منتديات كوفي كوب Coffee cup - عرض مشاركة واحدة - كل مايخص الأمير بدر بن عبدالمحسن ( البدر )

05-19-11, 11:18 PM

ان بكى الليل والدمعات سود
وسال كحل ٍ على قمرا الخدود
أعرف انه هوى نجمٍ فريد
مثل نوره سديم بلا حدود
حسبي الله عدد ضي النجوم
ورحمة الله على سهيل العنود
عمتي يشهد الله عمتي
هذا حق النسب وأغلى الجدود
وعمتي في المحبة والعطا
وعمة الناس يالقلب الودود
والله أكبر خذت منك السنين
كثر ما غيبت منك اللحود
والله أكبر خذيتي من السنين
كل ما يجعل الذكرى خلود
وأكثر الناس حقٍٍ في البقا
من إلى بخلت الدنيا يجود
ويحمد الله على طول الحياة
من قصَرها على تقوى وسجود
ما على الزهر لومٍ لو بكى
وذير الصوت غزلان النفود
خلّ نجدٍ تبوح بحزنها
قبل تنسى معــالمها النجود
كل شي مرده للزوال
وكل عبدٍ .. لخلاقـــه يعود

قصيدة كتبت في رثاء
صاحبة السمو الملكي الأميرةالعنود بنت عبد العزيز.
رحمها الله و اسكنها فسيح جناته.