09-30-17, 08:13 PM
السلوك الاجتماعي المنافي للمعتاد في حياتنا... من المسؤول؟ السلام عليكم جميع ،،
بتكتب بالعاميه عشان ما أغلط بكلمة أو شيء
وأكون سلِسلة بالتعبير وأوصّل المقصود من طرحي للموضوع ،،
طبعًا كثير من الأشياء الغريبة والعجيبة اللي انتشرت بأيامنا هذي
وكثير من السلوكيات والفوضى صارت في زمننا هذا
طبعًا نزل موضوع قيادة المرأه كـَ الصااعقه علي شخصيًا
انا ما راح اتطرق في كافة المضوع لهذا القرار وبس !
لا لا أشياء كثيرة ، منها تصرفات الناس هالأيام لكنه أكثر شيء معور لي قلبي
وتحليل الحرام وكأنّه شيء عادي
تحت مبدأ :" الكل يسوّي كذا "
يعني ما أدري إيش ممكن أوصف الناس في هذا الزّمن
ومش عارفة وين ألقى شيء يعبّر عن اللي يصير ..
إحنا أمة عظيمة أمة محمد صلى الله عليه وسلم
أمة ماهي زي باقي الأمم
ربي أكرمنا بالإسلام
وميزنا بالعقل والدين عن الغير إنتِ وأنتَ وأنا لازم نقرا تاريخنا قبل 10 سنوات وتاريخنا حاليَّا
شوفوا كم من الفتن صارت موجوده بعد هالفترة
كم من المتاعب والمصايب اللي نشوفها ونسمعها
زمان كان في جهل وفيه قلة تعليم لكن كانت الحياه بخير
وحاليا في علم وتعليم لكن وضع المجتمع كل ماله في سوء !!
ليش ؟
من المسؤوول ؟
من السبب اللي وصلنا لهالحال ؟؟؟؟
الأمر السامي اللي جانا الاسبوع اللي فات عن قيادة المرأه
قرار صائب وسليم
لكن !!
لمن صدر هالقرار ؟
من اللي محتاجه من فئة الحريم ؟
مو للكل ، انتي بنت يلا سوقي
لا لا لا
القرار هذا لأم مسكينه عندها أطفال وزوجها ميت او مسجون
ولا عندها أحد يخدمها ويلبي احتياجتها هي واطفالها
القرار هذا لحرمة مطلقه ولاعندها اهل يخدمونها
القرار هذا لبنات ابوهم ميت واخوانهم ما يفيدونهم بشيء
رجال بالاسم بس للاسف
القرار هذا للي محتاجين صدق
مش لكل من هب ودب !
كثير في التواصل الاجتماعي ماخذين المضوع بمهزله للأسف
وكثير منهم ما عندها عقل وهمها بس تسوق
و تكسر وتهين رجولة ابوها واخوها او زوجها وتطلع
ليش تطلعين وانتِ مو بحاجة ولا فيه شيء يحدك !
ليش ما تبقين جوهرة في بيتك وبأدبك وبأخلاقك
وخلي تربية دينك وأبوك وأمك تثمر فيك !
إنتِ أميرة وملكة دام أبوك موجود ومش مقصر معك
دام أخوانك تحت أمرك ويلبون لك إحتياجاتك
دام زوجك محترمك وحاطك تاج على راسه
ماله داعي يا سمو الأميرة تطلعين وتضيعين كل هالطّهر
تحت مبدأ :" أمر ملكي "
دامك مش بحاجة فلا تسوينها يا جميلة الحين إبدعوا في الإجابة على هالسؤال : السلوك الاجتماعي المنافي للمعتاد في حياتنا... من المسؤول؟
وبالتحديد موضوع سواقة المرأة .. ؟
كلن يبدع بنظرته للموضوع
كلن يناقش بمبدأه وتفكيره .. دمتم بودِ يارفاق .. كلمات البحث جامعة الإمام عبدالرحمن بن فيصل ، واجبات ، ملخصات ، ملازم ، أسئلة ، جامعة ، كوفي كوب
hgsg,; hgh[jlhud hglkhtd gglujh] td pdhjkh>>> lk hglsc,g?