منتديات كوفي كوب Coffee cup - عرض مشاركة واحدة

08-09-11, 01:33 AM

Iهذا بارت طويل لعيونكم ...
*الفصل الرابع *
الجزء الأول :
& جده &
جالسه تفطر هي وزوجها أبو حسام ...
أم حسام : وين وليد له مده مايجي البيت ..
أبو حسام : مسافر اليابان يعقد صفقه تجاريه ..مو مثل ولدك الثاني ..دقيت على
فرع لندن قالولي له سبوعين مسافر ..مادري هالولد متى بيعقل ..
أم حسام : والله كل واحد أجن من الثاني ..ولا فيه واحد شباب يتزوج ثلاث حريم في سنه ونص
وهو ماتعدى سبعه وعشرين سنه ؟؟...
أبو حسام أنشغل بتصال ..
أم حسام : ياميري ميري ..
ميري :نئم مدام ..
أم حسام : وين فطور الرجيم تبعي..
ميري : حازر مدام زحين زيب ..
أم حسام تطالع ساعتها بسرعه وجهزي عباتي والشنطة وقولي لسواق يجهز السياره ..
أبو حسام بعد ماخلص المكالمه : وين رايحه من بدري....
أم حسام : رايحه أفتتح معرض رسومات لفنانه تشكيليه أنا دعمتها وسويت لها المعرض
واليوم الأفتتاح وبعد كذا عندي غدا راح يحضرونه شخصيات مهمه ..
أبو حسام : أهاا ..حرم الوزير عدنان راح تحضر ؟؟
أم حسام : أكيد أولهم ..
أبو حسام : الله الله فيها ..عندنا مصالح مع زوجها ..ياليت تهتمين فيها وتقوين الصداقه بينكم ..
أم حسام : أبشر ..
دخلت أروى : قود مورننق دادي آند مامي ..وتروح تبوس أبوها على خدينه وتجلس..
أبو حسام : هلا هلا بحبيبه دادي ..هاه وش علومك عساك مستانسة ..
أروى بدلع : أكيد مستانسة ..فية وحده هالقمر أبوها وماتكون مستانسه ..وأنت دادي وش أخبارك ..
أبو حسام يبتسم : وفيه أبو هالدلوعه بنته ومايستانس ..
أم حسام : بس بس خربت البنت بدلعك لها ..
أروى بخبث : تغارين مني مامي؟؟
أبو حسام : هههههههه الظاهر كذا .
أم حسام قامت وهي تلبس عباتها : أقول أعقلي يا أروى
بلا مخفه وش أغار وماغار ..
ولبست شنطتها البيضا الكبيره
لويس فيتون والنظاره الشمسيه شانيل وتحجبت وبينت غرتها الهاي لايت ..يالله سلام وطلعت ..
أروى : دادي حياتي ..
أبو حسام : نعم ياروح دادك ..
أروى : أبغا طلب صغنوووون .
أبو حسام : آمري ..فهاللحظه دخل حسام وهو هلكااااان وعيونه حمرا : سلام ..وجلس ..
أبو حسام عصب : وينك أنت لك سبوعين مختفي ومهمل الشركه في لندن ؟؟
حسام : كنت مسافر الجنوب أغير جو مع نواف وأصحابه .
أبو حسام يتطنز : والله ياشيخ ..خبري بك ماتشجع السياحه الداخليه ..
حسام يبتسم : لا الحين أنا من المؤيدين ..
أبوحسام : الحين تروح تلبس وتجي معي الشركه عندي أجتماع بخصوص
فرع لندن ..وتحجز الليله على لندن ..تقابل شغلك ..فاهم ..
حسام : يبا والله تعبان ومالي خلق من أمس مانمت . .بكره يصير خير ..
أبو حسام بأصرار : قلتلك هالحين تمشي معي الشركه ..شوف أخوك وليد كيف مهتم بشغله وكيف يحاول يطور وينمي الشركه ..مو زيك ماهمك غير اللعب والدواره ..يالله قوم وش تنتظر ..
حسام بتعب : طيب أفطر بس ..
أروى : دادي لاتعصب بليز ..مو حلو شكلك وأنت معصب ..
أبو حسام لانت ملامحه وأبتسم : ماقلتيلي وش طلبك ؟؟
أروى : أبغا أغير سيارتي .
أبو حسام : على ذا الخشم .. وش بعد تبين ..
أروى : لا بس هالطلب ..
أبو حسام ياخذ البشت ويحطه على يده وهو مطبق ويطالع حسام : أنا رايح الشركه الحقني .. يالله سلام ..
حسام :طيب .. وطالع أروى : مو كأنك قبل شهر أشتريتي سياره bmw‏ ولا أنا غلطان ..
أروى : الا بس طفشت منها أبغا ماي باخ ..
حسام : لا والله ..وش هالتبذير ياأروى ..تغيرين سياراتك زي ماتغيرين أكسسواراتك وملابسك ..مافكرتي بعقاب ربك على أسرافك ..أنتي عارفه أنه فيه ناس مايلاقون أكل ياكلون ..فالمقابل أنتي تصرفين مئات الألاف فيوم واحد ...على حاجات ماتسوى ..
أروى : والله ربي منعم علينا الحمد لله ..ليش مانستغل هالفرصه وندلع نفسنا ..والناس اللي تتكلم عنهم ماأظن أنهم موجودين ..بعدين غريب عليك أن تتكلم من هالمنطق ..تتكلم وكأنك مجرب حياه الفقرا وعشت معاهم . . اللي أعرفه عنك أنك ماتهمك الفلوس ولو تصرف مليون في يوم واحد عادي عندك شاللي تغير ....بعدين أناملاحظه فيك شي متغير .....
أيوووه وين السلسله والحلق ..
حسام قام واقف : أقول أنتي الكلام معاك ضايع ..ومو شغلك ...وطلع الدرج ..

صحت على المنبه الساعه ٩ص
تذكرت أنها ماهي فالباحه أبتسمت ونطت وجري عالشباك طالعت البحر قريب وقدامه صف من المطاعم الراقيه : الله ياجده يأم الرخا والشده ..ذحين هذي ديره طلال ..تربا وعاش هنا ..أبتسمت لمن تذكرت شكله فالمطار البارح ..كان لابس بنطلون جنز زيتي وتي شيرت بيج ومسوي شعره جل ..كان شكله يجنن ..حتى السكسوكه لايقه عليه ..ضحكت على هبالته مع وائل ولؤي كيف كان يتحظنهم ويقولهم وحشتوني يا صدقاني ..وكان طول الوقت يوزع أبتسامات ...تنهدت وسكرت الشباك ...وجري عالصاله : يماا يماا ..
أففف شكلها نايمه ..راحت شالت جوالها تدق على فيصل ..
: ألو ..
موضي : أيوه فيصل تعال أنا طفشانه أبغاك تطلعني أبغا أشوف البحر أول بعدين توديني مطعم أفطر بعد كذا بروح السوق يقولون سوق جده غير وأبغا أتغدا بعد كذا في تشلز وياليت بعده توديني شارع التحليه أبغا أشوفه وبروح صالون هذاك وش أسمه المشهور ياربي ..أممم..
: ههههههه وش بعد ..كل هذا تبغينه في يوم واحد ..ياطماعه ههههههه هههههه..
موضي : سكتت شوي حست أن صوت فيصل مخشن شوي ..
فيصل أنت مزكم ؟؟
: ههههههه لا من قال أني فيصل أصلا ..
موضي : فيصل بلا سماجه وتكلم زي الناس ..
: ههههه وربي ماني فيصل ..
موضي تقلد ضحكته وتخشن صوتها : هههه أجل مين ..
: هههه ههههه .. والله أنك نكته ..أنا طلال ..فيصل نايم فالشقه وأخذت جواله عشان جوالي مو مشحون ..
موضي أنصدمت وقفلت فوجهه ووجها يحترق من الفشيله ..

عند طلال فالسوبر ماركت حقهم هو وفيصل ...بعد ماقفلت موضي فوجهه جلس يضحك : والله أنك رجه على أسمك ..لأن فيصل مسميها فالجوال الرجه ..بس والله عسل ياموضي ..ودق عليها وهو ميت ضحك وهي كل شوي تعطيه بزي ..صار يضحك أكثر من أول حتى كل العمال صارو يطالعونه ..أنتبه لهم : أس فيه كلام أنت أول مره يشوف واحد يضحك يالله كله يروح شغل يالله ...كتب لها رساله :
" ترا فيصل وصاني أجيب لكم أغراض من السوبر ماركت بعد شوي أنا جايكم ..وخفي من الرجه شوي ههههه"
موضي قرت الرساله وانقهرت وكتبتله :
" شكرا مانبغا منك شي وبطل لقافه "
طلال ضحك وكتب :
" لقافتي ماتجي مع رجتك شي "
موضي تنرفزت وكتبت :
" ذالحين من سمحلك ترد علي وترسلي رسايل ؟؟"
طلال :
" أنا سمحت لنفسي وش عندك بتضاربين "
موضي ضحكت على أسلوبه :
" أقول لايكثر بس ولاعاد ترسل وأمسح كل رسايلي من جوال فيصل "
طلال :
" حازر ماما ..أقول أنتي اللي لايكثر ..وخلي أحد يفتح الباب أنا برا معي الأغراض "
موضي ..ياربي وائل ولؤي نايمين وش أسوي ..راحت تصحيهم مارضيو يصحون ..أرسلت لطلال :
" الكل نايم كيف أفتح ؟؟"
طلال لقاها من الله :
" طيب أنتي أفتحي "
موضي :
" لا ياشيخ ..تنكت "
طلال :
" أقول بتفتحين غصب ..ولا ترا أدق الباب بقوه وأصارخ بأسمك ..عاد شوفي أمك
لاسمعتني وش بتاخذ فكره عنك "
موضي خافت :
" طيب طيب ..ياسخيف أنت وحركاتك "
وراحت لبست عبايتها وتلثمت وفتحت الباب ووقفت وراه ..
طلال وهو يدخل الأكياس وهو معطيها ظهره : أخيرا آنسه موضي مابغيتي ..
موضي ساكته بس تطالع شكله سحرها ..لابس بنطلون جنز سماوي لو ويست وتي شيرت أبيض كت وحزام بني وحاط النظاره على شعره الطويل شوي ..
طلال بعد ماخلص وهو لسا معطيها ظهره : لهدرجه شكلي حلو ..
موضي تفشلت : يع الا لوعت كبدي ..
طلال : هههههه ..ياشين الكذب أبد مولايق لك هههه ..والتفت لها بسرعه وهي نزلت راسها : يالله سي يو ههههه ..وأول ماطلع سكرت موضي الباب بسرعه وارتكزت عالباب وتنهدت ..واااو ياطلال ملكتني ..

فالأجتماع كانو يتناقشون وحسام كل شوي يتثاوب ويطالع ساعته ..دق جواله نواف يتصل بك ..كل اللي فالأجتماع طالعو فيه ..وقف وأبتسم سوري عالأزعاج بس أرد وأرجع ..طالع فيه أبوه بنظره يعني أجلس ..أنحرج حسام وأبتسم وهو من جوه يغلي وجلس ..ماراح أرد نكمل الأجتماع ..

عند نواف : وش فيه هالأهبل مايرد ..أرسل رساله :
" أنا عازمك عالغدا ..أبغا علومك وش سويت مع بنت الجنوب "

قرا حسام الرساله وأبتسم ..جابيرد وأن نظرات أبوه ماتطمن طرح الجوال وسرح فعالمه عالم شجون عالم جديد عليه عالم الحب ..من وين طلعتيلي ياشجون وقلبتي كياني ..آه أحبك ..
"""""""""""""""""""""""""""""""""

& الجنوب &
شجون فالمطبخ تساعد أمها فالغدا وطول الوقت سرحانه وتبتسم ..ياترا وش قاعد تسوي الحين ياحسام ...
الأم تطالعها : وش سالفتك أنتي اليوم أنهبلتي تضحكين لحالك ..
شجون أنتبهت : أيش ..
الأم : من أول أكلمك وأنتي ماتردين علي .. وش بلاك ..روحي ودي هالصحن أخوانك ينتضرونك وأنا بجيب اللبن ..

على الغدا ..
مساعد : البارح يبا حسام وسعود تضاربو ..شجون من سمعت أسم حسام قلبها صار يدق ..
الأبو : أيش ..ليش ؟ ؟ أناسبتهم البارح مافيهم شي ..
مساعد : ماأدري شفيه حسام متحامل على سعود ..بس سعود قاله أنشالله تحضر ملكتي ..هنا صار حسام يتكلم على سعود وعصب وسعود ماتحمل صار يسب وتضاربو ..حاولت أفرع بينهم ماقدرت ..
الأبو : عسا ماتعورو ..
مساعد : حسام ماجاه شي بس سعود دمى وجهه وتعور..
شجون فنفسها يستاهل ..وأبتسمت ياعمري ياحسام تغار علي ..
الأبو : غريبه وش فيه حسام خبري به عاقل ...
وطالع شجون : شجون بعد الغدا ابغاك فكلمه راس ..
شجون خافت لايكون شاف حسام البارح عند شباك غرفتي : حاضر يبا ...
"""""""""""""""""""""""""""""""""""

& جده&
فالمطعم نواف وحسام يتغدون..
نواف : ههههه أجل وقعت في شر أعمالك ..
حسام : أقولك فثلاثه أيام بس حولتني لعاشق ولهان ..عجيبه هالشجون
والله ..عارف أني أنام وأصحا وأنا أفكر فيها ..حتى وأنا نايم أحلم فيها ..
نواف : والله وجات البنت اللي قدرت على حسام الدنجوان وجابت راسه ..أذكرك
وش كنت تقول عن اللي يحبون ويتعذبون فالحب ..
حسام : ماعندي سالفه ..وماكنت عايش أصلا ..آه الحب هو
الحياه ..نفسي تجرب الحب يا نواف ..
نواف أرتبك ..فنفسه من قالك أني ماني مجرب ومتعذب أكثر منك ..لو تدري
أني أحب أختك الدلوعه
: أنشالله أجرب وأحكيلك
وتحكيلي ...وش راح تسوي وأنت تحب وحده مخطوبه ؟؟
حسام : هذاك الحقير راح أخليه يندم أنه فكر بس فيها ..وشجون لي
أنا ومحد راح ياخذها غيري ..
نواف : حسام فكر بعقل هو ماسوى شي غلط ..بنت عمه وخطبها وين الغلط ..وأنت
قلتلي أنها ماردت عليك لما أعترفت لها بحبك يعني أحتمال أنها ماتفكر فيك
وتحب ولد عمها وهو يحبها ليش تفرق بينهم ؟؟
حسام أشتغلت الغيره عنده : أيش تحبه !! لا ماضنيت واحد زي سعود على أيش
تحبه ..تنهد حتى لو تحبه ..حتى لو تكرهني شجون ماراح تكون لغيري يكفيني حبي لها ..
نواف : طيب فلنفرض خلصنا من ولد عمها ..هل تتوقع أن أبوك بيوافق
ويخطبها لك وهي من عايله على قد حالها ..صدقني ماحيرضى بيقولك ماهم من مستوانا ..
حسام : بس بس يانواف صدعت راسي ..
نواف : لازم تحط هالأمور بعين الأعتبار ..وأرجو أنك تصرف نظر عن الموضوع ..
حسام عصب :وش أصرف نظر مهبول أنت... أنا بكلم أبوي اليوم
فهالموضوع ..وأن ماوافق أنا بخطبها ...

عند موضي ..طلال كل بعد شوي يرسل لها رساله..
" وش رايك فالأغراض اللي جايبهم ؟؟؟ترا الكتكات والسنكرز لك .."
موضي : لااااااااا ..جايبلي شوكلت ؟؟أموت أنا عالكريم ياناس ..
ورساله ثانيه :
" أيه صح ..سمعت أنك مشفوحه عالشوكلت ..يالليت ما تاكلينهم كلهم مره وحده
علشان لا تصابين بالتخمه ..وخفي عالجوال شوي لا تاكلينه من العصبيه ههههههه"
موضي عصبت : سخيف ..وماراح أرد عناد لك ..
جاتها رساله ثالثه :
" ههههههههههههه لاتعصبين عاد ..أمزح معاك يـــــــــــــا مرجوجه ههههههههه"
موضي : هههههههههههههههههه ههههههههههههه ..والله أنك تجنن ياطلول ..في لحظه
تعصبني ..وفي لحظه تخليني مبسوطه ...ياناس يجنـــــــــــــــــــــــن ........
وأرسلت له :
" شكرا عالشوكلت يـــــــــــــــــــا ملقوووووف "
رد لها :
" أففففففففففففف ياليتني ماجبت لك شي ..صجيتيني من أول ترسلين...أف أزعاااااااااج "
موضي أنقهرت : شوف الكذاب هالحين من اللي صج الثاني بالرسايل ...طيب أوريك ..
جات بترد له ..أرسل :
" هههههههاااااااي ..برضو رفعت ضغطك مره ثانيه ..عن اذنك بروح أتغدا ...باااااااي مس رجه "
موضي قامت تنطنط عالسرير : يجنن.... ياخذ العقل ..أحبـــــــــــــــــــــــــه ...
""""""""""""""""""""""""""""""""
& الجنوب &
شجون : يبا الله يخليك ألا سعود مابغا أتزوجه ..
الأبو : يابنتي أنتي كبيره وعاقله أظن أنك ماتبغين لأبوك أنه ينحط فهالموقف أنا معطي كلمه لعمك أبوسعودالله يرحمه من عمرك سبع سنين أجي الحين أنقض كلمتي وأنا رجالن كبير مايصير أرجع فكلامي ..والكل عارف أنك مخطوبه لسعود ..وش تبين العربان بكره يقولون عنا ..بيتكلمون فيك أنتي يابنتي بيقولون ماسابها ولد عمها ألا شايف عليها شي ..ترضين لبوك بكره يمشي بين العرب موطي راسه...وسعود رجالن عن ألف رجال عقل ورزانه وكل المجالس تحسب له ألف حساب ..وهو يبيك يابنتي وشاريك من متى وهو صابر يحتريك... لو واحد غيره كان ماصبر كل هالمده....هاه وش قلتي يابنتي لاتخيبين رجا أبوك فيك ...
شجون حست نفسها مخنوقه مهما كان هذا أبوها مايهون عليها وكل كلامه
صح ...غرقت عيونها وبصوت مبحوح : اللي تشوفه يبا ..
أبو ماهر أبتسم ومسح على شعرها : أيه هذي بنتي اللي أعرفها ..استعدي يمكن نملكلك
بكره أو بعده والزواج بعد كم شهر ..سعود مستعجل..
شجون تحاول تكبت دموعها بس ماقدرت وقامت جري على غرفتها وقفلت على
نفسها وصارت تبكي حضها ..ليش لماحسيت أن الدنيا أبتسمت لي أخيرا صارلي
كذا ..آه أكرهك ياسعود أكرهك ........

"""""""""""""""""""""""""""""""
& لندن &
فالمطعم شاف دينا تأشر له وتبتسم بخبث ..تلخبط وحس نفسه مخنوق ..بعد اللي
سوته أمس لها عين تجي بعد ..ماراح أروح لها وبالطقاق هي وشلتها ..

عند دينا : وش فيه هذا مطنش ..وأشرت مره ثانيه ولا عبرها ..
هدى : من ناحيه أنه مطنش هو دوم مطنش ولا يرد عليك ..
دينا : وهذا اللي قاهرني حركات التطنيش هذي تحمسني زود أني أحتقره وأكرهه حياته ..
رغد : دينا أظنج أهنتيه بما فيه الكفايه خلاص سبيه فحاله ..
دينا : أقول أنا صرت بس كل تفكيري منحصر فماهر وكيف أحتقره ..يعني
أنسي أني أسيبه فحاله ...سيبونا من ماهر اللحين الا وين وداد ماجت معاكم ..
هدى : وداد هههههه طايحتلها على واحد عذااااب ..أش وسامه وولد
ناااس ..مريش وكامل أقولك ريتيك روشان على غفله ..
رغد : والله ماهي هينه هالوداد..
دينا لوت فمها : كل هالمواصفات ومالقي الا وداد عاد ..
هدى : حرام عليك والله وداد مملوحه وجذابه ..
دينا : أممم مابها شي ولا ماكانت صاحبه دينا البدر ..وتمسك شعرها
بدلع بس ماتجي شي جنبي ..صح ..
هدى ورغد طالعو فبعض نظره أستنكار من غرور دينا وسكتو ...
""""""""""""""""""""""""

& جده &
حسام دخل البيت مالقى أحد تحت دور فكل الصالات مافي أحد ..العاده من متى
أدخل هالبيت القى أحد كأنه بيت مهجور ..أففف شسوي أبوي لسا مارجع
عنه غداء عمل وعشا بعد ...لازم أكلمه اليوم قبل تطير مني ...طلع الدرج توجه لغرفه مها حس أنه
مشتاق لها من زمان عنها ...طق طق طق ..مها أنتي داخل ..جاها صوتها أدخل ..
حسام يفتح الباب ويطل : وش تسوي الحلوه مها ...
مها بصراخ : حســــــــــــــــااام متى جيت وحشتني يالشين ونطت عليه وحظنته بقوووه ..
حسام : هههههههههههه هههههه شويه شويه علي ...وش أخبارك ويقرص خشمها
والله ولك وحشه ..
مها مدت بوزها : كذاب ماوحشتك ..لو أوحشك وتشتاق كان ماتجلس بالشهور فلندن ماتسأل
عني لو حتى بتصال ..
حسام : أفا أنا كذاب ماهقيتها منك يامها ..خلاص من اليوم ورايح راح أرجك بالاتصالات ...هاه
مبسوطه ..
مها تدفن راسها فصدره بقوووه : أكيد مبسوطه ...أصلا استغربت لمن دقيت الباب قلت
من هذا اللي تذكرني وسأل عني ...ورفعت راسها حسام يالله قوم طلعني وأعزمني عالعشا خاطري
أطلع معاك يوم ..
حسام : مها ماتشوفين حالتي كيف ..والله تعبااااان لي يومين ماذقت طعم النوم ..
مها بوزت : شفت أنك مو على قد كلامك ..
حسام : مها حبيبتي خليه يوم ثاني ..والله تعبان ....
وطالع الساعه 5:25 العصر ...أمي موجوده ولا طالعه ؟؟
مها بزعل : مادري عنها ..
حسام : برضو زعلانه ...يالله قومي البسي أمري لله ..نروح البحر نتمشى شوي ..وبعدين
نتعشا فمطعم ..
مها تشققت من الفرحه وباست حسام بقوووه : أحبك يأحلى أخو فالعالم ..
حسام : بس بشرط..
مها : أشررررررررررط ..
حسام : نرجع بدري أبغا أكلم أبوي فموضوع ..
مها : أوك ..
حسام : يالله البسي وأنا رايح أسلم على أمي ..
مها : حاااااضررررررر ..طيررران ..

عند غرفه أم حسام ..
حسام طق الباب ..جاه صوت أمه : مين ..
حسام : أنا حسام ..
الأم : أدخل ..
فتح الباب ودخل لقاها مستلقيه على الشازلونق ..والمدلكه تدلك رجولها بالكريم ..
ووحده ثانيه تبردلها أظافرها : هاي مام ..
الأم : أهلين حسام حبيبي ..أمتى جيت من لندن..
حسام.. ماهي داريه عني لي اسبوعين فالسعوديه : من أسبوعين وسافرت الجنوب أستجمام ..
الأم بقرف : أستجمام فالجنوب !!
حسام : وش فيها الجنوب يما ..
الأم : أمممم ماهي من مستوى حسام البدر ..ولا أنا غلطانه ..
حسام ..كيف لو تدرين أني بتزوج من الجنوب هذا وأنتي المكان حقهم
محتقرته ..والله وتعقدت زياده ياحسام : أيه صح ..بس شسوي بنواف أصر أني أروح معهم ..
طق طق طق ..الام : أدخل ..
طلت مها لابسه عبايتها والضحكه شاقه الحلق : يالله حسووومي ..
حسام قام وباس راس أمه : يالله ..
الأم : على وين ..
مها وهي فرحاااانه : رايحين نتمشا ونتعشى فمطعم ...مامي تعالي معانا ..
الأم : لا لا أنا مشغوله ..روحو أنتو ..
مها بخيبه أمل : طيب ..وطلعت وسكرت الباب ..

بيت أبو نواف ..
ترن ترن ..ترن ترن ..
زهور تطالع هديل فاغره فالتلفزيون تطالع فلم : هديل ..هديــــــــــل..هديل وصمخ..
هديل وهي مركزه : هاه ..
زهور : قومي ردي عالتلفون ..
هديل : أووووه مابغا أفوت لحظه من الفلم ..
زهور صرخت عليها قومي قبل مايقفل يابنت هذي ثالث مره يدق ..
هديل قامت وهي عيونها عالفلم : ألو .................أيوه هذا بيت محمد البدر .............أيوه ...........طيب
شكرا ...............مع الســ..لحظه لحظه أيش .....................وش تقول أنت ............
جاتها أمها وأخذت السماعه منها : وش فيه .................................أيه ......................أيه
.....................................أيـ ــــــــــ ــــــــــــــــش......

فالمطعم ...
حسام وهو دايخ : هاه عجبك الاكل ...
مها : أكيد دام أنت معايه كل شي حلو ....
حسام : طيب نمشي ...
مها : لاااا لسا ماطفشت ..
حسام : وأنا بستناك لين تطفشين ...
مها : أيه ..بس أنا عارفه أني ماراح أطفش الا الصبح ..وصراحه رحمتك شكلك
يحزن ...يالله نمشي ..
حسام يوقف : الحمد لله أفراااج ..

دخلو البيت مع بعض وهم يضحكون ...
حسام :ميري.. ياميري..
ميري : يس سر ..
حسام : وين أبوي ..
ميري : هذا بابا مكتب ..
حسام راح المكتب لقا أبوه يتكلم فالجوال شافه وأشرله يجلس ...

المستشفى...
هديل وأمها يبكون عند باب الغرفه ...وجاهم نواف بسرعه : وش فيه جهاد..
هديل والأم زاد بكاهم : .............
نواف : طيب طلع الدكتور وش قالكم ..
هديل والام : ..................
نواف عصب : بطلو بكا وجاوبوني ..
جاه من بعيد ثلاث شباب في سن جهاد ملابسهم مبلله وحالتهم حاله ..
واحد منهم تكلم : أنت أخو جهاد ؟؟
نواف : أيه وش فيه جهاد ..
: غرق فالمسبح وأنقذناه فأخر لحظه ..
نواف : كيف ...خبري بجهاد يعرف يسبح ..
:كنا مسوين مسابقه ..كلنا ندخل تحت المويه وآخر واحد يطلع هوالفايز ..
طلعنا كلنا الا جهاد تأخر ..أستنيناه طول ..نزلتله تحت المويه لقيته غرقان ..
طلعناه وسويت له تنفس صناعي ..الحمدلله أستجاب وجبناه هنا ..
طلع الدكتور ...جاه نواف بسرعه : هاه دكتور طمني ..
الدكتور : الحمدلله فاق وهو اللحين نايم ..لحقنا عليه فآخر لحظه ..والتنفس الصناعي
فادنا كثير ...سويناله تنظيف لأنه شرب كميات كبيره من المويه ...والظاهر يعاني
من ربو حاد عشان كذا بسرعه أغمى عليه جوه المويه ..راح يجلس عندنا
كم يوم ويطلع ...والحمدلله على سلامته ..
نواف : الحمدلله .. ..نقدر نشوفه اللحين ..
الدكتور : أيه تفضل ..
نواف : شكرا دكتور..
الدكتوريبتسم : أشكر الاخ اللي سواله تنفس صناعي ..
نواف طالعه : شكرا يا ..وش أسمك ..
رائد يبتسم : العفو أسمي رائد..
نواف : يالله ندخل ..لحظه بس أخلي أمي وأختي يشوفونه وبعدين تدخلون ....

بيت أبو حسام ...
أبو حسام : أيش وش قلت ...لا أكيد صار لعقلك شي ..
حسام : يبا أنا أبغا هذي البنت خاطري فيها ..
أبو حسام : وكمان تعيدها مره ثانيه قدامي ...أنا عبدالله البدر أناسب هالاشكال الي
مدري من وين طايحلي عليهم ...نسيت أنت ولد من ..نسيت مستواك ومركزك
ياحسام ...وش تبا الناس بكره تقول عنك ..حسام ولد البدر تزوج وحده ماينعرف
أصلها من فصلها وحده فقيره وحده توطي راسنا فلأرض ..
حسام : يبا من قالك مالهم أصل بالعكس هم من عايله قبيليه معروفه ..بس عيبهم
أنهم فقرا ..الفقر موعيب يبا..
أبو حسام : أذا خاطرك فالزواج هالحين أروح أخطبلك دينا بنت عمك ..ولا أخطبلك
من عند الوزير عدنان ..
حسام عصب : أنا ماراح أتزوج الا شجون ..
أبو حسام عصب هوالثاني : يرجع ويقولي هالفقيره ..حسام لاتفكر مجرد تفكير أنك
راح تتزوجها ..ولاعاد تجيبلي سيره هالموضوع نهائيا ..الموضوع منتهي
بالنسبه لي ...وأفضل أنك تنساه ..
حسام قام واقف وهو واصل حده من التعصيبه : شلون يعني ماراح تخطبها لي ..
أبو حسام : أنا وشقلت ..هالموضوع أنســــــــــاااااااه ..فاهم ولا أعيد ..
حسام : طيب أنا بروح أخطبها بنفسي ..
أبو حسام : شوف ياحسام ..والله أن سمعت أنك تزوجتها لا أنت ولدي ولا أنا أعرفك ..
راح أخليك حافي منتف ..حتى الورث راح تنحرم منه ..
حسام طلع من المكتب وهو مقهووووور ..طلع سيارته وضرب عالدركسون ..
أنا مايهمني هالعز هذا كله مابغا شي من حياتي ..ماأبغى الاشجون وبس ..وأذا أنت
تبريت مني يبا حتى أنا مابيك أصلا من متى حسيت أنك أبوي ...وحرك سيارته عالجنووووب .......

نهايه الفصل الرابع الجزء الأول..
توقعاتكم تهمني ..
القاكم على خير في الفصل الرابع الجزء
الثاني ..