03-19-09, 07:38 PM
|
| |
في خفوقي
ضمها كتاب المشاعر ,,
و في عيوني لك مدينه ..
ياحلوها من مدينه ,,
انت لو تامر على روحي ..
من غلاتك بس تامر ,,
فدوى روحي من غلاتك ..
والله ماهي بالثمينه ,,
شفت عاد اش قد غالي ؟!
لا و عندي شي اخر ..
كل هالعالم بدونك اشبه بدمعه حزينه ,,
احنا قصتنا قديمه وحبنا صادق وطاهر ..
انقى من حبة رذاذ فوق خد الياسمينه ,,
احنا لو نكتب عشقنا ضاقت اوراق الدفاتر ..
وانكتبنا شي تبقى اغلب كنوزه دفينه ,,
انت تبحر في عيوني وانا في عيونك اسافر ..
فوق غيمه من محبه لا شراع ولا سفينه ,,
جيت لك كلي وضوح بلا قناع ولا مظاهر ..
وجيتني من طيب اصلك لا غرور و لا ضغينه ,,
تذكر بأول لقانا ؟!
كيف خانتنا الحناجر ؟!!
الحكي عيا .. وحروفه ..
في حناجرنا سجينه ,,
وكانت عيونك مرايا بعثرت اوراق شاعر ..
وكنت اقرا في عيونك رعشة الشوق وحنينه ,,
كانت الفرصه دقايق ..
عشتها مثل المغامر ,,
مرني فصل العواصف والهداوة والسكينة ..
تصدق اني من بعدها صارت ضلوعي منابر ,,
كم تعلاها خفوقي يشجب البعد ويدينه ..
بصراحه في غيابك تنغلق كل المعابر ,,
كل هالدنيا بدونك تنقلب صحراء وشينه ..
افتدي نظرة عيونك واشتريها بألف خاطر ,,
من غلاتك بس عندي عيني صارت لك مدينه ..
مماراق لي
 |