منتديات كوفي كوب Coffee cup - عرض مشاركة واحدة - تناديك رغبات المقابيل

#1 06-21-16, 02:43 AM

تناديك رغبات المقابيل - ياسر التويجري

تناديك رغبات المقابيل من الأرض وانتي بالمجرة
تهادي على غصن من الليل وتمادي على القلب ومقره
ترى كل هالدنيا تساهيل مادام اننا بنعيش مرة
تلدين وتزين التعاليل، تصدين وتصد المسره
وأناديك ودموعي هماليل وفي الصدر تنهيده و حره
أحبك وما للحب تأويل ولا شفت منك إلا المضرة
وتموني يا ريم المكاحيل على القلب في خيره وشره
اذا جيتي استاهلك بالحيل، واذا كان ما تبغين حره
فديت الوسيعات المظاليل، رماح الهلاك المستشره
وخطواتك اللي بالخلاخيل، لها في الصدر والقلب جره
وسواليفك بكل التفاصيل، وصوتك بها لله دره
ابي منك ما ينهد لي حيل، على شي ما يسوى المبره
وابي صادقات التهاليل، اذا جيت ابشكي واتشره
من الحظ واشباه الرجاجيل وعثرات وقتي المستمره
وطموحاتي الغر المحاجيل وخذلانها مع كل كره
اعدل المساوي يطيح قنديل، وأهز الجفن وتطيح قره

للشاعر :ياسر التويجري ..

الموضوع الأصلي: تناديك رغبات المقابيل - ياسر التويجري || الكاتب: crezelive || المصدر: منتديات كوفي كوب

http://www.cofe-cup.net/vb

كلمات البحث
جامعة الإمام عبدالرحمن بن فيصل ، واجبات ، ملخصات ، ملازم ، أسئلة ، جامعة ، كوفي كوب

المصدر: منتديات كوفي كوب Coffee cup - من قسم: قافية شاعر

jkh]d; vyfhj hglrhfdg - dhsv hgj,d[vd