منتديات كوفي كوب Coffee cup - عرض مشاركة واحدة - لوٍ أنآ مأعشقكـ أجل وٍش إللى مصبرٍنيـ على هبآلكـ

#1 10-26-08, 07:24 PM

لوٍ أنآ مأعشقكـ أجل وٍش إللى مصبرٍنيـ على هبآلكـ

اشكك في غرامه دووم/ انشف ريقه ودمه
تعذب قلبه اوهامي وانا ظنوني تعذبني

محال اليوم يمر بدون زعل ،، لا يمكن اتمه
غصب اخلق مشاكل له واجننه ويجنني

اجي واحوس له جوه وازيد بهمه وغمه
واذا هو اشتكى // ابكي واقول انك ما تفهمني

يحاول يبتسم لكن يقول آلآآآهـ من همه
يقول ارجوك ابي افهم وش المطلوب بس مني

عطيتك قلبي وروحي // واحبك واعشقك جمه
ولا غيرك ابد انسان يبعثرني ويلملمني

تشوف العين ومهما تشوف مكانك باقي بالقمه
وحيده داخل فؤادي ومنك الشك متعبني

دخيلك افهمي حبي ما راح اعيد (هالكلمه)
ترى صبري وصل حده ومابه شي يجبرني

بأن اتحمل جنونك واشوفك منتي مهتمه
بأني انبسط وافرح،،وقربك مو مريحني

خفوقي يعشقك وانتي خفوقك ما نظر يمه
ذبحني شكك وخوفك،،ترى طبعك ما يعجبني

دخيلك وش به مقصر ابي تقولين واتمه
حلفت الفين ما اخونك وقلبك مو مصـدقني

صرخت وقلت : بعض جنون،مثل ما تشتهي سمه
ولكن قلبي متأكد واحس انك ما تعشقني

ويوم انهلت دموعي بدى يمسحهن بكمه
وقال الحين ابي اسال وابي قلبك يجاوبني

آخذ راسي الى قلبه وقال ابي بهالضمه
تسمع دقه الخفاق ومآ تلقاه علمني..

وقمت اسمع انا احبك وهو مآ قالها بفمه
وعينه تحكي الاحساس اكلمها وتكلمني

ورحت ابكي على صدره وقال الحين بالذمه:
لو اني ما اعشقكـ.. وش اللي على هبالك مصبرني؟؟!!

ـ ـ ـ ـ

رآآآآآقت لي
وأتمنى ان تروق لكم

الموضوع الأصلي: لوٍ أنآ مأعشقكـ أجل وٍش إللى مصبرٍنيـ على هبآلكـ || الكاتب: » Łέτк мзέ || المصدر: منتديات كوفي كوب

http://www.cofe-cup.net/vb

كلمات البحث

جامعة الإمام عبدالرحمن بن فيصل ، واجبات ، ملخصات ، ملازم ، أسئلة ، جامعة ، كوفي كوب

المصدر: منتديات كوفي كوب Coffee cup - من قسم: قافية شاعر

g,S HkN lHuar;J H[g ,Sa Yggn lwfvSkdJ ugn ifNg;J