الموضوع: حامد زيد هبال اطفال
عرض مشاركة واحدة
#1  
قديم 03-30-12, 09:03 AM
3DoOoDy
كوفي مبدع
3DoOoDy غير متواجد حالياً
لوني المفضل Cadetblue
 رقم العضوية : 6406
 تاريخ التسجيل : Mar 2012
 المشاركات : 471 [ + ]
 التقييم : 313
 معدل التقييم : 3DoOoDy is a jewel in the rough3DoOoDy is a jewel in the rough3DoOoDy is a jewel in the rough3DoOoDy is a jewel in the rough
بيانات اضافيه [ + ]
Icon9 حامد زيد هبال اطفال



عفى الله عن غدر الخناجر والضلوع أبطال
باسامحك واتركك تحت الظلام الحالك لحالك
دخيلك وفر دموعك ترى هدر الدموع ذلال
وترى مافيه احد يصبر مثل صبري بغربالك

أنا عيب على انقض كلامي والرجال افعال
وإذا قلت اقطع حبالك تراني باقطع حبالك
عشان اكسب هدب عينك تجرعت العذاب أشكال
وليتك ترأف بحالي علشان ارأف بحالك
مسوي في حياتي شي ماينذكر ولا ينقال
حشا حتى العدووهو العدو مايعمل اعمالك
تمسيني على الهم وتصبحني على الغربال
تقلطني فناجيلك وتقصر عني دلالك
تحملت التعب لأجلك وأنا حملي يهدجبال
رحلت من العذاب وماوقفت الاعلى جالك
علامك كلما اجيك متواضع جيتني تختال
معاك اليا متى باصبروصبري معك يحلى لك
مثل مااقبلت لعيونك لزوم تلد لي باقبال
ومثل ماقد حشمتك حس واحشم قلبي أشوالك
انا محد بجابرني أساير معك هالمنوال
ترى لأني تبيع لك ولاني بأصغر عيالك
أناجيت اعشقك نبض ومشاعر ماأعشقك تمثال
انا جيت اسكنك واحياك وأبقى فيك وأبقى لك
أناجيت بظمى عاشق تعب يطرد سراب اللال
أنا جيت استفز رضاك من فرقاك والجا لك
أنا ماهمت بك عاقل انا كنت اعشقك بخبال
انا ماكنت احبك حي اناكنت أعشقك هالك
تخيل من كثر ماخاف تلقى للزعل مدخال
اخاف أخطي على طيفك وادوس برجلي ظلالك
تبعتك والعرب تتبع رعود البارق الهمال
وصرت أقرب جسد يمشي معك باقفال واقبالك
أبي قلبك يحس انه فقد بمحبته رجال
ملكته من هدب عين وخسرت ارضاه باهمالك
صحيح ان الفراق اقسى ولكن الوصال محال
وأنا صعب على ارضي غرورك واضعف قبالك
بعد ماحققت عيني في بعدك للرقاد امال
اعود للسهر.... يااخوي فال الله ولا فالك
ببدل نظرتك فيني واجي لك كل يوم بحال
باكون اقرب من ثيابك عليك ولا اتهيالك
با المك وانثرك واجمعك وارجع انثرك باهمال
با اخونك وازعلك وارضيك وازعل منك وارضى لك
ابا ارسم بالثرى وجهك وابا ادفن صورتك برمال
ابااشكي للعرب فرقاك واضحك عند عذالك
ابا اهديك الوصال فراق واهديك الفراق وصال
باسوي مثل مااشوفك تسوى وافعل افعالك
عشان تعرف من فينا الزعول ومن وسيع البال
ابيك تذوق فنجالي وانا باذوق فنجالك
نصيحة واحتفظ فيها قصر معك الزمن او طال
أبي تسمع كلامي زين وتحطه على بالك
إذا حبك هبال أطفال الك عندي هبال أطفال
ولاوابشر بعد بهبال حب ماهو بهبالك
وإذاقصدك تهين اسمي عشان تشمت العذال
حشا لا انته ولا غيرك ولا عشره من اشكالك


التمثــــــــــــــــــــــــــــــال



لشاعرالمبدع: حامد زيد


الموضوع الأصلي: حامد زيد هبال اطفال || الكاتب: 3DoOoDy || المصدر: منتديات كوفي كوب

كلمات البحث

جامعة الإمام عبدالرحمن بن فيصل ، واجبات ، ملخصات ، ملازم ، أسئلة ، جامعة ، كوفي كوب




phl] .d] ifhg h'thg ohg]




رد مع اقتباس