منتديات كوفي كوب Coffee cup - عرض مشاركة واحدة - ماهو إنطباعك بعد الإختبار النهائي لمقرر نظرية التنظيم وتصميم المنظمات -المستوى السابع ؟

12-18-18, 03:12 AM

الاختبار كان متوسط والاسئله مافيها تعقيد ، والدكتور ماقصر جزاه الله خير ، عاد هذا مقررنا وهذي متطلبات جامعتنا مايطلع ويعدي الا الجيد ، وبالنسبه للي يلمحون للاخوه السودانيين انهم حاقدين اقول له اتق الله في نفسك بالذات الاخوه السودانيين فيهم من الرجوله والنخوه والحب لاهل هذا البلد وابنائه مالله به عليم . دكاترتنا ونحترمهم ونجلهم ونقدرهم تعبو وشرحوا واستثمروا اوقاتهم في تعليمنا وخدمتنا، ورد الجميل ان نبيض وجوههم ونجيب درجات تبيض وجوهنا ايضا ، الاختبار ماكان بالتعقيد اللي بالغوا فيه بعض الاخوه بالعكس اشوفه واضح بس يحتاج تركيز والله ان المستويات الاولى اصعب من الحين ، يكفينا فخر عدينا الرياضيات والانجليزي والمحاسبه بكل انواعها والاحصاء وغيرها من المواد اللي صدق ذاكرت والا ماذاكرت صعبه، مواد المستويات الاخيره كلها حشو معلومات بالتصفح تفهمها مايحتاج حتى تتابع المسجله قراءه وشوية حفظ تفلح مع المسلمين، لاننكر انه من حقك التعبير عن مستوى الصعوبه ولكن الأدب الأدب والاخلاق فوق كل شيء ، يعني وش الفايده تتخرج من الجامعه وأخلاقك اخلاقك شوارع، اعتقد مانفع فيك تعليم اربع سنوات ، الجامعي لابد انه حصل علم ينتفع به واسأل الله ان يوفق الجميع، انصحكم ولست بخيركم وانا اولى بالنصيحه لنفسي. حفظكم الله