03-07-09, 07:26 AM
|
| | | | | كوفي متألق
,.., زمْـنَِ جَــآرٍحَِ ,.., |  | | | | لوني المفضل Cadetblue | | رقم العضوية : 226 | | تاريخ التسجيل : Dec 2008 | | المشاركات :
896 [
+
] | | التقييم :
55 | معدل التقييم :  | | بيانات اضافيه [
+
] | | | |
|
حيــآآآآتكــ بين يديــكـــ ,,,,!!!
//
حياااتكـ
تعالوا هنا و شوفوا .. هذي نصايح طالعة من قلب ..!
ياليت بس ترووقوون عليها وتخلوون اللي في ايدكم .. وتركزوون هنا ..
ورجاء حااااار اقرووه للآخير ..!
.
,
.
1- بلا ارقام بلا هم ..!
الحين أي شئ فيه ارقام من عمر .. وزن وطوول خله على جنب ..
لا تجلس تحسب فيهم وتضيق صدرك ..
" لا تحسب عمرك "
.
,
.
2- حيااتك عيشها لحظه لحظه ..!
عيش حياتك كل لحظة .. مول لا تفكر باللي راح " اللي فات مات" ..
ولا تضيق صدرك بالمستقبل .. اللي كاتبه ربك هو اللي بيصير ..!
هذا مايمنع انك تشتغل لمستقبلك .. بس لا تتحطم او تحبط يا حنوووون اذا ما صار اللي انت مخطط له .. هذا اللي انكتب لك من قبل ما تطلع من بطن امك ..
بقول شي ..::
يا حنونين و حنونات .. مب بس هذا اللي انكتب لكم ..!
دامه انكتب لكم .. تأكدوا انه هو الخير لكم .. فلا يحبطكم شي .. بالعكس الحمدلله .. 
.
,
.
3- كافئ نفسك ..!
حط في بالك مكافأة لنفسك اذا سويت شئ معين ..!
مثلاً في خاطرك تشتري شئ ومب محتاجه .. قول لنفسك اذا خلصت كل اشغالي اليووم وما اجلت شئ منها برووح اشتريه لاني استحقه < استاهل كل تشجيع مني لنفسي لاني سويت كذا و كذا ..! > ..
ورح اشتريه وغلفه بتغليف حلوو واذا ودك اكتب لنفسك بطاقة بعد واهديها لنفسك .. و تراه شئ مهم .. نفسك غاليه عليك و تستاهل انك تهديها شي يشجعها ..!
ومو شرط تكوون هديه .. لا ممكن تكوون طلعة .. فطوور بررا .. عشا .. اي شي ممكن تستانس فيه نفسك و تنبسط ..!
" حتى كتب علم النفس تقول هالكلام .. و رمــآد بعد يقول ان نفسك لازم تاخذ حقها من مكافآت و كل شي حلو ..! "
.
,
.
4- ابتسم ..!
خلك دوووم مبتسم ..!
حتى لو انك متضايق .. ابتسم واعرف و تأكد ان هالشئ بيأثر عليك انته اول شي و على اللي حوولك ثاني شي ..
" يقولكم د. عايض القرني ..:: إن توزيع البسمات المشرقة على فقراء الأخلاق صدقة جارية في عالم القيم ..! و يقولكم رمــآد ابتسموا يا اهل الحنيه .. ابتسموا تبتسم لكم حياتكم ..! "
.
,
.
5- اضحك ضحكه من قلب وبصووت بعد ..!
اضحك اضحك اضحك .. و again اضحك و اضحك و بعد اضحك ..
ترا مافيها شي اذا ضحكت بصوت عالي .. البرستيج لاحق عليه ..
هالله هالله في عمرك يا حنون صدقني الصووت يفرق يابن الحلااال ..! بتحس
بطعم الحياااه
..
.
,
.
6- الاصدقاء ..!
صادق النااس المخلصين و يخافون الله و اللي يقدرون معنى العشره .. و اهم شي الفله .. الشله اللي موسعه صدرهاا ..
وخل عنك هذيل اللي دوم محبطين والدنيا مقفلة بوجههم لأنهم بيأثرون عليك ..!
.
,
.
7- العطسه ..!
هيه نعم يا اهل الحنيه .. العطسه هي ماغيرها .. اللي تقول أتشوووو ..! 
و اقول بأعلى صووت عندي ..:: لااااااااااااااا تكتم عطستك ..!!
أدري بتقولون العطسه شو يخصها في موضوعنا يا رمادوه ..!
اولاً مضر بصحتك يا حنون .. انت شوف يوم تجيك العطسه و مو راضيه تطلع كيف تنقهر ..!
فليش تقهر نفسك بنفسك و تحرمها من عطسه ..؟
واحلى شعوور " بعد شعوور النوم " شعوورك وانت تعطس
تحس انك انسان ثآآني .. تخرج من دنيتك و ترجعلها في ثانيه ..!
.
,
.
8- يصلح يضيق صدرك ترا ..!
شئ طبيعي في حيااة كل انسان انه يحصل موقف او أي شئ يضيق صدره وتنزل دمعته فيها ..
او يبين ضيقته بأي طريقة كانت بس اهم شئ انه ما يتعلق بهالموقف كثير ..
وياخذ منه موقف على ان الدنيا كئيبه وشينه وسخيفه وبايخه .. و ياليتني ما وجدت فيها ..!
ترى والله الدنيا حلووه واذا حسيت ان الدنيا كذا .. فكر في الاشياء الحلوه اللي صارت لك في حياتك ومستحيل ما تلاقي شئ ..
و انا بعطيكم منها شيء واحد .. ايام الطفوله .. تذكر موقف و شوف كيف حلوه الحياه ..
.
,
.
9- اهتم بنفسك ..!
صحتك
ان كانت ممتازه احمد ربك .. وحافظ عليها ..
وان كانت مش ولا بد احمد ربك .. واهتم فيها ..
وان كان جسمك يستغيث .. لا تنتظر اكثر و صلح اللي يتصلح يا حنون ..!
شكلك
عط نفسك وجه ..
دلّع نفسك ..
خذ لك حمام مغربي كل شهر على الاقل ..
استخدم كريمات البشره ..
واهتم بشكلك الخارجي لانه اول شئ يشوفونه الناس وبه تعرف شخصية اللي قبالك ..
.
,
.
10- اهلك ..!
دوور على راحتهم ..
وسع صدوورهم ..
اجلس معهم اطلع معهم مب خلاص تعطيهم طناااش ..!
وهالله هالله بامك وابووك لا عمرك تبين لهم انك متضايق بشئ ..
لانهم يتضايقوون اذا شافووك مكشر و زعلان و معصب .. ولو ان بعضهم ما يبين هالشئ .. بس والله تراهم ما يدورون الا مصلحتكم وراحتكم و سعادتكم ..!
.
,
.
11- تعلم ..!
لا تتوقف عن التعلم .. تعلم أي شئ كمبيوتر .. تعلم ترسم .. تعلم تطبخ .. تعلم أي شئ بس لازم تتعلم
لا تخلي مخك يووقف عن التعلم .. خله دوووم شغاااال ..!
يقولك ..::
المخ الفاضي .. مصنع لتكوين الزهايمر ..!
.
,
.
قل للاشخآآص اللي تحبهم انك تحبهم .. لا تستحي ما فيها شئ ..!
اذا فقدت شخص لا سمح الله .. بتندم انك في يوم زعلته .. و ما قلتله شكثر تحبه ..!
روح لامك قولها يا حنون ..:: امي احبتس انا ..! << كل واحد و لهجته عاد ..
شنو فيها لو سويتها .. هي يمكن تستغرب هالشئ اول مرة بس بعدين بتتعوود وتصير تحسب كم مره قلتها لها وملامح وجهك بكل مرة زي بعض والا لا .. << يا حلوها الام والله ..
.
,
.
آآآآآخر حاااجه وددي اقولها لكم يمكن مو ملاحظينها ..!
بالفعل .. ارمي الماضي لأن مافي شي يخليك تعيش ماضيك و تنسى حاضرك و مستقبل .. لأن هالشي بيدمرك ..!
.
,
.
و اهم شيء الاخلاق .. و حب الوطن .. هع
و كفايه طولت عليكم و خذت من وقتكم كثير ..
بس ان شاءالله تستفيدون و يعجبكم الموضوع ..
و خلوا التفاؤل و الامل منظار لكم في كل شي ..
محبكم ::.
.. رمــآد ..
..
 |