|
عقب كسرت خواطر تبي ترجع هيهات
أخيراً جيت ياشاطر رجعت مخـاوي الونـات
خضعت ودمعك الثاير على الوجنـه ينادينـي
عرفت الحين مقداري دريت إني على النيـات
ولاكن مامضا ماضي وأنا الحاضـر عناوينـي
نسيت يومك تبكيني نسيت كلمة عديـم الـذات
نسيت يومي أغصّ باسمك وعلى الغصّه تهنيني
خساره طحت من عيني غدت ميزتك لي سيات
شطبتك من كشوف الحب ودمعي لك يواسيني
صحيح القلب من هجرك كساه الهم واللوعـات
ولكن عزتي ترفضك مهمـا تصافحـك عينـي
نسيتك قالها قلب(ن) يعاني لحضـة السكـرات
وعلى نعش الهوى كلمة نسيتك مـن شرايينـي
خلاص مرحومي شيعته بصمتي واندفن بسكات
وتقبلت التعـازي وأنـت ولافكـرت تعزينـي
وجايني اليوم متأسف عقب ماتاهت الخطـوات
عقب ماذابت عروقي وليـل اليـاس طاوينـي
عقب كسرت خواطرنا تبي نرجع محال هيهات
أنا راضي أخاوي الموت ولامثلـك يخاوينـي
من متصفحي ...
|