الموضوع
:
Ask me ..
عرض مشاركة واحدة
04-13-17, 06:44 AM
#
133
ward
كوفي لامع
بيانات اضافيه [
+
]
رقم العضوية :
42484
تاريخ التسجيل :
Jan 2017
المشاركات :
3,390 [
+
]
التقييم :
134117
الدولهـ
الجنس ~
SMS ~
اللهمّ صلِّ وسلم على سيّدنا محمد !’
لوني المفضل :
Darkred
رد: Ask me ..
مرحبلي
ابقها ..
بما انك شخصه لها بالكتابه وتقدري تعبرين
بكلام حلو هالشي بس كتابيا يظهر عليك والا حتى كلاميا يعني تقدري
تسولفي وتعبري بطلاقه بنفس الاسلوب ؟
لا اقدر اعبر وبطلاقه لكن بالنسبه لمشاعري ؟ لا احب اني اكتبها افضل ..
كلمه للناس اللي يهزمها حزنها ؟
الله كريم ..
الطابع العام على مجتمعنا ان البنات يتزوجون زواج تقليدي , وش رايك بهالشي
ودك يتغير دا النظام والا عادي وعاجبك ؟
لا بالعكس ، كنت ضده واكرهه الزواج التقليدي ذا ، لان قليل جدا جدا او بمعنى اصح نادر اللي يوفون بوعودهم في علاقات الحب ، الرجال عندهم مبدأ قذر قذر للأسف وهو
"
حتى لو كانت حبيبتي ، ما اقدر اتزوجها ، لان اكيد كلمتني بتكلم غيري
"
طيب يا حيوان حتى انت كذا ، واصلن هالايام الكل يكلم الكل ، يعني من مبدأ النيه الطيبه الوحده تكلم حبيبها وممكن انها تراسل احد احد ثاني ، يمكن ناشب لها ، يمكن عندها شغله رسميه معه ، يمكن ويمكن ويمكن ....الخ ، انت ياقليل الخاتمه والضمير دامك تحبها وهي تحبك روح وطمن قلبها وريح نفسك انت بعد ، لان احيانا تري يخليها وهو يمووت فيها ويبيها لكن عشان المبدا الزززفت ذا ، نعم اخوي المواطن ؟ ايش مشكلتك عبر لي ؟؟ ، والله نظامهم زفت الرجال هالايام ، عشان كذا الزواج التقليدي هو الافضل وهو اللي مكتوب لنا اصلن :( ناخذ شخص ما يعرفنا واحنا ما نعرفه افضل عشان نعيش ونتعايش ، الناس صارت وصخه والنوايا صارت قذره ، ماتت الروح الجميله ، النفس الطيبه حقت ايام الطيبين ؟ اتوقع انا الوحيده اللي باقي احملها في العالم :( .. هفف كتبت لك وانا دموعي بعيني والله من القهر ..
لو قلبك تعلق بالشخص الخطأ وانتي عارفه هالشي بتستمري والا بتحاولي تقاومي هالتعلق؟
للأسف لا :( لان اذا تعلقت علقت :(
في شخصه او شخص بحياتك تغارين منه ؟ وليش
ايوه ، اغار من ناس احيانا لان اشوف الاهتمام لهم وانا لا ، وانا ما احب ابي اكون انا المميزه بكل شي ، عندي كبرياء عظيم من هالناحيه ، شايفه نفسي غير عن الدنيا وانا الشخصه اللي تموتون ما تلقون مثلها ، مو من باب شوفة النفس ؟ لا لا بالعكس ، لكن احس ان حرام انهمل او احد يغطي علي مابي هالشي يصير ابد ، غيوره كثير انا حتى من اخواني اغار اذا ابوي وامي اهتموا لهم وانا لا
كم تعطي نفسك نسبه اهتمامك بصحتك ؟
75%
محل ودك يفتحونه جنب بيتكم ؟
انوش حق الكوكيز بتربع عندهم كل اليوم
قد تعاملتي مع اسر منتجه ؟ اذا ايه شنو طلبتي منهم ؟
يب امي مو انا ، طلبنا حلا وورق عنب .. اذا توهقنا بس نطلب
عرفت انك تطبخين شنو اكثر اكله مبدعه فيها ؟ وهل تطبخين غصب عنك والا تستمتعي بالطبخ ؟
الاكل المعتاد والصواني والمكرونات ، 95 % غصبن عني 5% بالميه برضاي ، لان احيانا اعاني لين توصلني طلبات اكلتي المبدعه من باب انها مضره بالصحه ..
عندك فوبيا من شي معين ؟
النرفزه اكرهههههههااااا ..
في الاجتماعات العائليه انتي الملسونه الي تسوي جو والا الهادئه ؟
يب يب ، انا اللي اخلق الاجواء دايم بكل مكان ..
ابوك وش يحب فيك ؟ يعني شي يمدحه فيك.
مدري ، انا في بيتنا الشخصه اللي دايم واكثر اسم ينذكر اسمها بالخدمات والطلبات .. وبنفس الوقت أكثر وحده ينقال لها ما منك فايهده ، عاد حليها ذي .. ؟؟؟؟
شنو التخصص الي كنتي تبي تدرسينه؟
تصميم ..
بتكتفين بشهادة جامعة الدمام والا طموحك اعلى من كذا ؟
لا اطمح بالعالي ان شاء الله ..
لو جاتك فرصه للعمل في مكان مختلط بتقبلين ؟ مع العلم ان الوظيفه جدا ممتازه وتناسب تخصصك.\ ولو انتي وافقتي عليها واهلك اعترضو بتسلمين الامر والا بتحاولين تقنعيهم ؟
اهلي من النوع المتحفظ نوعا ما ، يعني اذا جتني وظيفه زي ماقلتي وغير كذا حتى لو تعلقت فيها ؟ راح ارفضها ، لاني عارفه رايهم بهالمجال اهلي ، فليش احرق نفسي زود واروح اناقش واقنع ؟ خيرها بغيرها وسلامة راسي من الصداع اهم ..
لو كنتي ماشيه بالشارع لحالك وشفتين رجال ماشي وراك او جنبك بحال سبيله ,
يجي ببالك خيالات واكشنات انك حتنخطفي او بيتحرش فيك ويصير تخافين وتركضين زي الهبله ؟
أكيد بتجي ببالي هالاشياء ، لكن صوتي سلاحي
وسالفه اني اركض ؟ لا اختي المواطنه ههههههههههههههههههههههههههههههههه رغم هبالتي الا اني باقي شوي بعقلي
في قصه اهلك دايم يتذكرونها لك وانتي نونو ؟ اذا فيه وش هي واذا مافي روحي اسألي الماما
تعلمك قصه عنك وانتي نونو وتعالي اكتبيها ؟
ايوه دايم يذكروني بطفولتي اذا قلت النونو حقكم طفشني ابعدوه
مره فكيت الجلنط حق السياره وصدمنا بالجدار ، والسياره كانت جديده كرت تو ابوي مطلعها ، يقول قسم بالله بغيت انفضك برشاش ، والمشكله انك كنتي تضحكين تقولين سوينا طع
هههههههههههههههههههههههههههههههههههههههه ههههههههههههههههههههه
طع اقصد فيها صوت السياره يوم صقعت
وبس والله وباقي خير ..
عادي تقتلين صرراصير ؟
اموت ولا اسويها يع يع ، قرفتيني
لك في الرسم ؟
لا ابد
عندك هوس في العنايه بشي معين ؟ شعرك سنونك بشرتك اي شي يعني.
يب بشرتي وشعري بالذات ، مابين اطوله ولا ارجع اقصه مدري محتاره ..
كيف توصفين علاقتك مع اخواتك ؟
علاقة المويه اذا جات على الكهرب .. ما تفق معهم ابد الوصخين دايم نتضارب دايم
وش نوع الاغاني اللي ماتقاومين تسمعيها وانتي جالسه ؟
اغاني دخون ، بسم الله احس اني انشبكت في فيش كهرب ما اقدر اقاومها :
love:
اضفت لك شي جديد على يومياتك ؟
اذا قصدك اللي بالكوفي ؟ ايه يوم عن يوم اضيف ..
<<
حددي مره ثايه
وش الستايل اللي خواتك يشوفونه بالسوق يقولون لك ورد وجهك فيه ؟
اولن ماعندي خوات ، بس 4 اخوان للأسف الشديد عشان كذا ما بغبن نفسي زياده واجاوبك
شي للحين امك تسويه لك ؟ ( تمشط شعرك , تغسل ثيابك ...)
ايوه للحين تدبغني اذا جبت العيد والله
قد انضربتي في يوم من الايام ؟ متى ؟ ومن منو ؟ وليش ؟ وش كان شعورك؟
هفف منك ، ايوه ، انقفطت وانا هاربه من المدرسه ايام الثنوي رحت البقاله اخذ اسكريم ، وشافني ابوي ، ودغدني الله يسعده ويصلحه ذا الاب
شعوري اللي ودي اضحك على طريقة القفطه واللي ابغى ابكي من حر الدبغ
وش اكبر مبلغ صار عندك ؟ وللحين معك والا خلص ؟
1200 ، للاسف ما كمل معي يومين
وش شعورك بأول يوم بالجامعه المستوى اللي فات ؟ وكيف ماشفتك انا ؟
كنت كارهه القسم وكارهه الدنيا ، لاني كنت برا المنتدى ما انتبهت لكم
منو يدفع لك رسوم الجامعه ؟ وهل تقبلو الأمر اهلك في البدايه انك حتدرسي على حسابك
والا عادي الوضع ؟
ابوي ، اي تقبلوا لانه غصبن عني دخلوني اصلن
من اكثر حنان عليك امك والا ابوك ؟
مدري ، بس اتوقع امي
عندك احد من اخوانك ماترضين عليه حتى لو غلط تبقي تدافعي عنه ؟
لا كلهم يستاهلون اللي يجيهم من اكبر واحد ابو 20 سنه الين اصغر واحد ابو سنه ونص ، العيال يستاهلون كل شيء خصوصا اخواني
من وين ورثتي الغمازات ابوك والا امك ؟
اثنينهم
تعبتي ؟ لحظه بشيك اذا عليك اختبار بكرا والا لا عشان ماودي اتعبك والله
حلول حلو ماعليكم اختبار يلا نكمل
متى بتعقلين انتي ؟
بتجين زواجي ؟
مايمديها يالحب
دلوعه والا شقرديه ؟؟
لا ذي ولا ذي ، من الطيبين القدامي انا ، عايشه على وضح النقى وأحب كل شيء شعبي وقديم ..
بناطلين والا تنورات ؟
بناطيل
اكره وظيفه في البيت ؟
فقره تنظيف البيت ، ماتخلص ابد
متى اخر مره تجمعتي مع شلة المدرسة ؟
يوم الاختبارات النهائيه وعليها ..
وين كان حفل تخرجكم ؟
في المدرسه وحضرته ، لكن اللي برا وباستراحات ومدري ايش ؟ لا ما حضرت ..
من حسن حضك ماما تبغاني بشغله والا كنت كملت
ي ويلك اشوف ردود بكلمه او كلمتين
الله يفرج عليها امك ذي حبيها لي على راسها بالله
آخر تعديل بواسطة ward ، 04-13-17 الساعة
06:51 AM
الإقامة :
Dammam
معدل التقييم :
زيارات الملف الشخصي :
416
إحصائية مشاركات »
ward
المواضيـع
الــــــردود
[
+
]
[
+
]
بمـــعــدل :
1.19 يوميا
ward
مشاهدة ملفه الشخصي
البحث عن المشاركات التي كتبها ward