نبذه عن الشاعر ,
هو سعد بن جآبر بن علوش الهآجري ,
كويتي يقال أنه من أصل سعودي ,
وآآحد وثلآآثين سنه ,
يعد من أهم شعرآآء جيله ويتميز بشآآعريته
وبكتآآبة قصآآئده بختيآآره للكلمه وإنتقاؤه لها ,
وذآلك بما يمتلكه من قوة التعبير وصدق المشاعر
خآآصه وان كل مآآيدور في ذهنه ويكمنه قلبه تفيض به
حنجرته وآرى أن ذآلك هم سبب نجآآحه , فنجآآحه في تميزه
وابداعه لذآلك يصعب مقآآرنه سعد بغيره ..!!
{ .. من قصآآئده .. }
[ ..إخذيني .. ]
إخذيني إليا عجبتك بس رديني
وإن ما عجبتك خلاص اخذيني
مابيني مدامني شفت فيك الطهر والعفه
بعيف نفسي ليا منك كرهتيني
اخذيني لو اعتبر من ضمن اشيائك
وانا بحبك ولا لازم تحبيني
لا ابي علاقه ولا ابي نظره و بسمه
إحساسي اني بقربك بس يكفيني
لو اني انضفت الى اشيائك غصب عنك
طلي علي ياغناتي لا تخليني
تراي لا جاء المصامد ماني بهين
تقول كل العرب لعبه بيديني
شخصيتي من غرابتها وطيبتها
كن الزمن في تحدي بينه وبيني
اخذيني الشاعر الي ما صدق حظه
لا قلت يا حظ وينك قال يا ويني
اخذيني المبدع المتفلسف التحفه
مؤمن و تضحك على العالم شياطيني
شهرة سكسبير وأفلاطون ونيوتن
لاقلتلي بيت شعر تطيح من عيني
واخذيني العنصر الي صدق متعنصر
من دون ربعي لو اقطع شرايني
واخذيني اللي ليامنه طلب يعطى
وتكفين ليا من طلبتك لا ترديني
تكفين يا غايتي يا بهجت الدنيا
ابحرق قلوب ناس ما تدانيني
اخذيني بكل شوق وقولي احبه
وان شككو فيك ولا في ضميني
قولي سعد والله انه غالي جدآ
ويا جعله فدوة شبابي واخر سنيني
وانا بصدق كلامك وأعتنز بالله
وبقول لناس ما يعنيك يعنيني
وانا علي نذر ما ارخص جيتك
وانتي نذر على رقبتك انك ما تخليني
[ .. إنكســـــــــــآري .. ]
انكسرت من الفراق وشوف عيني
شوف عيني وأنت تدري بانكساري
كل ما مديت لوصالك يميني
رحت تتجاهل يميني مع يساري
حتى صرت أشوف جرحك في يديني
في يدين الجور صداتك مواري
حس فيها لابلاها حس فيني
لا تعبرها لكن رد اعتباري
وين مقفى جعل منت منتويني
بالجفا والخوف وأنواع العزاري
ياهلي يانصف ربعي ياخديني
......يامواني غربتي ياروح داري
يا شموخي يا انكشافي يا دفيني
يا علوي يا بقائي يا انحداري
يا بداياتي يا مائي يا إكسجيني
يا اندثاري يا اعتدالي يا ازدهاري
يا بلادة حسي وقمة حنيني
يا اختياري لا يا عشواء اختياري
أعشقك من عادني في أول سنيني
لين صرت آخذ مع نفسي قراري
من عرفتك وأنت ثالث والديني
واللجوء إليك يعني لك فراري
ضمني خل الضرر بينك وبيني
الضرر من ضمتك شيء اضطراري
خل يدينك من الجور اتحميني
.....من جمود يعيش و الين انصهاري
كل ما ضاقت بعيني يا معيني
ابتسمت وصار لي ليلي نهاري
فلا سكت تروح بطيش اتحكيني
رجعي أبطبعك وبأسلوبك حضاري
ماذبحني فيك ألا انك تبيني
وما سحرني ألا حكاك الأستعاري
لا حكيت أحس بأشياء تعتريني
وان خشع قلبي وتطري لي طوراي
أعشق حكيك وحفظه يا ضنيني
حفظ بن تيميه لحكي البخاري
ولا سكت أحط يدي في جبيني
وارجي الله ما يطول بانتظاري
أدري أني عندك وأسألك ويني
داريا لكن ما كني بدراي
لين شيطاني تلفظ كلمتيني
ورحت مني ما تبي سمع اعتذاري
لا تبكيني وتفرح عاذليني
لا تخسرني بعد كبر انتصاري
لا تخليني بعد فيضة كنيني
وأنت خابرني على الوصل انتحاري
لا تروح بروحتك كلن يجيني
ما ني مكابر ولا حتى مداري
انكسرت من الفراق وشوف عيني
شوف عيني وأنت تدري بانكساري
[ ..الوداع .. ]
أنت بتسافر حبيبي نعم سافر وغيب
بس تكفي سم بالله على عقلي لا ماع
لأن ماني قادر اوادعك وأنت قريب
كيف وأنت بعيد تبغاني أقول الوداع
بس لحظة قبل لأنسى لاتنسى ياللبيب
كل ما تملكه من مغريات ومن متاع
إني احبك واحبك واحبك لين أشيب
يعني لين أموت وأنا احبك للنخاع
أحشمك بالحيل وأغليك والشي الغريب
إني اكره كل فكرة تقودك للانصياع
كان ماللمشكلة وتوصلنا للحل عيب
كب حبي لك وسمّه متاهات وخداع
لأني أطهر من بيخسر على الدنيا حبيب
ولأنك أنقى من وطت بطن رجله ظهر قاع
كثر مايدعوني أهل الهوى ولاأستجيب
كثر ما صفّط على بعدك ذراع وذراع
آآه لا وقفت من بين بتصيب وتخيب
بيني وبين المواليف وأفواه السباع
وآآه لامني ذكرت كلاً له نصيب
وآآه لامنّي ذكرت إن على وجهك قناع
اشعر إنه منخلق من عسل ورد وحليب
واشعر إني كل ماأذكره مجموعة جياع
ليت مالك في حياتك خوي ولا طليب
كان أبخشّك وسط قلبي وأقول ضاع
أمحق الله ساع ولف الهيام وقطع صيب
من يبكّي مقلتين الشجاع ابن الشجاع
لو على البحرين شرهة ودمعات ونحيب
كان ماخلتك تقفي عن حدود الرفاع
لو جنيف تحس بجرحي المر العطيب
كان ماتاخذك مني وتعطيني ضياع
[ ..الطايش .. ]
الطايش اللي محتمينه ما والووه
كل العيون اللـي تحبـه باعتـه
أغلى شهوده ساع ما بيع جحدوه
وأوفوا شموعه يوم قفـا ماعتـه
يهل السخافه واللقافـه جنبـوه
خلوه يخطـي دامنـي شماعتـه
خلـوه يجمـد ويتبعثـر كلبـوه
ما دامني في حكمه وفي طاعتـه
لأنه خليط من التغاضي والنبـوه
ومواقفة تبنـي علـى قناعتـه
قاسي ولو تضايقه ما قـال أوه
وقساوتـه آخـر دلـع مياعتـه
مدلـع خلقـه وناسـه دلعـوه
والنفس ما تشبع به اليا جاعتـه
يغيب ويدري أن المعاليق فقدوه
ويرجع بصوت جعلني ما ناعتـه
فلابث رقمه شاشة الجوال أتـوه
وأقول يا ربي تبـارك ساعتـه
جوالي ليا منه دق وقـال ألـوه
تذوب أذانـي علـى سماعتـه
لبيه يا كلماتـه ولا فـض فـوه
أموت في ضحكتـه وأستمتاعتـه
لا تنشدوني ليه أحبـه أنشـدوه
حبه محببني سبـب وداعتـه
من كثر ما أحبه أحب أمه وأبوه
بالمختصـر أحبهـم جماعـتـه
[ .. إحترقت أعصابي .. ]
الا يا الله ياللـي تفتـح لدعـوا الدعـاه أبـواب
طلبتـك لا تضيقهـا علـي و تقـفـل أبـوابـي
أبـي ذكـر يجملنـي مـع الاقـراب و الاجنـاب
و لا تكسر شموخي في عيون أعداي و أصحابـي
لو انها تنحسب في ضربة المخلب و عض النـاب
انـا متغـدين بالوقـت مـن قـبـل يتعشـابـي
لا جابه حـظ و لآحـزن و لآحـب و لا أحـزاب
عموما بستمـر اوقـف جبـل و يطيـح شذابـي
ثمان سنين و أنا اطمح و خمس سنين و انا أرتاب
ألين اقفو عليـه أهـل القفـا و أقفـا و قفابـي
و ضع قلبي على جمر الغيـاب و ذاب حتـي ذاب
وساح وساح وساح وساح وساح وطير أسرابـي
لماذا و الا ليه و كيف و الا شلـون عنـي غـاب
و أنا وجودي وجـوده فالبلـد و غيابـه غيابـي
أحبه كثر ماشفت الخيانه في عيون أصحاب
وأحبه معقول الدواهي تحسب حسابي
احبه كثر ما قفـا عـن عيونـي بـدون أسبـاب ,
و كثر ما املاله أكـواب الغـلا و ينثـر اكوابـي
انا رجال مـا يؤمـن بقـول ان الزمـن غـلاب
يغلبونـي رجـال ولا الزمـان يصيـر غـلابـي
عليك الله و امان الله و ستـره يا أبيـض الجلبـاب
تـرى مابـي يبيـك و لا تزعلنـي علـى مابـي
تعبـت اعلقـك بيـن النجـوم و تطلـع الكـذاب
و تعتبت اوسع الخاطر معك و تضيق بـي ثيابـي
معاد آظني اتجمد على صدرك رضـا و أنسـاب
بعـد و لعتلـك سيقارتـي و احترقـت أعصابـي
[ ..إلى متى .. ]
الى متى ببقى كـذا وانتـه بتبقـي هاكـ ذاك
وألى متى وانـا اتعثـر فالوصـل وأحاولـه
وألى متى وأنا أمدحك بحروف شعري وآهجاك
وألى متى وأنا أرسمك على محيـط الطاولـه
ألى متى وأنا أتضموا من خطاك اليـا خطـاك
وألى متى وأقرب نهر تبخـل علـي جداولـه
وألى متى وألى متى وألى متـى وألآ متـاك
بتقهوي اللـي خـاوي لمواصلـك وتفاولـه
أموت فيك وما يكثر مـن غـلاك ألآ حلاك
يا تحفة ما هيـب فيديـن البشـر متداولـه
سلهامة عيونك متاهة وادي وعضـة شفـاك
صفة قطـع سكـر تعضبهـا علـى فراولـة
الله يجيرك من صدوف الوقت وعيون الهلاك
والله يحفظك من سخافة الألسـن المتطاولـه
والله يخليك لخفوق عـاش يتنفـس هـواك
يمرر أسمك في عروقـه والضلـوع تناولـه
عيد بعيني جعل من ذمك مـن العالـم أفـداك
وأعطف على من صكته بقعا فراقـك وآولـه
اللي ليا منه تذكر حلو وصلـك عـن جفـاك
بكى بدمعة مـن يكابـر والحـزن متحاولـه
[ .. أبسألك .. ]
الله يعزر فيك والله يقبلك
إن كان عرفك للضياع إقتآدني
من يومني صغير اعشقك و أتأملك
حتى تفرعن بي غلاك و سادنـي
كبرت احبك بس صـرت اتخيلـك
غبـي تعلمنـي غـلا و اجادنـي
من أولا أشوفك و اعشق آدللـك
واحب خيط العـذر لامـن قادنـي
و اليوم لامني و لهت و جيتلـك
قام يتصيد لي الحزن و أصطادني
فالشارع اللي هيبته هيبـة ملـك
اللي تهجـا خطوتـي و أعتادنـي
من تحت شباكـك ودي أسالـك
يغلا من أغليته غلاك أيش فادنـي
لو أدري أن مستقبلـي مستقبلـك
ما كان نقصني الغياب و زادنـي
هنا و بس و لاتضايق و أزعلـك
بقفي فمـان غيابـك وماعادنـي
لا أقفيت عن عينك رجعت و قلتلك
تكفـى ليـا قفيـت عنـك نادنـي
من حشمتك لو اوصلك ما أوصلك
ياخي بثور من العذاب و هادنـي
احساسي أني ذنب فعيـون اهلـك
إحساسي بالإحسـاس ذا أبادنـي
[ ..إنت غير ..]
حي مني لا ذكرتـه دريـت أنـي بخيـر
صاحبٍ لا شافنـي ضقـت منـه ضمنـي
يشتعل بي لين يطفا على العـرق الأخيـر
وأنتثر له شـوق واليـا أنتثـرت يلمنـي
يـا تنـداي الخليـه علـى طاقـة حريـر
يـا مخوفنـي وقاطـع رجـاي وممـنـي
يا أمل يا خيبتـه يـا متاهـه يـا مصيـر
خـل قلبـك لا تراخـا الزمـان يزمنـي
ما بي الدنيا أبيك انت لانـك أنـت غيـر
جيت فحضانك طفل وأنت أبـوي وسمنـي
شوف فوق وغن بسمي على اللحن القصير
وخصني في كـل لمحـة غـرام وعمنـي
بشعـل الدنيـا عبيـر وبطفيهـا عبـيـر
ولا بناشد مـن مدحنـي و لا مـن ذمنـي
جيـت للدنيـا كبيـر وبفارقهـا كبـيـر
ومن زعل ما همني ومن رضا مـا همنـي
[ .. ركز معي .. ]
غنـي بربـي والدعـا والرفـاقـه
وقرم وليـا جـت للقصايـد مفـوه
بحـر تباعـد غبتـه عـن رزآقـه
لهـل الغثـا طيشـه ولله هــدوه
أن زان وقتـي خـذت لـذة فواقـه
ولوه يشين يشيـن عـادي ولـوه
بنكي رياجيـل الشـرف والبطاقـة
جمايلـي وأسمـي وكبـر المـروه
من لابة فـي ثقـل أهلهـا محاقـه
فعيونـهـا كـثـر الاودام يـشـؤه
الأكرميـن أهـل العقـل و الحماقـه
الجيـديـن مزبنـيـن الـجـلـوه
هذي فقط نبذه عـن أهـل العراقـه
و السامـي يرجـح كلامـه سمـوه
عن افتعـالات الغضـب و الطفاقـه
و عن الملـيء اليـا تبيـن خلـوه
حبيت ابيـن لـك اصـول اللباقـه
مـع واحـد غيثـه يسابقـه نـوه
والا انت كامل لكن أن فيـك عاقـه
ينقـص برستيجـك شويـة جـروه
يمغيـر في عونـي أصـل العـلاقـه
تخيلـو عــدو يعـشـق عــدوه
لازمتني باحلـى الدلـع و الشفاقـه
و أدخلتني في حلم عمـرك و جـوه
و حببتني في شـي أسمـه صداقـه
و كرهتني في شـي أسمـه أخـوه
و لفتني يا أبـو الدلـع و لـف ناقـه
وأنا ولفت ولف حاتم لضوه
ولو نختلفب بأشياء الغصب والرواقه
ماني بقايل ماتسويه سوه
ركـز معـي للريـح طـلاق ساقـه
وللشين شيـن لانصـا مـا يمـوه
يعلـم بـان حلـم الكسـول اللياقـه
و يعلم بـأن حلـم العقيـم الابـوه
و يعرف متى نضج الورق و أحتراقه
خبير في الاحيـاء مـا هـوب تـوه
ثورته لاجت تشعـل ألفيـن طاقـه
ما هي بشبـة قـاز فـي جمـر دوه
ما انت بغبي جـدا بلفـظ الرشاقـه
و أنا ذكـي جـدا و حبيـت أنـوه
أن جيتني جيتـك علـى كـل فاقـه
و أن رحت أبلعن خير وقتي و سوه
لانـك تنفـاس الحشـا و اختناقـه
ياكـل شبحـي يـا قصـاه ودنـوه
يابو الحلا و أبـو الغـلا و الذواقـه
سرايـرك ملـه و حكيـك نـبـوه
روحك و قلبي لـو بحلـل و ثاقـه
مربوطة فـي بعـض هيـا و هـوه
فان غبت يا نفر العقـل و أشتياقـه
ما ني براغـب بعـد خوتـك خـوه
ببكي علـى زول عشقتـه عشاقـه
و تـرى البكـا للأقويـاء زود قـوه
فإن شفت أبن علوش يبكـي فراقـه
ترى ما حد يرجب أبد مـن علـوه
ودي ~
sJJSu] ugJJJS,a CZ
العرض المتطور
