بسم الله الرحمن الرحيم
السلام عليكم ورحمة الله وبركاتـه
كتبت هذا المـوضوع وأنـا على أمل أن الكـل يستفيد منـه ..
الحيــن اذا واحد بيسجل فمنتـدى أول شي يفكر فيــه أكيد بيفكر شيختار اسم ..
وهذا هو موضوعي بالضبط ..
>> ماني عـارفه شلون أدخل بالمـوضوع 
..
المهـمـ ..
أنـا لاحظت في بعض المنتديات ان بعض الشباب والشابات يسمون نفسهم أسمـاء غريبة وبعضها ممكن تمس الدين والعقيدة لكني مااهتميـت قلت يمكن جهال أو يمكن انو موحرام لكنـي شفت الاسماء العجب الي ماقـدرت أمسكـ نفسي عن الكـلام يعني أسمـاء واضح انها غلط×غلط ..
أولـآ / أسمـاء تمس الدين ..
أ-اسماء تؤدي الى الخروج من المـلة ..
يعنـي يجيـكـ واحد يسمي نفسـه الخالق >> طبعا هذي الى الان ماشفتها بس مايستبعد ..
هذي طبعـآ فيها كفر..
أو أي أسـم مـن أسمـاء الله الحسنى وصفاته ..
او الســاحر الي شفتها كثيير ..
ب - الاسمـاء الي مافيها كفر ولكنها تمس الدين ..
أنـا شفت فأحـد المنتديـات واحد مسمـي نفسـه (ابليس شخصيـا) طبعا بحلقت عيوني بكل قوة يمكن طلعت من محاجرها قلت معقولة واحد يسمي نفسه كذا
>> حتى جافبالي ان ابليس سار يسجل فالمنتديات قلت والله مايستبعد على ابليس أعوذ بالله منـه ..
المهم رسلت للأخ رسالة قلت له انت إنـس ولا جـن .. رد عليه /ههههههههههه الله يرجك طبعا إنس .. سألته طب ليه الاسم هذا ..؟
رد وياليته مارد قال / لأنه يدل عالقوة ..
الحيـن إبليـس سار يدل عالقـوة وهو أضعف المخلوقات كما وصفه الله هو وذريته بكتابه ((إِن كَيـدَ الشيطـانِ كَآن ضَعيفَـآ))
وشفت إسـم ثآني أخو الشيطان >> هذا شفته اسم بلوتوث في السوق ..
وش الي أخـو الشيطان استغفر ربـك والله حرااااااااام ..
>> طبعا هذي مااعرف اذا فيها خروج من المـلة أولا
وأكثر شي تفاجأت منـه مرة من المرات أنـا وأخوي جالسين نسولف وطلب مني افتح بلوتوثي بيرسلي شي
انصدمت لمن شفت اسم بلوتوثه (سكرتير ابليس):eek:
يعني أخوي سادس ابتدائي يمكن كتبها وهو موفاهم معناها او كتبها تقليد بس انصدمت
>> عااد عطيته محاضرة فالأخير غير الى طالب الجنـه .. >> أعجبكم 
ج /أسمـآء تدل عالتفاخر بالأنسـاب ..
عااد هـذي واضحــه ومنتشررة بشكل كبيـر ونادرا مانلاقي منتـدى مافيه تفاخر بالانساب ..
(( إِنَّ أَكْرَمَكُمْ عِنْدَ اللَّهِ أَتْقَاكُمْ ))
والتفاخر بالنسب من عادة الجاهليـه الي قال عنها صلى الله عليه وسلم (اتركوها فإنها نتنـه) وقال عنها في خطبة الوداع ((ألا كل شيء من أمر الجاهلية موضوع تحت قدمي))..
ومن الأسمـاء
يذكر قبيلته/ها وبعدها وأفتخر ..
...
د /أسمـآء تمس الأخلاق ..
مثلا واحد يسمي نفسـه الصايع ولا الدآشر ولا مدمن أغاني ولا عاشق الافلام >> يعني مستانس إنـه يعصي الله ..
يعني ربي ساتر عليـكـ ليه تفضح نفسكـ ..؟؟
بالرغـم من أن أغلبهم يكونون سامعيـن حديث الرسول صلى الله عليه وسلم ويمكن حافظينه .. قال ((كل أمتي معافى الاالمجاهرون))
ولا بنت تسمي نفسهـا عاشقـة (اسم ممثل أومغني)..
..
ثـانيـا/أسمآء لاتمس الدين ..
>> طبعا أنا ماني متأكدة بس الواضح انها كذا ..
أ/الأسمـاء الي تقلل من قيمـة الانسان..
قـال الله في كتابه الكريم (وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى كَثِيرٍ مِّمَّنْ خلقنا تفضيلا)
الله كرم الانسان عن باقي الكائنات الحـية وميزه بالعقل ..
تقوم انت ياإنسـان تهيـن نفسـكـ ..
مثال ذلك .. مرة دخلت منتدى ولقيتهم كاتبين شعارهم (دع العقل وتمتع بالدلاخـه)
ولا شخص يسمي نفسـه مهبوول أوغبي أومخي مومعي أو مجنون وأسمـاء كثيرة مالهاداعي ..
>> مع احترامي الشديد للكل بس هذي وجهة نظر
..
ب /الأسمـاء الشاعرية والحزينـة ..
>> طبعا بتقولون انت شدخلك حنا عاشقين وحزينين ..
بس معليييش أنا بتطرق لهذا النوع من الاسمـاء ..
مثلا تجيك بنت مسمية نفسها سجينة الذكريات ولامت بعد فرقاك ولا المحرومة من الحنان وغيرها كثيير ..
يعني اذا انت/ي محروم/هـ على قولتك أو حزين/هـ احتفظ/ي بهذا الشي لنفسكـ ماله داعي كل الناس يدورن انك ميت/ه بشخص أو حزين/هـ من شي ..
واحمد/ي ربـكـ عالنعمـة الي انت/ي فيها غيركـ يتمنى يعيش نص العيشة الي انت/ي عايشها..
يعني انت/ي أحسـن من غيرك بأشياء كثيرة ..
قال صلى الله عليه وسلم (تفاءلوا بالخير تجدوه)
حرر يوم 5/3/ 1430 هـ
الموضوع كتبتـه بخط يدي .. وأتمنى يعجبكم وأتمنى أشوف أرائكم حول هذا الموضوع علما بأنه الموضوع الاول الي أكتبه بنفسي..
أتمنى يستفيد الجميع منـه ويكون في ميزان حسنـاتي ..
وأتمنـى مايكون فيه زعل ويبقى اختبار الأسمـاء حرية شخصيـة ..
أتقبـل انتقاداتكم وتعليقاتكم بصدر رحب وأتمنى عدم المجاملة ..
والسـلآم عليكـم ..
..