02-29-12, 03:39 AM
|
| |
محد يلم الجرح ..مثلي بهمه !! رائعة(خوي الليل)
محد يلم الجرح مثلي بهمه لا صار همي يعطب الجرح بسكات أخفيت جرحٍ نازفٍ كل دمه حتى غدى نزفه مع الوقت قطرات
صدري.. ولا به هم الا و لمه
كنه بجمع الضيم يجمح بفزعات
جسمي براه الهم عجلٍ و سمه
والقلب ماتسمع له اليوم خفقات
الحال يوم اقشر الوقت طمه
غدى علي من الزمن عشر صكات
عندي شواهد من دلايلْه جمه
منها يشاف وبعضها فيه مخفات
وجهت للي وجّه الخلق يمه
اللي له بعسرات هالوقت وقفات
اللي تعمه نعمتك فانت عمه
تمكن في مسندي كل حسنات
يجيك منهو جارف السيل خمه
زل القدم في وادي الموت ولا مات
كفّ الشقى تله على الصدر ..ضمه
مامات.. لكن يسبق الموت سكرات
قرب لي المكلاب في النار حمه
اكوْ الصويب اللي حرم كل لذات
اكو الذي جرحه مع الوقت رمه
علّ الحشا يفرغ من الكبت ونّات
من ذمنا جاله من الناس ذمه
ومن يطعنك ف الخلق يبشر بطعنات
كلٍ يحاسب بالقضى هرج فمه
من زل مرة عدها عشر زلات
حضيض من عقله على القاع زمه
يرفع سمات الفكر عن كل عثرات
بقلم / مخاوي الليل
آخر تعديل مُحمد يوم
02-29-12 في 03:47 AM. |