منتديات كوفي كوب Coffee cup - عرض مشاركة واحدة

#1 12-04-08, 06:30 PM

شفتها ياسعود صدفة بعد ماغابت سنين
عند قسم المختبر وسط مسشفى الجامعه

جيتها ثم قلت ممكن في سؤالي تسمحين
ناظرت فيني بدهشه نظره متواضعه

قالت انت تحسبني من بنات صايعين
تحسبني في زماني عن طريقي ضايعه

قلت انا ماراح اطول كلبوها كلمتين
وابعدت عني شويه ثم جتني راجعه

قالت اسال واضح انك من رجال طيبين
بس هرجك يالسنافي كان وشهو دافعه

قلت انا حبيت وحده يوم كنا صغيرين
ومن ثمان سنين راحت للمواصل قاطعه

عقبها ماذقت نوم يهتنيه النايمين
ساهر في طول ليلي لين شمسي طالعه

اذكر انه فيه حبة فوق ثغره من يمين
واذكر انه لاجرينا كن شعره تابعه

واذكر انه عاشق الورد والياسمين
صار قلبي بالورود اللي عشقها زارعه

طابعا اسمه بقلبي فيه سين وفيه عين
وفيه الف وفيه دال وسط قلبي طابعه

قاطعتني بقولها سبحان رب العالمين
كررتها مره... ومرتين... ورابعه

قلت وش فيك وشبلاك يابنيه ترجفين
ليش عينك يابنيه من كلامي دامعه

قالت الموقف وقلبي والمحبه والحنين
كيف اشوفك بعد ماكنت عنك قانعه

قلت انا بسالك انكانك انتي تذكرين
عن مواثيق ثمنها من حياتي دافعه

قالت ظروف الزمان ماتطيع العاشقين
بيعوني غصب حبك لو هو ماني بايعه

انا في دنياي حالي كنها حال السجين
حتى لو فكوا سراحه فيه شي مانعه

زوجوني غصب واحد وحرموني حاجتين
السعاده في زماني والحياه الرائعه

والحين انا ام لثلاثه عندي ريم وياسمين
والولد اسمه على اسمك والمشاعر جايعه

الموضوع الأصلي: قابل محبوبته صدفه بعد ثمان سنين || الكاتب: » Łέτк мзέ || المصدر: منتديات كوفي كوب

http://www.cofe-cup.net/vb

كلمات البحث

جامعة الإمام عبدالرحمن بن فيصل ، واجبات ، ملخصات ، ملازم ، أسئلة ، جامعة ، كوفي كوب

المصدر: منتديات كوفي كوب Coffee cup - من قسم: قافية شاعر

rhfg lpf,fji w]ti fu] elhk skdk