّع / وجهي .. المحزون ..!
تعالي وانزعي جرح ٍ نمى فـ ضلوع .. من يهواك ! .................... أنا من ( طحت في يدّه ) ظلمني ظلم ! ../ هالملعون ..!!