يا صاحبي طالبك خلني بحالي
مآبي أضيق خاطرك وأنت مرتاح
يا صاحبي وإن غبت عنك ليالي
غلاك باقي بالحنايا ولا راح
تبي أسولف لك شالي جرالي ..؟
أخاف يمسح قولنا الصبح لا لاح
اجل تعال اجلس هنيا قبالي
دام الحطب طاح وكثير العتب طاح
لو كل شخص اليا عطيته وفالي
ما كان بالدنيا حزن ليل وجراح
لو كل غالي قدر إحساس غالي
ما شفت ذاك الدمع من محجره ساح
لو كل قلب من الحسد جاك خالي
ما يشتكي من شح الأمطار فلاح
لو كل واحد جاك طبعه مثالي
ما كان بالدنيا سجن ناس وأصلاح
لولا الذنوب اللي بكبر الجبالي
ما كان جيش الكفر لبلادنا أجتاح
لولا الردي يعرف شمعنى العيالي
ماقط أبوه بدار الآلام يا صاح
هذا بعض حزن السنين التوالي
طير الحزن مبطي على خافقي ناح
ما أقول إن الخير ماله مجالي
لا والذي يفلق من الليل الإصباح
لكن هنا بعض الألم يا حلالي
وأنا أدري إن العود يوم أحترق فاح
أول أقول إني صبور وشمالي
واليوم لا والله انفجر سدي وباح
ماقلت لك ياذيب خلني بحالي
هذا أنت ضقت وأذكرك جيت مرتاح مماراق لي..
.. وهذا رابطها باليوتيوب..>>اسمعوه احلى ..
()